🌹السلام عليكم ورحمة الله وبركاته 🌹 اخباركم ياكروشااات 🤰 أسأل الله أن يرزقك كل مشتاق الذريه الطبيه الصالحه صبيان وبنات 🎁 كل واحد تحكلنا قصتها مع لطف الله اكيد كل حد فينا أتعرض لمواقف حسيتى إن اد ايه الله غز وجل قررريب منك ❤️ انا هبدا 🤩 كانت ولدت ولد من سنين وسبحان الله كان مولود مريض قعد شهور في الحضانه وبعد كده ربنا استرد أمانته وعوضني ببنتي الحمدلله رب العالمين في فتره تعبه كان في الحضانه ٣ شهور ومش عارفين نشخص حالته في يوم من الايام قلت يارب يعني كل الايام ده بعيد عن حد يحضنه ويلاعبه طبعا عارفين الحضانات والممرضات الله يعنهم المهم تاني يوم رحت ازوره لقيت ممرضه شيلي ابني وعماله تلاعبه 😍 وجمبها دكتور عماله يبص عليه ويبتسم 🥰 رغم ان الموقف يبان بسيييط لكن حسيت اد ايه ربنا لطييييف اووي هو سبحانه بيقدر لنا البلاء تكفير للذنوب او رفع درجات لكن في النهايه الله بيحبنا اوووي القصه الثانيه طلع من الحضانه كام يوم بنلف علي دكترا تانيه نعرض عليهم الحاله المهم وركبنا تكسي والشارع اللي ماشين فيه مافيش حد السواق يسالوا عن طريق المهم التاكسي مشى شويه ووقف واحد يساله عن الطريق في اللحظه ده انا كنت معايا ابني وببص عليه واقول يارب احفظه ازاي خايفه عليه اووي ومش عارفين عنده ايه السواق فتح الشباك عشان يكلم الراجل والراجل وقف في الشباك اللي بعيد عن السواق وبيتكلموا عن الطريق فجأ يجي واحد يدخل راسه من ناحيه شباك السواق ويقول عارف تحل الموضوع ده ازاي تصلي ركعتين في جوف الليل انا اتصعقت مكنتش مصدقه نفسي يعني يارب يالطيف انت عالم بحالي وبعتلي الاجابه صحيح هي ماعلجتش ابني بس كانت تثبيت لقلبي لحد البلاء ماعد ربنا قرييييب اوووي ❤️ القصه الثالثه في مره كنت حامل والحمل مكانش فيه جنين بيسموا حمل كيميائي تقريبا المهم الدكتوره قالتلي مافيش جنيني ومافيش اي حاجه واشربي حاجات دافيه وشويه الرحم هينضف نفسه رجعت البيت وشربت كبايه قرفه كبيره وبدأ الدم غزير ينزل المهم كلمنا الدكتوره قالت انا مش موجوده بس في دكتور موجود وهو هيعملك كحت او تنضيف الرحم طبعا انا زعلت اووي ومافيش دكتوره ست الوقت كان الساعه ١٢ بالليل المهم قالولي في دكتوره تعالي نروح هي بتقفل بدري بس ممكن تكون فاتحه 🤔🤔 طلعنا علي مكان الدكتوره ولقينا العياده فاتحه والدكتوره موجوده دخلنا للدكتوره وقالتلنا انتم محظوظين انا دوامي بيخلص ١٠ بس جاتلنا حاله ولاده فجأة وهي اللي اخرتنا 🫠 حمدت ربنا انه سخرلي دكتوره ست وهي شاطره جدا اللهم بارك واحسبها علي خير والحمدلله عدت علي خير ❤️ العبره 🎀🎀🎀🎀 مهما يمر عليك بلاء اعلمي ان لطف الله يحاوطك ربنا بيحبك اوووي فاكرين الحديث لله. افرح بتوبه احدكم ربنا بيحبنا اوووي ومهما تعرضنا لبلاء صعب مش معنا كده انه مش بيحبنا لا والله ولكن يريد أن يطهر قلوبنا ويصلح احوالنا ويرفع درجاتنا مهم مر عليك بلاء ابحثي عن اللطف الخفي