العضوة: 275918 , 5 years ago

اعتذر بنات بس القصه ماعم تنسخ معي صرلي ساعه بحاول فيها شوفوها عالفيس لحد ماتنحل المشكله معي

العضوة: 304218 , 5 years ago

ما بعد قلبي تسلميلي 🌹❤️💕

العضوة: 275918 , 5 years ago

الجزء التاسع: -رولا: مش يمكن تصرفاتك عم تمنعو ... -ليان: انت حاج فلسفة ... اي ... وشادي مانو هون فيكي تروحي .... -رولا: ههههه ... مع اني جاي كرمالك مش كرمالو .... -ليان: صدقتك .... روحي انتي التانية واعترفيلو انو بيعجبك .... -رولا: ما تطلبي مني شي انتي مانك قدو ... انت كل عمرك ح تضلي تحبي من طرف واحد .... -ليان: مين قللك بحبو ... -رولا: ليان بلا ما نكذب ع بعض ... عيونك فاضحتك ... والا شو بدك بكلمة بحبك من تمو ... ياما سامعيتا من كتير شباب .... -ليان: ....... عم قاوم هالمشاعر ... بس بلحظات غضب بيطلع كل شي بقلبي بلا وعي .... ذكرى ميار لهلأ ملاحقتني ..... -رولا: رح يقولا ما تخافي ... وبوقتا كل الماضي ح تزتيه وراكي وتمشي انتي وياه ع طريق كلو ورد .... بوقتا بتزبطيلي اخونا شادي ..... -ليان: هههه ... اخ منك بس ... بحس انو معجب فيكي .... -رولا: قولي والله .... -ليان: بيسأل عنك دائما بطرق غير مباشرة ... من اول لقاء لما شافك معي قللي انك تغيرتي كتير عن ايام الجامعة .... -رولا: هالقد كنت بشعة بوقتا لحتى هلأ لانتبهلي .... شيلك هلأ واحكيلي شو بيسأل .... -ليان: منا نضل بالشارع ... جاي ع بالي شاورما ... امشي ناكل ... -رولا: لك لياااان ما تلعبي باعصابي .... وين رحتي .... _________________________________ -جو: مشي الحال ... ح مر وراها المسا .... قالتلي بكون يوم الوداع ... رح ترجع بكرا ع استراليا .... -خالد: حلووو اجت منهاا ... بتنفعنا قبل ما تفل .... -جو: انشالله يمشي الحال ... -خالد: بيمشي ... بيمشي .... ________________________________

العضوة: 275918 , 5 years ago

-ليان: ٢ شاورما بلييز .... -رولا: يلا احكي ... ييي علينا هلأ وقت تلفونك ... ما تردي .... -ليان: هاد كنان ...... الو زمان ما بين ..... الوو اي حضرة المقدم ... اي ماشي ... انا بمحل ملك الشاورما ... بشارع ماتور .... بانتظارك .... -رولا: هلأ وقتووو ... -ليان: يي .. ما ع اساس ما كنت خالصة من نقك بتلميحاتو الي .... -رولا: هاد قبل ما يدخل جو عالخط .... -ليان: قللي انو قريب ... دقيقتين وبوصل .... -رولا: طيب انا رايحة ... بالناقص من حكيك .... -ليان: لك لا تزعلي ... المسا بحكيلك كل شي بالحفلة .... اكيد ح تجي صح .... -رولا: مش كرمالك ... كرمال شادي .... يلا باي .. ليكو وصل .... -كنان: مرحبا .... مد ايدو للسلام ... وكز ع ايدا بقوة ... وهيي تلبكت وشالت ايدا بهدوء ... اشرتلو عالمقعد .... واجا الجرسون حط الشاورما قدامها ... -ليان: تفضل ... يلا هالسندويش طلع من نصيبك ... راحت رفيقتي قبل ما تاكلا ... -كنان: شكرا ... -ليان: الك اكتر من ٣ اسابيع مش مبين ... اخر لقاء فهمت انك مسافر .... -كنان: اي والله .... كان عندي شغل كتير ضروري برا البلد .... -ليان: عال موفق ... انشالله كلو مشي تمام .... -كنان: اي اكيد ... واليوم الصبح وصلت ... وانتي اول حدا خطر ع بالي ... رغم انو الفترة الماضية ما غبتي عن بالي ولا لحظة .... ليان انا اشت ... -ليان(قاطعتو): استاذ كنان رجاءا ... ما تطلع عن الحدود ... -كنان: بس اخر لقاء قلتلك انو ما كملت حكيي وفي لقاء تاني ... صح اتأخر بس اجا ... -ليان: وبوقتا لو ما فليت ضروري كنت قلتلك .... انو تشيلني من بالك ... -كنان: عطيني فرصة ... عالاقل نتعرف .... -ليان: انا اسفة ... بالاذن ... -كنان: بس .... ما ردت عليه وكملت مشي لبرا ... والتقت برولا وشادي جايين ... -ليان: يي شو جابكن .... -رولا: التقيت فيه بعد بشارعين ... ووقفلي ليوصلني ع بيتي ... -شادي: اي سألتا عنك وبس قالتلي مع كنان اجيت شوفو ... -ليان: بتعرفو ؟؟؟؟

العضوة: 275918 , 5 years ago

-شادي: يمكن ما يكون هوي ... شكيت من حديثا بكون هوي ... بعديلي لإتأكد ..... مشي خطوتين ليفوت لجوا مع طلعة كنان .... -شادي: يا محاسن الصدف ... هوي بذاتو .... لك كيفك شريييك .... -كنان: شاااااديي ؟؟؟ تعانقو وقعدو يحكو سوا ... وليان ورولا ع جنب عم يتهامسو .... -رولا: لك هاد شادي معقول صدفو ... ما ضل حدا ما بيعرفو ... شي جو شي انتي وهلأ كنان .... -ليان: عندو معارف كتير ... ناسية انو من ايام الجامعة كان الكل يعرفو واذا نضهر معو كل الطريق يضل يوقف ويسلم ع فلان وعلتان .... -شادي: اي ماشي ماشي ... لكن بشوفك المسا بالحفلة ... انا بدي وصل الصبايا ... -رولا(بهمس): كل حدا بشوفو بدو يعزمو عالحفلة ..... ________________________________ المسا بالحفلة الضخمة اللي ع شرف افتتاح مشروع جو وشادي كان في الكل .... بي ليان وامها ... عيلة شاهين كلها ... جو وتاليا وخالد ... شادي وكنان ... وباقي المعارف كلهن ...... وبهاللحظة دخلو ليان ورولا سوا .... كانو نازلين من اعلى الدرج ... متأخرين عن باقي الحضور .... والكل كان نظرن عليهن ....... -ليان(بهمس): مين هالشقرا اللي مع جو .... -رولا: ما بعرف ...... لا تحكي ... ابتسمي وبس ...... قربو من طاولة اهلا لليان ووقفو سوا ... وبهاللحظة ... انحطت موسيقى هادية ... وكل تنين بلشو يقربو ليرقصو سوا .... قرب كنان من طاولة ليان ... ومد ايدو ليرقص معا .... رفعت راسا وكانت بدا ترفض ... بس بهاللحظة لمحت جو هوي وتاليا عم يقربو عالوسط ليرقصو ... ابتسمت ومدت ايدا .... ومشيو ليرقصو .... نار الغيرة شعلت بعيون جو .... واطلع ع خالد فورا .... بنظرة بتعني شفت انو اخر همها .... -كنان: وين عيونك ... ؟ .. عم ترقصي معي او معن .... -ليان: ........... -تاليا: حبيبيي ... وين عم تطلع .... -جو: ولا بمكان ... -شادي: رولا ... ترقصي معي .... -رولا: اكيد ... -كمال: اتركي الولد مع امي وتعي نرقص ... -رامية: اي يلا .... اما فادي .. كان قاعد وعم يراقب الكل ... وعم يحاول يدور ع شي فريسة يرقص معا ...... قرب احمد شاهين من طاولة راجي ... وحرك براسو بمعنى الحقني وطلع لبرا .. ثواني ولحقو راجي ..... -احمد: شو صار معك ؟؟ ... الشحنة اليوم بتوصل ....

العضوة: 275918 , 5 years ago

-راجي: اي بعتت رجالي ... ما لازم حدا يشوفنا سوا ... ما بدنا تصير الانظار علينا ... نحن قدامن شركتين منافسين ما منتعاطى مع بعض ... -احمد: ما تخاف ... النظر مش علينا ... بعيون الكل انا عم فلس ... -راجي: كتير منيح .... بس انا لازم خاف ع حالي ... -احمد: لا تخاف ... بعد هالشحنة منوقف فترة ... لازم نبلش نركز ع جو عبدالسلام ... ما عاجبني وضعو .... -راجي: حتى انا عم يثير شكوكي .... انتهى حديثن ورجعو عالحفلة .... كانت الرقصة خالصة ... وكل واحد واقف حد طاولتو ..... -ليان: لك رولا شوفيها كيف عم تتغمالو وتضحكلوو .... رح جن ..... -رولا: اووه اشتعلت الغيرة .... حلوو ..... -ليان: بلا فزلكة ولي رولا ...... ثواني واقتحمت الشرطة المكان .... والعالم كلها بلشت تطلع ببعضا ... لحد ما حكا الشرطي ... -الشرطي: راجي بحر ... احمد شاهين ... مذكرة باعتقالكن ...... (اطلع بكنان) ... احترامي سيدي .... قرب كنان منن وسحب الكلبشات ... وكبل ايديهن ... وامر العناصر انن ياخدونن ... وقرب من ليان .... -كنان: انا جدا اسف ... صرلي فترة غايب وعم اشتغل ع وقوعن ... اشتغلت بنصيحتك .... -ليان(بهمس): بس بابا ..... ________________________________ بعد مرور عدة ايام .... كانت طالعة ليان من المحكمة هيي وامها ... ووراهن عيلة شاهين .... بعد ما انحكم ع راجي واحمد ١٥ سنة مع الاعمال الشاقة .... -ليان: كنت عارفة انو ح يجي هاليوم ... كتير نبهتو يبطل هالشغل ... وع اساس هدي اخر فترة ... طلع من تحت لتحت عم يشتغل .... مع احمد كماااان .... ع اساس اعداء ...... -ام ليان: الله اصطفل فيه ..... ليان .... -ليان: قليلي .... -ام ليان: خديني عند لين .... -ليان: شو هلأ اجتك الجرأة ؟؟؟ ... لك اخ بسس اخخ .. سنين رافضة تشوفيها بسببو وعم تدعي اللامبالاة وانا بعرف حرقة قلبك ... وكنت قللك انا بحميكي منو بس ما كنتي تردي ...

العضوة: 275918 , 5 years ago

-ام ليان: خلص انسي الماضي ... خديني هلأ ... اشتقتلا .... -ليان: تكسييي .... شارع ارجي اوغلو .... البيت السابع ..... وصلو لهونيك ... ونزلت ام ليان خايفة واجريها عم يرجفو ... دقت ليان عالجرس ... -ام ليان: خلينا نرجع ... بلكي ما سامحتني .... -ليان: لك ناطف قلبا ع شوفتك ... انفتح الباب ... واتركزو عيون لين ع امها ... وبدون سابق انذار رمت حالا بحضنا وصارو تلاتتن يبكو .... -ليان: لك والله ما الي نفس ابكي ... فوتو اغمرو بعض جواا ... كانو مستمتعين بالغمرة وشهقاتن مسموعة .... وما عم يردو ع ليان ... لحد ما فاتت ليان لحالا واتوجهت ع غرفة لولو .... -ليان: لولوووو ... اجت خالتك .... لك دخيلو ... دخيلو الكبرااااان ... يا روح خااالتك ..... حملتا ووقفت قدام الباب .... -ليان: امي ما بدك تشوفي حفيدتك .... بعدت ام ليان عن لين ودموعا ع خدها ... وقربت فورا من ليان واخدت لمار من بين ايديها ..... وصارت تبوسها .... -ام ليان: يا روح ستك .... قربت ليان من اختا وغمرتا ... وهمست "اشتقتلك" .... اجا علي من برا ولمح بس ليان .... -علي: شو ليان عناااا .... قريت ليان منو وغمرتو .... بس لمح مرت عمو ... صفن فيها وابتسم ... -علي: اهلا وسهلا مرت عمي .... نور البيت .... فاتو كلن وقعدو بالصالون .... -لين: الك بالعادة تطولي اكتر لتجي ليان ... وشو صار لحتى تنازلتي يا امي وجيتي تشوفي بنتك .... -ام ليان: لا تواخذيني يا بنتي ... بس بيك كان مانعني ... -لين: وهلأ شو اتغير ... -ليان: بابا انحكم عليه ١٥ سنة .... -لين: شووووو ؟؟؟؟؟ ........ لحظات صمت خيمت عالكل سوا ... لحد ما غدرتا دمعتا لين ... زورتا اختا .... -ليان: بعد كل اللي عملو معك عم تبكي .... -لين: اجا من حوالي شهر لعندي .... -ليان: شوووو ... كيييف ... ليه ما قلتيلي .... شو اجا ساوااا .... -لين: ولا شي اتأملني عالباب ... وحمل بنتي ثانتين وفل ..... -ام ليان: عم تحكي جد ؟؟ .... ____________________________________

العضوة: 275918 , 5 years ago

جو: رح جن ... الي كم يوم ما شفتا .... شو عم تعمل شو عم يصير .. كانت عم ترقص مع المحقق بالحفلة بكل برودة وما اهتمت لوجود تالبا معي .... بيها اليوم كانت محكمتو ... ما حبيت روح احسا ما تفكرني شمتان فيها ... بس اشتقتلااا ... -خالد: خلص روح اعترفلا بما انو قصة تاليا ما نجحت .... -جو: شو سهل الحكي .... حتى الحفلة انتزعت قبل ما عرفها ع تاليا .... -خالد: خلص يا اخي ... ادفن حبك بقلبك وخلصني ..... ليه هيك عم تتطلع فيي ... لا هيك عاجبك ولا هيك ... شو اعمل .... -جو: طيب بيعني سكوتك .... عطيني خطة تانية ... -خالد: اسكت او عطيك خطة .... اعتمد !!!! -جو: خاااااالد ..... -خالد: سكتناااا .... _________________________________ -لين: خليكن كمااان ... لا تروحو .... -ليان: الايام جايي اختي ... عندي شغل ... ما عاد فيني اترك الشركة متل قبل .... وبتصيري تزورينا متل اي بنت بتزور اهلا هيي وزوجا وبنتا ....ونحن منجي بالعطل ... ما عاد في حواجز .... -لين: انشالله اختي .... -ليان: بخاطرك صهر ... يلا امي .. لو بتضلي حاملة لمار هيك لبكرا الصبح ما بتشبعي ... اسأليني الي ... ودعو بعض ... وضهرو من البيت .... ابتسمت لين لعلي وقربت غمرتو هيي وحاملة لمار ....

العضوة: 275918 , 5 years ago

-لين: انا كتير مبسوطة .... -علي: واختك كمان اول مرة بشوف وجها هيك مرتاح ... رغم انها بتحبو كتير لبيك ... بس غيابو كان افضل من وجودو ..... -لين: صحيح .... __________________________________ -ليان: اي وقف عندك ... امي انا نازلة عالشركة ... وانتي كملي عالبيت ... وبعتيلي سيارتي مع شوفير بابا ... بدي قبضو وفللو ... -ام ليان: ماشي بنتي .... نزلت ليان معجوقة بغراضا ... وشنتايتا ... رفعت راسا وشافت جو بوجا .... -ليان: ييي علينااا ... انت طالعلي بالسحبة .... -جو: جيت شوفك ... ومن حسن حظي لقيتك .... -ليان: امر .... -جو: فينا نحكي كلمتين بشي كافيه ... -ليان: لا ما فينا .... عندي شغل ... بالاذن .... تركتو وفاتت هالشركة .... وهوي ركب سيارتو ... ورفع تلفونو .... -جو: خلص خالد ... ما في امل ... لازم انساها ... وما بقا شوفا ... اي هيدا الصح ... بكفي ذل .... لا ولا بيوم رح اعترف .... لا هلأ ولا بعدين ..... ________________________________ بعد مرور يومين ..... -رولا: لوين رايحة ...؟ -ليان: لك ما الو بالعاادة ... كان يطلعلي كل دقيقة ... الو يومين ما سأل ... -رولا: ع اساس كان يشوف منك ابتسامة ... ما حضرتك كنتي تصديه دايما .... وناطرة منو يضل يلاحقك .... طيب وهلأ اذا رحتي شو ح تقيليلو .... هاا ... احكي ... -ليان: ما بعرف .. بشوف .... مشيت ليان .... وبسرعة قياسية وصلت ع شركة جو ... قربت بدا تدق الباب ... وكانو خالد وجو عم يحكو جوا .... -خالد: شو يعني هلأ ... خلص ح تسافر ... -جو: اي .. رح ارجع ع استراليا ... بكفي لهون ... لو مهتمة ما كانت ضلت يومين لا حس ولا خبر ... بعدين انا جيت بمهمة معينة وخلصتا ... والشراكة مع شادي رح ادفع الجزاء اللي بالبنود وتركلو ياها وفل ... من الاساس هالشراكة كانت واجهة ... كرمال خلص مهمتي ... مش اكتر .....

العضوة: 275918 , 5 years ago

-خالد: بس مهمتك ما خلصت كلها ... لسا في كمال وفادي ... -جو: كمال وفادي ما شي ... فلست شركتن عالاخر ... كم شهر وبيخلصو مصرياتن اللي نهبوها من ابوهن .... وراجي واحمد بالسجن متل ما خططت ... ووقعتن بالفخ تماما متل ما كان بدي ... بعرف انتقامي حرقن ... بس البادي اظلم ... وهني اللي بلشو هالحرب .... -خالد: شفت المحقق بعد اخر مرة ... -جو: لا من وقت كنا عم نشتغل عالدلائل لوقت اخر شحنة ولما قبض عليهن ما عاد شفتو .... -خالد: فكر بعد قبل ما تفل ... في شي لازم تنهيه ... يتبع .....

العضوة: 275918 , 5 years ago

الجزء العاشر: -جو: ما عندي مروة عالمواجهة ... خليني ارجع عيش لراسي باستراليا .... -خالد: رح تقدر تنسى ؟؟ -جو: شو هالضجة برا ؟؟ ضهرو فورا لبرا ... وكانت السكرتيرة واقفة وماسكة ايد ليان ... لمعو عيونو ... و زور السكرتيرة .. وحرك راسو بمعنى شو في ... -السكرتيرة: استاذ اجت من شوي ... وكانت بدا تفوت بلا اذن ... وانا منعتا ... لانك قلتلي ما بدك حدا يزعجك انت والاستاذ خالد ... بس هيي مصرة ... -ليان: انو معقول اجي بدي فوت ... وتجي وحدة سخيفة موظفها هون .. تمنعني ... شو قلة هالذووق هاااي .... يعني لو حضرتا ما هاملة شغلا وتاركة مكتبا ما كنت ح قرب دق قبل ما احكيها .... -جو: حصل خير ... ارجعي ع مكتبك .. وانتي اتفضلي معي ست ليان ... ابتسملو خالد ... وحرك راسو بمعنى انا رايح وابتسملو انو نقشت معك ... ردلو الابتسامة وفات هوي وليان عالمكتب ... -جو: الواحد ما بيسلم من تمك ... عالحكي اللي حكيتيه واحد محلي كان طردا من شغلا ... -ليان: تستاهل ... قال بتمنعني فوت ... -جو: شيلك منا ... وقليلي شو سبب زيارتك .... -ليان: انا اجيت بصراحة كرمال .... كرمال ........ -جو(مبتسم): كرمال شووو ؟؟ شكلا نستك هاي السخيفة اللي برا من شوي الموضوع ... -ليان(حطت ايديها بجيابها ملبكة): بالزبط ... لكن ح فل ... بس اتذكر بحكيك .... برمت ضهرا لتفل ... قرب ومسكا فورا ولزقا بالحيط ... والتقو عيونن ... -ليان(بجدية): بعد عني استاذ جو .... او بتحب ناديك يوسف .... -جو: ههههههاي .... الكل بيعرف انو اسمي يوسف ... مانو سر ... بس شكلك انتي عم تفتعلي سبب لتشوفيني .... -ليان(نفضت حالا من بين ايديه): فشرتتت ... بس كنت عم تسائل شو ممكن يكون سبب انو واحد يخفي اسموو الحقيقي ....

العضوة: 275918 , 5 years ago

-جو: رح قول لاول مرة بحياتي ليه ... مع انك ما بتستاهلي ... بس رح احكي .... البابا سماني يوسف ع اسم جدي ... وامي ما كانت تحبو لانو ظلمها كتير وكانت لحالا تناديني جو ... ولما وعيت وصرت اقدر واجه اي حدا ... ما عاد سمحت لحدا يناديني يوسف ... ها السبب مش اكتر ... -ليان: ............ -جو: يبدو عطيتي الموضوع اكتر من حجمو ..... برمت ضهرا لتفل .... وصار هوي وراها .... -جو: انا مسافر .... انتفض جسما ... وحست بنغزة بصدرا ..... قاومت دموعا وبرمت لعندو مع ابتسامة مصطنعة .... -ليان: تروح وترجع بالسلامة .... -جو: ماني راجع .... -ليان: اوكي فرصة سعيدة ...... عصب كتير من طريقة حكيا ... ومن لامبالاتا ... وهيي مجرد ما اختفت عن انظاروا كفتو دموعا ... ومسكت تلفونا .... -ليان(تشهق): ليه انا دايما مكتبلي الشقا ... ليه دايما فرحتي ناقصة .... لك ولا شيييي بس هويي مساااااااافر ... قالا بكل بساطة .... فشت خلقا وسكرت الخط ... ركبت سيارتا ... وبس لمحتو جاي باتجاها ... مسحت دموعا فورا ... قرب من الشباك .... -جو: بكرا طيارتي ... بتسمحيلي انو قضي اخر نهار معك ... تماما متل اول نهار الي بهالبلد .... وتعرفيني عليه من جديد ..... ابتسمتلو وهزت براسا .... بمعنى اي ... ركض للجهة التانية وركب حدها .... -جو: مع اني ما بحب بنت تسوق فيي ... بس امشي ... -ليان: هههه ....

العضوة: 275918 , 5 years ago

قضو النهار كلو سوا ... من مكان لمكان ... كانو طبيعين وعفويين لاخر نفس بدون الوضع المشحون بيناتن ...... وكلو ضحك ونكت ... مزح ومرح .... كان هوي بكل مرة تسمحلو الفرصة يسرق النظر ع عيونا .... وهيي بكل مرة تدعي انو بهاللحظة يعترفلا ويقلها ما رح سافر ....... انتهى النهار فيهن وهني قاعدين ع شط البحر ..... وعم يتأملو الموج ..... وكل واحد غارق بأفكاروا .... -جو(بقلبو): هاي اخر فرصة ... لازم قلها ... بس ..... -ليان(بقلبا): لو انو هالحاجز اللي بيناتنا بينشال ... لو فيي اغمرك ..... -جو(بقلبو): وبعدين مع هالحالة ... خلص اتجرأ وقلها .... خلص رح احكي ... -ليان: يلا ... انا اتأخرت لازم ارجع عالبيت .... ايا ساعة طيارتك بكرا ؟ -جو: ٩ الصبح .... خليكي كمان ... -ليان: بكون امي انشغل بالا ... انشالله بتوصل بالسلامة ...... -جو: الله يسلمك ... خلص روحي ... انا باخد تكسي ... حابب ضل كمان .... مشيت خطوتين ... ووقفت لما رجع حكى ... -جو: لساتك بتحبيه ؟ ... -ليان: مين ؟ -جو: ميار .... لا تنكري ... حكي شادي لهلأ علقان بذاكرتي .... -ليان: كان موضوع تافه ... عطاه شادي اكتر من قيمتو ... كان حب من طرف واحد .... مش اكتر .... -جو: وهلأ ... ؟ نسيتيه ؟ -ليان: ما بعرف ... بالاذن ...... برمت ضهرا فورا .... ومسحت دمعة هاربة ... ومشيت بخطوات سريعة ... بعد ثواني وقف جو فجأة ... ولحقها ... رفع ايدو ليندهلا ... بس سكت لما لقاها رافعة التلفون وعم تحكي حد سيارتها بحسرة ... قرب شوي .... -ليان: خلص كل شي انتهى ... بكرا ح يفل .... رولا ما تقيليلي روقي ... للمرة التانية عم شوف حبي عم يضيع مني .... لك كنتي تقيليلي انو بهالعالم كلو ما تقولي بتحبي شخص يمكن تشوفي الأحسن منو ... بس انا كنت قللك ما في بعد ميار .... بس بتكة جو قلبلي كل كياني .... لك بحبو ومش قادرة بلااه ..... مش قااادرة .... عقد حواجبو جو ... وابتسم ابتسامة عريضة ... اللمعة اللي بعيونو كانت واضحة حتى بهالليل ... وما طلع من شرودو الا وليان راكبة سيارتا وماشية ..... حمل تلفونو ودق لخالد .... -

العضوة: 275918 , 5 years ago

جو: لك طلعت بتحبني .... بتحبني .... اي والله ...... ما عم صدق .... شو قصدك ؟؟ ... لا ما عاد بدي سافر ... بدي ضل .... خالد ما تجنني شو بدي استوعب عليك ؟؟؟ ..... -خالد: افهم بقا ... ح تسافر ... اذا بتحبك عنجد رح تلحقك ... عم تفهم .... وتوقفك بالمطار بأي حجة .... -جو: مستحيل تجي ... مأكد ..... -خالد: اصبح انطر لاخر لحظة ... واذا ما اجت ... يا بتختار تطلع بالطيارة ... يا ترجع .... بس صدقني اذا ما اجت ما بتستحقك .... -جو: يمكن كرامتا او كبريائا ما يسمحولا .... -خالد: ما في كرامة وكبريا بالحب ... الا اذا كان مزيف .... سكر الخط ... ومشي ع بيتو شارد وعم يفكر بحكي خالد ..... وصلت ليان ع بيتا مهمومة ومضايقة .... لبست بجامتا واتسطحت ع تختا .... وكل الليل تتقلب يمين شمال ... ما قدرت تنام للصبح ..... وهيي تفكر بكل شي ... وتحاكي حالا .... -ليان: ليه طنشت عن اللي سمعتو بالمكتب ... هالقد وصلت فيي درجة الحب ... انو ما اهتم انو هوي اللي وقع بابا .... يمكن لاني بعرف انو بجميع الاحوال هوي ح يقع اذا مش ع ايد جو معناتا ع غيرو ......... وميار ... كيف قدرت انساه ... كيف جو قدر ينسيني كل شي .. ويوصلني لمرحلة ما عاد اهتم بأي شي بهالدني الا قربو مني .... ليه كان مخطط ينهي بابا واحمد شاهين .... شو هالمشاعر اللي جواتي اللي انخلقت فجأة .... وشو قصدو بيومين لا حس ولا خبر ؟؟؟؟ .... هالتساؤلات اذا ما لقيتلا اجابة بموووت .... ___________________________________ وعي جو الصبح بكير ... لبس تيابو ... وجر شنتو وراه ... اللي مجهزها مسبقا ... وصل عالمطار .... مشي بالصف عند اول نقطة تفتيش .... كان بعد في واحد قدامو لما سمع صوت مألوف ..... -جوووو ..... برم فوراا .... ولقا ليان واقفة بعيد وممنوع تمر .... لمعو عيونو وركض لعندا ... -ليان: صباح الخير ... ادي بعد معك وقت ؟ -جو: صباح النور .. ساعتين ....

العضوة: 275918 , 5 years ago

-ليان: لكن بعد معنا وقت منيح ... خلينا نفوت نقعد شوي بالكافيه اللي جوا ... بدي احكي معك شوي لو سمحت ... صابتو خيبة امل من طلب ليان ... كان عم يتأمل لشي تاني ... غمرة مثلا او اعتراف ... واتعجب من طلبها اللي لا عالبال ولا عالخاطر ... دخلوا عالمطار واخدوا طاولة لشخصين بالكافيه ... بس فجأة اتذكر حكي خالد ... اذا بتحبك ح تخلق حجة لتشوفك .... جو : خير ليان ؟ بشو حابي نحكي ؟ ليان : جو ؟ ...... انا بعرف انك انت اجيت لهون عالبلد حتى تنفذ مخططاتك وتوصل لهدفك ... وهالهدف بيشمل بيي وعيلة احمد شاهين ... وعلى ما أعتقد هدفك انك تنتقم منن وتدمّرن ... فيني اعرف شو السبب ؟ شو عمل معك بيي حتى اجيت من اخر الدنيا تنتقم منو وتحطو بالسجن ؟؟؟ (رفعت نبرة صوتا) ... لك في تساااؤلااااات كتيييرة براسييي ... وبدي اجووبة ... اذا بتفل ومش واصلتني هالاجوبة بجن ..... اتطلّع فيها جو ... وشرد بعيونا ... كان في بعيونا نظرات حزن .... هالنظرات رجّعتو سنين ... ذكرتوا بالماضي القديم ........ الماضي اللي كانو عم يحاولو ينتشلو حالن من مستنقع القذارة تبعو .... ////// الذكريات : -ليان: لك أنا مااااااا عم اتحمّل إلمس المصاري اللي بيعطيني ياها ... وانت راكض ورا هالمناقصة ... لك خلصنا انسحب ... خلصني بقا بدي ضل اركض وراك هون وهون ... وما تسألني شو غايتك ... لانو للمرة الالف ح قللك انسانيتي ..... -خلص اهدي ..... انا بعرف شو عم بعمل وانتي ما تتدخلي ... والمناقصة ما رح انسحب منا ... وبوعدك لاول مرة بحياتي انو يجي يوم نظّف حياتك وحياتي ... بوعدك ليان انو هالوسخ ما يبقى إلو أثر .... انتي اهدي وطولي بالك ... رح خطط لكل شي و رح حطّن واحد واحد بالسجن ... بوعدك ليان .... -ليان: لك شو فايدة هالوعود اذا ح نطلع منها خسرانييين ..... -انتي ما تهكلي هم .... انا وعدتك ...... //////