#أين_جوهرة_أورانوس_بقلم_نسمات_الليل
الجزء الأول:
أنفاس عدة متسارعة ... نتيجة الركض المتواصل ... قلب عم يخفق خوف ... لحد ما أعلن استسلامو ..... وقف شب بأواخر العشرينات بعد ركض متعب .... حط ايديه على ركبو وهوي عم يلهث .... ولمح الشباب الخمسة انن قربو وهني عم يلهثو الضعفين ..... ومجرد ما خففو سرعتن مأمنين انو خلص استسلم ..... خبط البراميل اللي جنبو بإجرو ... وركض بأقصى سرعتو بعد الاستراحة القصيرة كتير اللي اخدا .... صار يركض ويلتفت وراه ..... لحد ما خبط بصدر شخص ...... وتمتم بتلعثم ......
-إ ... إ .... إياد بيك .......
-إياد: حملو هالزبالة عالقبو وجهزولي ياه ... بدي ياه ع اخر نفس وجاهز للاعتراف ....
-والله ما خصني يا بيك ... والله ما بعرف شي ......
كان عم يحكي وهني عم يجروه عالسيارة .... وإياد الرجل الثلاثيني بعقدتو المعتادة واقف وايديه بجيابو .... ناطر لوصلو الشباب الخمسة لعندو .... اللي كانو عم يلحقو الشب ....
-إياد: بتمرقو بتاخدو حسابكن وما بقى بدي شوف صورة وجكن ....
-بس يا بيك هوي متمرس كتير ....
-إياد: شقفة زبالة ما عرفتو تمسكوه ...... انقلعو من خلقتي ......
تركن وطلع بسيارتو المفيمة ..... ولع سيجارتو .... ومشي السائق ......
______________________________________
بفيلا صغيرة ... سيارات عم تنصف ... وينزل منها ناس لابسين اسود .... ونظاراتن الشمسية مغطية عيونن ...... عم يدخلو ورا بعض .... ويقربو من بنت بنص العشرينات .... ويسلمو عليها .....
-العمر الك حبيبتي يارا ....
-البقية بحياتك بنتي يارا ....
-الله يصبرك انتي واخوكي ويكون معكن .....
تعازي كتيرة ما عم تخلص .... وصورة كبيرة بشريطة سودا ع طرفا لرجل بالخمسينات محتلة حيط كامل ....... ويارا قاعدة عالكنباية ووجها اصفر ... عيونا منفخة .... ومبين عليها التعب الشديد .... ماسكة بإيدا الطوق اللي لابستو برقبتا .... اللي بيحمل اسم امها وابوها ... ع كل طرف اسم ..... برمتو ع الطرف اللي بيحمل اسم ابوها (هلال) .... وباستو .... ورجعت خبتو بقلبا وكفتو دموعا ... وهيي عم تتذكر المشهد اللي اهداها ياه ابوها فيه هالطوق ....
////ذكريات .....
-هلال: بنتي هاد الطوق صممتو خصيصا لامك الله يرحما .... كانت دايما تحلم انها تلبس برقبتها اسمي واسما .... هلأ صار الك ....
-يارا: ليه هلأ بابا ... بعد ما مر على وفاتا ٥ سنين ....
-هلال: هلأ لقدرت طالعو من مكان ما كانت حاططتو امك ... انتي احق فيه .... اوعى تشلحيه بحياتك كلها ....
-يارا: اشتقتلا كتير بابا ... كتير ....
-هلال: وانا كمان يا قلبي ...
-يارا: في شي ؟ ليه صفنت ؟ .....
-هلال: في رسالة مهمة ... بدي اعطيكي ياها بكرا ... ذكريني فيها ...
العضوة: 275918 , منذ 4 سنوات
-يارا: علاء ماما ... تؤبرني بدك سيريلاك ؟ ...... اطلعو تلاتتن ناح الباب كان اياد واقف عم يضحك .... وصارو كلهن يضحكو ..... -اياد: احلا شي بهالنهار شغلتين ... انو يارا صارت خطابة وإم لتوأم ....... وانو انا وتيم من مكان لمكان لنأمن شغل يعيشنا وانتو ما بتكبرو ...... -يارا: تيم كان معك ؟ ... -اياد: اي ... وقدرنا نزبط شغل مرتب ... رح نفتح شركة صغيرة انا وياه شراكة ... وانتو التلاتة بتحسبو حساب انكن ح تشتغلو فيها ... هيك ما منحتاج موظفين ... الا لنكبر وحاليا اكيد بلا ما نرجع راس المال ونبدا نربح مارح نفكر نكبر ....... -مراد: اي اكيد اخي شو مفكرنا رح نقعد بالبيت ... طول عمرنا برات البلد منشتغل على قدم وساق ... بس نحن تنبلنا شوي بس جينا لهون ...... _________________________________________ انفتحت الشركة الخاصة فيهن بشوية مصاري جمعوهن من بعض .... وابتدو يشتغلو منيح ليثبتو حالن بالسوق .... كانت شركة اعلانات صغيرة رح يبدو يعملولا اعلانات ليكسبو زباين ........ كانت يارا تستغل كل لحظة لتتمعن بملامح اياد اللي ابتدت تحبا اكتر واكتر .... وهالشي ما كان ينخفى عن علاء ...... اما مراد كان مهووس بعبير اللي ما عارف يبدا معا الحكي .. ليصيرو اصحاب ... يلتقي فيها عالمدخل او باخر الشارع .. ابتسامة بس ويتفارقو كل واحد ع شقتو ..... وتيم كان كل يوم يروح عند السمسار بلكي بيلمح رهف ..... هيك لبيوم كان قاعد مراد عالشباك بعد ما رجع من الشركة ..... وعلاء عم يغير تيابو .... قرب علاء من الشباك وشافا .... -علاء: يا زلمة انزل احكيها ..... -مراد: متردد ... بعدين ما بحب هالطريقة ... بتفكر عم بتسلى فيها ... الواحد بفوت من الباب فورا .... -علاء: والله بتفوت قبل ما تتعرف عليها ... بلكي ما اتفقتو ... انزل احكيها ... او بتعرف شو انا نازل ..... -مراد: لك تاع شو عم تعمل ... لوين رايح ....... صار يصرخ وعلاء ما عم يرد ... نزل لتحت ... وناداها قبل ما تفوت بنايتها .... برمت لعندو .... -علاء: مرحبا انسة عبير ..... انا بكون مراد جاركن ..... بصراحة انا .... يتبع ..........العضوة: 275918 , منذ 4 سنوات
#أين_جوهرة_أورانوس_بقلم_نسمات_الليل الجزء السابع: -علاء: مرحبا انسة عبير ..... انا بكون مراد جاركن ..... بصراحة انا معجب فيكي وحابب انو نتعرف على بعض اكتر .... وانشالله يع -عبير(قاطعتو): نعم نعم .... مفكرني بنت شارع لتحكيني بهالطريقة ..... برمت لتفل معصبة وحس علاء انو عمل شي كبير ما بيتصلح ... ما اتوقعا هيك .... فكرا متل البنات اللي بيعرفن .... ولقى انو مصيبة يصلح الكذبة اهون من انو يضل على حالو ...... فكر كتير بثانية وحدة لطلعت معو هالجملة .... -علاء: استني ... انا كذاب .... ما لقى غير هالكلمة توقفها ... برمت لعندو وعقدت حواجبا ..... -علاء: انا علاء اخوه التوام لمراد .... هاا ليكو فوق اللي بضل يراقبك من هالشباك ... وبصراحة بضل قللو روح احكيها روح اعترفلا وهوي مصر انو عيب ومش بهالطريقة ولازم من الباب مش الشباك ... واد ما مردد وميت ليحكيكي قررت اخد عنو المهمة كونو اول لقاء ما رح تميزي بيناتنا .... بعتذر منك كتير جد ..... -عبير: انت متأكد انو انتو توأم ؟! ..... طلعت لفوق وشافت مراد اللي كان مبين عليه العصبية والتوتر بذات الوقت ...... ابتسمت ... وفاتت عبنايتها .... وعلاء عمل حركة يس ..... ونط .... -علاء: يسسسس ......العضوة: 275918 , منذ 4 سنوات
طلع لفوق وحكا لمراد اللي صار ...وبين خناق ورضا ....انتهى النقاش ......... وحمل علاء تلفونو .... -علاء: الو يارا ... مرت اخي كيفك ؟ .... -يارا: ايمتا بدك تتعلم ما تناديلي مرت اخي .... -علاء: بعرف انك بتستلذي فيها ... وبعرف اشيا كتير .... -يارا: شو بتقصد ؟ ... -علاء: تيم بالبيت ؟ ... -يارا: لا بس رجعنا من الشغل بدل تيابو وضهر ... -علاء: تمام افتحيلي انا نازل .... سكر بدون ما ترد ونزل لعندا ....... وفات وقعد وهيي على اعصابا .... -يارا: ايي شوو ....؟ -علاء: انتي بتحبي اخي اياد ما هيك ؟ ... اجت بدا تحكي قاطعا .... -علاء: اوعى تنكري .... عيونك ومراقبتك لالو فاضحينك ..... -يارا: شو بدك علاء ... -علاء: بدي ساعدك ...... -يارا(باستهزاء): له ... قول والله ..... -علاء: جد بدي ساعدك ... وساعد اخي قبل .... اخي بين الشركة والضياع اللي ضاعو والمصاري اللي راحت ... وكيف بعدلنا شعرة لنصير عالحديدة ... ضيع نفسو واحساسو ومشاعرو ..... انا متأكد انو اخي بحسلك بشي بس مش فاضي .... انتي اكتر وحدة شايفي وضعنا كيف ....العضوة: 275918 , منذ 4 سنوات
-يارا: اول شي لا تبررلو ... تاني شي بين كل هالفوضى الواحد بخصص وقت لنفسو ... تالت شي انا ما بحسلو شي ... رابع شي والاهم انت لا تدخل ....... -علاء: مش طبيعية انتي بجد ..... عم بلش حبك ..... حملت المخدة وزتتها عليه .... -يارا: احترم حالك يا ولد ..... -علاء: لا جد بحكي ... شخصياتنا متشابهة .. تعي نتزوج .... به هههه به ...... -يارا: يقطع عمرك منا ضحكة ..... به هههه به ..... -علاء: طيب روق شريك .... يعني معقول واحد يحط عينو على اختو وشريكو الانتيم ..... -يارا: ما بتحس حالك اوقات بتحكي متل عفس الدجاج ..... -علاء: مبلا بس معك يا دجاجة .... رجعت زتت عليه مخدة تانية ... ورجعلا ياها بقوة على راسا .... ضحكو .... وقام علاء للباب ..... -علاء: يلا باي ... وما اقتنعت بحكيك ..... سلام ..... ضهر وسكر الباب .... خفت ابتسامة يارا وسندت ضهرا .... -يارا: مجنون ..... بيلقطا كيف ما كانت .... الله يعينا اللي بدا تاخدك ..... غرقت بأفكارا ومشاعرا اتجاه اياد .... وغفيت ......... _______________________________________العضوة: 275918 , منذ 4 سنوات
كان نازل مراد على امل يلمح عبير .... نزل عالشارع وصار يتمشى .... ولما فقد الامل اتفاجأ فيها طالعة من دكان العم محمد ...... اتلبك وابتسملا ..... -مراد: كيفك ؟ .... -عبير: منيحة ..... وانت ؟ ... خجل مراد وركوزو كان الشي اللي بيمزو عن علاء الطايش اللي بيتحرك كتير وما بيثبتو لا عيونو ولا ايديه بمكان واحد .... فكان سهل كتير على عبير تعرف شخصية مراد وتبتدي تحس اتجاهو بشي ..... -مراد: الحمدلله ... انا بعتذر على الحماقة اللي عملها اخي ..... -عبير: انت ما دخلك مبين عليك انسان محترم ..... بستغرب كيف انكن توأم .... -مراد: هههه اي هوي الزعرنة بعيونو .... مطبق مليون بنت من لما كان صغير لهلأ .... -عبير: وانت كم بنت مطبق .... -مراد: ههههه انا ..... بنت لما كنت ابتدائي وحياتك هيي طبقتني .... ههههه .... -عبير: ههههههه .... -مراد: وكان عندي بنت بالجامعة ومن وقت ما تركنا هاي انا .... -عبير: عم تمزح ... لسا في شباب متلك ..... -مراد: هههه ..... _____________________________________________العضوة: 275918 , منذ 4 سنوات
كان اياد عم يجمع الاوراق من غرفتو ... لما فات علاء ..... -علاء: ع شو عم تدور .... ؟ -اياد: ولا شي ... بس عم اجمعن ... بخزنة الشركة أأمن هونيك ..... بكرا باخدن معي ... ذكرني ... -علاء: تمام ..... انفتح باب الشقة وفات مراد بالاثناء اللي وقف اياد حامل الاوراق ووقعت من بينن رسالة (الى ابنتي يارا) ... مسكها وهوي مشغول بالنظر من باب غرفتو لبرا ليشوف اخوه اللي عم يدندن عن غير عادة .... مسكها عن الارض وحطها بين الاوراق ... وحط الاوراق عالطاولة ولحق علاء اللي ركض فورا عالصالون ..... -علاء: اوه اووه .... شووو طمنااا ... طبست ؟ -اياد: اعترفتلا واخيرا او بعد ..... كمل مراد على غرفتو عم يدندن وما رد عليهن .... ووقفو اياد وعلاء حطو ايديهن بأجيابن .... وحكو سوا .... -اياد وعلاء: اي بالناقص ..... رجع اياد بدو يفوت على غرفتو ...... ووقفو علاء ...... -علاء: ع فوقا ..... برم اياد لعندو ...... -علاء: حاجتك مكابرة انت ويارا ... بعرف انك بتحبا ...... -اياد: علاء بلا كترة سخافات ... انا صح سامحتا هيي واخوها وهلأ عم نبني صداقة وشراكة ... بس ما بنسى انو ابوها ورا الحالة اللي هلأ نحن فيها ..... تمام ..؟ وانت اوعى تنسى .... هالجوهرة نهت حياتنا وشكلا ابدا ما رح تتلاقى لتنشلنا من هالقرف .... بالوقت اللي كنا فوق ... هلأ عم نطقطق روسنا مقابيل اللي فوق لنعيش وناكل لقمة حلال ......العضوة: 275918 , منذ 4 سنوات
-علاء: كل اللي حكيتو واجهة لتخفي مشاعرك وتنكرا حتى بينك وبين نفسك ...... -اياد: علاء لا تتدخل بشي اكبر منك ...... تمام ....... فات ع غرفتو .... وعلاء تأفف وفات لعند مراد ..... بهالاثناء في دمعة نزلت عالارض ... برا ... حد الباب ... كانت لسا يارا رافعة ايدا وبدا تدق ... انتهى الحديث وهيي لساتا نفس الوقفة ..... برمت بهدوء ونزلت فورا لتحت لقت اخوها واصل .... -تيم: اختي شو اشبك ؟ ...... -يارا: ابونا دمرنا ودمرني ...... فاتو لجوا وسكرو .... قعد تيم عالكنباية واشرلا تقعد جنبو ... نامت بحضنو وصارت تبكي وهوي يلعبلا بخصل شعرا متل لما كانو صغار .... لتروق ....... -يارا: ادي لسا بدي ضل اركض وراه من مكان لمكان ... ادي بدي ضل البس واتعطر لحتى بس يشوفني وينتبهلي .... ادي بدي ضل راقبو من العين شوفو اذا نزل لاضهر ونتلاقا صدفة .... ادي بدي ضل اعبر الطريق اللي بيعبرو كرمال يوصلني بطريقو ... ادي وادي وادي لك اخي ... تعبت ..... في اليوم التالي ........... وصل تيم عالشركة .... وكانو مراد وعلاء واياد بغرفة الاجتماعات عم يتناقشو بأول مشروع اجاهن ... صح صغير ... بس هاد البداية .... كان اعلان بسيط لدوا غسيل .... فات لعندن .... -تيم: اسف عالتأخير ....العضوة: 275918 , منذ 4 سنوات
-اياد: نطرناك تحت وزمرت كذا مرة .... احسا ما تجي بالتاكسي .... -تيم: شكرا الك ... بس والله غفينا انا ويارا عالكنباية ع وج الصبح اد ما بكيت مبارح .... ما قدرت اتركا اليوم قبل ما تروق .... اتغيرت ملامح اياد ... وعبّء وجو .... بس ما سمح لحالو ينفعل .... ترك المهمة لعلاء .... -علاء: ليش شو اشباا ... شو صاير معا ..... ؟؟العضوة: 275918 , منذ 4 سنوات
-تيم: ولا شي ... هيك كل فترة بصير معا شوية قصص ... يلا خلونا بالشغل .... -علاء: بعدين انا بقررا .... تمام لنرجع للشغل .... -اياد: ييي ع هالنسوة ... صحيح علاء جبت معك الاوراق .... -علاء: ههه اي منيح في علاء ... عشان يعمل اللي بتنساه ... حطيتن الصبح بباكاج السيارة ... وما نزلتن معي ... -اياد: نط جيبن بدي ورقة مهمة منن ... والباقي حطن بالخزنة ....... ___________________________________________ اندق الباب على يارا .... قامت عم تتنحنح ... وفتحت .... -يارا: اهلين عبير ... مانك بالجامعة ؟ ... -عبير: عطلة اليوم ... والله اني حسيت اشبك شي ... وقلتلا لامي الشباب طلعو بلا يارا عالشغل وبعدا طلع اخوها وهيي ضلت ... شكلك كتير تعبان .... -يارا: ههههه عاملة كاميرات بالحي .... فوتي اقعدي ..... -عبير: هههه .... هلأ ما علينا جد شو اشبك .... -يارا: ولا شي وجع راس ....العضوة: 275918 , منذ 4 سنوات
-عبير: عليي هالحركات ؟ .... -يارا: شو تشربي ؟ .... -عبير: ولا شي ... اقعدي واحكيلي ... انتو ليه هالقد غامضين .... -يارا: مين نحن .... -عبير: انتي واخوكي واياد واخواتو .... -يارا: وين غامضين والجرايد راوية قصتنا بحذافيرا .... -عبير: الجرايد نصها كذب ونص التاني اشيا عامة .... -يارا: مين قللك ... ؟ كل شي راويينو .... -عبير: تمام ... الجرايد بتحكي انو مات ابوكي وانفقدت معو جوهرة اسما اورانوس ... وبعدا انتي واياد صاحب الجوهرة اللي تبينت بعدين انو بتعود ملكيتا لحدا برا البلد ... تزوجتو ... وبعدا افلستو وطلقتو ... وبعدا سكنتو فوق بعض ... وانتو سمنة على عسل ... لا مبين في خلاف ولا شي ... يعني الجرايد ما ح تقللي بتحبو بعض ما بتحبو بعض ... لساتكن ع خلاف او لا ... شو وصلكن لهيك علاقة متينة بتحمل غموض واسرار ... اسئلة كتير ... -يارا: شكلك عاملة بحث طويل ... -عبير: ايي فضول ... كيف بعد ما حبيتكن ... بزيد فضولي ... -يارا: حبيتيناا ؟؟ .. مين بتقصدي ... انا ومراد يعني .... -عبير: يارااا ... بلا سآلة ....العضوة: 275918 , منذ 4 سنوات
-يارا: اسئلتك كتيرة وبصراحة ما عندي ولا جواب ... انا قايمة اعمل قهوة ..... قامت يارا تعمل قهوة لتهرب من اسئلة عبير الفضولية .... كيف بدها تقلها وقعت عقد زواج بالاكراه .. كيف بدا تقلها انو جوهرة تحكمت بمصير ٥ اشخاص ... كيف بدها تقلها انو ابوها طلع مخبى بتيابو ... كيف بدا تقلها انو ابوها سرق ... كيف بدا تخبرها انو رغم كل هالفوضى والاسى وقت بغرام اياد اللي مانو شايفا الا صديقة ... وكيف بدها تقلها انو دعست ع صداقة سنين مع صديقتها حياة لحتى تبعدا عن حياتا لحتى ما تنأذى او تعرف اسرار ... انو هملتا وما عادت ردت على اتصالاتا ......... وكيف والف كيف .... رجعت حاملة قهوة وكنكنو بأمور عامة لحد ما رجعت عبير على بيتا .. وفاتت يارا تتفنن بالمطبخ ... هيك لخلص النهار ووصلو الشباب من الشغل .... لاقتن ال٤ عالباب ... قبل ما يطلعو اياد واخواتو ع شقتهن .... -يارا: تغديتو .... ؟؟ -الكل: لا والله .... -علاء: كان يوم متعب ما لحقنا ...... (رفع راسو وصار يراقب ورا يارا) ... كإنو محضرتيلنا شي مرت اخي ...... اممم بقصد يارا ..... اتلبكت يارا واتلبك اياد اكتر منها وزور اخوه .....العضوة: 275918 , منذ 4 سنوات
-يارا: اي والله عملت سفرة صغيرة تفضلو نتغدا سوا اذا ما عندكن شي ..... الرسمية اللي كانت عم تحكي فيها ما انخفت على علاء ... وهيي كانت عم تتقطع من جوا بسبب حاجز كانت بتتمنى لو تكسرو وتعيش طبيعي معن وتتصرف طبيعي ... دخلو الكل ..... -تيم: اوووه سفرة بتجنن ... لازم كل يوم تعطلي عن الشغل لحتى تجهزيلنا هيك سفرة .... -علاء: قول لازم كل يوم تزعل لتتفنن بالطبخ ... حاكم لما تزعل بتحب تزين ..... مشاعر مشتركة تخربطت عند الكل ....... وصارو يسكبو الاكل بهدوء .... من غير صوت غير صوت الملاعق عم تترق بالصحون ...... علاء اللي حس حالو غلط .... ولا مراد اللي لكشو ليضب لسانو ... او تيم اللي حس في خناقة مرتبة بس يفللو ليش حكا انها كانت زعلانة ... ولا يارا اللي عم تراقب اياد وحركاتو الاكتر من عادية اللي عم تقتلا من جوا .... او اصعب حالة فيهن اللي هيي اياد ... كان في اشيا كتير عم يحس فيها بهالتكة ... على غير عادة .... امتزجت اشيا كتير جواتو .... اولهن محاولتو ادعاء اللامبالاة ... انو يكون طبيعي لابعد حد .... تانيهن احساسو بإنو في بركان جوات يارا حابب انو يغمرا ليطفيلا ياه ويخليها تبكي بحضنو قبل حضن اخوها لما يفلو ...... ثالثن والاغرب احساسو بالغيرة من اخوه علاء ... ليش بيعرف انو هيي لما تزعل بتحب تزين وهوي ما بيعرف ؟! .. ليش هالقد بيقدر ياخد ويعطي معا اكتر من الكل ؟؟ .. واسئلة كتير ما كانت بتتلخص الا بشي واحد اسمو حب .... بس يمكن هوي غبي او عم يتغابى ........ قطع هالسكون مراد ... اللي حاول بركوزو يزبط ويلملم اللي بعثرو علاء ..... -مراد: هلأ انا عم فكر انو نروح نسهرلنا بشي مطرح بالليل .... احتفالا بأول مشروع ... وتغيير جو بعد الكركبة اللي كنا فيها .... ولملمناها .......العضوة: 275918 , منذ 4 سنوات
-علاء: فكرة حلوةةةة .. اول مرة بتحكي جوااهر ... انا موافق .... -تيم: وانا ما عندي مشكلة .... -اياد: وانا .... الكل اطلع بيارا لتحكي ..... -يارا: انا بدي تعذروني بدي ارتاح .... روحو لحالكن ...... وقفت ومسكت صحنا .... وهيي عم تبرم لتروح عالمطبخ ... وقع طوقا من رقبتا جنب اياد .... مسكو واطلع فيه .... ادي بضل ملازما وين ما راحت ..... رغم انو من ابوها بس ما شلحتو لانو من ريحة امها .... للحظة اتمنى ما تكون حست انو وقع ليخليه معو .... بس برمت واخدتو مع ابتسامة صغيرة ... رجعت الصحن عالطاولة وصارت بدها تبكلو برقبتا .... -علاء: اساسا ما حدا سألك ... بتروحي شاتي ام ابيتي ..... بالوقت اللي كانت عم تنادي يارا اخوها يساعدا لتبكلو كان للحظة لا ارادية اياد بدو يوقف يساويلا ياه لانها عم تخابط فيه ..... -يارا: تيم ساعدني فيه .... وقف تيم .... وساعدا .. واياد عم يراقب تفاصيل وجها ورقبتا وجمالية الطوق .... وخصوصي على رقبتها .......العضوة: 275918 , منذ 4 سنوات
-علاء: انا طالع عندي كم شغلة بالبيت ... وانتي ست يارا بتكوني جاهزة ... عال٨ منمشي .... ما تركلا خيار ترجع ترفض ... فل الكل وحل المسا ... وتزينت يارا ولبست احلى فستان ... التقو الكل تحت عال٨ بالضبط .... وعيون اياد على يارا .... فستان نيلي مميز مشكوك لولو ... وتسريحة شعر ناعمة ..... علاء: اوووووه ... ما كل هذا الجمال .....العضوة: 275918 , منذ 4 سنوات
كمان مرة اياد حس بشي جواتو ... ليش ما قدر يتغزل بجمالا متل اخوه ... ليش في حاجز كبير بيناتن ... هل لانهن مطلقين او كرمال شي تاني ... بس عادي حتى لو .... ما هني صارو اصحاب لازم تكون علاقتن اقوى ... طلع اياد بالسيارة ليهرب من الموقف ودورها ..... فتح علاء الباب القدماني .... -علاء: اتفضلي برينسيس ... عيب صبية حلوة متلك ومتشيكة تقعد ورا وتنفعس بين الشباب .... صح اخوها ؟؟ -تيم: صح .... ركبت يارا بتلبك .... وطلع تيم ورا وبعدا مراد ... وقبل ما يطلع علاء ..... حكا اياد ... -اياد: علاء سكر باب البناية ... هيك هيك ما في سكان غيرنا فيها ..... راح يسكرا ورجع طلع ... ومشي اياد .... -علاء: ع فوقا ليش بالطوابق التانية ما في سكان ..... -اياد: قلال اللي بيشترو بهالبناية لانو الشمس ما بتتدخلا من هاي الجهة متل باقي البنايات .... -علاء: مبلا بتتدخلا .... -اياد: اي ما بعرف .... السمسار قلي هيك .... -مراد: ليكون في إن بالموضوع .... -تيم: شو بدو يكون في ... يلا انسو خلونا نستمتع ....... وصلو على مكان هادي ورايق .... في موسيقى رايقة .... قعدو وطلبو تحلاية وشي يشربوه ... لانن تقلو كتير بالغدا اللي عملتو يارا فما كانو حاسين بالجوع .... وقف علاء .... ومد ايدو اتجاه يارا .... -علاء: يارا ... بتسمحيلي برقصة لكانت وصلت طلبيتنا .... لفقع عيون البنات هون .... بعد اذن اخوكي طبعا ......