#أين_جوهرة_أورانوس_بقلم_نسمات_الليل
الجزء الأول:
أنفاس عدة متسارعة ... نتيجة الركض المتواصل ... قلب عم يخفق خوف ... لحد ما أعلن استسلامو ..... وقف شب بأواخر العشرينات بعد ركض متعب .... حط ايديه على ركبو وهوي عم يلهث .... ولمح الشباب الخمسة انن قربو وهني عم يلهثو الضعفين ..... ومجرد ما خففو سرعتن مأمنين انو خلص استسلم ..... خبط البراميل اللي جنبو بإجرو ... وركض بأقصى سرعتو بعد الاستراحة القصيرة كتير اللي اخدا .... صار يركض ويلتفت وراه ..... لحد ما خبط بصدر شخص ...... وتمتم بتلعثم ......
-إ ... إ .... إياد بيك .......
-إياد: حملو هالزبالة عالقبو وجهزولي ياه ... بدي ياه ع اخر نفس وجاهز للاعتراف ....
-والله ما خصني يا بيك ... والله ما بعرف شي ......
كان عم يحكي وهني عم يجروه عالسيارة .... وإياد الرجل الثلاثيني بعقدتو المعتادة واقف وايديه بجيابو .... ناطر لوصلو الشباب الخمسة لعندو .... اللي كانو عم يلحقو الشب ....
-إياد: بتمرقو بتاخدو حسابكن وما بقى بدي شوف صورة وجكن ....
-بس يا بيك هوي متمرس كتير ....
-إياد: شقفة زبالة ما عرفتو تمسكوه ...... انقلعو من خلقتي ......
تركن وطلع بسيارتو المفيمة ..... ولع سيجارتو .... ومشي السائق ......
______________________________________
بفيلا صغيرة ... سيارات عم تنصف ... وينزل منها ناس لابسين اسود .... ونظاراتن الشمسية مغطية عيونن ...... عم يدخلو ورا بعض .... ويقربو من بنت بنص العشرينات .... ويسلمو عليها .....
-العمر الك حبيبتي يارا ....
-البقية بحياتك بنتي يارا ....
-الله يصبرك انتي واخوكي ويكون معكن .....
تعازي كتيرة ما عم تخلص .... وصورة كبيرة بشريطة سودا ع طرفا لرجل بالخمسينات محتلة حيط كامل ....... ويارا قاعدة عالكنباية ووجها اصفر ... عيونا منفخة .... ومبين عليها التعب الشديد .... ماسكة بإيدا الطوق اللي لابستو برقبتا .... اللي بيحمل اسم امها وابوها ... ع كل طرف اسم ..... برمتو ع الطرف اللي بيحمل اسم ابوها (هلال) .... وباستو .... ورجعت خبتو بقلبا وكفتو دموعا ... وهيي عم تتذكر المشهد اللي اهداها ياه ابوها فيه هالطوق ....
////ذكريات .....
-هلال: بنتي هاد الطوق صممتو خصيصا لامك الله يرحما .... كانت دايما تحلم انها تلبس برقبتها اسمي واسما .... هلأ صار الك ....
-يارا: ليه هلأ بابا ... بعد ما مر على وفاتا ٥ سنين ....
-هلال: هلأ لقدرت طالعو من مكان ما كانت حاططتو امك ... انتي احق فيه .... اوعى تشلحيه بحياتك كلها ....
-يارا: اشتقتلا كتير بابا ... كتير ....
-هلال: وانا كمان يا قلبي ...
-يارا: في شي ؟ ليه صفنت ؟ .....
-هلال: في رسالة مهمة ... بدي اعطيكي ياها بكرا ... ذكريني فيها ...
العضوة: 275918 , منذ 4 سنوات
هز تيم براسو .... وراحو علاء ويارا عالنص وصارو يرقصو ... هون كانت اخر قبضة بقلب اياد اللي فقع وحس باحساس رهييب .... -يارا: والله انك ناوي ع شي .... -علاء: هههه .... بدي يفقع من الغيرة ... خليه يتلحلو شوي .... بدي ارجع زوجكن ... وقولي علاء قال ..... -يارا: طيب اسكت ... مين قللك بدي ..... ضحكات علاء المستمرة هوي ويارا ... كان عم يراقبا اياد بتفاصيلا .... وما سامع نقاشات تيم ومراد عن الشغل .... لحد ما رن تلفون يارا مقابيل اياد للمرة الخامسة ... كان صامت بس هوي عم يراقبو .... -اياد: ياارا ... للمرة الخامسة عم بدق تلفونك ..... اجت يارا مستغربة مين اللي بدو يدقلها ٥ مرات وكل اللي بتعرفن حدها ..... عقدت حواجبا وردت .... -يارا: الو اي عبير ........... شوووووووووووو ........... دقات قلبا اتجاوزت الطبيعي ... بلعت بريقا ووقفو الاربعة عم يحدقو فيها ..... -يارا: البناية عم تحترق ...... يتبع ..............العضوة: 275918 , منذ 4 سنوات
#أين_جوهرة_أورانوس_بقلم_نسمات_الليل الجزء الثامن: ما حدا رد من الصدمة .. بس كلن ركضو لبرا ... عالسيارة فورا ... وساق اياد بسرعة رهيبة ....... بطريقة جنونية ... متل اللي عم يركض ويركض وعم يضل مكانو .... وعارف حالو ما رح يقدر يعمل شي .... متل اللي رايحين عالدمار ... مصيرن محتوم ... بس في بصيص امل عم بقلهن انو رح تقدرو تأنقظو المكان ...... وصلو ........ والكل تلعثم وهوي عم يراقب الدمار والنيران الشاعلة بالبناية ... والناس حاملة سطولة المي وعم تحاول تخفف من حدة الحريق لكانو وصلو الاطفاء ...... نزل اياد من السيارة .... صار ينزل على ركبو وهوي عم يراقب دمار حياتهن ...... غرز ايديه بشعراتو ..... ومراد واياد كل واحد عن ميل .... لهيب النار عم يلمع جوات عيونن اللي عم تحكي الف حكاية ..... ويارا بحضن اخوها واقفة وعم تبكي .... أي متى بدا توقف الحياة تصفعن كف ورا كف ........ أي متى بدن يعيشو بسلام ... السلام اللي دفعو عليه ملايين الدولارات وللاسف ما حصلو عليه ........ وصلت الاطفائية ... وابتدو يطفو بالنار اللي بالتأكيد ما رح تترك الا شوية شظايا ورماد .... هالرماد اللي بيحكي عن عزم واصرار ليعيشو ... هالرماد اللي دمر ٥ اشخاص .... هل هوي بالفعل اللي دمرن او هوي متلو متلن ضحية جوهرة اورانوس ........ -علاء: عادي .... والله عادي .... تعودنا ....... -اياد: علاء سكوت ..... -علاء: نحن ما في شي بدمرنا ... رح نوقف من جديد على اجرينا .... -مراد: علاء سكوت ...... -علاء: ما هيك مرت اخي ..... -يارا: علااااااء ... قالولك سكوت ...... وقف اياد من كل عزمو ضرب اخوه بوكس ..... -اياد: بكفيييي .... بكفيييييي ......العضوة: 275918 , منذ 4 سنوات
ما عاد شاف قدامو ... متل اللي عم ينتقم من اخوه بسبب غدر الحياة ..... متل اللي عم يشوف اخوه القدر ويضربو من كل عزمو ...... ومراد وتيم عم بيعدوه عنو ..... وعلاء ما اعطى اي ردة فعل عنيفة لانو بيعرف اخوه اللي على عاتقو مش هيّن ..... قعد اياد على الرصيف .... عم يحصر جواتو كتير ... لا هيبتو ولا رجولتو بتسمحلو ينهار .... بس ما بقى قادر .... ما بقى قادر يقاوم ....... وهالمرة قررت يارا تشيل الحاجز شوي ... قعدت حدو وحطت ايدا على كتفو ... حط راسو بحضنا .... هربت دمعة من عينو ... مسحا فورا وحاول يكون اقوى ..... -اياد: ليش وصلنا لهووون .... ليييييييششش (صرخ من جوات قلبو) ... لييييششش ...... لاي متى بدي ضل حارب وقاوم لنعيش .... ليش من بعد ما كان عندي فلل وشركات وسائق وسيارات بدي اوصل لهون ... ليش من بعد ما كنا عايشين بأمان وشبعانين وعم بهتم باخواتي بدي اوصل لهون ونام جوعان لنفتح شركة واشتري بيت يحتوينا .... لك وينااا هالجوهرة ويناااااا .......... كزت يارا عليه وهوي غرق بحضنا اكتر ....... انتهت الاطفائية من شغلا .... ووقفو الخمسة مقابيل البناية اللي اد ما يرمموها ما رح تترمم .... ادمرت عالاخر ......... وصلت الشرطة بهالاثناء والخبير .... فاتو عالبناية وفي بنت شرطية عم تلقى الاوامر عليهن وهني عم يقولو حاضر سيدي ..... كانت بنت هيئتها شب ولباسها الشرطي معطيها جمالية خاصة ..... وقف علاء ... عقد حواجبو .... والتقو عيونن باللحظة اللي ضو الشارع كان ضارب على عيونا العسلية .... -علاء: هيا مين البنت دي ......العضوة: 275918 , منذ 4 سنوات
ما اعطتو اهمية ..... بس هوي قرب منها ... ورغم كل هالفوضى ما بضيع ولا اي فرصة بتجيه ..... -علاء: اوووه .... شو بنادوللك ... حضرة الضابط او مقدم او شو ...... انسمع صوت من جوات البناية ....... -داليااااا تعي شوي ..... -علاء: اووه واسم حلو كمان .... -داليا: احترم حالك يا ولد ...... (صرخت) .... اي علي جايي ..... رجع انضم لاخواتو .... وقرب من يارا اللي وقفت من بعد ما قام اياد ...... -علاء: بشرفك شوفيلي هالجمال .... ما خرج تكون مرت اخوكي ..... ابتسمت رغم انو ما بدها وسط هالفوضى .... ضربتو على كتفو ..... -يارا: انت واعي للمصيبة اللي نحن فيها .... -علاء: نستني كل شي والله ...... بعد نص ساعة .... اجت داليا ووقفت مقابيلن ..... -داليا: اللي صار بسبب ماس كهربا ... بالطابق التالت ..... ولانو ما حدا انتبه لاشتعال النار ادت لانتشار الحريق بشكل اسرع ....... ولانو البناية وضعا ما كتير واساساتا ضعيفة صار اللي صار .... حضرتكن ليه مخاطرين ومشترين شقق ببناية وضعا سيء ....... ما حدا جاوب ...... بس قرب علاء وحكا بإدنا .... -علاء: لنشوفك ...... حاولت تخبي ابتسامتا ..... وامرت العناصر يمشو .... -داليا: نحن انتهت مهمتنا .... يلا عالفرع ...... فلت داليا هيي والعناصر ... واخدت معا شي مهم بيملكو علاء جواتو .... بلا ما يحس او يشعر ... رغم انو هوي حس اتجاها متل اي بنت ... انجذبلا ... وفلت وقطعت القصة ... بس هالمرة مش بهالسهولة رح تقطع ... لانو اللي اخدتو معا داليا شي غالي كتير ..... يمكن قلبو ..... بسرعة اتناسى علاء الموضوع ورجع للوضع المأساوي مع الكل .....العضوة: 275918 , منذ 4 سنوات
-تيم: البيت الجبلي اللي النا لسا ما انباع .... خلينا نروح نبات هونيك لنشوف بكرا شو فينا نعمل ..... -يارا: من حظنا انو هوي باول الجبل ... يعني مش بعيد كتير .... طلعو بالسيارة واتوجهو لهونيك .... وصلو ..... وفاتو وكلن همدانين .... شي كتير غالي فقدوه ... شي اهم من البيوت والمال ......... فقدو الأمل .......... سكرو الباب وراهن .... واتسكر معو اشيا كتير .... -مراد: حتى تياب ما في .... وضع مضحك ...... -يارا: بعتقد تيم عندو بجامات هون ...... -تيم: اي طالع جيب ...... قعدو عالكنباية .... وصار يراقب اياد المكان ... الاثاث ... الدرج ... الخشب ... الشيمينه ..... نزل تيم معو تلات بجامات ... -تيم: انشالله يكونو على مقاساتكن .... ابتسم علاء واجا بدو ينكت رجع سكت ... حس هالمرة رح تكون القتلة مرتبة اذا حكا ..... اخدو التلاتة البجامات ..... -تيم: فوق في ٣ غرف نوم .... ٢ منهن فيها تختين ... شوفو اللي بناسبكن ..... طلعو لفوق .... نامو التوأم بغرفة ... واياد وتيم بغرفة ... ويارا لحالا بغرفة اهلا .... ع اساس نامو ... بس كل واحد منهن ما قدر يغفى ... واذا غفي يضل ينام ويوعى من التفكير ببكرا .. وبمبارح .... باللي صار ...... ووصلن لهون ..... وعيو بكير ع ريحة فطور ملكي .... وريحة خبز طازج .....العضوة: 275918 , منذ 4 سنوات
-علاء(عم يشم): مراددد ... شامم شي لاول مرة بحياتك بعد وفاة امي ..... -مراد: من زمان ما وعينا ع هيك ريحة ..... بالغرفة التانية ..... -اياد: انت دائما بتوعى ع هيك ريحة ؟ ... -تيم: بس تكون راضية عني ..... ابتسم اياد ... وقامو ضهرو ... التقو ال٤ على الدرج ...... ونزلو ..... -تيم: اووه شو هالروايح اختي ..... -يارا: طلعت الصبح جبت شوية غراض وخبز ... بسيارتك اياد ... بعتذر اني ما استأذنتك بس البراد فاضي .... -اياد: قاعدين ببيتكن وبتحكي هيك .... -علاء: ليش هيك بتصيرو تحكو ... العمى نحن عيلة ... شو سيارتك وشو بيتك ..... يلا هلأ اقعدو ناكل واسكتو .... -مراد: مش ع اساس انت اللي عم تحكي .... ضحكو الكل ... يمكن من الوجع ضحكو لينهو ضحكتن بكلمة اااه طالعة من القلب ..... قعدو عالسفرة ... ياكلو من جهة ... يتحسرو ع وضعن من جهة تانية ... ويضحكو من جهة تالتة ..... واياد عم يراقب يارا بكل تفاصيلا .... تفاصيلا اللي عم تحاول تخليهن مميزين لينتبهلا .... وعم تحس حالا عم تفشل ...... خلصو اكل .... وطلعو لفوق .... ورجعو وقفو ع حفة الدرج .... -علاء: طيب ونحن شو منلبس هلأ على الشركة .... ضحكو سوا ... وضحكة يارا كانت مميزة اكتر من قبل ... او بالاحرى اول مرة اياد بينتبه لجماليتها .....العضوة: 275918 , منذ 4 سنوات
-تيم: انا برأيي تروحو على خزانتي تشوفو الطقومة ايا بيزبط عليكن ... ما عندي كتير بس بمشو الحال .... -علاء: بشك انو شي يزبط علينا .... يعني البجامات امر الله ... بس طقومة .... -مراد: يا اخي لبسلك شي تيشيرت مع جينز مبارح ..... بعد ساعة كانو الكل بالشركة ... عم يشتغلو اكتر تيقدرو يطلعو مصاري تعيشن لو لبكرا بس ....... بس شركة اعلانات صغيرة مبتدأة ... شو بدها تعملن ...... طلعت يارا قبل بالساعة من الشركة لتروح تجهزلن اكل ... لانو بطل فيهن متل قبل ياكلو اكل جاهز ...... حضرت الغدا لكانو وصلو ..... قعدو الكل عالاكل جوعانين من تعب النهار ..... -يارا: هووووب ... ما حدا غسل ايديه ...... المسا ...................... الكل قاعد بالصالون وساكتين ... غرقانين بالافكار ... والاقتراحات ..... -علاء: انا برأيي ... انو يارا تتفضى للبيت والاكل ... واياد وتيم يشتغلو بالشركة ... وانا ومراد ندور على شغل تاني غير الشركة ..... -يارا: بالله بالله .... قول والله ...... -تيم: معو حق ... ما عاد عنا خدم وطباخين وقصص ... -يارا: شو يعني عملتوني خدامة .....العضوة: 275918 , منذ 4 سنوات
-اياد: ما تخافي كلنا منتساعد بالبيت ... علاء بحب يتكل .. لما نقلنا عالشقة منيح كان يرتب تختو ... بس هلأ بلش الجد .... المهمة اللي فايتلنا صعبة ولازم كلنا نتعاون سوا ... شركتنا ... او بالاحرى ما فينا نقول عنها شركة لانها لساتها بالبداية وصغيرة .... مردودا قليل ... انجأ طعمينا خمستنا .... ما بتأمن لوازمنا وكهربا ومي وغاز والى اخره ... هاد عدا اذا ما اجانا اعلانات ما في شغل .... منتركا ع الله ... كرمال هيك فكرة علاء مش بطالة ..... شمر عن ايديه علاء ورفع راسو انو هوي عمل انجاز وكمل اياد حكيو ....... -اياد: كونو شغل الشركة خفيف مانو بحاجتنا خمستنا ... انا وتيم منكفي ... وعلاء ومراد رح احكي معارفي تشوفولكن شي شغلة تشتغلوها .... -علاء: فكرك بعد ما وصلنا لهون ضللنا معارف ... كل العالم مصلحجية لك اخي .... -اياد: ما بتخلى .... المهم .. اما يارا الخيار الك ... نحن اكيد ما عم نقول تكوني خدامة ... بس لنوقف على اجرينا لازم نتعاون .... شوفي شو بناسبك واعملي ....... وبالنسبة لقعدتنا هون انا رح حاول تكون قصيرة ..... -تيم: له شو عم تحكي ..... البيت بيتك .... ولو انو مش جبلي ورح نتعب بالروحة والرجعة من الشغل ما كنت قبلت ابدا انو ننقل ..... -يارا: تمام انا رح دور على شغل لل١٢ الظهر يكون بس .... برجع وبشتغل كم شغلة وبجهز غدا ... بتكونو رجعتو ....العضوة: 275918 , منذ 4 سنوات
-مراد: هاد الحل السليم ........... بعد مرور شهر ............... بالشركة ..... ركض تيم على مكتب اياد وفتحو وفات بسرعة ..... -تيم: ايااد ... اياد .... -اياد: خود نفس شو في ..... -تيم: اجانا اعلان .... لقلم روج ماركة جديدة .... رح يعطو فيه بلاوي ..... -اياد: حلو حلوو هيدا حكي ...... -تيم: تمام لازم نبدا ونحط الاستراتيجية المطلوبة .... وقال علينا نلاقي صاحبة الاعلان ... مندبر شي وحدة ما تطلب كتير ..... -اياد: تمام هاي المهمة عليك ... وانا رح حط الاستراتيجية المطلوبة .... -تيم: ماشي رايح ابدا ..... -اياد: تمام ... ناديلي السكرتيرة انت وضاهر ... خط التلفون مدري شو صرلو .... -تيم: اوكي ... ورح شفلي شي حدا يجي يصلحو ..... اندق باب المكتب على مراد ...... كان قاعد قدام الكومبيوتر ومندمج بالشغل والحسابات ..... -مراد: اتفضل ..... فات الطارق ..... -مراد في زبون عامل مشكلة برا ... كرمال حساب طاولتو .... وأصر يشوف محاسب المطعم ..... -مراد: تمام ... يلا جاي اسبقني ....العضوة: 275918 , منذ 4 سنوات
بكافيتيريا صغيرة ع شط البحر ........ علاء ويارا واقفين ع جنب لابسين لباس الجراسين ...... وعم يوتوتو ..... -يارا: هلأ بيجي المسؤول ومناكلا بهدلة ليش عم نتحدث بوقت الشغل .... -علاء: حلي عني ما بينطاق ... والله لولا الحاجة ما بكون تحت رحمة حدا ........ انتي ملاحظة انو ما راحت غير علينا .... تيم واياد ومراد بيشتغلو شغل مرتب ونحن هون منخدم بالعالم ..... -يارا: راحت عليك انت ... انا ما لقيت شغل لل١٢ الظهر الا كون جرسونة ... بس حضرتك اللي ما حدا بوظفك من ورا مشاكلك اللي ما بتخلص .... -علاء: به ...... به ...... -يارا: هههه ..... يلا انا باقيلي نص ساعة وبخلص .... العترة عليك ..... -علاء: يارا ..... كانت ملبوكة بتيابا وعم تساويهن وتراقب اذا حدا من الزباين ناداها ..... -يارا: اممم ...... -علاء: حاسس في شي ناقصني .... هالشهر تعبنا فيه وما فضيت لحالي ...... -يارا: شو قصدك ؟ ... داليا ؟ ... -علاء: ههههه بيعجبني انك بتلقطيها عالطاير .... من وقت الحريق مدري ليه ما عم تروح من بالي ..... -يارا: خلص شكلك طبست ...... ييي اكلناها ... المسؤول عم يزورنا ... على شغلك .... -علاء: عم فكر اتمشكل معو بلكي بروح بشوفا .... -يارا: بلكي مننشحط ساعتا ..... -علاء: اريح ....... -المسؤول: انا لاي متى بدي ضل نبهكن باوقات العمل ما في احاديث جانبية ...... -علاء: ع اساس الكافي مليان زباين .... منو فارط متل مسؤولو ..... لكشتو يارا ..... -المسؤول: احترم حالك .... -علاء: واذا ما احترمت حالي شو بتعمل ...... بلشو يتخانقو بالحكي .... ووصلت بالاخر للضرب .......... بعد ١٠ دقايق وصلت الشرطة وسحبو علاء عالفرع ........ بس وصل كانت يارا وراه بالتاكسي ...... ونزلت ومشيت حدو ..... -يارا: عجبك هيك ..... فوتوه لجوا ... ع مكتب المقدم ..... رفعت راسا وشافتو مكلبش قدامها ... وعم يفكوه ليدلي بافادتو ..... ابتسمت بسمة لا ارادية ...... -علاء: كيفك داليا .... -داليا: حضرة المقدم لو سمحت ...... يتبع .............العضوة: 275918 , منذ 4 سنوات
#أين_جوهرة_أورانوس_بقلم_نسمات_الليل الجزء التاسع: -علاء: بأمرك ... حضرة المقدم داليا المحترمة ........ -داليا: شو عامل ؟ ... -العنصري: سيدي اتهجم على مسؤولو بالشغل .... -داليا: دق للمسؤول يجي يعطينا افادتو ..... -علاء: رح تأنقظيني ما هيك ... رح تخليه يسحب شكوتو مااا ..... -داليا: اثببتتت ... حاج حركات بلا طعمة ..... -علاء: طيب ... انا ما خصني على فكرة .... -داليا: كلكن نفس الحكي .... فيك تسكت لحتى نحن نفتح محضر ونبدا نسألك ؟ .... -علاء: اذا بدك فينا نتحدث بمواضيع تانية قبل ما يبدا الاستجواب .... -داليا: رح تحترم حالك او بزتك بالنظارة .... علاء: شو فيها ؟ شو انا عم قللك امشي نامي معي .... -داليا: يا عنصرررريييي .... -علاء: خلص خلص سكتت ... وعد ... ولا كلمة عاد رح احكي بس لا تحرميني من شوفتك ..... -داليا: لا حول ولا قوة الا بالله العلي العظيم ...... -علاء: سكتت سكتت ........ _________________________________________ -تيم: اياد الكل عم يطلب سعر بيقتل .... شكلنا ما رح نلاقي حدا للاعلان ..... -اياد: اووف على هالشغلة هلأ .... -تيم: لك العالم ما عدات متل قبل ترضى بالقليل ..... -اياد: ما معنا وقت كتير ... بالكتير بكرا .... لازم نلاقيها ..... -تيم: اذا سكرت بوجنا ... مضطرين نرضى بشي وحدة ... -اياد: لنشوف ..... ________________________________________العضوة: 275918 , منذ 4 سنوات
فتحت عبير باب شقتها ... لقت شغيل حامل بوكيه ورد .... -الشغيل: عبير خانم ؟ ... (هزت براسا) ... اتفضلي هاد الك ..... اخدت البوكيه وسكرت الباب ...... سندت ضهرا عالباب ... شمت الورد ... ومسكت الكرت .... وقرتو .... -عبير: الورد للورد ... بعرف اني مشغول عنك هالفترة ... بس انتي اكتر حدا لازم يقدر انشغالي .... انطريني عال١٠ المسا عند شجرتنا .... بحبك ... مراد ...... سكرت الكرت ورجعت شمت الوردات ... وفاتت على غرفتها مبتسمة ... مشتاقة ... الها اسبوع ما شافتو ....... ______________________________________ طالعين يارا وعلاء من الفرع ... وعلاء مبسوط والدنيا مش سايعتو من الفرحة ..... -يارا: يعني انطردنا من الشغل واتشرشحنا بالمخفر .... وانت مبسوط .... كتر خيرو المسؤول سحب الشكوى ..... -علاء: لك ردتلي الروح ..... -يارا: هاد كلو وما عطتك وج .... كيف لو معطيتك رقم موبايلا مثلا ... رفع ورقة من جيبتو مقابيلا .... -علاء: مين قللك ما اخدتو ..... -يارا: عم تمزززح .... كييف عطتك ياه ؟؟؟ ... -علاء: اتحايلت شوي على العنصري اللي برا ....العضوة: 275918 , منذ 4 سنوات
-يارا: مانك قليل ..... -علاء: كملي عالبيت لحالك .... انا رايح مشوار ...... -يارا: لوين يا مسهل .... -علاء: مشواار .... وصلت يارا عالبيت تعبانة ..... فاتت عالمطبخ لقتو قايم قاعد من ليلة مبارح .... اخدت نفس .... وحملت التلفون ... دقت اتصال .... -يارا: الو .... كيفك جميلة ....؟ معي ٢٠ دولار ما في غيرن ... تجي تساويلي المطبخ فيهن ..... هههه ... طيب ناطرتك لا طولي عشان تخلصي قبل ما يرجعو الشباب ..... سكرت الخط .... وطلعت لفوق .... فاتت على غرفة مراد وعلاء .... وراقبت الانفجارات فيها ...... -يارا: اوف منكن اوووف ..... ضبت تيابن بسلة الغسيل ..... ورتبت التخوت بتذمر .... ورجعت فاتت ع غرفة تيم واياد .... كانت عم ضب تياب اياد بتمعن وتشم ريحتن ...... ورجعت اتسطحت على تختو .... وغفيت بلا ما تحس ...... فاقت فجاة بعد شي ربع ساعة ع صوت الجرس ... نأزت ... ولملمت حالا والتياب ونزلت فورا ... للحظة فكرت حالا نايمة شي ساعتين واجو الشباب ..... لصحصحت ... فتحت لجميلة ....العضوة: 275918 , منذ 4 سنوات
________________________________________ عال٤ بالزبط وصلو الشباب عالبيت .... استقبلتن يارا بابتسامة .... وقبل ما تكتمل ابتسامتا اتثاوبت ..... -اياد: بضللي نعسانة !! ... -يارا: لاا بس مش نايمة منيح اليوم .... وتعبت بالشغل .... -علاء: ايا شغل ... ما نحن اتقلعنا .... -تيم ومراد واياد: شووووو ........ -يارا: اتخانق الاهبل مع المسؤول ورحنا عالمخفر و١٠٠ قصة لسحب الشكوى ... رجعنا عالبيت بلا شغل وبلا راتب وبلا شي .... ما رد اياد شي رغم انو كان مبين على وجو انو عصب ..... قعدو عالغدا وابتدو ياكلو بهدوء ..... -اياد: بسيطة ... من بكرا علاء بتفتل الدنيا لتلاقي شغل ... هيدا الاستهتار لازم تبطلو .... -علاء: انا ماني مستهتر بس ما معود كون تحت رحمة حدا .... -اياد: بالله .... وليش يارا البنت الغنية اللي مدللة اللي من لما ابتدت شغل تشوف رفقاتا جايين عالكافي يعاملوها متل الاغراب وتخدمن .. اتحملت وما حكت شي .... -علاء: هاي يارا ... مش انا ..... -اياد: طيب ... سكوت .....العضوة: 275918 , منذ 4 سنوات
سكتو لدقايق وصارو ياكلو بصمت .... -اياد: على فكرة الاكل فيهو طعمة غريبة ..... مش انتي عاملتيه يارا .... -يارا: نعم ... ها .... مبلا ... انا ...... -اياد: حاولي بس بدك تكذبي تحكي جملة مفيدة وكلمات ورا بعض .... مش بتأتأة ... تمام ..... انبسطت يارا انو حس انو هاد مش اكلها ... حست شعور حلو ... رغم انو ما عرفت تكذب .... _______________________________________ المسا .... عال٨ .......... كلهن كانو قاعدين بالصالون مقابيل التلفزيون ........ -اياد: اي استاذ علاء ... شو مقرر .... -علاء: رح دور على شغل بكرا لا تخاف ..... -اياد: ومراد كيف الشغل معك ؟ ... -مراد: تمام منيح ... انا عال٩ ونص ضاهر من البيت تمام ...... -اياد: لوين ؟ ... -مراد: مشوار .... -علاء: اكيد عند الحبيبة ....... لكشو مراد ....