4 years ago
  • المرحلة الأولى ( اول 3 اشهر)
مسساء الخير بنات كيفكم حابه اشارككم شو صاار معي يمكن حدا يخفف عني او تستفيدو من الي صار معي .... انا حامل بالاسبوع الثامن وهذا اول حمل الي وملهووفه عليه بشكل مو طبيعي.... يوم الثلاثاء فجأة رجلي وجعتني كثير ما عرفت انام منها الصبح صباح يوم الاربعاء نزل علي افرازات بني مع نقاط دم احمر ووجع بالبطن ومغص مع العلم قبل ب ٣ ايام رحت شفت نبض الجنين المهم رحت على طول للمستشفى حكالي الدكتور فحص داخلي تركت الدكتور وطلعت من المستشفى كامل ..رحت لعيادة ٢٤ ساعه مغرب يوم الاربعاء وشفت نبض الجنين كان تمام وكلشي تمام بعد ما روحت زاد الدم صار اشبه بالدورة مع الم شديييد ..وانا سكان عمان وكان الجو كثير صعب وثلووج وكانت الطلعه ع المستشفى مستحيله حتى الدكاترة من يوم الاربعاء الساعه ١٢ الظهر مافي ولا الخميس و الجمعه و السبت بسبب الجو ... الاربعاء بالليل تعبت صار ينزل قطع دم ع ١٢ طلبولي اسعاف عشان وضع الطرق اجتني سياره متطوعين مع الدفاع المدني رحت انا وزوجي بالمستشفى مالقو نبض للجنين ما عملولي شي حكولي اذا صار نزيف اكثر ارجع لانه احتمال الغلط يكون من جهاازهم الخميس ع المسكنات ضليت .. والجمعه الي هو اليوم ..من الصبح كثيرر تعبت زاد النزيف وقطع الدم زاادت رحت لمستشفى ثاالث فوتوني قسم الولاده ع طول والي كان معي من يوم الاربعاء كان طلق مبكر طلبولي دكتور اجاني بسرعه فحصني وحكالي مافي نبض للجنين ونصحني ما اتمسك فيه واترك المثبت نهائي لانه الجنين حجمه اصغر من عمره ب اسبوعين و٥ ايام وهسا انا بالبيت واستنى الجنين ينزل لحاله والحمدلله نفسيتي كثيير تعبانه لاني كنت ملهوفه وخايفه ع حالي كثير وومن عرفت اني حامل ما تحركت الا للحمام والصلاة وحرمت حالي كلشي ممكن يسبب ضرر للجنين حتى مكان في تدخين اطلع منه واكلي حافظت عليه وسالت دكتورتي عن الاكل الصحي والغير صحي للجنين لكن قدر الله وما شااء فعل ..والحمدلله على كل حال

193 تعليقات

العضوة: 1180907 , 4 years ago

الله يعوض عليكي حبيبتي ان شاء الله الي جاي احسن اختي كله مقسوم ومكتوب عشان أول واحد سبحان الله يكون الواحد ملهوف لكلشي وحساس أنا اول بطن اجهضته واكتئبت شوي بيني وبينك بس عاودت قولت مش نهاية الحياة وربنا بعوض وممكن بكون خير انه نزل وما ضل يمكن يكون تعبان او في مشكلة وربنا ما راد انه يضل .. اصبري الحمل الي بعده يدوب بعد شهرين حملت وصبي متل الفل وعاودت اجهضت بعده كمان مرة صار نزيف قوي ورجعت حملت بعد شهرين بكمان صبي زي الورد وحملت بكمان بنت عسل وهيني حامل بكمان بطن وماشي الوضع تمام .. الي بقصده انه اصبري ومشوراك طويل فلازم تكوني قوية دائما ،😘

العضوة: 1180907 , 4 years ago

كمان شغلة الى بتجهض بتحمل بسسرعه بعديه بقولو ايده بأيد اخوه ع قد ما هو سريع .

العضوة: 1205386 , 4 years ago

الحمد لله عالسلامة والله يعوضك

العضوة: 1191618 , 4 years ago

@user-1174474 اللهم امين يارب والحمدلله على كل حال♡

العضوة: 1191618 , 4 years ago

@user-1160503 ونعم بالله الحمدلله يقلبي ♡

العضوة: 1191618 , 4 years ago

@user-106714 حملي هذا اخذت ابر مميع و اسبرين مع بعض بس ما ثبت 💔 الحمدلله يقلبي

العضوة: 1191618 , 4 years ago

@user-746171 حبيبتي اللهم امين يارب ♡

العضوة: 1191618 , 4 years ago

@user-1180907 حبيبتي الله يحفظلك يااهم يارب ♡♡ والحمدلله على كل حال الله يصبرنا جميع ♡

العضوة: 1191618 , 4 years ago

@user-1180907 ان شاء الله الله كريم يا رب ♡

العضوة: 1191618 , 4 years ago

@user-1205386 الله يسلمك يقلبي امين يارب ♡

العضوة: 901540 , 4 years ago

اختي العفو بدي اسالك وانتي حامل كنتي عم تشوفي مشح اسود غامق؟

العضوة: 1202062 , 4 years ago

@user-1191618 اول شي ربي يعوض عليك ايش السبب في ان حجم الجنين يكون اصغر من عمرة ؟ م فهمت هالشغلة

العضوة: 1191618 , 4 years ago

@user-901540 لا اول مرة كانت يوم النزيف من حملت ما صار معي شي . . اذا ببالك اي سؤال اسألي يمكن اقدر افيدك ♡

العضوة: 1191618 , 4 years ago

@user-1202062 حكالي الدكتور ان الجنين اول شهر ونص يكون يتغذى من البويضه لهذا السبب يا اما البويضه ضعيفه او الحيوانات المنويه ... اول شهر ونص من الحمل هذا السبب يكون

العضوة: 901540 , 4 years ago

هي متل قلتلك عم شوف مشح اسود وبني وشوي دم وانا بالاسبوع التامن ولسا ماسمعت نبض الجنين عندي بويضة متاخرة لهيك اسبوع قالتلي دكتورة بتسمعيه ان شاء الله