العضوة: 915459 , 4 years ago

واش غي نمسح ليه و ندير تالك ( بودرة) ماندير لا ديبونتين لا زيت؟ زعمة مايتسلخش ليا؟ أنا كانقول زعمة زيت غادي يحميهوم من تسلخات

العضوة: 582651 , 4 years ago

@user-915459 متعمل والو قبط مسحلو بالما انا فنظري احسن من لنجيت بخبارك جيب واحد الطويسا صغيرة وعمرا بالما ونزلا قدامك وفزك الفوطا صغيرة تكون رطبة ومسحلو بيها وعاود مسحلو باخرى تكون شتفا وعمل بودرة متعمل والو واللحيما ديالو غادي ترجع كيفما كانت دابا عندك مسلوخ عملو الزيت المائدة والله ضغيا غادي يبرا وبعد من الاحسن على لنجيت دلع مشي صحين بالمرا اللوسا ديالي بنتا عملولا المكروب فالبولا والله العظيم العيلة مسكينا السخنا مبغاتشي تهبطا كتوصلا حتى ن 40 مي جبرو فيها المكروب قلتلوم مين المشكيل قلولا من للنجيت ولا ليكوش المهم انا بغيت غير نصحك لوجه الله مي كيمرطو ولدنا عاد كندمو علاش كنستعملوم هد المواد الي مشي صحية

العضوة: 915459 , 4 years ago

هادشي لي غادي نبقى ندير ، أنا زعمة ختاريت ساهلة لانجيت دغيا مسح و رمي ساعة كنت غادي نخرج على ولادي حتى مساكن تسلخوت ليا ، ماغديش نبقى نعكٌز نسخن الماء و نمسح ليهوم واخا المدينة لي فيها أنا بااااردة كانخاف عليهوم من البرد

العضوة: 582651 , 4 years ago

@user-915459 تنا لي كنتي كتعمل بلنجيت عملو بالفوطا ارخص واسهل وصحيا والله العظيم انا لنجيت شريهم غير لزنقا فقط اما تقول فدار والله اذا كنجيب الطويسا ولا الفوطا فزكا بالما سخون ونمسح الصحة دبني اهم والله تنا شود الباب وعمل كلشي قدامك انا مجتنيشي كين شي صعوبة انا دابا لي بني عندو عام وشهرين تبارك الله كيخلف كنبدلو ونزولو ليكوش فالطوليط اعزك الله كنفكر فالشتوا شنو غادي نبقى نعمل

العضوة: 582651 , 4 years ago

شحال عندك دالعيال تبارك الله

العضوة: 915459 , 4 years ago

@user-582651 و حتى أنا داك شي فاش فكرت في الشتاء و حنا عدنا البرد من دابا ولكن كي قلتي نشد الباب و نحاول نزرب على الله غي يبراو ليا دغيا ، في صيف غادي نبقى نغسل ليهوم من تحت نيشان غي دابا البرد صعيب الحال

العضوة: 915459 , 4 years ago

عندي توأم أ أختي ولد و بنت عندهوم 3 شهور

العضوة: 582651 , 4 years ago

@user-915459 ما شاء الله اللهم بارك ربي يحفظم يارب ويبارك لك فيهم شوف بدل نالاول ومسحلو اذا مكنشي عملوم كبرين بالوفطا ضغيا وجمع وطوي وعاود الثاني عملو هيدك تكون لبستي لاخور باش ميتعرضشي للبرودة تنا خصك تكون خفيفة وذكية فهمتي وعاد دابا تبارك الله غادي يبقو يفهمو غادي يفتنوك فالتبديل كتار وكتار احسن حاجا البرودة جات قصحة هد العام حتى حنا برد عندنا الجو قبل الوقت

العضوة: 915459 , 4 years ago

شكرا أختي، أنا شوية ثقيلة في تبداال كانعيا نحاول نزرب والو يدي ثقيلة و خاصة ماكنش عندي تجربة قبل يعني ولادي عاد كانتعلم فيهوم مساكن غي الله يحفظ و صافي و يحفظ وليداتك يااا ربي

العضوة: 582651 , 4 years ago

@user-915459 ههههههههههه اه يختي مي كيكون الترابي الاول حق الله اذا تمار فيهم وكتخاف عندك تعملوم شي حاجا ولا توليهم ربي كيحفظ بلاتي عليك انا قلتلك دائما زبق واحد ولبسلو مزيان عاد مشي لاخور باش ميرونوكشي وتنظم وقتك معاهم هما جوج صعاب ولكن ربي كيسهل شمن مدينة تنا؟

العضوة: 915459 , 4 years ago

@user-582651 واييييه يا أختي ههههههه كايدهشروني 😂😂 أنا من تازة و ساكنة في وجدة و أنت باينة من خضرتك طنجوية ولا تطوانية ياااك ههه؟!

العضوة: 387888 , 4 years ago

احسن حاجه لتسلوخات هو كريم سودو كريم

العضوة: 915459 , 4 years ago

أ أختي نصحوني بيه شي بنات من الجزائر، فين نقدر نلقاه هنا في المغرب واش كايتباع في الفرمسيان؟

العضوة: 582651 , 4 years ago

@user-915459 تشرفت بيك اختي انا من تطوان عرفتني هههههههههه

العضوة: 915459 , 4 years ago

ما شاء الله على بنات تطوان يا أختي زوينات ♥️♥️ وي عرفتك من هضرتك ديال شمال