#أين_جوهرة_أورانوس_بقلم_نسمات_الليل
الجزء الأول:
أنفاس عدة متسارعة ... نتيجة الركض المتواصل ... قلب عم يخفق خوف ... لحد ما أعلن استسلامو ..... وقف شب بأواخر العشرينات بعد ركض متعب .... حط ايديه على ركبو وهوي عم يلهث .... ولمح الشباب الخمسة انن قربو وهني عم يلهثو الضعفين ..... ومجرد ما خففو سرعتن مأمنين انو خلص استسلم ..... خبط البراميل اللي جنبو بإجرو ... وركض بأقصى سرعتو بعد الاستراحة القصيرة كتير اللي اخدا .... صار يركض ويلتفت وراه ..... لحد ما خبط بصدر شخص ...... وتمتم بتلعثم ......
-إ ... إ .... إياد بيك .......
-إياد: حملو هالزبالة عالقبو وجهزولي ياه ... بدي ياه ع اخر نفس وجاهز للاعتراف ....
-والله ما خصني يا بيك ... والله ما بعرف شي ......
كان عم يحكي وهني عم يجروه عالسيارة .... وإياد الرجل الثلاثيني بعقدتو المعتادة واقف وايديه بجيابو .... ناطر لوصلو الشباب الخمسة لعندو .... اللي كانو عم يلحقو الشب ....
-إياد: بتمرقو بتاخدو حسابكن وما بقى بدي شوف صورة وجكن ....
-بس يا بيك هوي متمرس كتير ....
-إياد: شقفة زبالة ما عرفتو تمسكوه ...... انقلعو من خلقتي ......
تركن وطلع بسيارتو المفيمة ..... ولع سيجارتو .... ومشي السائق ......
______________________________________
بفيلا صغيرة ... سيارات عم تنصف ... وينزل منها ناس لابسين اسود .... ونظاراتن الشمسية مغطية عيونن ...... عم يدخلو ورا بعض .... ويقربو من بنت بنص العشرينات .... ويسلمو عليها .....
-العمر الك حبيبتي يارا ....
-البقية بحياتك بنتي يارا ....
-الله يصبرك انتي واخوكي ويكون معكن .....
تعازي كتيرة ما عم تخلص .... وصورة كبيرة بشريطة سودا ع طرفا لرجل بالخمسينات محتلة حيط كامل ....... ويارا قاعدة عالكنباية ووجها اصفر ... عيونا منفخة .... ومبين عليها التعب الشديد .... ماسكة بإيدا الطوق اللي لابستو برقبتا .... اللي بيحمل اسم امها وابوها ... ع كل طرف اسم ..... برمتو ع الطرف اللي بيحمل اسم ابوها (هلال) .... وباستو .... ورجعت خبتو بقلبا وكفتو دموعا ... وهيي عم تتذكر المشهد اللي اهداها ياه ابوها فيه هالطوق ....
////ذكريات .....
-هلال: بنتي هاد الطوق صممتو خصيصا لامك الله يرحما .... كانت دايما تحلم انها تلبس برقبتها اسمي واسما .... هلأ صار الك ....
-يارا: ليه هلأ بابا ... بعد ما مر على وفاتا ٥ سنين ....
-هلال: هلأ لقدرت طالعو من مكان ما كانت حاططتو امك ... انتي احق فيه .... اوعى تشلحيه بحياتك كلها ....
-يارا: اشتقتلا كتير بابا ... كتير ....
-هلال: وانا كمان يا قلبي ...
-يارا: في شي ؟ ليه صفنت ؟ .....
-هلال: في رسالة مهمة ... بدي اعطيكي ياها بكرا ... ذكريني فيها ...
العضوة: 275918 , منذ 4 سنوات
شال من جيبتو قلم واعطاه ليارا ... تلبكت وخدتو منو بهدوء ... وكمل حكي .... -اياد: اما علاء واياد ... انتو وصية ابي وامي ... لهيك ح ترجعو تسافرو لبرات البلد وتكملو حياتكن بشكل طبيعي ... وانا هون رح حل كل شي ... -علاء: نعم نعم نعم ....... -مراد: عم تحلم .... تجاهل حكين وكمل حكي .... -اياد: حضرة المحامي جهزلي الاوراق المطلوبة ... بدي بيع كل ممتلكاتنا .... وبدي تعرفلي بالزبط ادي الي بالبنك .... الكل انصدم ... وقف اياد ... ومشي ناح الدرج .... -اياد: ما حدا بحقلو يعترض .... انا عم بيع لاشتري السلام ... ماني مستعد اخسر ايا حدا فيكن كرمال شي بيدفعو المصاري ... وحتى لو بدنا نعيش بأدنى المستويات .... -علاء: مازال عم تشتري السلام ... ليه بدك تسفرنا ..... -مراد: صح ... مانا بحاجة ..... خبى اياد صدمتو وبذات الوقت فرحتو من موقف اخواتو اللي توقعو بالعكس تماما ... زبط وقفتو ورجع مشي ناحن ......العضوة: 275918 , منذ 4 سنوات
مراد: مفكر رح نوقف ضد البيع ... وحتى حصصنا مستغنيين عنها ... انت اهم من كل الامور المادية .... وقفت يارا ... قاطعت حديثن وحكت .... -يارا: ونحن منبيع .... بما انو ابي السبب ما رح اسمح انو الدين يكون بس عليكن .... -تيم: بعد ما تأكدنا انك بالفعل اعطيت الجوهرة لابي ... معناتو ابي السبب باختفاءا .... بس انا كتير حابب اعرف السبب اللي خلاك تعطيها لابي ..... -اياد: حقك تعرف ..... هوي كان الوسيط اللي رح يسافر ليوصل الجوهرة للسيد نيلسون برات البلد .... وثقت فيه ... مع انو انا ما بوثق بسرعة بس كنت بفترتها مضغوط ...... -يارا: وبعدين .... -اياد: اختفى هوي والجوهرة ... فكرتو سافر ... دقيت استفسر اذا وصل قالو انو ما ركب الطيارة .... تاني نهار سمعت خبر وفاتو ...... -مراد: مش يمكن يكون مقتول ؟! ..... شهقت يارا بدون ما تحس وقعدت فورا .....العضوة: 275918 , منذ 4 سنوات
-يارا: مستحيل .... ركض اياد لعندا وهداها .... وتيم من تاني جهة ...... -تيم: هاد الشك راودني من كم يوم ... بس ضليت ساكت ...... -علاء: يارا روقي ... يمكن يكون بالفعل حادث سيارة مفبرك .... -يارا: يعني ممكن يكون بريء من اخدو للجوهرة .... يمكن استهدفوه هوي ورايح للمطار وسرقوها ..... -اياد: احتمال مستبعد بعد كل الامور اللي لقطناها على ابوكي بعد مماتو ... الملفات اللي لو انكشفت قبل كان صار بخبر كان تحت سابع ارض بالسجن ...... انا بعتذر بعرف انو حكيي قاسي بس هاي الحقيقة .... انا متأكد انو الجوهرة مش مع اشخاص .... هيي بمكان ما حدا بيعلم فيه الا هلال بدران .....العضوة: 275918 , منذ 4 سنوات
انتهى الحديث بعد عدة مناقشات وامور اتفقو عليها ..... وراحت هديك الليلة يارا مع اخوها على بيتهن .... ومعا ورقة طلاقا ..... فاتت ... وفورا قعدت عالكنباية .... مسكت طوقها وصارت تبكي ..... وفورا اتذكرت ابوها واتذكرت الرسالة .... وصرخت .... -يارا: نسيتااااا .... -تيم: شوو هيي ... -يارا: الرسالة .. كانت بين اوراق ابي اللي طالعناهن من خزنة البنك ... بدي روح جيبا .... -تيم: اهدي يارا .. خلص اتأخر الوقت بكرا بتجيبيها ... شو بدو يكون كاتب فيها .... مجرد حكي عابر .... -يارا: انا متأكدة انو فيها شي مهم ... لان قبل ما يموت بنهار قللي انو الي رسالة بدو يعطيني ياها ضروري ... ووقتا ما عاد حكينا بالموضوع ... انا متأكدة هاي هيي .... -تيم: خلص بكرا منروح منجيبا ......العضوة: 275918 , منذ 4 سنوات
اقتنعت معو ... واجا قرب منها ... قعد حدها ... نامت بحضنو وصارت تبكي .... -تيم: ليش عم تبكي ... هاي رجعنا سوا ..... -يارا: انت السند .... انا بحبك كتير اخي .... -تيم: وانا اكتر يا اللي ما الي غيرا بهالدني ....... في اليوم التالي ............................... كانو العمال عم يفضو الفيلا عند اياد ... وهوي واقف برا عم يحكي اتصال ..... -اياد(بالانكليزي): رح بيع كل شي وحولك كل املاكي وحساباتي لاسمك .... بس عطيني السلام ........ استاذ نيلسون ......... اكيد اكيد ..... كان خطأي وانا أمنت للغريب يوصلك ياها ... كان لازم اعتمد على حضرتك وابعتا مع حدا بخصك ما كان وقع اللوم عليي ..... بس بهاي الحالة انا بدي ورقة ملكية الجوهرة ..... يعني تنازل من حضرتك .............. كيف يعني ليه ... انا دفعتلك حقها ... يعني بحال اتلاقت ح تكون الي ............... تمام تمام اذا اتلاقت اول حدا ح خبرو حضرتك .... وبترجع بتشتريها مني ... لا تعتل هم انا ما بتفيدني ملكيتا متل حضرتك ..... مجرد ما تصير الورقة معي رح يكون كل شي صار باسمك .........العضوة: 275918 , منذ 4 سنوات
كيف يعني شو ضمانتك ... استاذ نيلسون انت بكلمة بتمحيني وبتمحي سلالتي .... انا ما بلعب بالناس وما بسرق انتبه لحكيك ............. تمام ناطر الورقة ....... سكر الخط .... اتنهد وبرم ناح الفيلا وراقب العمال ..... شقى عمرو عم بروح بلمح البصر ...... بغلطة صغيرة .... يمكن لو افلس كان عرف حالو ... كانت ح تكون الطريقة اهون .... بس للاسف كان ضحية .......... ادي شكلو صامد ... ادي قادر يتحمل رغم الجبل اللي ع ضهرو ... بس جواتو هوي عم يخسر اشيا كتير ......... حس بحركة وراه .... وصلت يارا مع تيم ... برم .... وابتسم ابتسامة عابرة ...... -يارا: صباح الخير .... جيت كرمال الرسالة اذا بتتذكر .... اللي من ابي .... خبط ايدو ع جبينو ..... -اياد: اووه ... هاي ناسيها بالمرة ..... عم يفضو البيت وما بينت مقابيلي ابدا والا كنت اتذكرتا ... تأكدي اذا وقعت بين ايديي رح اتصل فيكي فورا ...... -تيم: هلكتني كان بدا مبارح تجي ..... -اياد: بعتذر منك بس متل ما شايفي ... المكان منعوف ... صعب تلاقيها ..... اجا لتيم اتصال ... بعد عنن شوي ورد .... وكمل اياد .... -اياد: يعني حكي اخوكي انو مبارح كان بدك تجي وراها ك ..... -يارا(قاطعتو): الرسالة حجة .... انا كان بدي اجي شوفك .... واطمن عنك ...... صفن ثواني فيها ..... ابتسملا ابتسامة عادية جدا ..... وربت ع كتفا .... -اياد: انا منيح ست يارا .... منيح كتير .... وشكرا لاطمئنانك عني .... يلا بالاذن لإني مضغوط شوي ... انشالله اذا تلاقت الرسالة رح خبرك فورا ..... برم ضهرو وفل .... وهيي راحت عند اخوها بعد ما انهى مكالمتو ومشيو عالبيت وهيي من غير صوت ..... وصلت عالبيت وفاتت على غرفتا فورا ...... نامت ع تختا طب وصارت تبكي وتشهق ......... والوجع عم ياكلها من جوا اكل ....... حس عليها تيم وفات لعندا ... قرب منها ورفعلا راسا ..... حرك راسو والدمعة بعينو عم يتألم على وجعا .......العضوة: 275918 , منذ 4 سنوات
تيم: بعرف انك حبيتيه ..... -يارا: نظراتو العادية بتقتلني ..... بتقتلني .... تصرفاتو اتجاهي اللي ما بتنم عن ايا شي حلو دفين بتموتني ..... لامبالاتو بتوجعني .............. انا كنت ناطرة الطلاق مناطرة .... بس حسيت خسرت شي ... ما كنت متوقعة اوصل لهون .... حاسة في شي ناقصني ... ما فرحت بالطلاق .... -تيم: ايمتا صار هيك ... وليش .. رغم القسوة اللي تلقيتيها منو ...... -يارا: الاعمى كان بيعرف انو هالقسوة مانا من العدم ... وانو مزيفة لان هوي بدو يكون قاسي ... انا استنتجت هالشي من اللحظة اللي كان عم يقرب مني ليغتصبني ويآلمني بس ما قدر وفل ... ما قدر يوصل قسوتو لشي ضد مبادئو ... مرة ع مرة شفت اشيا كتير بشخصيتو مخباية ... وبعدا اهتمامو باخواتو وتعاملن معو وحكين عنو .... وبعدا الخطف ... عرفت ادي حياتو بخطر لحتى قرر يكون قاسي ... كانت حياتو وعيلتو عم تدمر وهوي عم يحاول يرجع السلام .... اي انا بقتل الدنيا كرمالك ..... وهوي هيدا اللي عملو ..... ومبارح الحكي اللي حكاه قتلني بالزيادة .... وورقة الطلاق اللي عطاني ياه بكل اريحية .... وجعتني لك اخي ... وجعت قلبي ........... حكت مطولا ... وهوي بدورو يهديها ........... لحد ما غفيت بين ايديه ودموعا بعيونا ....... بعد مرور عدة ايام ........ كانو طبيعين لابعد حد ... واياد ويارا ما التقو ابدا ...... كان طالع اياد من بيت عم يشوفو اذا مناسب للبيع لينقل هوي واخواتو عليه ..... دق تلفونو ...... -اياد: الو .... اها ... (كمل بالانكليزي) .... اهلين استاذ نيلسون .... نعم ؟؟ انا وين غشيتك ..... يعني اذا نقص المبلغ كم مليون ما رح تغص ... انا ما فيني ضل عالحديدة .... بدي بقي شوية مصاري معي لنعيش انا واخواتي وافتح شغل على ادي ... كيف يعني ما خصك ......... تمام تمام .... خلال اسبوع بكون محولك باقي المصاري ........ صبرك يا رب .... طيب ٥ ايام ............ سكر الخط وقعد على الرصيف ..... عم يحاولو ينهو رجل ويدمروه ..... اللي باقيلو ما بيوفي ربع باقي المبلغ .......... اندق تلفونو ..... كان موظف البنك ...... رد ..... -اياد: الو ...... انشالله ما يكون في غلط بعد ما سحبت كل المبالغ اللي باسمي ...... -الموظف: لا يا بيك ... بس حبيت خبرك انو انتقل لحسابك ٥ مليون دولار ...... -اياد: نعم ... كيف ... من مين .... ؟! يتبع ....العضوة: 275918 , منذ 4 سنوات
#أين_جوهرة_أورانوس_بقلم_نسمات_الليل الجزء السادس: -الموظف: يارا هلال بدران ....... سكر الخط .... ودق ليارا ..... -يارا: بعرف لشو عم تدق ... ابي كان الو ايد بهالقصة ونحن ما منا شي من مصاريه ... لازم يندفعو ليطالعوك من ازمتك نهائي ..... -اياد: بس هاي كل ثروتكن ... حسب علمي هالقد بتملكو ...... لازم عالاقل تأمنو مستقبلكن .... -يارا: رح نعيش من حساب تيم الخاص .... نحن اكتشفنا اشيا ما بتتصدق عن ابي ... كان كل شي الا اب وقدوة ..... -اياد: وين رح تسكنو ؟ .... -يارا: ما بعرف ... حاليا بعدنا بالفيلا ... معنا وقت لتسليما اسبوع .... -اياد: انا هلأ قدام بناية شفت فيها شقة مناسبة الي ولاخواتي ورح اشتريها .... تحتا فورا في شقة تانية للبيع بسعر مناسب ... بلكي بتمري انتي واخوكي بتشوفيها ..... -يارا: اي اكيد ... بتكون وفرت علينا تعب لنلاقي ..... سكرت الخط وابتسمت ابتسامة عريضة .... رح تسكن تحت شقتو !! .... ما قدرت تنطر تيم ليرجع لتخبرو ... دقتلو فورا ..... وخبرتو .... بهالاثناء كان اياد عم ينقل المصاري لحساب نيلسون ..... ودقلو .... -اياد: ال٥ مليون كاملين ... منكون هون اتصافينا ..... تمام ... يا ريت ما بقا تطلع بحياتنا ......العضوة: 275918 , منذ 4 سنوات
سكر الخط ... رفع راسو للسما وحس متل نسمة خفيفة فاتت لقلبو وحسستو بالامان ... بالانتصار .... واخيرا ارتاح ...... بعد مرور عدة أيام .................... ب حي راقي ونظيف ... في عدة بنايات ... والاشجار والورود معبية المكان .... ببناية من هالبنايات ... بالطابق الثاني .... سكرت يارا الباب وركضت لعند اخوها وقعدت حدو عالكنباية واخدت نفس طويييل ...... -يارا: اووه ... الحمدلله ... نقلنا وخلصنا .... اخيي ... -تيم: ها .... -يارا: بتعرف انو هون احلى بكتير من فيلتنا ... هيك ابصر كيف حاسة بينشرح صدرو الواحد .... -تيم: والله .... -يارا: اي .. وهدووء وفي ناس وجيران .... -تيم: اممم ..... -يارا: اييي شو اممم والله ها ...... عطيني من عندك بشو مشغول .... سحبت منو التلفون ..... وصارو يتخانقو عليه ..... -تيم: هاتي لهون هلأ بحكيلك ...... -يارا: احكي برجعو ..... -تيم: شفت بنت .... -يارا: اووووه ... وين وايمتا وكيف وشو اسما وشو عمرا ....... -تيم: ع مهلك اختي .... ما بعرف عنا شي ... غير انو اسما رهف جلال ..... وهلأ عم دور عليها عالفيس كنت ... -يارا: اه يعني ما حكيتا ؟؟ .. وين تلاقيتو .... -تيم: وقت كنت عم شوف شرّا للبيت الجبلي .... التقيت فيها عند السمسار .... -يارا: اي ارجع لهونيك بلكي بتعرف عنا تفاصيل ... -تيم: اي لنزبط وضعنا ونستقر انشالله ....العضوة: 275918 , منذ 4 سنوات
-يارا: يعني لسا ما انباع البيت الجبلي ... -تيم: لا ... بس لازم ينباع لافتح شغل خاص .... لانو ما عاد عنا اي ممتلكات غيرو ....... وحسابي بالبنك ما بعرف لأيمتا بأدينا ...... __________________________________________ بالشقة اللي فوقن ..... كان علاء ومراد عم يتخانقو اي واحد بدو ياخد التخت اللي تحت الشباك .... وفات ع اصواتن اياد .... -اياد: اوقات بحسكن اطفال ١١ سنة .... مش شباب طول بعرض ٢٨ سنة ...... -علاء: قصدي سؤال انو ليش ما نقيت شقة فيها ٣ غرف نوم ... ليش ٢ يعني ... انت مرتاح شو طايلك ... -مراد: اخي انت بتعرف اني بحب استنشق الهوا وبختنق اذا ما نمت وفوقي شباك ... انو منطق صغر عقل علاء ..... -اياد: معو حق يا علاء .... خلص عطيه التخت .... -علاء: اووف بيتمسكن بحالتو المرضية ..... -مراد: ماني مريض ...العضوة: 275918 , منذ 4 سنوات
تركن كل واحد فيهن عم يزت كلمة للتاني ... وراح ع غرفة القعدة وقعد ... سند ظهرو ورفع راسو وغمض عيونو .... عم يفكر ببكرا ...... وفجأة عبرت بمخيلتو صورة يارا ... ابتسم ... ورجع طالعا وكمل يفكر ببكرا والشغل اللي ح يعملوه ....... بهاي الاثناء .... بدكانة صغيرة اخر هالشارع ..... دخلت بنت بأول العشرينات ... مرتبة وحاملة كتب ..... -صاحب الدكانة: شو عموو عبير كيف الدرس .... -عبير: تمام عم محمد ... سمعت انو الشقتين اللي بالبناية مقابيل بنايتنا انباعو ..... اجت حجة من وراها ...... -الحجة: اي بنت واخوها بالتاني ... و٣ شباب اخوة بالتالت ...... كان يطلع صورن بالجرايد ..... -عبير: والله مين بكونو ... شو يعني افلسو ؟ .... -الحجة: سمعت انو البنت اللي بالتاني كانت مرتو للاخ الكبير اللي بالتالت .... واطلقو .... -عبير: والله وسكنو فوق بعض .... -محمد: والله عجيب هالحكي ....العضوة: 275918 , منذ 4 سنوات
-الحجة: اي والله ... كانو بيملكو جوهرة غالية كتييير الظاهر لما ضاعت افلسو ..... -عبير: ع مهلك خالتي فاتت القصص ببعضا ..... شكلن عيلتين غامضين نوعا ما رغم انو صورن معبية الجرايد على قولتك ..... يعني قولكن شو اللي دفعن يسكنو فوق بعض ...... ممم ... يلا انا لازم روح عالبيت قبل ما تتفقدني امي ليه تأخرت ..... ورح افهم الموضوع ..... طلعت من الدكانة متوجهة على بنايتها ...... وهيي صافنة وعم تفكر ... كانت بنت فضولية كتير .... وبتحب تكشف الاسرار المخباية بين العائلات ..... كان مراد قاعد ع تختو اللي تحت الشباك وبس لمحا من اخر الشارع صار يراقبا ... كيف ماسكة كتبا ... ولبسا المتواضع .... شعرا الاسود ..... وطريقة صفنتها ..... لدرجة انو كملت مشي بدون ما تحس لبعد بنايتها ....... وفجأة انتبهت ع حالا ورجعت ... قام ضحك مراد .... وقف علاء فورا من تختو وركض لعندو ..... -علاء: اوووه شو هالقشطة هاي .... حط ايدو مراد ع خد علاء ودفشو ع تختو ...... -مراد: اسكت ولاااك ...العضوة: 275918 , منذ 4 سنوات
فاتت عبير على بنايتها واجا ببالا تبرم لتشوف البناية وراها ... برمت ... وطبت عينا بعين مراد ..... وفورا فاتت ع بنايتها ... ضحك علاء وقعد ع تختو عم يضحك بهستيريا ليستفز اخوه .... -علاء: شكلا عجبتك ولااك .... ههههههه ههههه ههههه ..... شوو ما ترد ..... -مراد: كإنك بايخ ....... انسمع صوت يارا وراهن ... -يارا: ليش عم تضحك استاذ علاء ...... -علاء: انتي ايمتا صرتي هون مرت اخي .... اي اي بقصد يارا ..... -مراد: يا ريت بس لو تعرف تزين حكيك .... -علاء: تركتلك الاتزان الك .... -يارا: اااييي رووقووو .... كان اياد نازل والتقيت فيه .. وقللي انكن مش عاقلين .... فاخدت منو المفاتيح لاجي اعمللكن فركة ادن ........ -علاء: به به ..... -يارا: علاااااء ...... -علاء: شووو .... هوي اخد التخت اللي بدو ياه ... وفوق هاد مرقت صبية تحت سألتو عجبتك قام زعل ..... -يارا: شو شو شووو ... عم تمزح ... لك مرااااد ... احكيلنا عجبتك .... ركضت وقعدت مقابيلو عالتخت وصارت تراقب برا .....العضوة: 275918 , منذ 4 سنوات
-مراد: صفيتي معو يعني .... -يارا: مين قللك .... بس حابة اعرفا ... وفيني هلأ روح اعرفلك اسما واصلا وفصلا ..... زبط مراد قعدتو ...... -مراد: عنجد ... قولي والله ..... -يارا: اي والله ..... بس بأي شقة هيي ... -مراد: لمحتا طالعة عالتالت بالبناية مقابيلنا ...... -علاء: هاه ليكااا فتحت الشباك ... والله حظك بيفلق الصخر .... طلعت مقابيل شباكك بالزبط ...... وقفو التلاتة عالشباك كانت صارت عبير باعدة عن الشباك .... -مراد: طيب يلا روحي اعرفيلي عنها كل شي ..... -علاء: والله لو مكانك بروح بعرفلك كل شي انا .... مش ببعت حدا .... -يارا: طيب انت اقعد عاقل شو بفهمك بالاصول .... -علاء: انو اعتمد على نفسي مش اصول ! .... -يارا: انت كيف متحملو مرااد ... انا رايحة ... بس اعرف كل شي بجي ..... ضهرت من الشقة ... ونزلت واتوجهت فورا عالطابق التالت بالبناية اللي مقابيلن ودقت الباب .... فتحت الباب مرا مبينة هيي ست البيت .... -يارا: مرحبااا ... -اهلين يا بنتي ...العضوة: 275918 , منذ 4 سنوات
-يارا: انا اللي سكنت مقابيل بنايتكن عالتاني ... وهيك ما الي حدا بعرفو ... وقلت بجي بتعرف عالجيران وهيكي .... -اهلا وسهلا شرفتي ... سمعت انكن وصلتو الصبح ... بس غريب بلشتي من عنا ؟ ... اتلبكت يارا وضحكت ..... -يارا: ههههه اي غريب ... عديت للعشرة وطلعتو انتو ... انا بآمن بهيك .... -اي والله لتتفقي انتي وبنتي عبير .... -يارا: هاه شفتي كيف .... سبحان الله ... (مدت ايدها) ... انا يارا ... بدران ..... -اتشرفنا بنتي وانا ام عبير ... وعندي بنت تانية عمرا ١٢ اسما لين .... -يارا: يخليلك ياهن خالتي ام عبير .... -عبير: مين اجا امي ... اها ... مرحبا .... -يارا: اهلين انا يارا .... -عبير: وانا عبير .... فاتو قعدو بالصالون وتحدثوو كتير وضحكو ... وعبير حاولت تسال كتير لترضي فضولا بس كانت يارا محدودة كتير بأجوبتها ...... خلصت القعدة ... واتوجهت فورا يارا عند مراد ..... فتحلا علاء الباب ... وحكا بفضول .... -علاء: ايي احكيلييي ... ناطرك ع نار .... -يارا: بلا سآلة علاء ... وين مراد .... -علاء: انا بلشت شك انو مراد توأمي ... كيف بتميزينا ...... فاتت لعند مراد اللي فورا زبط قعدتو ليسمع ... -يارا: اسما عبير خالد ... اخر سنة جامعة ادب انكليزي ... عمرا ٢١ سنة .... ابوها بيشتغل بالعقارات عندو مكتب صغير بالشارع التاني ... وضعن ع قدن .... امها مرا طيوبة ... عندا اخت اسما لين عمرا ١٢ ... في فرق ٩ سنين بين البنتين لانو كانو يواجهو مشاكل كتير ويفوتو بعلاجات لتحبل ام عبير .... لونا المفضل ابيض ... وبتحب الياسمين ..... شكلا فضولية كتير .... -علاء: اوه اوه اوه ... كل هدول عرفتيهن بنص ساعة ..... والله انك مش قليلة ... انا هدول بدي شهر لاعرفن عن البنت لصير تكتك لوقعا .... مراد اجوه ع طبق من فضة ..... -مراد: علاء فيك تسكت شوي ... اي وانتي كيف لقيتيها يارا .... -يارا: بعدك بتسألني ... لك حبيتا ... جد ... -علاء: بنص ساعة حبيتيها ؟! ..... مسكت يارا المخدة وزتتها ع علاء .... -علاء: اصلا انتي بتحبي مراد اكتر مني .... واضح ....