المقدمة ...
كيفَ تستطيعين أن تَقولي أنكَ تحبُين شخصا ما ، بينما يوجد هُناك عشراتُ الآلاف من البشَر فى العالم ، الذينَ رُبمّا كُنت سوف تَعشقيهُم أكثر كثيراً لو قابلتيهم؟ ولَكنك لن تلتقي بهم أبداً .. فحقاً معك كل الحق فى اختيارك ، ولكِن يجب أن نتذّكر أن الحُب هو نتيجة لقاءِ عن طريقِ الحظِ والصُدفة ....... وبالمقابل المعنى العكسي لهذا الإستنتاج أنك لو كنت تحبين الاول ... ما خفق قلبك للثاني الذي يعد من آلاف البشر في هذا العالم ......... /مقتبس/
العضوة: 275918 , 5 years ago
كان بعدو جو عم يتأمل نظراتا ... وهوي عم يسترجع ذكرياتو ... وهيي ناطرة لحد ما حكا ..... -جو: بالماضي ... وعدتك انّي نظّف حياتي وحياتك ... وكمان وعدتك ما يبقى أثر للوسخ اللي كنا عايشين فيه ... ووعدتك حطّن بالسجن .... وأنا وفيت بوعدي إلك ليان ... -ليان: أنا ما عم بفهم عليك ! .... عن أي وعد عم تحكي ؟ واي وسخ واي سجن ؟ انت مييين ؟؟؟؟ -جو: انا هداك الشخص اللي حبيتيه بجنون ... ونساكي ياه جو ببساطة .... -ليان: ما في غير شخص واحد وعدني هالوعد ... وحبيتو ... بس مات من زمان ... انت شو عم تخبص ..... صفنت فجأة ..... حست بدقات قلب غريبة ... اتلخبطت عالأخير و صارت تتأمل جو أكتر ........ صارت تتذكر اول لقاء معو عالمطار ... واول نهار قضّوه مع بعض ... صارت تتذكر كيف بيضحك وكيف بيعصب وكيف بدخّن ... وتتذكر وقت دخل على حمام البنات ولزقها بالحيط وعيونو عم تطلع شرارة غضب ..... صارت تتذكر وقت عصب عليها بالحفلة الخيرية تبع نورس ... ووقت لا إراديا تركت ايد نورس وقت شافتو بالحفلة .. صارت تتذكر الغيرة اللي بقلبا وقت تشوفو مع غيرا ... ووقت تشتقلو ... ووقت تحنّلّو .. ووقت تعصب منو ... صارت تتذكر دقات قلبا كل ما كانت تلتقي فيه ... وتتذكر انو بيهتم فيها وبتفاصيلا محاولا انو ما تكشفو ... كل هالذكريات تسللت على ذاكرتا هي وعم تتأمل عيونو ........العضوة: 275918 , 5 years ago
-جو: مانا نفس دقات القلب ... ؟ نفس الريحة ؟ ... ونفس الطلة ؟ .... صفنت من جديد وبلشت الذكريات تقتحمها بقوة ..... /// الذكريات: -ليان(باستهزاء): عم قول في نور سابقكن ..... مرحبااا .. قربو ... وبرم جو لعندن .... اشرت عليهن وبعدا عليه .... -ليان: كمال احمد شاهين ومرتو رامية ..... وبعرفكن الاستاذ جو عبدالسلام .... الصدمة كانت واضحة بعيون كمال ..... بس حاول يتمالك حالو ومد ايدو .... -كمال: اتشرفتا ..... النور بوجودك ست ليان ..... -جو(اشر للجرسون): عندك بنادول ... ؟ ... او اي شي يسكن وجع الراس ..... -كما١ل: سلامتك استاذ جو .... بالاذن ....... وصل الجرسون معو ظرف البانادول ... اخدو جو من ايدو واخد ٣ حبات .... وحمل كاسة المي وشربن .... وليان فاتحة عيونا ع وسعن ... -ليان: من شوي ما كان اشبك شي ..... بعدين في عاقل بياخد ٣ حبات ؟؟؟ .... -جو: العيار اللي باخدو اقوى ... حبة ما بتعمل شي ... عالفاضي .... -ليان: خير .. شو اشبك .....؟ -جو: وجع راس بصيبني دائما بس كون مضغوط ..... -ليان: سلاامتك ...... /// طلعت من ذكرياتا وهوي لساتو صافن فيها وبصدمتا ... وهمست "مستحيل" ......العضوة: 275918 , 5 years ago
-جو: خلص اهدي ..... انا بعرف شو عم بعمل وانتي ما تتدخلي ... والمناقصة ما رح انسحب منا ... وبوعدك لاول مرة بحياتي انو يجي يوم نظّف حياتك وحياتي ... بوعدك ليان انو هالوسخ ما يبقى إلو أثر .... انتي اهدي وطولي بالك ... رح خطط لكل شي و رح حطّن واحد واحد بالسجن ... بوعدك ليان .......... لك شو فايدة هالوعود اذا ح نطلع منها خسرانين ........... هيدا الحوار ذكرك بشي ؟؟؟ .... انصدمت ليان ومن جديد .... وعبرت الذكريات بمخيلتا ...... /// الذكريات: -ليان: لك أنا مااااااا عم اتحمّل إلمس المصاري اللي بيعطيني ياها ... وانت راكض ورا هالمناقصة ... لك خلصنا انسحب ... خلصني بقا بدي ضل اركض وراك هون وهون ... وما تسألني شو غايتك ... لانو للمرة الالف ح قللك انسانيتي ..... -ميار: خلص اهدي ..... انا بعرف شو عم بعمل وانتي ما تتدخلي ... والمناقصة ما رح انسحب منا ... وبوعدك لاول مرة بحياتي انو يجي يوم نظّف حياتك وحياتي ... بوعدك ليان انو هالوسخ ما يبقى إلو أثر .... انتي اهدي وطولي بالك ... رح خطط لكل شي و رح حطّن واحد واحد بالسجن ... بوعدك ليان .... -ليان: لك شو فايدة هالوعود اذا ح نطلع منها خسرانييين ..... -ميار: انتي ما تهكلي هم .... انا وعدتك ...... مشي وتركها واقفة بالشارع .... لحد ما صرخت فورا بعد ما شغل السيارة وانفجرت فيه .... /// ..... -ليان(بهمس): كل شي كان بشير لهيك ... بس انا كنت غبية ..... مستحيل صدق ..... -جو: مبلا صدقي .... -ليان: انت عم تكذب ... مستحيل ...... -يطلب من المسافرين الكرام الى استراليا التوجه نحو باب الطائرة ...... -جو: طيب اذا ما بدك تصدقي حكيي ... او شكلي .... اسألي قلبك هوي ما بيخطإ ..... انا رح فل بما انو خلصت شغلي وانت ما بدك تصدقي ...... بخاطرك ..... برم ضهرو وعصر عيونو .... مشي بخطوات بطيئة ناطر منها تناديلو ... بس مع كل خطوة كانت تخيب امالو .... وهيي لساتا وراه شاردة .... يتبع .......العضوة: 275918 , 5 years ago
#أحببتك_مرتين_بقلم_نسمات_الليل الجزء الحادي عشر والاخير: لحد ما انتفضت من مكانا وركضت نادتو .... -ليان(بحزن): جووو ..... -جو: انا والله من زمان بحبك ... بس حب خيي منعني احكي ... اهتمامك فيي وحرصك انو بيك ما يإذيني كان يعلقني فيكي اكتر ... ولما شفتك اول وج عالمطار بس جيت كن استراليا انبسطت كتيير بس حاولت مثل .... و .... ركضت وغمرتو لتسكتو ..... وهوي شد عليها اكتر ..... واكتفى بالصمت ليسمع صوت انفاسا ..... -ليان: هشش ... خلص ... لا تحكي ... قلبي عم يقللي كل هدوول ....... خلص .... انا كتييير بحبك ....... (فاضو عيونا بالدموع) ..... ما تفل ..... بعد عنا وحط ايديه ع خدودا ... ومسح دموعا .... -جو: لا تبكي انا حدك .... ابتسمت وعبرت صورة ميار بوجو عم يقول ذات الجملة .... "لا تبكي انا حدك" ..... -ليان: شو صار ؟ .. انت كيف هون وبهالشكل ؟ .. واللي بالقبر مين ؟؟؟ -جو: كلو رح اشرحلك ياه بعدين .. خليني هلأ اتأمل اجمل عيون بالدني ..... ____________________________________العضوة: 275918 , 5 years ago
بعد مرور سنة ............... بالسجن المركزي .... كان في طاولة قاعد عليها راجي .... ومرتو وبناتو التنين وصهرو وحفيدتو حواليه .... عم يحكو ويضحكو ... وعم يلعب حفيدتو .... ويشوف شو جايبنلو اهلو غراض واكل ....... الكل عم يحاول ينسى الماضي واللي وصلو لهون ... ما بقا بدن يفكرو بهداك المستنقع ........ كانت ليان قاعدة وبطنها قدامها ... وبيها عم يتحسر لو حضر عرسا .... لو قدر يكتفي ببناتو التنين ويبعد عن حب المال اللي مفضلو عنن ....... ابتسمت ليان مع حديثو الاخير وهيي عم تراقب الطاولة اللي بالزاوية .... كيف قاعد احمد وولادو ومرتو وكنتو وحفيدو حواليه بس ما في اثر للضحكة .... وكإنن اشخاص ما الن صلة ببعض ... رسميين لأبعد حد ...... انتهت الزيارة وطلعو الكل لبرا .... ومجرد ما لمحت ليان جو ... قربت منو .... -ليان: ليه ما فتت معنا .... كان الوقت مناسب يعرفو انك ميار .... كانو قاعدين وكإنن مش عيلة ..... -صرخت امها من بعيد: ليان نحن ح نفل ماشي بنتي .... -ليان: ماشي امي .... -جو: هني من زمان هيك ... انسيهن ..... انا مبسوط هيك كمل حياتي معك ع اني جو .... وانتي شكلك حابة جو اكتر ..... ههه ... -ليان: هههه ... ما عم بقدر شوفك ميار ابدا ... لانو هداك الوج مختلف تماما عن هيدا ..... بعدين جو هوي اللي حبني وقدملي الحب ... بس ميار كان العذاب ... لاني حبيتو من طرفي بس .... -جو: بس انا كنت حبك كتير ... بس كان في كتير حواجز .... -ليان: ليكن طلعو اهلك ... نفسي شوف وجوهن بس يعرفو انك ميار .... الجمعة الجاي لازم تجي ... وتحكي ... خلص .... اللي بدك ياه صار ... بيك بالسجن وخيك فادي من ملهى لكازينو ضايع ... وكمال عم يشوف كيف يربي ابنو بالفقر اللي هوي فيه .... -جو: اوقات بشفق عليهن .... بس لما اتذكر اللي عملوه ... بحسن شياطين ......... (حط ايدو ع بطن ليان) ... كيفا بنتي هلأ .... هههه .... -ليان: مشتاقة تشوف بيها ..... ________________________________العضوة: 275918 , 5 years ago
بعد مرور اسبوع ...... -ليان: هالمرة ما رح فوت بلاك ... الكل لازم يعرف اليوم ... بكفي سكوت ..... -جو: بس ..... -لين: يلا اختي رح نتأخر عالبابا ... امشي نفوت بدكن تضلو ع الباب .... -ليان: يلا جو بلا حجج لازم يعرفو كل شي .... -لين: عن شو عم تحكي .... -ليان: جوا بتعرفي .... يلا جو ... اليوم لازم يكون نهاية الحزن وبداية السعادة ... الليلة عرس رولا وشادي .... لازم نبدا مع هالفرحة حياة جديدة ... -جو: بس خالد .... -ليان(قاطعتو): يي علينا ... حاسيتك طفل ... شو بدك بخالد واقتراحاتو هلأ ... سافر ولساتك بتحكي فيه ... -جو: لولاه انا ما كنت هون ..... مع اني حابب شوف الصدمة بعيونن بس متردد .... بس خلص يلا فايت ...... جوا السجن ... بمكان الزيارات ... كان قاعد كل مين من احمد وراجي ع طاولة ... وناطرين عيلتن ..... لحد ما دخلو الكل واخدو اماكنن ... والطاولتين بجنب بعض ... بس دخول جو معن خلى علامات الاستفهام تحاوطن .... -جو: مرحبا .... اكيد متفاجإين سبب زيارتي ..... (قرب وقعد مقابيل احمد وركز بعيونو) ... وبالاخص ... انت يا بيي ...... الصدمة كانت واضحة ع وجوه الكل .... وما حدا نطق بحرف ... وجو كمل حديثو .... -جو: او بقللك يا خاطفي ... كيف كان الك قلب تاخد طفل بالاشهر يتيم وتنهب ورثتو كلهاا وتربيه كإنو ابنك ... ولما يحاول يسيطر عليك بدل ما انت تسيطر عليه بتبعت حدا يفجر فيه السيارة بطريقة ما يطلع منها عايش .... لك انا اذا بحكي هالحكي وبقدم دلائلي بتروح معك يا مؤبد يا اعدام بدل هال١٥ سنة اللي ما بتطلع نقطة ببحر اعمالك القذرة ....... -احمد: انت من وين عم تجيب هالحكي ؟؟؟ ... -جو: من اتصالك ... يوم طلعت بالسيارة ... وقلتلي نهايتك يا يتيم ... وشغلتا وانفجرت فيي عالاخر .... توقعت اني موت مثلا .... (وقف وفتح ايديه) .... ليكني قدامك بشحمي ولحمي .... ما متت ... كم عملية تجميل رجع وجي اجمل من قبل ... بعد الحروقات الكتيرة .... ضليت اشهر اتعالج باستراليا .... لحد ما وصلت لمرحلة ما عرفت حالي ..... خليتني حط اسم وهمي وعيلة وهمية ومعلومات كاذبة لخليك تثق فيي لاخد حقي من بين عيونك ...... بس بدون ما ادخل الله بعتلك ابن (اشر ع كمال من فوق لتحت) .... عاق ... بينهب عليك كرمال كم مليون ..... وابن تاني من كازينو للتاني ..... -العضوة: 275918 , 5 years ago
شادية(بهمس): ميار ؟ ... مستحيل .... -جو: اي ميار يا امي .... لك بقولو الام اللي بتربي مش بتخلف ... معقول كل هالسنين ما قدرتي تحبيني .... لك انا كنت السبب بالعز اللي انتو فيه وتكبرتو عليي ... حتى ما حاولتي يوم جنازتي تنزلي دمعة ... كنتي ما مصدقة تفلي ع بيتك وتنتقمي من ليان لانها افضل من ولادك اللي ما بيعرفو الألف من الياء ...... هداك القبر اللي ما زرتوه وما شفتوه من وقت الدفن .... اللي اندفن فيه شب مشوه عالاخر شحاد عم يشحد ورا سيارتي وما حدا سائل عنو ..... -كمال: انت شو عم تخرف وتخبص ... جاي تحكيلك كم كذبة وناطر مننا نصدقك ؟؟؟؟ ... -فادي: مفكرنا حمير ... فل من هون .... -جو: اي اكيد ما رح يعجبكن اني عايش ... ما بتقبلو تسمعو الحقيقة ... بس تصرف بيكن الغبي بتهديداتو السرية خلتني شك بشي ... وسجل كل ممتلكاتي باسم خالد ... وارجع اخدا بعد علاجي لاستعملا ضدكن واخد كل شي سرقتوه مني ... وهاي رجعتو عالحديدة متل ما كنتو قبل ما تاخدوني وانا باللفة ..... واذا انتو مش مصدقين اكيد بيكن بس يطلع من صدمتو رح يثبتلكن حكيي ... لانو ما غيري بيعرف اتصالو قبل انفجاري بثانية ..... قلي بالحرف الواحد "نهايتك يا يتيم" ...... بالاذن .....العضوة: 275918 , 5 years ago
مشي فورا هربان من عيونن ... هربان من العيلة اللي كان مفكرة عيلتو ودبرتلو المكائد ... ولحقتو ليان ودموعا ع خدودا ... وهيي عارفة انو كل القوة الواضحة في وراها حرقة قلب .... وصلو لبرا واخد نفس طوييل .... قربت منو وغمرتو ..... -جو: حاسس حالي ولدت من جديد ..... -ليان: كنت عارفة الحكي ح يفشلك خلقك ..... -جو: يلا بلا جو الحزن هاد ... خلينا نجهز حالنا للعرس .... -ليان: ما تذكرنييي ... شو بدي البس وبطني لحلقي .... وفوق هيدا كان لازم كون مع صديقة عمري عند الكوافيرا .... -جو: هههه .... اجو اهلا ركض من السجن ونادولن .... -لين: شو عم بصييير ... انت مياار يعني ؟؟؟ -علي: شي بحط العقل بالكف .... -ام ليان: تركناهن جوا عم يتخانقو والشرطة تفك بيناتن .... وبيك مصدوم واسئلتو ما خلصت .... -ليان: يلا شيلك منن ... في عنا عرس المسا ... منا ننبسط .... اليوم كل الحزن اندفن ...... -جو: يلا مرت عمي وصلك عالبيت .... -علي: لا انتو فلو ... رح تروح معنا .... -جو: ماشي .... ليان سوقي انتي .... ما فيني القدرة .....العضوة: 275918 , 5 years ago
مشيو ع سيارتن ... وليان كاتمة ضحكتا ... وجو عم يحاول يهدي اعصابو ... عارفا انها عم تضحك لانو دايما بقول ما بحب بنت تسوق فيي .... مشيت ليان ... ولما وصلو لطريق شبه فاضي .... فتح جو سقف السيارة وطلع راسو وفتح ايديه .... وصرخ .... -جو: يا اااااااااللللللللللللللللللللله ..... نزل وهوي عم يضحك وليان تضحك .... وعلامات الارتياح واضحة ع وجوهن ... اجا المسا وبلش العرس .... وليان قاعدة وحسرة بقلبا انها مش قادرة ترقص بيوم فرح رفيقتا .... مش بس رفيقتا ... اختا وبيت اسرارا ... قامت وقربت لعندا عالمرتبة ..... -ليان: خلص يعني واخيرا تزوجتي ..... -رولا: اي هههه ..... ومن احلا شب ........ لياان شو بكي .... ليه وجك احمر ..... -ليان(تصرخ): اخخخخخ .... يا ربييي .... ميااااار .... جووووو .... انا رح اووولد .... ما بقاااا فييي .... اخخخ ....... __________________________________العضوة: 275918 , 5 years ago
كانت عالحمالة بالمستشفى ماخدينا عالعمليات عم تصرخ وماسكة ايد جو .... ورفيقتا بفستان عرسا حدا ودموع الفرحة بعيونا .... واهلا حدا .... -ليان: اخخخ يا ربيييي ..... لك انتي ما قلتلك ما تجيي ... هاااد عرسك .... -ام ليان: قلتلا هالحكي ما ردت ........ -رولا: اذا انتي مش فيه ما بدي ياااه ..... -الممرض: يلا صار لازم نفوتها ... بعدو هيك .... -ليان: لاااا خلوو ميااار معييي .... -جو: احترت معك ... بدك ياني ميار او جو ..... -الكل سوا: ههههههههههههه ...... بعد كم ساعة كانو قاعدين بالغرفة ... وليان حاملة بنتا بحضنا ..... وجو حدها .... -جو: انا زعلان منك .... -ليان: لييه ؟؟ -جو: لانو لو بتحبي ميار ما حبيتي جو ..... -ليان: ليك مانن شخص واحد ... حبيتك مرتيين ... معقول بتغار من حالك ؟؟؟ .... -جو: طيب اعترفي مين حبيتي اكتر ؟؟؟ .... -ليان: جو ... لانو بادلني المشاعر اللي ميار ما قدر يبادلني هيي .... -رولا: شيلكن من هالعواطف هلأ ... شو رح تسموها .... -ليان: رولا ..... -ليان: قليلي حبيبتي ..... -ليان: ما عم ناديلك ... عم قللك سميناها رولا .... قربت وغمرتا بفرحة وهمست "حبيبة قلبي" .....العضوة: 275918 , 5 years ago
-جو: بلشت غار هاا .... بعدي هيك هاي مرتي ..... ///لَمْ أَكُن أَعْرِف مَعنَى الحُب إِلّا حِينَ أَحبَبْتُكَ أَنْت ... رُغمَ أنّ حُبّي لَكَ ؛ كَانَ مِنْ طَرَف وَاحَد ؛ لَيْسَ مِنْ كِلا الطَّرَفَيْن ... فَكَم كَان صَعبٌ عَلَيَّ ، حِينَ خَطَفكَ المَوْت مِنّي ... كُنتُ سَأفْقِدُ صَوَابِي حِينَ سَمِعْتُ الطّبِيبُ يَقول لِعَائِلَتِكَ ( البقية بحياتكن ) ... مِنْ شِدّة صَدْمَتِي لِلْخَبَر ؛ كُنْتُ عَلَى وَشَك أَنْ أَتّصِل بِكَ لِأُخْبِركَ عَنْ هَذه المُصِيبَة الّتي حَلّتْ عَلَيّ .... مِن بَعْد مَوتكَ مَا اسْتَطَعتُ يَوْماً أَنْ أَنْسَاكَ .. كَانَ حُزْنِي عَلَيكَ أَكْبَر مِن أَنْ يَنبُضَ قَلْبي بِالحُب مَرّةً ثَانِيَة ... لَكِنْ اسْتَطاعَ جو عبدالسلام أَنْ يُبَعثِرَني ... أَن يُبَعثِرَ كُلّ مَا بِداخِلِي ... أَحيَا بِقَلبِي الحُبّ مرّةً ثانِية ... فَأَحبَبْتُكَ حِينَ كُنتَ مَيّار شاهين ... وَأَحبَبْتُكَ مَرّةً ثَانِيَة حِينَ كُنتَ جو عبدالسلام ... فهَنيئاً لكَ كَمْ أحبّكَ ... لأنّني "أحبَبْتُكَ مَرَّتَيْن" /// _______________النهاية_______________ رأيكن بهمني كتير .. اه وصحيح ما حدا يسألني شو صار بكنان لإني ما بعرف 😂 ما عرفت شو اعمل فيه مسكين 😅العضوة: 275918 , 5 years ago
اخيرا خلصت وقدرت اسحبها من "الفيس بوك" مفروض اسميها نسختك مرتين😑 قراءة ممتعه 🌹🌹العضوة: 328544 , 5 years ago
حلوه كتير يسلمووالعضوة: 275918 , 5 years ago
الله يسلمك 💓العضوة: 473471 , 5 years ago
لو سمحتي حبيبتي ننزلي لي هي على الخاص