4 years ago
  • المرحلة الأولى ( اول 3 اشهر)
مسساء الخير بنات كيفكم حابه اشارككم شو صاار معي يمكن حدا يخفف عني او تستفيدو من الي صار معي .... انا حامل بالاسبوع الثامن وهذا اول حمل الي وملهووفه عليه بشكل مو طبيعي.... يوم الثلاثاء فجأة رجلي وجعتني كثير ما عرفت انام منها الصبح صباح يوم الاربعاء نزل علي افرازات بني مع نقاط دم احمر ووجع بالبطن ومغص مع العلم قبل ب ٣ ايام رحت شفت نبض الجنين المهم رحت على طول للمستشفى حكالي الدكتور فحص داخلي تركت الدكتور وطلعت من المستشفى كامل ..رحت لعيادة ٢٤ ساعه مغرب يوم الاربعاء وشفت نبض الجنين كان تمام وكلشي تمام بعد ما روحت زاد الدم صار اشبه بالدورة مع الم شديييد ..وانا سكان عمان وكان الجو كثير صعب وثلووج وكانت الطلعه ع المستشفى مستحيله حتى الدكاترة من يوم الاربعاء الساعه ١٢ الظهر مافي ولا الخميس و الجمعه و السبت بسبب الجو ... الاربعاء بالليل تعبت صار ينزل قطع دم ع ١٢ طلبولي اسعاف عشان وضع الطرق اجتني سياره متطوعين مع الدفاع المدني رحت انا وزوجي بالمستشفى مالقو نبض للجنين ما عملولي شي حكولي اذا صار نزيف اكثر ارجع لانه احتمال الغلط يكون من جهاازهم الخميس ع المسكنات ضليت .. والجمعه الي هو اليوم ..من الصبح كثيرر تعبت زاد النزيف وقطع الدم زاادت رحت لمستشفى ثاالث فوتوني قسم الولاده ع طول والي كان معي من يوم الاربعاء كان طلق مبكر طلبولي دكتور اجاني بسرعه فحصني وحكالي مافي نبض للجنين ونصحني ما اتمسك فيه واترك المثبت نهائي لانه الجنين حجمه اصغر من عمره ب اسبوعين و٥ ايام وهسا انا بالبيت واستنى الجنين ينزل لحاله والحمدلله نفسيتي كثيير تعبانه لاني كنت ملهوفه وخايفه ع حالي كثير وومن عرفت اني حامل ما تحركت الا للحمام والصلاة وحرمت حالي كلشي ممكن يسبب ضرر للجنين حتى مكان في تدخين اطلع منه واكلي حافظت عليه وسالت دكتورتي عن الاكل الصحي والغير صحي للجنين لكن قدر الله وما شااء فعل ..والحمدلله على كل حال

193 تعليقات

العضوة: 1191618 , 4 years ago

@user-1118800 انا حكالي الدكتور ما احتاج تنضيفات لانه الجنين صغير

العضوة: 1191618 , 4 years ago

@user-1067700 سبحان الله ...بس تعرفي شغله انا من اول حملي اول ما اكتشفته الدكتورة كتبتلي حبوب اسبرين وابر سيوله 💔

العضوة: 1177780 , 4 years ago

الله يعوضك أن شاء الله 😢❤️

العضوة: 1067700 , 4 years ago

شفتي قلتلك لانو نفس الصار معاي ونزول الكتل كان اشاره لهاد الشي

العضوة: 1067700 , 4 years ago

الله يعوضك يعمري لا تزعلي الايام جايه وربك بعوض

العضوة: 1191618 , 4 years ago

@user-1177780 ان شاء الله ي عمري 😢

العضوة: 1191618 , 4 years ago

@user-1067700 الله كريم ي قلبي املي ب ربنا كبير ♡

العضوة: 1191618 , 4 years ago

@user-1067700 احتجتي تنضيفات ؟؟

العضوة: 1067700 , 4 years ago

لا حبي بس اعطوني دوا لان حكولي الجنين كان اصغر من عمره وما يحتاج تنظيفات

العضوة: 1067700 , 4 years ago

يعني صدقاً بالزبط شو صار معاكي صار معاي بوقتها

العضوة: 1191618 , 4 years ago

@user-1067700 سبحان الله نفس الشي نفس ما صار معي 😣💔

العضوة: 1067700 , 4 years ago

لهيك انا بأكد عليكي مرة تانيه تعملي كل الفحوصات اللازمة وخصوصاً فحص التخثر لان ازا كان عندك تخثر وحملتي مرة تانيه وما اخدتي ابر السيوله راح يصير معك نفس الشي لا سمح الله الله يحميكي حبيبتي

العضوة: 1191618 , 4 years ago

@user-1067700 ان شاء الله يعمري بس الي مستغربه منه انا اخذت ابر وحبوب سيوله مع بعض من اول حملي ونزل الجنين

العضوة: 495482 , 4 years ago

الله يعوضك ياحبيبت قلبي انتي و الف سلامه عليك يارب ❤️❤️

العضوة: 1191618 , 4 years ago

@user-495482 الله يسلمك ي عمري اميين ي رب 😙