حمدلله توظفت من شهر وظيفة بمرتبة وراتب عالي وظيفتي جات نفس المستشفى اللي تشتغل فيها اخت زوجي موظفة حارسة امن .. بحكم مدينة صغيره المباني فيها محدودة وفقط مستشفى واحدة وقلت لزوجي يبشر امه عشان ماتسمع مع الناس بخبر وظيفتي وتزعل كنا طالعين بالسيارة وزوجي شابك الصوت بالراديو عشان مايصوروه وتجي غرامة وانا سمعت المكالمة وهي تساله وش توظفت في حكومي ؟ قالها زوجي اي حكومي قالت اها طيب زين عقبالك ياولدي لان زوجي يشتغل قطاع خاص بعدها قالت له خليها تنتبه للجوال بتصل عليها ابارك لها .. وانا انتظر اتصالها اسبوعين ما اتصلت قلت مو مشكلة التمس لاخيك ٧٠ عذر بعدها بأسبوعين روحت لأم زوجي بصحن شوكلاتة باتشي وعطر وقلت لها بمناسبة الوظيفة ماقالت لي شكرا ولا مبروك مرا مصدومة يابنات طبيعي اللي يصير ؟ كمان بنتها موظفة نفس المبنى كم مرا تجي عينها بعيني تسوي نفسها مو عارفتني قلت براحتها لكن تفاجات اليوم وحدة تقول لي فلانة تقرب لك وانت متزوجة من عائلة كذا كذا قلت لها اي كيف عرفتي قالت اخت زوجك سالتني عنك وقلت لها انك تشتغلي نفس الدور حقنا وفجاة اكتشفها توصل معلوماتي مثلا عندي اختبار اختبرته محد يعرف غير اخت زوجي قبل الوظيفة واعدت حجز فرصة ثانية عشان ارفع الدرجة واقدم على مرتبة اعلى عندي اربع فرص للاختبار ،، فقلت لمسؤولتي اللي وصل لها كلام عني اني كذابة واني اختبرت قلت لها اي اختبرت وعندي ثلاث فرص تحسينية اخرى لكن من قالك اني اختبرت فجاة ارتبكت وقالت توصلنا اخبارك ! حاولت اصفي نيتي خاصة اني اعتبرتهم اهلي رغم ما احسهم يحبوني لكن معرف يابنات الحين انا حامل ومادري ابشر ام زوجي وهي ماباركت لي بوظيفتي ؟ اروح لهم في العيد ؟ والله مالي غيركم يابنات احتاج نصايحكم الله لا يحرمني منكم ما احب ادخل امي او احكيلها هالكلام تزعل وممكن تتخاصم مع امه انا مشكلتي اجامل كثيييير جدا رغم ماعمرهم قدروني بشيء او زاروني ببيتي من ٦ سنوات زواج.. لكن مستحيل تجي مناسبة او عيد ما اسلم عليها وما ادخل لها يبيدي فاضية لازم اجيب لها شي حتى لما اولد اعذر ام زوجي انها ماتجي تزورني ببيتي او ببيت اهلي واقول حرمة كبيرة ولما اخلص النفاس اروح لها اسلم عليها واوريها حفيدها