السنة_من_نار_بقلم_نداءالصوالحي
__ الجزء الأول ___
صوت الرعد الي مغطي ع كل الأصوات.. البرق الي بيضوي بالعتمة الشديدة.. واقفة وشابكة ايديها ببعض وعم تراقب بقطرات المطر الي بتنزل ع الشباك قبالها..
جسمها قشعر وحست بالبرد.. مشيت لحد خزانتها وطالت جاكيت صوف لبستو وثواني وحست بالدفا سيطر ع جسمها..
قعدت ع سريرها ومسكت الموبايل ودقت ع امها ونطرت لترد
هاجر: الوو.. مسا الخير بنتي
ياسمينة: مسا الورد امي.. كيفك
هاجر: بخير حبيبتي كيفك انتي طمنيني عنك وصلتي!!
ياسمينة: إي ماما من ساعة
هاجر: في حدن مشاركك بالغرفة
ياسمينة: اي خبروني انه في صبية اكبر مني سنة ثالثة مقيمة هون من قبلي بس لسا مااجت ع الغرفة ما تعرفت عليها
هاجر: اي انتبهي ع حالك وع طول طمنيني
ياسمينة: ان شاء الله ماما
العضوة: 275918 , منذ 4 سنوات
ياسمينة: لا ما رح نوقف.. وصية هيام انه نكفي.. ما تخافو ما بصير شي.. لو انا يلي صرلي هيك او اي وحدة فيكن كان هيام ما تركتنا.. __ الجزء السادس __ كانت قاعدة ع تختا بغرفتها.. وحيدة.. مافي غيرها هيا والكتب يلي حواليها.. دق موبايلها اطلعت عالمتصل كان سليم قلبها وجعها.. اشتاقتلو كتير.. وظلمتو كتير الها اسبوع ما بتحاكيه وبعيدة عنه.. لحظات كتير بتكرهو بدون سبب بس لانه رجال.. ولحظات بتحس بالضعف.. بتحس بالحب.. بالشوق.. ما فيها تمنع حالها عنه.. ردت عليه سليم: واخيرااا.. لك ارحميني.. ليه بتعملي فيني هيك.. انا رح مووت مشتق لك كتييير ياسمينة: وانا كمان مشتاقتلك سليم: بدي شوفك.. ليه بتبعدي عني ياسمينة: مافيني هلء الوقت متأخر كتير سليم: لكان بكرة..لازم شوفك.. في حكي كتير بدي احكيه ياسمينة: وانا كمان سليم: رح بنطرك الصبح بكير.. بنفطر سوا متل قبل ياسمينة: اوك بشوفك.. تصبح ع خير سكرت معه المكالمة واتصلت ع امها اتطمنت عليها وحكيت معها بكل حب وشوق.. وبعدا اتصلت ع ابوها.. حكت معه شوي وطمنته بس مو من قلبها.. بعدا نامت وهيا بالها وقلبها مو مرتاحين بنوب.. === الصبح بعد ما جهزت حالها وراحت لتشوفه.. كانو قاعدين وعم يبتسمو لبعض.. الكلام كلو تبخر منهم.. العتاب اختفى ياسمينة حست بانها نسيت شوي من الافكار يلي مرافقاها.. نظرة من سليم كانت كفيلة تنقلها لعالم تاني غير العالم يلي عم تصارع فيه.. سليم: حبيبتي شو بتحبي تفطري ياسمينة: ايا شي ما بتفرق سليم: خلص رح جيب سندويشات لبنة وكاستين شاي.. بدك شي تاني ياسمينة: لا هيك تمام افطرو سوا وهما عم يحكو ويضحكو.. نسيو العتاب والزعل يلي بينهم.. ومتل كل يوم اجا رامي لعندهم ودب حالوالعضوة: 275918 , منذ 4 سنوات
بيناتهم سليم: لا اله الا الله.. لك ياسمينة احنا لازم نغير هالمكان ياسمينة: ههههه رامي: وحتى لو غيرتوه رح جيبه هههه كيفك سوسو ياسمينة: مشتاقتلك كيفك انت رامي: بخيير.. شو لساتك فايعة بالمجموعة والاعتصامات ولا رقتي ياسمينة: لا ما بروق.. لساتي متل ما انا ورح ضل هيك رامي: يعني لساتك مصرة وحابة تإذي حالك ياسمينة: هههه اي رامي: مممم اي متل مابدك ياسمينة: انا عليي محاضرات هلء بشوفكم سليم: لك وين رايحة وتاركتيني معه رامي: لك شايفني انا يلي مبسوط بقعدتي معك.. وانا كمان رايح خديني معك قام رامي واخد ياسمينة ومشيو بعيد عن سليم.. وهوا ضل قاعد مطرحو عم يطلع فيهم والغيرة عم تاكله اكل.. ياسمينة: لك بلا من هالحركات هي ما تعمل هيك رامي: اي حركات ما عملت شي ياسمينة: رامي انا فاهمتك رامي: شوو فاهمتيني ما عملت شي ياسمينة: والله ما عملت شي!! لكان حركات النط لعنا كل يوم الصبح شو رامي: ههه عاادي لاني بفيق بكير ياسمينة: والله!! ايه والحركات الي بتستفز فيها سليم رامي: مممم اي خلص يعني كاشفتيني ياسمينة.. انا بحبك اتوترت ياسمينة وما توقعت رامي يعترفلا هيك.. توقعت اي شي الا انه يكون بحبها ياسمينة : رامي انت ابن خالتي ومتل اخي.. لو سمحت رامي: وسليم ياسمينة: شبه سليم رامي: شو بالنسبة الك! ياسمينة: رامي.. انا.. انا بحبه لسليم رامي: ياسمينة شو بتحبيه.. انتي ما الك فترة قصيرة بتعرفيه.. بعدين مانو معروف اصله من فصله لحتى تحبيه ياسمينة: الحب مو محتاج وقت لحتى تعرف الشخص يلي بتحبه.. بكفي عيونه يلي بتقول انه بحبني مو محتاجة شي تاني رامي: ماشي ياسمينة متل مابدكالعضوة: 275918 , منذ 4 سنوات
ياسمينة: لك لا تزعل مني والله اني بعزك كتير.. بعدين بدي منك خدمة رامي: أؤمري ياسمينة خانوم ياسمينة: بدي تجبلي موبايل صغير..من اقدم نوع بتعرفهن رامي: ايه بس لشو ياسمينة: خلص بلا كتر اسالة المهم موبايل صغيير اقدر خبيه.. بدي تجبلي اياه وحطلي فيه سيم اوك ورح بعطيك حقه لا تخاف رامي: ههههه لك لا مو مستاهل بس لشو ياسمينة: لك بس هيك لازمني رامي: حاضر المسا بكون عندك تكررمي ياسمينة: يخليلي اياك.. بشووفك ==== بعد ماخلصت ياسمينة دوامها راحت ع غرفتها والتعب هالكها.. نامت كم ساعة ووقت المغرب دقلها رامي ليعطيها الموبايل والسيم.. نزلت لتاخدهم منه ياسمينة: بتشكرك كتير رامي رامي: ولا يهمك.. وهي كمان سيفتلك رقمي فيه حتى كون اول رقم ينضاف عليه ياسمينة: هههه ماشي يسلمو رامي: ما بدك تقليلي لشو ياسمينة: لا ما رح قلك.. بلا ما تطلع انت الخاطف هههه رامي: شو!! ياسمينة: ولا شي.. روح خلص بدي اطلع ادرس شوي قربت الختبارات رامي: اي ماشي طلعت ع غرفتها طالت جاكيت جينز عملت جواه فتحة داخلية قفلت الموبايل وحطته فيها.. وسكرت الفتحة كانت بدا تدرس بس رجع دق موبايلها كمان مرة ياسمينة: لك يوووه رامي قد ما بتدق شو هاد كان المتصل سليم.. ضحكت ع حالا وابتسمت وردت عليه بخجل ياسمينة: اي سليم سليم: كيفك ياسمينتي ياسمينة: ههه ياسمينتك! سليم: اي انتي احلى وردة ياسمين بشوفها.. شو عم تعملي بدي شوفك ضروري ياسمينة: هلء الوقت تأخر سليم: لك ما تفشليني عاملك مفاجأة ياسمينة: ممم اذا فيها مفاجأة رح شوفك سليم: يلا انزلي ناطرك تحت قامت ياسمينة وغيرت تيابا لبست فستان زهري وبوت اسود وربطت شعراتا متل ديل الحصان.. قبل لا تطلع تذكرت الجاكيت الجينز يلي نبهت حالا تلبسه بكل وقت بدا تطلع فيه.. لبسته ونزلت لعند سليم كان واقف وراكز ع سيارة حمرا شكلا حلو كتير وملفتالعضوة: 275918 , منذ 4 سنوات
ياسمينة: وااو لك شو هاد سليم: هههه اتأجرتا لساعتين شو رأيك ياسمينة: إلنا سليم: ايه بدي لفلفك فيها البلد كلها ونرجع ههههه ياسمينة: اي يلا لكان طلعو ياسمينة وسليم عالطريق السريع.. شغل السي دي وكانو لوحدهم هني والهوا يلي عم يهف عليهم من كل مكان.. ياسمينة يلي عم تطلع ايدا من الشباك وتلامس الهوا بأصابعها الرفاع.. وسليم يلي بيسرق النظرات عليها ويبتسم نص ساعة عالطريق وبعدا فاتو بشوارع ضيقة.. استغربت ياسمينة بس ضلتا ساكتة صار يفوت من شارع لشارع وياسمينة تطلع باستغراب.. شوارع ضيقة.. خالية.. مكسرة ..وكلها مطبات.. ومافيها جنس مخلوق ياسمينة: لك سليم لوين فايتين سليم: حبيبتي هلء بنوصل ياسمينة: لوين نوصل! ثواني ووقف سليم السيارة بقرب مكان مهجور.. مبنى شبيه من مكب للنفايات.. ريحة قذرة.. مكان مهجور.. ومنظر بيلعي النفس ياسمينة: سليم لوين جايبنا شو هالقرف هاد سليم: هي المفاجأة حبيبتي ____ الجزء السابع ____ اطلعت ياسمينة بخوف ع سليم يلي كان عم يبتسم وملامحه هادية ياسمينة: مفاجأة شو يلي بدا تكون هون سليم: انزلي هلء بتشوفي ياسمينة: مابدي انزل.. بلا مزح سليم خلينا نرجع نزل سليم من السيارة ولف بناحية ياسمينة فتح الباب ومدلها ايده سليم: يلا انزلي ياسمينة: سليم خلص حاج لا تخوفني خلينا نرجع الوقت تاخر وهلء بيقلقو عليي سليم: لا ما رح يقلقو لوجه الصبح.. ماانتي لوحدك بالغرفة مابظن يفتقدوكي هلء صرخت ياسمينة فيه بصوت عالي ياسمينة: ماابدي خلينا نرجع عصب سليم وضرب بايدو ع السيارة خلتا تنهز هز سليم: ماااتصرخي وطي صووتك.. عم قلك انزلي ياسمينة بلشت تخاف وتبكيالعضوة: 275918 , منذ 4 سنوات
سليم: لك اسف ماتبكي انتي عصبتيني.. ياسمينة: _ سليم: طب مابدك تشوفي رفيقتك ياسمينة: هيام!! سليم: ايه هيام.. لقيتلك اياها ياسمينة: عم تحكي جد.. وينهااا.. كيفهاا.. بدي شوفها سليم: يلا تعي خليني اخدك لعندا ليكها جوا عم تستناكي ياسمينة: جواا!! كيف لقيتها! وشو عم تعمل لوحدها سليم: يلا تعي هلء بتعرفي كل شي نزلت ياسمينة من السيارة وهيا عم تطلع حواليها بقرف وحاطة ايدا ع تمها.. اول ما وصلو فتح سليم الباب الخارجي بمفتاح وفاتو لجوا.. طلعو ع درجات لوصلو للباب الداخلي.. كان مقفول ومحكم كتير.. فتحو سليم وفاتت ياسمينة لجوا وهيا مصدومة وعم تطلع حواليها ما تخيلت انه المكان من جوا يكون بالشكل هادا بيت نظيف واثاث حديث وكإنه المكان يلي برا مو هوا نفسه يلي من جوا كانت تطلع حواليها وعم تفرك عيونها وحاسة انها عم تحلم اطلعت بسليم باستغراب.. ابتسم وحط ايديه بجيبه ياسمينة: وينا هيام.. هياااام.. انا هوون.. حبيبتي وييينك.. هيااام سليم: لك ما تعلي صوتك ما رح تسمعك لف ظهرو سليم وسكز الباب بقفل وحطه بجيبه وقرب من ياسمينة ياسمينة: كيف ما رح تسمعني.. وينها.. مو قلتلي انها هوون.. وينهااا سليم: __ ياسمينة: لك جاااوب احكي شي سليم: قلت لااا تعلي صووتك.. لا تخليني عصب عم تفهمي ياسمينة: طب ويناا هيام سليم: هيام ارتاحت هلء ياسمينة: كيف ارتاحت هيام: فوتي ع الغرفة هي لجوا بتعرفي ركضت ياسمينة بخوف عالغرفة وفتحتا بقوة.. اول ما انفتح الباب هبت ريحة بشعة كتيير خلتا تلعي نفسها وتستفرغ بدون ارادة.. رفعت راسا عن الارض ومسحت تما بقفا ايدها ورجعت فاتت لجوا اطلعت حواليها.. اول ماشافت السراير الي بالغرفة ارتعبت ووقعت عالارض.. رجعت لورا زحف وهبا عم تخبط بكل شي.. رجليها عم يرتعشو ونفسها عم يديق حست حالها رح تختنق.. صارت تبكي بشكل هستيري وتخبط بحالا طلعت لبرا الغرفة وركزت ظهرها عالحيط وهدا عم تبكي وتطلع ب سليم الي بعدو واقف مكانو ياسمينة: هيااااام.. هياااام.. لك شووو عملت فيهاا ياحيوااان.. الله يااخدك والله لانتقم منكالعضوة: 275918 , منذ 4 سنوات
سليم: هسس اهدي ياسمينة قلتلك لا تعصبيني ياسمينة: لك شوو اهدى ياحقييير كنت انت الي عم تهددنا طوول الوقت وانا مصدقتك لك ليه عملت هييك.. بشووو أذتك ومين هي يلي عالسرير التاني .. مين هي كماان شوو عملت فييهم انا رح بلغ الشرطة عنك.. رح خليهن يقتلووك انت حقيير سليم: تؤ تؤ تؤ.. لك لساانكم هوا السبب بالي عم اعملوو.. اهدي وروقيلي حالك.. ما تخليني اعمل شي ما رح يعجبك ياسمينة: اهدى!!!!! لك انت مريييييض شوو عملت فيهم سليم: اهدي هلء وبعدين بخبرك.. خليني سكرها لهالغرفة حتى ما نختنق من ريحتهم المعفنة.. وانتي تعي لعندي ياسمينة: ماابدي بعد عني.. اذا بتقرب مني رح صررخ سليم: واذا صرختي.. مين رح يسمعك ههههه.. انتي مو شايفة نحنا وين.. والساعة كم! ياسمينة: الله ينتقم منك شووو بدك مني.. لك انا حبيتك ليش لتعمل هييك سليم: وانا حبيتك.. وبعدني بحبك.. وما رح اعملك شي بس انتي ضبي لسانك وطفيلي النار يلي فيه حتى ما تجبريني ع شي سكتت ياسمينة وحست انه مافي مجال تعمل شي.. قعدت عالارض وبلشت تبكي بدون توقف.. ماقدرت تاخد نفس ولا تقوم من مكانها.. قرب سليم لعندها ومسكها وحطها عكرسي.. ربطلا ايديها ورجليها اخد شنتايتها وموبايلها وراح من عندها ما قدرت تقاومه ولا تحكي معه شي.. كانت بتعرف حتى لو قاومت مافيها تهرب منه ومافيها تقدرله.. لسا الشي يلي شافته بالغرفة قدام عيونها.. مو قادرة تنسى المنظر يلي شافته السريرين الي كلهن دم..هيام الي نايمة ع سرير وايديها مربطين با لحديد لورا.. ولسانا المقطوع وتما الي نازف دم ومنشف ع وجهها وجسما كله..جثتها يلي مو متعذبة بنوب عدا عن قطع اللسان.. بس يلي باين انه تاركها لحد ما تصفى دمها.. جسما الي عفن واكله الدود وريحتها يلي طالعة..مو قادرة تنسى المنظر ولا الريحة راضية تطلع منها.. اتذكرت السرير التاني يلي عليه جثة مربطة نفس هيئة هيام بس اكلها الدود وباينتا قديمة ما قدرت تعرف مين بس كل يلي بتعرفه انه سليم بأي لحظة رح يحطها متلهم وتكون من عداد الأموات.. بعد دقايق فات لعندها ومعه صنية اكل.. قرب حدها وسحب كرسي وحط قبالها وقعد عليه سليم: شو رايك نتعشى اكيد ما اكلتي شي مو ياسمينة: ___ سليم: يلا افتحي تمك انا رح طعميكي ياسمينة: انقلع من وجهي مااابدي اطفح حل عني سليم: ما بصير لازم تاكلي شي الليل طويلالعضوة: 275918 , منذ 4 سنوات
ياسمينة: قلتلك مااابدي حل عني.. لك كيييف بدك اياني اكل بعد الي شفته كييف سليم: بسيطة كإنك عم تحضري فيلم رعب وجعتي من الخوف وبدك تتعشي بعدا هههه ياسمينة: لك عم تضحك.. كيف الك قلب تعمل هيك حط سليم الاكل من ايده وقام من محله.. طالع سيجارة من جيبه وولعا وبلش يدخن.. كان يروح وييجي قدامها وهيا عم تتابعه بنظرها عم تطلع ع الانسان يلي حبته.. عشقته.. وأمنته.. كيف يطلع هيك! كيف قدر يخدعها بسهولة إتذكرت كلام هيام وقت كانت تقلها لا تثقي بحدا إتذكرت وقت كانت تقلها بأي لحظة ممكن يطلع الشيطان يلي جواتهم ما قدرت تحكي شي ولا تفكر.. كانت خايفة.. حزينة.. مصدومة.. اطلعت ب سليم وحاولت تتذكر كيف خطفها لهيام.. شلون قدر يوصللها.. اتذكرت وقت الي انخطفت هيام كانت هيا وسليم عالبحر.. ياسمينة: مين مساعدك! احكي مين.. رامي! سليم: ههههههههههههههه ياسمينة: لااا تضحك.. مين عم يساعدك.. شلون خطفتا ل هيام ونحنا كنا سوا.. رامي اكيد موو سليم: لك مجنونة انتي شي.. انااا سليم ما بحتاج مساعدة حدا بعدين لو بدي مساعدة ما بروح بطلبها من الغبي رامي هاد ياسمينة: _ سليم: عادي.. الوصول ل هيام ما كان صعب كتير.. برسالة من موبايلك كانت بثواني عندي ياسمينة: شو مافهمت سليم: ههههه لك ايه.. وقت الي اخدت موبايلك وخبرتك تفتحيه.. بعتلا رسالة بانك انتي نطراها تحت.. ثواني وكانت عندي وقت الي انتي طلعتي ياسمينة: حقيييير لك ليه عملت فيها هيييك شوو ذنبهاااا قرب سليم من ياسمينة وشدها بالكرسي لعنده بقوة وعيونه عم تطلع نارالعضوة: 275918 , منذ 4 سنوات
سليم: لك ذنبهااا كبير.. ذنبهاا انها متلهااا.. متلها بكل شي.. لسانهااا يلي ما بيسكت.. قوتها وجبرووتها.. متل بكل شي. بتستحق يصير فيها هييك.. انا حذرتهااا حذرتها وهيا ما سمعت كلامي ياسمينة: عن مين عم تحكي.. متل مين! سليم: هي الي جوا.. عملت فيها هيك من قبل.. ما كنت نااوي كرر هالشي.. بس هياام اجبرتني.. كانت متلها.. شفتها فيها .. ماتحملت شوفا وضل سااكت.. كانت شوفتها بتخنقتي وبتذكرني فيهاا هني التنتين متل بعض.. بيستحقوو العقاب بيستحقوو يبقو بهي الغرفة سوا ياسمينة: لك مين هيي.. مين الي هيام متلها قعد سليم عالارض وضم رجليه لصدرو.. ضعف كتير.. اول مرة تشوفه ياسمينة بهي الحالة كان متل الطفل الصغير بلش يبكي بصوت عالي يبكي ويطلع حواليه.. ما قدرت تحكيله شي.. ولا قدرت توقفه.. لحد ما بلش لوحده يحكي سليم: كنت صغير.. ما كان لازم تعمل فيني وفيه هيك.. مات بسبب جبروتها وظلمها.. كان ضعيف وبريئ.. اضعف من انه يقدر يوقفها ابي كان عقلاته ع قدو.. مسكين ومعتر وشخصيته ضعيفة.. بس هيي كانت جبارة.. كانت كاسرة ظهرو.. ما كان يقدر يقلها لأ طول الوقت تتحكم فيه.. لانه مريض وما بيشتغل.. وهيا يلي كانت تصرف عالبيت كانت تذله.. تعايره بمرضه وتقل قيمته ما كنت اتحمل شوفها عم تعامله هيك.. كنت ضل دافع عنه.. لحد ما كرهتني وصارت تعاملني متله كنت اتحمل كل شي مشانه ابي اخر فترة مرض كتير وما عاد قدر يمشي ولا يتحرك ما قبلت تساعده ولا تجبله حد يساعده.. كانت تمر عليه ايام بلا ما يفوت الحمام ولا يتحمم.. كنت حاول قد ما اقدر ساعده وشيله.. واذا شافتني عم ساعده كانت تحبسني وتعذبني ما بتذكر بيوم حضنتني ما بتذكر بيوم حسيت انها امي كان كل وقها لشغلها والجمعيات والندوات ومنظمات حقوق المرأة يلي طول الوقت فيهم..العضوة: 275918 , منذ 4 سنوات
كنت ضعيف.. اضعف من اني دافع عن حالي وعن ابي.. او يمكن كنت متحمل بسبب وجود ابي جنبي بس لما توفى وتركني.. تغير كل شي مات بسببها.. مات بسبب حكيها وسبها ولسانها يلي عذبه طول هالسنين مات من الزعل والهم والكلام يلي ما خلص من ذلها والمعايرات يلي كانت تعايرو فيها لهيك جبتا لهوون كان لازم اقطعلا اياه.. لسانها كان السبب بكل شي كان نفسي ابي يشوفها وهيا عم تصرخ وتتعذب وتنزف.. بس ما شاف كان نفسي اشفي غليلي منها بس ما شفيت ياسمينة: طب نحنا نحنا شو ذنبنا.. هيام شو ذنبا ازا امك عملت هيك.. ليه لتعمل فيها هيك سليم: قلتلك لانها متلها.. ولو هيام اتزوجت وخلفت.. زوجا وولادها ما كانو رح يخلصو من شرها.. لهيك ريحت الكل منها === الكلام يلي كانت عم تسمعو عمل فجوة جواتها وفراغ كبير ما قدرت تحكي شي مابتعرف اذا لازم تواسيه ولا تشتمه ع الي عمله.. هوا مجرم.. وقتل رفيقتها.. بس كمان ربي ع ايدين ظالمة.. شو كنت متوقعة يطلع منه تركها بحيرتها ودموعها وتفكيرها وراح ع غرفة بعيدة وقفل ع حالو فيها.. بقيت طول الليل تبكي.. من الهم من الجوع من العطش ومن الوجع.. بس مع هيك خانها النوم وغفيت عينها _ الجزء الثامن والأخير __ لمسات ايدين بتبعد شعراتها عن وجهها.. نقزت وفتحت عيونها بخوف.. وشافته قاعد قبالها عم يطلع فيها.. اتطلعت فيه واطلعت حواليها.. ولحظات اتذكرت كل يلي صار ليلتها.. تماسكت وحاولت تحبس دمعتا وتخبي خوفها وضعفها.. ياسمينة: لو سمحت سليم اتركني ارجع.. وانا بوعدك ما حدا رح يعرف شي.. ما رح احكي لحدا يلي صار بس اتركني سليم: ههههه ياريت فيني ياسمينة ياريت ياسمينة: بترجاكالعضوة: 275918 , منذ 4 سنوات
سليم: انا راجع ع الجامعة.. مابدي حدا ينتبه ع اختفائي.. وانتي رح تضلي هون.. راجعلك المسا ياسمينة: لااا بترجاك لا تتركني هوون انا مستعدة اعمل ايا شي بس لا تتركني بهالبيت سليم: لا تخافي الي جوا ميتين ومافي اشباح ليطلعولك كلها خرافات هههه ما رح طول عليكي ياسمينة: طب فكني ايدي ورجلي وجعوني كتير ماعاد فيني اتحمل اكتر.. وماتخاف مارح اهرب ما انت مأمن البيت كتير سليم: ماشي رح فكك.. ورح اخد شنتايتك والموبايل معي.. ياسمينة اوعى تفكري تتذاكي انا عم حذرك ياسمينة: ماشي سليم فكا لياسمينة واخد غراضا وطلع من البيت وقفله عليها.. بقيت قاعدة محلا لسمعت صوت سيارته بعدت عن البيت.. قامت من محلا وركضت ع الغرفة يلي فيها هيام وامه ل سليم.. سكرت انفها اطلعت لجوا.. ماقدرت تفوت سكرت الباب وهربت.. كان المنظر مؤلم كتير وبيخوف اتذكرت الموبايل يلي بجيب الجاكيت شلحت الجاكيت ومزعت الفتحة يلي خيطتا وطالت الموبايل وفتحته.. فاتت عالارقام ودقت ل رامي.. دقت كتير وما رد ضلت تبكي وتدقلو لوقت ما فقدت الامل بانه يرد عليها بعد دقايق وهيا عم تبكي رجع دق الموبايل كان المتصل رامي ياسمينة: رااامي الحمدلله الحمدلله يااربي رامي: لك ويييينك دخيل الي خلقك من الصبح وانا عم دور عليكي وين اختفيتي شو صرلك ياسمينة: راامي انت لازم تساعدني انا ما الي غيرك عم تفهم رامي: كيف اساعدك انتي ويين ياسمينة: رامي انا مخطوفة رامي: شووووالعضوة: 275918 , منذ 4 سنوات
ياسمينة: ايه.. بترجاك ما تحكي شي اسمعني للاخر خليني فهمك شو رح تعمل ==== الساعة 7 المسا كانت قاعدة وعم تهز برجلا وتاكل بأضافرها بتوتر.. قلبا رح يوقف ما عندا غير هالطريقة.. بتتمنى ما تنكشف ويقدر رامي يساعدها.. فات سليم عالبيت هوا وعم يغني وشايل اغراض كتير اطلعت فيه ياسمينة بخوف ممزوج بكره سليم: كيفك ياسمينتي اشتقتلك ياسمينة: ____ سليم: شو مافي يعطيك العافية حبيبي.. او شو جايبلي معك ياسمينة: هاد الحكي بقوله لما كون مع زوجي ببيتي مو مخطوفة وبالبيت هاد سليم: شو حكينا نحنا.. ما بدي عصب ياسمينتي قرب منها وطبع بوسة ع خدها.. بس دفشتو عنها ومسحت خدها بكمها.. ياسمينة: لا تقرب مني.. انا بكرهههك قرب سليم وسحبها من رقبتها لعنده ولزقها بالحيط بالقوة.. قرب وجهه من وجهها وانفاسه اختلطت بانفاسها سليم: كذاابة.. بعدك بتحبيني.. عيونك بتحكي هيك ياسمينة: لا ما بحبك.. انت قتلت رفيقتي.. وخطفتي.. انت مجرم انا بكرررهكالعضوة: 275918 , منذ 4 سنوات
مسك دقنها بقوة وطبع بوسة بالغصب.. دفشتو وبعدت عنه ورجعت تبكي وحست انه رامي ما عمل شي ورح تضلا هون وقت طويل.. بس دقايق قليلة وكانت سيارات الشرطة صوتا بكل مكان وعم ينادو ويحاصرو البيت اطلع سليم في ياسمينة بصدمة وخوف وهيي عم تطلع فيه وتبتسم.. ركض لعندها سحبها من ايدها وكان رح يهرب فيها من البيت بس الابواب كلا تكسرت وفاتت الشرطة لجوا.. حاول سليم يهرب ويقاوم بس عددهم كان اكبر من انه يقدرلهم === بعد ثلاث ساعات من التحقيق.. كانت قاعدة بمكتب الظابط ورامي حدها وحاطط ع كتافا الجاكيت تبعو وعم يحاول يهدي فيها.. خبرت الظابط بكل شي صار معها.. وبكل كلمة قالها سليم.. الظابط: وليه ما بلغتي الشرطة من الاول بما انه كان معك موبايل ياسمينة: مابعرف لحظتا نسيت كل الارقام تبخرت ذاكرتي ما خطر ع بالي ايا شي حتى رقم رامي نسيته لولا انه كان مسيفه من قبل اتصلت عليه وقتا وخبرته انه سليم الخاطف وانه مخبيني ببيت مهجور.. طلبت منه مايخبر الشرطة حتى سليم ما ينكر وتقدرو تلاقوني.. الظابط: وانت شو عملت وقتا رامي: سيدي انا وقتها كنت رح موت وموته بس اتمالكت اعصابي ونطرته لحد ما اجا عالجامعة وبقيت طول اليوم راقب فيه لاني كنت متاكد رح يرجع لعندا كمان مرة والمسا شفته شرا غراض وطلع بسيارته ووقتا لحقته ولما وصل البيت المهجور وفات فيه بلغت عن قضية الخطف واعطيتكن العنوان بدون ما اتهجم ولا اعمل شي خفت ضرها لياسمينة ومااقدر ساعدها الظابط: برافو عليك.. هلء فيك تاخدها وتتفضلو ع بيتكم رامي: شكراً سيدي.. يلا ياسمينة خلينا نروح طلعو ياسمينة ورامي من عند الظابط وهني عم يمشوالعضوة: 275918 , منذ 4 سنوات
التقو ب سليم وهوا طالع من غرفة التحقيق وحواليه عدد من العساكر والكلبشات بايديه اطلع بياسمينة وعيونه كلهن دموع.. قرب لعندا وهوا عم يحاول يقاوم العساكر سليم: سامحيني ياسمينة ما كام بدي اقتلهاا سامحيني بس هيي يلي اجبرتني لانها متل امي.. كلهن ظالميين كلهن.. بس انتي لا.. ما كان بدي اقتلك.. والله ما كان بدي اناا بحببببك رامي: مشي ياسمينة لا تسمعيله سليم: ياسميينة بترجااكي كملت ياسمينة مشي وهيا عم تجر حالا وعم تبكي.. قلبها وجعها كتير ع رفيقتيها يلي راحت.. ع الحب والثقة يلي انهدو جوات قلبها.. ع سليم يلي كان الحلم بالنسبة الها وهلء اتحول ل كابوس.. تركت ياسمينة السكن واجلت الفصل بجامعتا ورجعت عند امها ع بلدهم.. بعد فترة قصيرة وبعد التحقيق واثبات التهم ع سليم تم اصدار حكمه بالعدام.. ===العضوة: 275918 , منذ 4 سنوات
#بعد مرور اربع سنوات... هاجر: شو حبيبتي يلا جهزيها للبنت رح نتأخر ع العريس اله ساعة عم ينطرنا برا الكوافير: يلا ليكني خلصت.. شعرا طويل وعذبني كتير.. ها هي اخر لمسة.. قومي لشوف ياسمينة: كيف ماما!! هاجر: لك ياروحي بتجنني اسم الله عليكي وع جمالك.. يلا تعي نروح ابوكي ورامي عم ينطرونا برا حملت جرار بدلتا ومسكت ايد امها وطلعو لبرا..كان ابوها واقف ع اليمين ورامي واقف ع الشمال اطلعت بابوها يلي عيونه عم تلمع والابتسامة ما فارقته.. قربت منه وحضنته وبوسته كتير ما كان فيها تفكر بهديك اللحظة باي شي سيء عن ابوها.. كل يلي تاكدت منه انه اب ما في منه.. عصام: الف مبروك يابنتي الله يسعدك طالعة ملاك ياسمينة: الله يبارك فيك ياروحي ويخليلي اياك رامي: تعي حبيبتي.. طالعة بتجننيالعضوة: 275918 , منذ 4 سنوات
ياسمينة: وانت كمان طالع حلو كتير.. == اتزوجت ياسمينة من رامي.. بعد عذاب كبير وعناء طويل ليقدر يخليها ترجع تثق وتحب من جديد.. من بعد ما رجعت عند امها.. عاشت ايام صعبة كتير تألمت كتير.. شافت كوابيس كتير.. واشتاقت كتير.. باليوم الي سمعت فيه بإعدام سليم.. كان يوم صعب كتير ما غمضتلا عين..بكيت عن سنين.. يمكن لانها لساتها بتحبه.. وما قدرت تنساه ولا لحظة.. هيام اهلا تعرفو ع جثتا وسلموهم اياها وتم دفنها.. وام سليم كمان دفنوها.. المجموعة يلي بالجامعة تسكرت وماعاد حد عمل اعتصامات وندوات من بعد يلي صار.. ياسمينة حولت تخصصها وكملت تعليما ببلدهم.. وما عاد رجعت لهداك السكن وهديك الجامعة ورامي بعد ما خلص اخر سنة اله تخرج ورجع لعندهم وضل واقف حدها سنين لحتى قدر يحببها فيه وينسيها يلي صار.. بس ياسمينة ما قدرت تنسى ع طول عم تتذكر حكي سليم و العذاب يلي عاشه.. ع طول عم تفكر انه معقول هوي مظلوم.. معقول امه كانت بتستحق الموت ب هالطريقة البشعة! بس هيام!!! هيام ما كانت بتستحق الموت.. كانت صبية وموجوعة من اهلها وعم تفرغ طاقتها بس فرغتها بمطرح غلط.. كانت ياسمينة دائماً إنسانة مناصرة للمرأة.. من صغرها وهيي عم تحس إنه المجتمع مو ناصفها ومتأكدة بإنه كل مرأة موجودة ع وجه الأرض مظلومة من جآنب معين في حيآتها ومحرومة من أبسط حقوقها.. كانت تشوف نسآء محرومة من العمل .. نسآء محرومة من الإرث.. نسآء محرومة حتى من الكلآم.. وغيره.. ومن لحظة مآ بلشت درآستها بهديك الجامعة .. وتعرفت ع هيام .. زآد شغفها بهالشي وزآدت رغبتها ب الدفاع عن المرأة .. وأضافت ع ذلك عدوآة الرجل.. بس لمآ تعرفت على سليم وعرفت حقيقته وسمعت قصته .. وبعد الاحداث المؤسفة يلي مرت فيها .. خلتها تتأكد إنو كانت ع طريق خآطئ ومنحنى خطير.. إتأكدت إنه متل مآ في مرأة مظلومة .. في مرأة ظآلمة إتأكدت إنه متل مآ في رجل ظآلم .. في رجآال كمان مظلومة ______ النهاية _______