مسساء الخير بنات كيفكم
حابه اشارككم شو صاار معي يمكن حدا يخفف عني او تستفيدو من الي صار معي ....
انا حامل بالاسبوع الثامن وهذا اول حمل الي وملهووفه عليه بشكل مو طبيعي.... يوم الثلاثاء فجأة رجلي وجعتني كثير ما عرفت انام منها الصبح صباح يوم الاربعاء نزل علي افرازات بني مع نقاط دم احمر ووجع بالبطن ومغص مع العلم قبل ب ٣ ايام رحت شفت نبض الجنين المهم رحت على طول للمستشفى حكالي الدكتور فحص داخلي تركت الدكتور وطلعت من المستشفى كامل ..رحت لعيادة ٢٤ ساعه مغرب يوم الاربعاء وشفت نبض الجنين كان تمام وكلشي تمام بعد ما روحت زاد الدم صار اشبه بالدورة مع الم شديييد ..وانا سكان عمان وكان الجو كثير صعب وثلووج وكانت الطلعه ع المستشفى مستحيله حتى الدكاترة من يوم الاربعاء الساعه ١٢ الظهر مافي ولا الخميس و الجمعه و السبت بسبب الجو ...
الاربعاء بالليل تعبت صار ينزل قطع دم ع ١٢ طلبولي اسعاف عشان وضع الطرق اجتني سياره متطوعين مع الدفاع المدني رحت انا وزوجي
بالمستشفى مالقو نبض للجنين ما عملولي شي حكولي اذا صار نزيف اكثر ارجع لانه احتمال الغلط يكون من جهاازهم
الخميس ع المسكنات ضليت ..
والجمعه الي هو اليوم ..من الصبح كثيرر تعبت زاد النزيف وقطع الدم زاادت رحت لمستشفى ثاالث
فوتوني قسم الولاده ع طول والي كان معي من يوم الاربعاء كان طلق مبكر طلبولي دكتور اجاني بسرعه فحصني وحكالي مافي نبض للجنين ونصحني ما اتمسك فيه واترك المثبت نهائي لانه الجنين حجمه اصغر من عمره ب اسبوعين و٥ ايام وهسا انا بالبيت واستنى الجنين ينزل لحاله
والحمدلله نفسيتي كثيير تعبانه لاني كنت ملهوفه وخايفه ع حالي كثير وومن عرفت اني حامل ما تحركت الا للحمام والصلاة وحرمت حالي كلشي ممكن يسبب ضرر للجنين حتى مكان في تدخين اطلع منه
واكلي حافظت عليه وسالت دكتورتي عن الاكل الصحي والغير صحي للجنين
لكن قدر الله وما شااء فعل ..والحمدلله على كل حال
العضوة: 1191618 , 4 years ago
@user-1098998 ان شاء الله ي عمري♡♡العضوة: 1191618 , 4 years ago
@user-1198039 الحمدلله الله يخليلك يااه ياارب ويحفظه ياارب ♡♡♡العضوة: 1191618 , 4 years ago
@user-1207143 امييين ي عمري ♡♡♡ الحمدلله على كل حالالعضوة: 1191618 , 4 years ago
@user-982936 هو احسن شي ♡العضوة: 1191618 , 4 years ago
@user-1128745 ي قلبي الله يتمملك على خير ي رب والحمدلله على كلشي♡العضوة: 1118800 , 4 years ago
ربنا يعوضك المهم ما تضلي تفكري ووكليها لرب العالمين. انا والله بس تجوزت ضليت حامل ونزلت بالاسبوع 12 اخر يوم فيه وبعدها بشهرين بالزبط ارجعت احلمت بس ربنا ما رادلو يتم برضو ونزلت بعد شهر ونص من الحمل وهلا الي شهر منزله ومتمنيه الحمل. وكلو من ربنا خير وبركهالعضوة: 1191618 , 4 years ago
@user-1118800 الله يطعمك ويطعمني الخلقه التامه يارب وعن قريب ♡العضوة: 1191618 , 4 years ago
@user-1118800 بدس اسألك سؤال بس نزلتي المرة الثانيه نزل منك الجنين او المشيمه شفتيها ؟؟العضوة: 1118800 , 4 years ago
لا والله المره الثانيه بس نزل دم كان نزيف قوي ودم كثيف بس ما شفت شي كانت زي الحثاريب الدم اما انو قطعه كبيره ما شفتالعضوة: 1118800 , 4 years ago
يااا رب امين الله كريمالعضوة: 85173 , 4 years ago
الله يعوضك يا قلبي لعل في الامر خيره ما تدرين انا قد سمعت ان الجنين اذا كان فيه تشوه او خلل فالكروموسومات يرحمه ربي بأنه ينزل ، وبيعوضك ربي ان شاء اللهالعضوة: 1191618 , 4 years ago
@user-1118800 انا اليوم نزل حملي انا اربع ايام بالثالث نزلت قطعه كبيرة كثير 💔 حكولي المشيمه ومعها الجنينالعضوة: 1191618 , 4 years ago
@user-85173 الحمدلله رحمة ربنا كبيرة الحمدلله على كل حال ♡العضوة: 1118800 , 4 years ago
اه هاد لانك بالثالث انا بحملي الاول نزل قطع كبار مني اعرفت انو هاد البيبي وظل نزيف ورحت اسعاف وعملولي عمليت تنظيفاتالعضوة: 1067700 , 4 years ago
سبحان الله كل حرف حكيتيه بالظبط صار معاي وعدد المرات اللي رحتي فيه عالمشفى وحكي الدكاتره وكلوووو صار معي بالظبططططط بعدها رحت عملت فحص للتخثر وطلع عندي تخثر دم لهيك الجنين ما كان ينمو كنت كل ما احمل شهرين واجهض لكن الحمدلله اكتشفت المشكلة وحالياً حامل وعم باخد ابر سيوله يومياً افضل انك تعملي فحص التخثر لانو شائع عند كثير من النساء