#أين_جوهرة_أورانوس_بقلم_نسمات_الليل
الجزء الأول:
أنفاس عدة متسارعة ... نتيجة الركض المتواصل ... قلب عم يخفق خوف ... لحد ما أعلن استسلامو ..... وقف شب بأواخر العشرينات بعد ركض متعب .... حط ايديه على ركبو وهوي عم يلهث .... ولمح الشباب الخمسة انن قربو وهني عم يلهثو الضعفين ..... ومجرد ما خففو سرعتن مأمنين انو خلص استسلم ..... خبط البراميل اللي جنبو بإجرو ... وركض بأقصى سرعتو بعد الاستراحة القصيرة كتير اللي اخدا .... صار يركض ويلتفت وراه ..... لحد ما خبط بصدر شخص ...... وتمتم بتلعثم ......
-إ ... إ .... إياد بيك .......
-إياد: حملو هالزبالة عالقبو وجهزولي ياه ... بدي ياه ع اخر نفس وجاهز للاعتراف ....
-والله ما خصني يا بيك ... والله ما بعرف شي ......
كان عم يحكي وهني عم يجروه عالسيارة .... وإياد الرجل الثلاثيني بعقدتو المعتادة واقف وايديه بجيابو .... ناطر لوصلو الشباب الخمسة لعندو .... اللي كانو عم يلحقو الشب ....
-إياد: بتمرقو بتاخدو حسابكن وما بقى بدي شوف صورة وجكن ....
-بس يا بيك هوي متمرس كتير ....
-إياد: شقفة زبالة ما عرفتو تمسكوه ...... انقلعو من خلقتي ......
تركن وطلع بسيارتو المفيمة ..... ولع سيجارتو .... ومشي السائق ......
______________________________________
بفيلا صغيرة ... سيارات عم تنصف ... وينزل منها ناس لابسين اسود .... ونظاراتن الشمسية مغطية عيونن ...... عم يدخلو ورا بعض .... ويقربو من بنت بنص العشرينات .... ويسلمو عليها .....
-العمر الك حبيبتي يارا ....
-البقية بحياتك بنتي يارا ....
-الله يصبرك انتي واخوكي ويكون معكن .....
تعازي كتيرة ما عم تخلص .... وصورة كبيرة بشريطة سودا ع طرفا لرجل بالخمسينات محتلة حيط كامل ....... ويارا قاعدة عالكنباية ووجها اصفر ... عيونا منفخة .... ومبين عليها التعب الشديد .... ماسكة بإيدا الطوق اللي لابستو برقبتا .... اللي بيحمل اسم امها وابوها ... ع كل طرف اسم ..... برمتو ع الطرف اللي بيحمل اسم ابوها (هلال) .... وباستو .... ورجعت خبتو بقلبا وكفتو دموعا ... وهيي عم تتذكر المشهد اللي اهداها ياه ابوها فيه هالطوق ....
////ذكريات .....
-هلال: بنتي هاد الطوق صممتو خصيصا لامك الله يرحما .... كانت دايما تحلم انها تلبس برقبتها اسمي واسما .... هلأ صار الك ....
-يارا: ليه هلأ بابا ... بعد ما مر على وفاتا ٥ سنين ....
-هلال: هلأ لقدرت طالعو من مكان ما كانت حاططتو امك ... انتي احق فيه .... اوعى تشلحيه بحياتك كلها ....
-يارا: اشتقتلا كتير بابا ... كتير ....
-هلال: وانا كمان يا قلبي ...
-يارا: في شي ؟ ليه صفنت ؟ .....
-هلال: في رسالة مهمة ... بدي اعطيكي ياها بكرا ... ذكريني فيها ...
العضوة: 275918 , منذ 4 سنوات
-تيم: عقبال عندي ... مش عم بفضى حك راسي ... انشالله رهف ما تكون ارتبطت ..... ضحكو ...... -مراد: امم وانتو ؟ ... كيف الشركة معكن .... -تيم: اجانا اليوم اعلان لقلم حمرة .... -يارا: حلوو .... حلو صاحبة الاعلان تكون ملامحا ناعمة كرمال الحمرة تجذب المشاهدين ..... وما تكون حاطة شي ع عيونها ... احسا ما يلتهو بعيونا ومسكرتها وينسو الروج ....... اطلعو ببعض تيم واياد ... متل اللي خطرتلن نفس الفكرة بذات الوقت ....... -اياد: شو رأيك انتي تعملي الاعلان ؟ .... -يارا: نعم ؟؟ ... -تيم: انتي قاعدة بلا شغل ... ونحن ما عم نلاقي حدا مناسب ... كلو عم يطلب اسعار عالية ...... -يارا: ............. -تيم: لك اختي ما بدا تفكير ....... -يارا: طيب .... تحدثو كتير .... لحد ما صارت ٩ وشوي ... وقف مراد ليطلع يلبس ..... -علاء: الله معو المغروم ......العضوة: 275918 , منذ 4 سنوات
ولحقو علاء بعد دقايق .... لحتى يحكيلو شو صار معو ... ومجرد ما يضهر مراد من الغرفة ويخلالو الجو بدو يدقلها ....... قربت يارا من تيم ... وحكت بهمس ..... -يارا: انا كنت ناسية موضوع رهف ... لايمتى تارك القصة ... ما تروح تحكيها ..... -تيم: لك اختي ما شايفة وضعنا .... -يارا: ليش شو اشبو وضعنا ... لا تقللي ناطر تغنى .... هيانا نحن هيك ....... ما لازم تضيع وقت ...... -تيم: مع اني خايف روح لاقيها مرتبطة ..... -يارا: لا تخاف ... روح اتحرى عن الموضوع وبعدا منحكي ...... -اياد: ع فكرة عيب اللي عم تعملوه ... وتوتة وقصص .... -يارا: انت كرمال عم تابع الاخبار ما حبينا نزعجك بصوتنا العالي ...... -اياد: اتحسنتي بالكذب ..... ضحك تيم ووقف ... -تيم: لكن رايح البس ... وروح ....... طلع تيم وضلو اياد ويارا لحالهن .... بس ما حدا فيهن حكا شي ...... عال ٩ ونص كانو تيم ومراد ضاهرين .... وعلاء بغرفتو عم يحاول يدق لداليا ...... لأول مرة اياد ويارا بضلو لحالن من لما سكنو سوا .... اتلبكت يارا ... للحظة مبسوطة وللحظة حابة علاء ينزل ......العضوة: 275918 , منذ 4 سنوات
___________________________________________ -علاء: اوووف ... ما عم ترد ...... اها ... الووو .... كيفك حضرة المقدم داليا المحترمة ...... -داليا: من وين جبت رقمي ؟ ... -علاء: عرفتيني يعني ..... اه صحيح وهل يخفى القمر .... -داليا: خففلي شوية تواضع ..... علاء: ليش هيك بتصدي الواحد .... يعني شو المانع نكون اصدقاء .... -داليا: اصدقاء !!! .... اناا ؟ وشقفة جرسون مطرود ..... سكت علاء ... ابتسم ربع بسمة .... -علاء: بعتذر على تطفلي ... بخاطرك ...... توت توت توت ................ ترك التلفون من ايدو ..... واطلع بحالو عالمراية ......... لأول مرة بحس هيك شعور ... او بيتأثر من كلمة حدا ... دائما المسبات والاهانات بيعملها نكتة .... ليش هالمرة اتضايق ...... تعبو عيونو لمعة دموع ..... بس كابر .... ______________________________________________العضوة: 275918 , منذ 4 سنوات
وصل مراد لتحت الشجرة ... ثواني وكانت عبير عم تركض لعندو وتلتفت حواليها لتتأكد انو ما حدا شايفن ..... غمرتو .... -عبير: اشتقتلك ...... -مراد: مش ادي ........ باسا ع جبينا .... وقعدو عالارض ....... -عبير: ما اقساك .... اسبووع يا بلا ضمير ...... -مراد: انتي بتعرفي الوضع ..... يكون هيك ولا تكون خيانة ..... -عبير: بقتلك وبقتلا ساعتا .... -مراد: يقبرني اللي بغاااار ...... رجع غمرها مرة تانية ......... -مراد: بوعدك قريبا ... مجرد ما أمن بيت ... اجي اطلبك من اهلك .... وعد ..... بس اتحمليني شوي ..... -عبير: بنطرك العمر كلو ..... -مراد: بحبك انا ...... ________________________________________________ لبس علاء عليه فورا ونزل لتحت ....... كان مبين عليه انو معصب .... -يارا: شو في علاء ... ؟؟ ما رد عليها .... ضهر من البيت وسكر وراه .... وهون بقيو يارا واياد لوحدن بكل معنى الكلمة ........ حملت تلفونا يارا لتلتهي فيه .... وراقبت اياد كيف عم يهز رجليه بتلبك ..... لحد ما وقف ..... -اياد: انا طالع ..... -يارا: لوين ؟ ..... -اياد: شوف صديق سابق الي ...... -يارا: صديق او صديقة ؟ ..... -اياد: صديق يارا صدييق .... وصل لعند الباب ووقفتو كلمات يارا ........العضوة: 275918 , منذ 4 سنوات
-يارا: ليش هيك عم تعمل معي ........ ليش هالقد مانك شايفني ....... ؟ وقفت وقربت منو .... الدموع معبية عيونا .... جمعت نفسا كلو بلحظة ... وصارت تصرخ ... لانو ما اعطى ولا أي ردة فعل .... -يارا: لك انا تعبتتتتت ..... تعبتتتتتت ... بكفي لامبالاة .... بكفي عدم اهتمام .... بكفي تهرب ..... تعبت وانا حاول كون الاجمل والاحلى والالطف .... لحتى تنتبهلي .... تعبت حاول الفت نظرك وانت تهرب ..... لك افهما بقاااا افهمااااا ... انا بحبببك ..... لو حيييط كان فهم ..... ب ح بكككككك ....... افهم ...... انا تعبتتتتتتت ..... تعب قاطعا بغمرة فجائية .... حط ايدو ع ضهرا وشدها لعندو بقوة .......... اتلبكت ...... دفن وجو بشعراتا وشمهن بنفس طويل ..... كزت عليه .... وكز هوي اكتر ........ -اياد: انا ماني حيط ... انا شايف كل شي .... انا مالي بلا مشاعر ... انا بحبك من قبل ما انتي تحبيني ...... قلبا طار من محلو وشدت عليه ودفنت وجا بحضنو مع دموعها المستمرة ... وهوي كمل حكي ...... -اياد: انا كنت راقبك بكل تفاصيلك ... بكل تحركاتك وجماليتك ..... باللي بتحبيه وما بتحبيه ... انا كنت غار من علاقتك القوية بعلاء ... انا كنت غار من اخوكي لما اعرف انو مجرد ما اترككن لحالكن ح تنامي بحضنو وتبكي ..... انا كنت كابر .... مش بس عليكي وع اخواتي ... ع حالي كنت كابر كمان ... وكذب احاسيسي واحاسيس علاء ..... لانو اللي عملتو فيكي ببداية تعارفنا ما بينتسى .... ولانو اللي هلأ نحن عليه ما بكفي للارتباط ..... ولانو لسا ما عندي شي اضمنو للمستقبل ... لالك ... لولادنا .... ما كان فيني كون اناني ..... -يارا: بس انت اناني ..... لما شايفني عم بتعذب وتاركني ..... -اياد: كنت عم بقنع حالي انو بكرا بتنسي .... وانا بنسى ..... بس للاسف الذاكرة لما بعشعش فيها الحب اقوى من اي شي بالكون ........العضوة: 275918 , منذ 4 سنوات
اجت بدا تبعد عنو ... شد عليها اكتر ...... -اياد: خليكي ........... -يارا: ............... -اياد: انا باخر زواجنا كنت صرت مأكد انو ما بتعرفو مكان الجوهرة .... بس ما كان فيي اتركك ... لو ما صارت حالة الاختطاف ما كنت ناوي اتركك بهالسهولة ... انا وعم بمضي ع اوراق الطلاق حسيت حالي فقدت شي كتير غالي ...... كانت مستمتعة بحضنو ... احساس رهيب ورائع كان جواتا ... بالوقت اللي هوي حس انو واخيرا في شي حلو بحياتو .. انو واخيرا اعترف وكسب الحرب ضد نفسو ..... حسو على حركة الباب .... بعدو عن بعض وكل واحد قعد بمكان متلبكين ... مسحت يارا دموعا ... وزبطت ابتسامتها ....... فات مراد مبتسم .... قعد مقابيلن عالكنباية وسند راسو ...... -مراد: حلوة الحياة ...... -اياد: جد؟ ... ما كنا عارفين ...... -مراد: بس لو يزبط وضعنا شوي ..... -يارا: غيرنا قاعد بالشارع ... كتر خير الله ..... -اياد: السيارة كانت برا شي لما فتت ؟؟ ... -مراد: لا ما شفتا .... -اياد: معقول تيم اخدا ؟ -يارا: لا .. طلب تاكسي ... ليش عم تسأل ؟ بدك تضهر ... ؟ -اياد: بهالوقت ! .. اكيد لا ... بس بدي اعرف اذا علاء اخدا .... -يارا: عالاكتر هوي اخدا ..... اندق تلفون اياد ... رقم غريب .... استغرب ..... -اياد: الو ... اي نعم ... انا اياد حرب .......... نعمممممممم ؟؟؟؟ بأي مستشفى ؟ ... يلا جاي ..... سكر الخط ووقف ..... -يارا: شوو فييي ؟؟؟ ... -اياد: علاء عامل حادث ................ يتبع .............العضوة: 347757 , منذ 4 سنوات
منتظرين التكملةالعضوة: 196411 , منذ 4 سنوات
@user-275918 كمليالعضوة: 275918 , منذ 4 سنوات
ملاك الزعبي #أين_جوهرة_أورانوس_بقلم_نسمات_الليل الجزء العاشر(الأخير): -مراد: شوووووو ....... -يارا(غرغرو الدموع بعيونا): انت شو عم تحكي ........ ضهرو من البيت بسرعة .... عانو للاقو تكسي .... واتوجهو فورا على المستشفى ... ركضو عالاستعلامات ....... -علاء حرب ..... -بغرفة العمليات الطابق الاول ...... طلعو لفوق وايديهن على قلوبن ...... وصلو لحد غرفة العمليات ودكو ضهورن على الحيط ...... وصارو يتذكرو تفاصيل علاء ونهفاتو .... ضحكاتو وهضامتو ....... اندق تلفون يارا .... -يارا: اي تيم ..... -تيم: وينكن ... جيت عالبيت ما لقيت حدا ..... -يارا: بالمستشفى ... علاء عمل حادث ........ سكرت الخط بعد ما قلها تيم انو جايي فورا ....... دقايق ... وانفتح باب غرفة العمليات ... وركضو عند الدكتور ..... -اياد: طمنا دكتور ..... -الدكتور: ما في شي بخوف .... حالتو مستقرة ......... ساعة ومننقلو على غرفة خاصة ....... -يارا: الحمد والشكر الك يا رب ....... -اياد: الحمدلله .... -مراد: الحمدلله الحمدلله ........ بعد ساعة كان علاء بغرفة خاصة والكل حواليه ...... -يارا: شو صار معك ضهرت معصب ..... -علاء: تركوني لحالي .... -مراد: شو في ...... -علاء: تركوووني بحاالي ... انا بكره الحالة اللي وصلنالا ... هلأ حتى تكاليف هالمشفى رح تكسرنا .... بكره حالي وبكره وضعنا .... بكره كل شي .... حاولت يارا تهديه ... قعدت حدو .... وهوي عم يبعدا ........ -يارا: معك حق ... بكل شي .... بعرف انو ابي السبب ... لو فيي اعمل شي ما بقصر .....العضوة: 275918 , منذ 4 سنوات
حس ع حالو علاء انو ما كان لازم يحكي هيك بوجودا .... لام حالو ... بس خلص الحكي طلع .... ما عاد في يرجع الزمن لورا ..... -علاء: خلص انسي ..... احكو مع الدكتور يطالعني هلأ ... ما بدي ضل ولا دقيقة ....... حكا اياد مع الدكتور .... ورفض الدكتور رفض تام ... لانو لازم يضل تحت المراقبة ٢٤ ساعة ........ راحو الكل عالبيت ... وضل مراد مع علاء ....... في اليوم التالي ....... أصر علاء انو يطلع .... عملولو اوراق الخروج وطالعوه ..... وراحو عالبيت ... كانت يارا مجهزيتلو الغرفة وتختو .... سطحوه عالتخت .... وهوي شوي شوي عم يطلع من حالة اليأس اللي هوي فيها ويحاول ينكت ..... -علاء: شو هالعز ... لو كل يوم بعمل حادث ....... اندق الباب .... نزلت يارا تفتح .... وعلاء عم يتزانخ ع اخواتو .... اما تيم كان بالشركة ..... بعد ثواني طلعت يارا ومعا ضيفة ... انصدم علاء فيها .... وما حكا حرف ... طلعو الكل من الغرفة وتركوهن لحالن ........ -الحمدلله عالسلامة ....... -علاء: شو بدك داليا .......؟ -داليا: انا بعتذر عالحكي اللي حكيتو معك .......العضوة: 275918 , منذ 4 سنوات
علاء: تمام اعتذارك مقبول ... فيكي تفللي ..... -داليا: ليش هيك عم تعاملني .... -علاء: لانو لما عاملتك بمنيح اعتبرتيني وقح وازعر ... وصديتني .... هاي انا حسنت حكيي ... فيكي ترتاحي ما بقا ازعجك ..... -داليا: جد اسفة .... ما كنت حابة يصير هيك ..... -علاء: نعم نعم نعم .... ليش شو صار .... انشالله قصدك الحادث ؟؟ .. مفكرة بسبب اتصالنا مبارح .... اي لا تفكري كتير ... ما كان الحق عليي ... الحق عاللي فات فيي ... ولولا ستر الله ومحاولتنا نسكر القضية كان المحضر ما اتسكر ... سكتت داليا بعد الفنسة اللي اكلتا .... ورجعت حكت .... -داليا: بالاذن ... ومرة تانية الحمدلله على سلامتك .... -علاء: الله يسلمك ..... ضهرت من عندو ونزلت .... -داليا: بالاذن يا جماعة ..... -يارا: خليكي عم بعمل قهوة ..... -داليا: لا مضطرة فل .... راحت ... وسكرت وراها يارا ..... وحركت وجها بتعجب .... -يارا: شو صاير ... ؟ -مراد: الله اعلم ..... كان المنى عندو انو يلتقو ..... شكلن متخانقين .... -يارا: ليش وين لحقو يتخانقو ..... ما لحق من وقت اخد رقما لهلأ ...... -اياد: هلأ شيلونا من موضوعن .... يارا لازم تجهزي حالك للاعلان ... بكرا لازم نصورو لنلحق ... كرمال ناخد اجرتنا اسرع ... مكسور علينا مبالغ ..... -يارا: تمام ..... ____________________________________________العضوة: 275918 , منذ 4 سنوات
في اليوم التالي ...... راح مراد ع شغلو عادي ... وعلاء عم يحاول يتحرك ليضهر من البيت لانو زهق من قعدة التخت .... وتيم واياد ويارا بالشركة ... عم يحضرو للاعلان والتصوير ......... لما ضهرت يارا من الغرفة لابسة فستان خمري ... على لون قلم الحمرة ..... وراقبا اياد بتفاصيلا ... جن .... -اياد: روحي اشلحيه ... ما في تقدمي الاعلان .... -تيم: نعععممم ؟؟ ... بدك تخسرناا مصاري ...... وعدنا الجماعة ..... -اياد: مانك شايف منظر اختك ؟ .. ما في غيرة ... كل العالم ح تشوفا ... ويتعلقو صورها بالشوارع .... لا لا ماني موافق ..... -يارا: بلا سآلة ... شو رايق ... وصلنا لاخر الطريق .... -تيم: انا اخوها وعم قللك عادي ... انت شو بدك .... -اياد: وانا زوجا المستقبلي ... انت شو بدك ..... سكت تيم فجأة ... وصدمتو كانت واضحة .... وابتسامة يارا كانت عريضة ..... مبسوطة بغيرتو ... وبجملتو انها مرتو المستقبلية ...... -تيم: انت شو عم تحكي ؟؟ .... -اياد: مبارح حكينا .... واعترفنا لبعض باشيا كانت مخباية جواتنا .... رح رجعا على ذمتي ... رح ترجع مرتي .... قريبا كتير ...... اجاه اتصال اياد ... ضهر من الغرفة ورد ..... وفورا تيم قرب من يارا وهمسلا .... -تيم: شوووو صااار .... وليي ما حكيتيلي شي ....العضوة: 275918 , منذ 4 سنوات
-يارا: ما لحقت بسبب اللي صار مع علاء ..... انا كتير مبسوطة لك اخييي ..... -تيم: عم تمزحييي .... يعني هوي كمان طلع بحبك ... -يارا(بسعادة كبيرة): ايييي ...... ههههه ..... -تيم: ههههه حلوووو ... تعي عطيني حضن .... غمرها .... وباسا ع جبينا ... مع دخلة اياد .... -اياد: شوو الوضع بين الاخ واختو ..... -تيم: عم باركلا ... وبارك لحالي ... ما عاد اسمع كل ليلة كآبتها وشكاويها ..... -يارا: تييييمممم .... -تيم: اي شوو خليه يعرف .... -اياد: بضلك اسهل مني ... كان في مين تحكيلو ...... ضحكو التلاتة ...... -يارا: هلا بشرفك اياد ... بعمل بس هاد الاعلان ... ليتحسن وضعنا شوي ... وبعدا خلص ... ما كان عند اياد خيار تاني .... مضطر يوافق لحتى ما يخسر مصداقيتو مع الزباين .... بعد مرور اسبوع .................................. عالطرقات ... بكل محل .... صور يارا .... اعلان الروج الجديد ... ماركة نزلت عالسوق كسرت الدنيا بسبب جمال يارا الخاص ...... واتصالات كتير لشركة اياد ... طالبة يارا لاعلاناتا .... بس كل اتصال كان نفس الجواب ... صد من اياد ... انو يارا هاد اول واخر اعلان الها ...... -تيم: لك صهري ما بصير هيك .... ما عم يجينا اعلانات ابدا من لما فتحنا الشركة ... وهلأ لما عم يجينا عم ترفض .... -اياد: اولا بعد ما صرت صهرك ... تانيا انا حر .... اعلانات ليارا ما عاد فيه ... خلص .... -تيم: تصطفل ...... دق مراد لتيم ..... -مراد: الووو ... لك اعلانكن مكسر الدنيا ... ما ضل حدا الا ما عم يحكي فيه ..... -اياد: هاه اتفضل ..... سمعتو ايي ....العضوة: 275918 , منذ 4 سنوات
-تيم: اي بس اخوك ما بدو عاد يارا تساوي اعلانات .... -مراد: ليه ؟؟ .. عطيني احكيه .... -تيم: لانو بغار ... ما عاد رح اسكت ... في علاقة بين اخوك واختي ... ما كانو ناويين احكي ليخبروكن هني .... بس ما عاد فيي خبي ... تعا اقنعو .... -مراد: انت شو عم تحكي ..... ههههه ... حبيت والله ... اي معو حق ... مرت اخي كتير ملفتة ..... -تيم: والله ... صفيت معو يعني ... طيب باي .... سكر الخط وضحك ....... -تيم: نفس البطن جابتكن ... كيف رح تكونو ...... __________________________________________ فاتت يارا عالبيت ..... حس عليها علاء ونزل ..... -علاء: مبين بكير ...... -يارا: ما في شغل ... اخوك ما عم يقبل بالاعلانات ... والله منغنى فيها .... -علاء: ليش .. ؟ -يارا: خبرك اخر التطورات ؟ .... -علاء: ايي شووو ؟؟؟ ... اتحمس علاء .... وقرب قعد .... واشرلا تقعد .... -علاء: ايي احكييي .... -يارا: اممم ... انا واياد ...... قبل ما تكمل صرخ ...... -علاء: عم تمزحيييييي !!! ..... من ايمتا .... -يارا: من نهار الحادث .... -علاء: وليش لهلأ لحكيتييييي .... يا خاييينة ..... -يارا: ليش حضرتك عم تحكيلي شي عنك وعن داليا ..... -علاء: شو بدك فيي هلأ ... احكيلي ايمتى وكيف وليش وشو صار .... -يارا: بتحب الكنكنة اكتر من النسوان ..... -علاء: به ... احكي لشوف .... _________________________________________العضوة: 275918 , منذ 4 سنوات
نزل تيم من التاكسي ... قدام بيت رهف ...... شافتو من البلكون واجت لعندو ..... اتلبك وبرم ضهرو ليفل ..... -رهف: لو سمحت .... برم لعندا .... -تيم: مرحبا ..... -رهف: الي فترة بلمحك هون ... حوليي ..... -تيم: بصراحة ما عارف كيف احكي معك .... انو .... انو .... -رهف: انو شوو ؟ .... -تيم: مرتبطة شي ؟؟ -رهف: لا ... المطلوب ؟؟؟ -تيم: نتعرف .... -رهف: .......... -تيم: انا انسان بعرف شو بدي ... وما بعرف اللوفكة والضحك على البنات ... كتير جدي بنيتي ... حابب اخد رقم تلفونك ... ونتعرف على بعض اكتر .... -رهف: وبعدين ؟ ... -تيم: اذا اتفقنا .... بجي بطلبك من اهلك ..... كان مبين على تيم انو انسان جدي ... وما عم يلعب او يتسلى ..... سكتت رهف شوي .... ورجعت حكت ..... -رهف: انا ما معودة اعمل شي من ورا ضهر اهلي ... بعتذر ما فيك تاخد رقمي .... -تيم: اعتبرينا اصدقاء عادي ..... متل اي شب عندك رقمو .... -رهف: بس ما معي ارقام شباب .... -تيم: ليش عم تسكريها هيك !! ..... -رهف: هههه ... تمام ... عيطيني سجلك ياه ... بس اوعى تجرب تلعب معي ... انا ماني سهلة ....