السنة_من_نار_بقلم_نداءالصوالحي
__ الجزء الأول ___
صوت الرعد الي مغطي ع كل الأصوات.. البرق الي بيضوي بالعتمة الشديدة.. واقفة وشابكة ايديها ببعض وعم تراقب بقطرات المطر الي بتنزل ع الشباك قبالها..
جسمها قشعر وحست بالبرد.. مشيت لحد خزانتها وطالت جاكيت صوف لبستو وثواني وحست بالدفا سيطر ع جسمها..
قعدت ع سريرها ومسكت الموبايل ودقت ع امها ونطرت لترد
هاجر: الوو.. مسا الخير بنتي
ياسمينة: مسا الورد امي.. كيفك
هاجر: بخير حبيبتي كيفك انتي طمنيني عنك وصلتي!!
ياسمينة: إي ماما من ساعة
هاجر: في حدن مشاركك بالغرفة
ياسمينة: اي خبروني انه في صبية اكبر مني سنة ثالثة مقيمة هون من قبلي بس لسا مااجت ع الغرفة ما تعرفت عليها
هاجر: اي انتبهي ع حالك وع طول طمنيني
ياسمينة: ان شاء الله ماما
العضوة: 275918 , منذ 4 سنوات
كانت ياسمينة عم تسمع وتحس بالخوف من كل شي حواليها حتى من سليم يلي حبته .. ما بتعرف اذا لازم تكفي معهم هيك وانهم ع حق ولا تبعد عنهم وتعيش حياتها طبيعية وتعترف بحبها لسليم.. بعد ما خلصت الندوة طلعت لتروح عالكفتيريا اتصلت فيها امها هاجر: كيفك حبيبتي ياسمينة: اهلين ماما مشتاقة كتير والله هاجر: ناقصك شي حبيبتي ياسمينة: لا ماما انا بخير هاجر: ليه مزعلة بابا وما بتردي ع اتصالاته حكاني اكتر من مرة وقلق عليكي بس بعدا زعل لما عرف انك بتحاكيني وما بتحاكيه ياسمينة: امي مو بالقصد بس بالمرات يلي دقلي كنت فيها مشغولة هاجر: طب لكان حاكيه هلء وطمنيه عنك ياسمينة: خلص هلء عندي موعد بحاكيه بعدين هاجر: ياسمينة شبك ياسمينة: ماما.. انتي ليه انفصلتي عن بابا هاجر: ما انتي بتعرفي بسبب الخلافات و.. ياسمينة: لا بدي اعرف السبب الحقيقي هاجر: ما في سبب حقيقي.. انا ما كذبت عليكي بشي.. كانت مشاكل عائلية وخلتنا ننفصل.. ابوكي ما في منه ياسمينة: ماشي ماما بحاكيكي بعدين اوك سكرت المكالمة واطلعت ع الطاولة يلي قاعد عليها سليم وبيستنى فيها.. ابتسمتله من بعيد وقربت لعنده وقعدت سليم: شو هالنور ياسمينة: نورك سليم: اشتقتلك كتير.. طولتي عليي ياسمينة: كان عندي محاضرة قبل شوي واتاخرت فيها ك يفك سليم: بخير.. شبهم عيونك هيك دبلانين.. مو نايمة الليلة ياسمينة: ااخ لا تذكرني سليم: بشو ما ذكرك شو صاير ياسمينة: ااخ هلء بس خلينا ناكل شي وبعدا بخبرك لاني رح موت من الجوع.. سليم: تكرميالعضوة: 275918 , منذ 4 سنوات
طلب سليم سندويشات وعصير وسلطات وقعدو ياكلو.. وبعد ما خلصو بلشت ياسمينة تحكي ل سليم يلي صار بالليلتين يلي فاتو.. وهوا مركز وفاتح عيونه ومصدوم سليم: لك وانتي هلء جااية تخبريني ياسمينة: ما بعرف انشغلت شوي واتناسيت الموضوع سليم: ولييه ما خبرتو الشرطة رامي: بشوو تخبرو الشرطة طب رامي فجأة عليهم وسحب كرسي وقعد اتدايق سليم ونفخ ورجع ظهرو لورا.. ياسمينة: مافي شي رامي رامي: كيف ما في شي بنت خالتي خبريني ياسمينة: حتى تروح تحكي لإمي وتقلقها رامي: له يا سوسو ما تخافي ما بخبرها بعرفها متل امي بترتعب من اقل شي خبرت ياسمينة رامي يلي صار وارتعب عليها.. ضل يحكيلا لتخبر الشرطة بس خبرته انه ما في فايدة لانه رمو المكتوب ونظفو مكان الي صار امبارح يعني رح يكون بلاغ كاذب سليم: بس انتي لازم تبعدي عن هي هيام ورفقاتا شو بدك بهالقصص كلا رامي: اي سليم معه حق.. هلء انتي قاعدة معنا شايفتينا شياطين وحاطة ضدنا ياسمينة: مابعرف.. يمكن جواتكم هههه عالعموم انا ما فيني ابعد عنهم.. هيام رفيقتي واكتر من رفيقتي.. وجودي بينهم بيعلمني شغلات كتير.. وبخليني حس انه الي قيمة.. وهالتهديدات يلي اجتنا ما رح تعمل شي.. ما حدا بايدو يإذينا هي مجرد تخويفات لنوقف دفاع عن حالنا وعن حقوقنا.. وهاد بثبتلنا انه صنف الرجال فعلاً مابدو منا نتحرر وبدو بس يخنق فينا رامي: بس ما بدي تضري حالك وتنإذي من ورا هالشي ياسمينة: ماتخاف ما بصرلي شي سليم: اذا احتجتي شي او حدا دايقكن بالليل فوراً اتصلي فيني رامي: شو تتصل فيك بصفتك شو.. لا ياسمينة اتصلي فيني انا بضل ابن خالتك والاقرب الكالعضوة: 275918 , منذ 4 سنوات
اطلعت فيهم التنين واتذكرت كلام هيام لما قالتلي عن كل الرجال ذئاب.. اخدت شنتايتها وخبرتهم انها تعبانة ورايحة لغرفتها ترتاح.. غيرت تيابها وتمددت عالسرير ودقايق وكانت غاطة بسابع نومة.. فاقت حاسة راسها عم يوجعها كتير لقت هيام قاعدة حدها وبتستنى فيها تفيق هيام: نووم العوافي كل هادا نووم ياسمينة: ههه اسكتي ليلة امبارح مانمت بنووب هيام: ههههههه ياجدبة قلتلك ما تخافي من شي.. قومي غيري تيابك خلينا نطلع لشي مكان ملانة ياسمينة: لوين هيام: اي مكان المهم نطلع رح اختنق ياسمينة: بس الشمس بلشت تغيب والوقت متأخر شو رايك احكي ابن خالتي رامي ييجي معنا اوو سليم هيام: سلييم!! لك انتي لسا بتقابليه ياسمينة: ااخ اييه.. وبحبو كمان هيام: شوووو مجنونة انتي شي ياسمينة: لا مو مجنونة بس سليم غيرهم كلهم هيام: وانا طول الوقت عم فهمك وعلمك وانتي قاعدة بتعشقي وبتحبي.. خليكي هيك لوقت ما توقعي وما حدن يقدر يشيلك ياسمينة: لك لاا سليم مانه متل هالرجال.. بحبني كتير.. بشوف الحب بعيونه هيام: اي لنشووف.. ورامي هاد ياسمينة: هههه ماعرفتك عليه ابن خالتي ومتل اخي بس بيغار من سليم ومابطيقه هههه هيام: ايه حقه اصلا ما بنطاق هههه ياسمينة: اسكتي انتي ما بتفهمي بالرجال هيام: _العضوة: 275918 , منذ 4 سنوات
ياسمينة: هيام مو قصدي لا تزعلي مني وحياتك هيام: ااخ لا ما زعلت بس اتذكرت الرجال يلي عرفتهم بحياتي.. يلي ما كانو رجال من اساس ابي يلي كان يستقوي ع امي المسكينة ولا اخواتي يلي ما كان قلبهم يحن لا عليي ولا ع امهم ياسمينة: والله مو كلهم متل بعض بكرة بتتعرفي ع حدن ورح يعوضك وينسيكي كل يلي مريتي فيه هيام: لا انا هيك مبسوطة ومابدي جنس ادم كله يقرب عليي..وانتي لازم تكوني هيك.. انا مابدي قلك بعدي عن سليم.. بس خليه يشوف شخصيتك وتحررك وفكرك من قبل ما يبلش بينكم الجد ياسمينة: اي ان شاء الله.. هلء خلينا نروح نتمشى شوي هيام: ايه يلا البسي وانا ناطرتك تحت == جهزت ياسمينة ونزلت لعند هيام وقعدو يتمشوا شوي.. وهني بطريقهم صادفو رامي رامي: مسا الخير سوسو شو لوين ياسمينة: كنا عم نتمشى انا ورفيقتي هيام: مين هاد ياسمينة: هاد ابن خالتي يلي خبرتك عنه.. رامي هي هيام رفيقتي بالسكن رامي: اهلا وسهلا تشرفنا هيام: اهلين فيك رامي: فيني امشي معكم.. احسن ما تمشو صبايا لوحدكم بهالوقت هيام: اي ما تخاف بنعرف نحمي حالنا وقت اللزوم ياسمينة: خلص هيام اسكتي.. اي تعا رامي بنتونس بوجودك مشيو كلهم سوا.. طول الطريق رامي وهيام يتجادلو ويتناقشو حتى احتد النقاش بينهم هيا تدافع عن المرأة ومليون قضية حكت وهوا يحكي كلام ضدها.. وياسمينة تحاول تسكتهم وتروق الوضع شوي بس يرجعو ينفعلو من اي كلمتين.. بعد شي ساعتين لما ياسمينة ملت وخبرتهم ليرجعو.. رجعو هيام وياسمينة عالسكن وفاتو غرفتهم وهيام بعدها معصبة من رامي هيام: لك اووف شو سئيل ياسمينة: لك وانتي اسئل منه.. العماا.. طلعتوو رووحي هيام: ههههههه بس ما قدر يحكي شي بعد ما خبرته اخر قصة ياسمينة: هههه ايه ما انتي لسانك مو طبيعي ما بعرف منين بتجيبي هالحكي كلهالعضوة: 275918 , منذ 4 سنوات
هيام: ههههه اييييييه خلص تعبت وبدي نااااام.. _ الجزء الرابع _ كانو قاعدين الصبح بكير بالكفتيريا.. بعد ما بعتلا سليم مسج انه ناطرها تحت وبدو يخبرها شي.. بتطلعو ببعض وعيونهم فيها الف حكاية التنين متوترين.. ياسمينة عارفة شو بدو يحكي بس عم تعمل حالا مو فاهمة وسليم الكلمة مو راضية تطلع من تمو.. قلبو بيدق وبيفرك ايديه ببعضهم بتوتر ياسمينة : سليم.. النا ساعة قاعدين عم نطلع ببعض وما بنحكي شي سليم: هههه ايه بعرف.. ياسمينة اناا.. بدي اقلك انه اناا.. ياسمينة: انت شوو!! سليم: انا... رامي: انت شووو نط رامي من العادة وقعد حد ياسمينة وهوا عم يضحك.. سليم: يوووه علينا لك انت منين بتنط رامي: هههه من السما.. شو قاطعتكمالعضوة: 275918 , منذ 4 سنوات
ياسمينة: لاا رامي ابداا ما قاطعتنا ولا شي رامي: سليم كمل لا تخجل اعتبرني زوجا ل ياسمينة هههه سليم: ه ه ه.. خفة رامي: ههههههه ياسمينة: شو مفيقك بكير رامي رامي: الي فيقك فيقني سليم: ههههه رامي: ليه عم تضحك حضرتك سليم: ولا شي ابداً اطلعو سليم وياسمينة ببعض وابتسمو انهم فاهمين بعض.. بس رغم هيك سليم ضل مزعوج طول القعدة وماقدر يعترف لياسمينة بحبه بقيو قاعدين تلاتتهم وافطرو سوا لحد ما اجا وقت المحاضرات وكل واحد سحب حالو ومشي.. رن موبايلها ولقت ابوها عم يدق.. ماقدرت تتجاهل مكالمته.. ماهان عليها.. ردت عليه بصوت ندمان ومتدايق بنفس الوقت ندمانة لانه عم تتجاهله وهوا ما ذنبه بشي.. ومتدايقة لانه عندا احساس انه كان السبب بانفصاله عن امها وانه متله متل غيرو خانها او عذبها عصام: كيفك بنتيالعضوة: 275918 , منذ 4 سنوات
ياسمينة: هلا بابا بخير الحمدلله كيفك انت عصام: انا مو منيح.. هيك بتتجاهلي اتصالاتي وما بتطمنيني عليكي ياسمينة: ما تزعل مني بابا بس كنت مشغولة كتير هالايام عصام: مو زعلان بس بدي تكوني بخير ومرتاحة ياسمينة: انا بخير لا تقلق عصام: ناقصة شي.. ابعتلك مصاري ياسمينة: لا بابا لسا معي.. وبعدين ماما عم تبعتلي عصام: اي براحتك بنتي اذا احتجتي شي اتصلي فيني فوراً ياسمينة: ان شاء الله.. بخاطرك حطت الموبايل بجيبتها واخدت نفس وعيونا دمعو.. مابتعرف ليه حكيت معه بهي الطريقة.. ما حكتلو انها اشتاقتلو ولا انها بتحبو ليه اتدايقت منه وما بتدايق من سليم او رامي رغم انه تلاتتهم رجال يمكن لانه في جواتها شعور محسسها انه ابوها مذنب بشي.. كملت طريقها لمحاضرتها وهيا عم تفكر بكل شي صار معها من اول ما وصلت لهون.. قاعدة بالمحاضرة وعقلها مو معها.. خلصت دوامها العصر وما راحت عالكفتيريا لانه كانت متاكدة رح تتلاقى مع سليم ويطب عليهم رامي متل كل مرة.. اشترت شوية غراض وراحت ع غرفتها دقت ع هيام يلي ردت عليها وخبرتها انها مشغولة وما رح ترجع للمسا.. اكلت شوي.. وطالعت محاضراتها وكتبتها وبلشت تدرس وتراجع يلي اخدته.. مرت الساعات وهيا ع نفس القعدة.. كانت رح تغفى لوقت ما دق موبايلها سليم: مرحبا ياسمينة وينك اليوم ما شفتك نطرتك كتير ياسمينة: اهلين سليم.. ماتزعل مني بس كان عليي دراسة كتير.. وكنت عارفة لو جيت رح يطب رامي كالعادة سليم: هههه اي اجا وقعد معي ياسمينة: هههه بس ما تكون اتخانقتو سليم: لا اتجاهلتو وقمت من عندو ياسمينة: هههه سليم: شو عم تعملي ياسمينة: ولا شي.. كنت عم ادرس وبنطر هيام لهلء ما اجت سليم: فيني شوفك ياسمينة: هلء سليم: ايه.. بدي خبرك شي.. وما رح اقدر خبرك اياه بالكفتيريا بنوب بسبب ابن خالتك الدبق ياسمينة: هههه هلء بنزل وبشوفك سليم: اي ما تتاخري رح بنطرك سكرت ياسمينة الموبايل وركضت ع خزانتها.. طالعت فستان مخملي اسود.. وبوت احمر وحطت شال صوف احمر ع كتافها.. زبطت شعراتا وحطت جلوس خفيف ع شفايفها.. اتطلعت ع حالها نظرة اخيرة وابتسمت.. طلعت من غرفتها واطلعت حواليها عالسكن الي كان كلو هدوء.. نزلت لتحت وطلعت لبرا شافت سليم واقف وساند ظهرو عالحيط وعم ينطرها ياسمينة: إتاخرت عليك سليم:____العضوة: 275918 , منذ 4 سنوات
ياسمينة: شبك سليم: طالعة حلوة كتير خجلت ياسمينة وهربت بعيونها عنه ونطقت بصوت خجول ياسمينة: تسلم سليم: يسلملي الخجلان انا هههه ياسمينة: هههه سليم: خلينا نمشي شوي البحر قريب من هون.. ولا بردانة ياسمينة: لا مو بردانة مشي خلينا نروح مشيو لحد ما وصلو شط البحر.. شلحت ياسمينة بوتها وحملتو بايديها لتعرف تمشي ع رمل البحر مد ايدو سليم لياخدو منها.. خجلت واعطته اياه سليم: انا بحبك رجف قلبها ونزلت عليها الكلمة بشكل مفاجأ.. ما توقعت يحكيها هيك فجأة وقفو مكانهم واطلع فيها سليم: انا بحبك.. بحبك ياسمينة ياسمينة: وانا.. انا كمان بحبك سليم: عم تحكي جد ياسمينة: اي سليم: لك يااربي شو كنت مستني هاللحظة ياسمينة: هههه كملو مشي وهما شابكين ايديهم سوا.. كملو حديث لوقت ما طلب منا سليم تبعد عن هيام ورفقاتها ياسمينة: بس هالشي مو مقبول.. انا بحبا لهيام وبحب وجودي بينهم خبرتك من قبل انا بستفاد وبتعلم كتير.. وماتخاف ما رح خلي هالشي يأثر عليي بشكل سلبيالعضوة: 275918 , منذ 4 سنوات
سليم: اي ان شاء الله ياسمينة: خبرني عن حالك.. ليه جيت لهون.. وشو عندك اخوة وكيف امك وابوك وكلل شي بدي اعرف عنك سليم: ممم ما في شي مهم بحياتي.. انا يتيم.. امي وابي متوفيين ابي توفى من سنين وامي من جديد من كم شهر.. الي اخوة بس متزوجين وعايشين برا البلد.. وانا بعد ما توفت امي طلعت من البلد وجيت كمل دراسة هون ياسمينة: بعتذر ياريتني ما سالت شي سليم: ما تقولي هيك.. هلء انتي كل حياتي ياسمينة: يخليلي اياك ... بعد ساعات من المشي الوقت اتاخر وياسمينة طلبت منه يرجعو عالسكن.. كملو مشي عالطريق وهني عم يضحكو وسليم يتغزل فيها سليم: شوفي موبايلي الجديد.. ياسمينة: ييه شو حلو.. اخر الفصل بدي جيب واحد متله سليم: ليه موبايلك مو حديث ياسمينة: يعني مو كتير سليم: هاتي لشوف.. افتحيه ياسمينة: اي ليكه سليم: ماشي حاله..خلص بس تخلصي هالفصل وعلاماتك تكون حلوة رح جببلك احلى موبايل ياسمينة: ههههه طب هات الموبايل وخليني روح ليكنا وصلنا سليم: خدي.. وانتبهي ع حالك ياسمينة: وانت كمان ودعته وطلعت عالسكن وصلت ع الغرفة وكانت هيام لساتها مو راجعة دقت عليها عالموبايل كتير ما ردت راحت ع غرفة مها ودلال لتسأل عنها.. خبروها انه هلء لسا لنزلت لحقتها لتحت بس ما شافت حد.. رجعت ع غرفتها وضلت تستنى لحد ما غفيت ونامت.. ==== تاني نهار الساعة 9ونص صباحاً.. فاقت ياسمينة.. واول ما فتحت عيونها اتذكرت هيام.. قامت من محلا شافت تختا فاضي وبعدو مرتب متل ما هوا.. مسكت موبايلها ورجعت دقتلها بس هالمرة اعطاها مغلق.. قلقت كتير وقامت غسلت وغيرت تيابها ونزلت لتحت.. رجعت سالت رفقاتها عنها خبروها انه ما شافوها من وقت ما نزلت من عندهم الليلة يلي فاتت قلقو كتير واتوجهو ليخبرو الادارة عن اختفائها.. خافت تضل تنطر اكتر ويكون صايب هيام شيالعضوة: 275918 , منذ 4 سنوات
الادارة بلغو يبحثو عنها بكل ارجاء السكن وحرم الجامعة ما لقيولها اي اثر.. بلغو المباحث عن اختفائها وخبروهم انه بس يمر 24 ساعة يتصلو فيهم اتوترت ياسمينة كتير وخافت يكون صاير ل هيام شي بقيت لاخر الليل هيا ومها ودلال ينطرو انها ترجع ما رجعت.. راحت ع غرفتها وهيا مكتئبة وخايفة ع هيام.. اول ما وصلت وفاتت الغرفة لقت قميص هيام يلي كانت لبساه يوم مااختفت وفوقه ظرف ارتعبت واطلعت حواليها وشالت الظرف وفتحته وايديها عم يرجفو.. مسكت الورقة وبلشت تقرأ وتبلع ريقها ( مفكريني عم العب معكم.. انا حذرت وما حد سمع كلامي.. الدور عليكي ست ياسمينة ) رمت الورقة ونزلت عالارض وهيا عم تعرق ونفسها يديق ويختنق #يتبع ألسنة_من_نار_بقلم_نداءالصوالحي الخامس + السادس.. السابع + الثامن والاخير #انتهت ____ الجزء الخامس _ كانت عم تبكي وترجف وهيا عم تتخيل تكون هيام انخطفت او انقتلت ما عرفت شو بدا تعمل.. اول شي فكرت فيه انه تتصل ع سليم حست بانه الملجأ والمنقذ الوحيد الها مسكت موبايلها بايدين عم يرجفو.. ودقت ع سليم مرة وتنين وتلاتة بس ما رد.. يئست واتصلت برامي يلي رد من تاني مكالمة رامي: اي ياسمينة في شي ياسمينة: ر ر رامي الحقني رامي: شبك شوو صرلك ياسمينة: انا.. انا خايفة كتيير رامي: اهدي اهدي وفهميني شو صاير ياسمينة: مو قادرة احكي شي تعا لعندي حاسة رح اختنق بترجاك رامي: ما بقدر اطلع عالسكن لعندك ممنوع.. رح استناكي عالباب انزلي ليكني جاي ياسمينة: اي لا تطول مسكت ياسمينة القميص والمكتوب وحطتهم بظرف وطلعت من غرفتها وهيا عم ترجف وتطلع حواليها.. لوقت ما وصلت ولقت رامي عم يستناها ركضت لعندو متل البرق وحضنتو وهيا عم تبكي وتشهق رامي: لك اهدي ليكني معك ما في شي تخافي منه.. اهدي وتعي خبريني قعدو رامي وياسمينة وبلشت تحكيله بخوف وصوت مقطع ورامي بعدو ساكت وعم يفكر رامي: انا خبرتك من قبل تبعدي عناا خبرتك ما رح ييجي من وراهاا الا المصايب وليكي شو صار ياسمينة: لك انااا مو هاممني شو صار انا خاايفة ع هيام يكون صرلا شي.. خايفة تكون انقتلت رامي: لا ما تقولي هييك ان شاء الله مابصرلا شي.. هلء خلينا نروح نبلغ الشرطةالعضوة: 488064 , منذ 4 سنوات
؟؟؟ كمليالعضوة: 275918 , منذ 4 سنوات
قبل ما يروحو يبلغو كان جاي سليم شاف رامي وياسمينة وشكلهن بيوحي انه في مصيبة سليم: ياسميينة شو فيه لقيت منك 12 مكالمة كنت عم اتحمم بعد ما رجعنا من المشوار رامي: رجعتو من المشوار! ليه وين كنتو ياسمينة: ييه رامي مووو وقته هلء سليم: ايه فعلاً ما اسئلك مو وقته.. شو ياسمينة طمنيني صاير شي ياسمينة: خود شوف هالظرف.. هياام انخطفت.. انخطفت او انقتلت ماابعرف يااربي سليم: خلص لا تبكي حبيبتي رح نلاقيها ما تقلقي رامي: ايه انت الي اهدى وبعد عنها شوي سليم: خلينا نروح هلء لنبلغ الشرطة ب الي صار طلعو ياسمينة وسليم ورامي ووصلو مركز الشرطة وبلغو عن اختطاف هيام واعطوهم الي تركه الخاطف طلع وجه الصبح والخبر انتشر بكل السكن والجامعة.. الكل ارتعب وخاف وزعل ع هيام بلشت الشرطة تحقق مع كل الموجودين الطلاب والدكاترة حتى عمال الكافتيريا والحراس ومااستفادو منهن شي.. لوصلو لعند ياسمينة وبلشو يحققو معها اسئلة كتير بتجيب بتودي وبتخليها ترتبك وماتعرف ترد.. خبرتهم عن كل شي كان يصير معهم من قبل.. عن التهديدات يلي كانت توصلهم.. وحطو حق كبير عليهم بعدم التبليغ عنها خبرتهم عن دكتور نبيل لانه كان عندها احساس انه ممكن يعمل شي متل هيك بسبب كرهه الهم خبرته عن اهل هيام يلي عم يدورو عليها واحتمال يكونو هما يلي لاقوها ياسمينة ما خبت عليهم شي وخبرتهم باي طرف ممكن يوصلولو بعد ساعات من التحقيق هلكت ورجعت عالسكن.. فاتت ع غرفتها وقفلت الباب.. بقيت تطلع حواليها وهيا حاسة بخنقة اشتاقت ل هيام كتير وخايفة عليها اتمنت انه ما تكون انقتلت او صرلا شي اتمنت يكون مجرد خطف وترجعلها.. بقي الكل تلات ايام بين خوف وقلق.. والكل مشحون ومتوتر وعم يستنو اي خبر عن هيام بس الشرطة ما لقت شي.. وما استفادو منهم بولا شي حققو مع دكتور نبيل الي طلع عندو اسباب وشهود بانشغاله وقت الحادثة ووجوده مع ناس كتير.. واهل هيام يلي طلع ما معهم خبر بمكانها وانصدمو من يلي سمعوه.. ما كان في اي دليل بيقدر يساعدهم ليعرفو مكانها.. ياسمينة تعبت وبلشت تيأس من انه يلاقو هيام.. المجموعة هديت وماعادت متل قبل بسبب غيابها عنهم.. يوما بالليل وياسمينة بدا تنام.. راحت لتطول بجامتها يلي بتحب تلبسا دائما.. اتذكرت هيام وقت كانت تضل تضحك عليها وع بجامتها.. قبل ماتلبسا وقع منا شي طملت لتشوف شو هيا كانت ورقة صغيرة فتحتا وبلشت تقرا يلي مكتوب فيهاالعضوة: 275918 , منذ 4 سنوات
( ياسمينة.. اذا انتي هلء عم تقرأي هي الرسالة معناها انا هلء يا اما مخطوفة او مقتولة.. انا ماحبيت خوفك او اقلقك بس انا كل يوم كنت لاقي تهديدات غير يلي لقيناهم انا وانتي سوا.. غير اني كنت حس حدا عم يراقبني طول الوقت وخاصة بالليل.. لهيك كتبتلك هي الرسالة بحال صرلي شي مابدي تخافي..ولا ترتعبي.. الي عمل فيني هيك اكيد رجال عدو النا.. مابدو حريتنا ولا تحررنا رجال مريض بالتحكم فينا وخنق انفاسنا لهيك بترجاكي لا توقفي.. اذا فعلاً معتبراني صديقتك كفي المشوار عني.. خلي الكل يعرف انه لو انا رحت في غيري الف صبية بتكفي وانه ما في مجال نوقف.. وانا حملتك هي المهمة لاني بعرفك قدها بتمنى تحققي الشي يلي ما قدرت حققه.. واخر شي بدي قلك اياه.. لا تثقي بحد لا تثقي باي مخلوق لانه بلحظة ممكن يخلع قناع البراءة ويورجيكي الشيطان يلي جواه.. بحبك كتير.. صديقتك هيام) حست قلبها رجف وقعدت بالارض وبلشت بكي.. بكيت كتير بدون توقف.. ما قدرت تنام ليلتها من كتر ما بكيت اشتاقت لرفيقتها.. واتاكدت وقتها انه خلص هيام راح ت وما في الها رجعة حست بخوف كبير.. وتراجع اكبر بس في شي دفعها وقوى قلبها.. في شي جواها عم يقلها ما تخلي موت رفيقتك يروح غدر طلع النهار وهيا ع قعدتها والورقة لساتها بايدها.. قامت خبت الورقة وفاتت عالتواليت اخدت دوش وغيرت تيابها ونزلت عالكفتيريا طلبت قهوة وهيا عم تشربها اجا لعندها سليم.. يلي كان متعود يلقاها كل يوم الصبح ع نفس الطاولة سليم: صباح الخير حبيبتي ياسمينة: صباح النور سليم سليم: كيف صرتي!! ان شاء الله احسن ياسمينة: منين بدي صير احسن.. تعبانة ياسليم تعبانة كتيرالعضوة: 275918 , منذ 4 سنوات
سليم: سلامتك من كل التعب ريتو فيا ولا فيكي.. تاكلي شي ياسمينة: لا ما الي نفس.. ما صار مستجدات بقصة هيام سليم: ما بظن كان انتشر الخبر.. لهلء الشرطة ما عرفت شي وما الها اي اثر رامي: صباح الخير انتو هون ياسمينة: صباح النور رامي تعا اقعود هون رامي: شو كيفك هلء.. صار شي جديد ياسمينة: ابداً متل ما انت شايف رامي: بنلاقيها ان شاء الله.. بس انتي هلء خلص بعدي عنهم وخلو هالوضع يهدا ويلغو هالمجموعة يلي ما جابت غير المصايب سليم: اي رامي معه حق ياسمينة: هههه عم تمزحو اكيد.. انا ما رح وقف شي.. بالعكس.. انا رح ورجيهم هلء كيف بيعملو برفيقتي هيك.. رامي: شو رح تعملي ياسمينة: بكرة بتشوف.. عليي وعلى اعدائي ==== بعد ما خلصت ياسمينة دوامها ومحاضراتها.. توجهت للقاعة يلي بيجتمعو فيها البنات.. اول مافاتت شافت الكل قاعد وسرحان.. مافي حيوية ومافي مواضيع.. الحزن بعيونهم والقلق مسيطر عليهم.. قربت من البنات ووقفت محل ما كانت هيام توقف.. طالت الورقة يلي كتبتا هيام الها وبلشت تقرأها عليهم.. كلهم بكيو.. اشتاقو.. ما عرفو يلي بيعملوه صح ولا غلط.. ما بيعرفو اذا هيام من البداية مشتهم ع طريق صحيح ولا لا.. بس كل يلي بيعرفوه انهم اشتاقو لرفيقتهم وخايفين عليها.. حاولت ياسمينة تشجعهم وتقويهم ليكفو.. منهم شي خاف وتراجع وطلع من المكان كلو وشي ضل معها وحاول يسيطر ع خوفه.. شي ضل مكانه وما قدر يروح ولا ييجي.. === بدت ياسمينة كل يوم تعمل ندوة وجلسة بلشت تجيب قضايا جديدة ومواضيع جديدة.. وغير هاد الاعتصامات يلي كانت تعملها حتى يلاقو هيام وما يسكرو قضيتها.. كانت تقضي كل وقتها بين الندوات والاعتصامات.. لوقت ما حست حالها غرقت وصارت هيام التانية فعلاً كبر الكره بقلبها.. كل يوم كانت تجيها صبية جديدة بمصيبة كبيرة.. الجامعة والدكاترة بلشو يملو منهم ويحاسبوهم ع الي بيعملوه.. والشرطة كانت كل يوم والتاني تيجي لعندهم وتوقف الاعتصامات والمشاكل.. سليم ما عاد قدر يشوفها ل ياسمينة.. طول الوقت بعيدة عنه ومشغولة كان يشتقلها كتير ويضل يسال عنها ويدقلها.. ورامي كمان ما خلي الامر منه.. طول الوقت يحاول يقابلها ويسرق الوقت منها سرقة..العضوة: 275918 , منذ 4 سنوات
كانت قاعدة هيا ومها ودلال يلي صارو رفقاتها بعد غياب هيام عنهم.. دلال: يا الله مر اسبوعين ع غياب هيام.. مقول هلء هيي ماتت مها: ااخ لا تذكريني.. ان شاء الله تكون بخير دلال: والشرطة وجودها وعدمه واحد.. ما قدرت تعرف شي.. ولهلء القضية مفتوحة وعم يدورو عليها مها: لك ياسمينة بتعرفي انه مافينا نضل هيك لازم نوقف.. وانتي كتير زودتيها.. هيام ما كانت تعمل يلي انتي بتعمليه هلء ياسمينة: لا شو نوقف.. بعدين انا شو بعمل زيادة عنها مها: لك كيف شو بتعملي انتي كتير صرتي عدائية للرجال وحولتي مواضيعنا من حقوق المراة والدفاع عنها.. لعداوة الرجل.. مو ملاحظة ياسمينة: اي ملاحظة وانا هاد الي بدي الكل يلاحظه دلال: ليه بقى! ياسمينة: حتى ييجي دوري مها..دلال: شووو.. لك شو ييجي دورك ياسمينة: الخاطف.. هون معنا بالجامعة.. حوالينا بكل مكان.. بيعرف شو بنعمل ومقهور منا وبيكره جنس حوا.. تخلص من هيام بسبب الي بتعمله وهددني ما اعمل متلها.. بس انا عملت الاكتررر.. رح ييجي دوري ووقتها رح يشوف شو رح تعمل ياسمينة دلال: هلء انتي كل يلي بتعمليه حتى يخطفك.. مجنوونة شي ياسمينة: لا مو مجنونة.. بدي هيام.. بدي اعرف شو عمل فيها.. وين اراضيها.. حتى لو بدو يقتلني متلها عالاقل بموت مرتاحة وعارفة انه رفيقتي ماتت.. ومانها وحيدة بمكان ما حد بعرفه مها: بس يلي بتعمليه خطر كبيير.. فرضاً اجا دورك وانخطفتي.. وما قتلك.. ومالقيتي هيام.. شو رح تعملي.. لك مجنونة انتي دلال: نحنا لازم نوقف كل شي ما بصير هيك ياسمينة: لا ما رح نوقف.. وصية هيام انه نكفي.. ما تخافو ما بصير شي.. لو انا يلي صرلي هيك او اي وحدة فيكن كان هيام ما تركتنا..