انا قبل يومين حكيت لكم اني ع ثلاث ايام اروح افحص داخلي بالمستشفى يحكولي التوسع ٣ سانتي وعنق الرحم سميكوالجنين مرتفع لفوق نفسيتي تعبت والالام زادت ورجولي بطلت اقدر اوقف عليهم وكان نفسي اولد وارتاح بلشت قصتي من مساء الثلاثاء لما ع الساعة ثمانية المسا صار ينزل مني مي اواعيي تتبلل وانا افكره بول كانت ع دفعات وضلت هيك للساعه ١٢ الضهر مع وجع خفيف للضهر قررت ارجع ع نفس المستشفى افحص داخلي وله بيقولن لي التوسع ٣ سانتي ومو ضايل مي حوالي الجنين ولازم دخول مراقبه يوم ونعملك طلق صناعي انا خفت لانه بولادي كلهم الطلق طبيعي ساعتين وبولد واروح رحت ع مشفى ثاني وحكيت للممرضات شو صار معي فحصوني وحكتلي الدكتوره مو ضايل ولا نقطة مي ودخول ساعدتني الممرضات وحطولي مادة تلين عنق الرحم وعملتلي تحريض وتمشيت ٢٠ دقيقه ورجعت فحصتني وله هو ٥ سانتي طلعوني ع القسم فوق وبلشت المعاناة كل ما يجي الوجع كنت اتنفس صح واساعد نفسي وهي تشجعني وتعملي تحريض وتفحصني داخلي لتتأكد انه راس البيبي نزل تحت وجاهز للولادة غابت عني الممرضه نص ساعة اجتني بوقتها حوالي ٦ طلقات كنت اتنفس وادفع بدون صراخ واساعد نفسي بدون ما تكون عندي ل حتى رجعت وفحصتني وله تحكيلي برافو عليكي التوسع ٨ سانتي وكمان شوي رح نروح ع غرفة الولادة طبعا انا سعيده واحكيلها انا معك شو ما بدك بعمل لحتى ارتاح وهي تحكيلي انتي كثير متعاونة ورح اساعدك ترتاحي المهم اخر طلقه حسيت شي بدو يطلع فناديت عليها واجت تركض دخلتلي بربيش فرغت المثانه وحكتلي يلا ع غرفة الولادة حطوني ع التخت ورفعت رجلي وبلشت الالام تزيد مع طلوع الراس اتنفس واكتم النفس واشد من تحت اول مره وهي تشجعني وثاني مره والثالثه طلع ابني حبيبي بس شفته نسيت الالم كلو حطته ع صدري وهو يبكي وبعدين اخذنه السسترات وهي نظفتني ولبست ومشيت بعد الولادة الحمد لله الوجع كثير لانه فحصتني داخلي يمكن ٨ مرات مع تحريض حوالي ٥ مرات بس بالنهاية ريحتني من الطلق الصناعي والعذاب اللي كنت رح اشوفه قعدت عندهم بالمشفى ساعتين وروحت ع مسؤؤليتي ع بيتي وهيني والحمد لله الوجع اخف ومرتاحه ابني الصغير سميته عبدالله الله يجعله من الصالحين البارين بوالديهم حبيت انصحكن لما تروحي تولدي لا تصرخي ولا تبكي بالعكس اذكري رب العالمين وادعي ولا تخافي هو وجع ساعات وترتاحي وتنفسي صح لانه التنفس ساعدني كثير وسهل علي ولادتي .