السلام عليكم كيفكم يابنات انا كان عندي نزول مشيمه من الشهور الأولى والحين في السابع وباقي نازله وسوو لي اشعة رنين مغناطيسي عشان يشوفون ملتصقه بالرحم ولالا وطلعت ملتصقه الحمدلله على كل حال واستودعت الله نفسي ورحمي ومافيه شوي نفسيتي تعبانه المستشفى حولوني على مركز كبير في الرياض او جده لأنهم قالو لازم مركز متقدم لأن احتمال يكون فيه نزيف وقت العمليه والمشيمه ماتطلع واول شي فكرت فيه اطفالي انا ام ماقد تركتهم من لما جبتهم غير الثلاث ايام حقت الولاده وحتى مو ثلاث ايام اطلع قبلها على مسؤوليتي الحين كيف بكون في مكان بدونهم مادري احتاج دعواتكم اخواتي
تحديث
الحمدلله حمداً كثيراً طيباً مباركاً فيه ولدت بس تعبت كثير والحين في العنايه وحاطين لي بالون في الرحم عشان يوقف النزيف يوجع كثير وتعبانه كثير الله يهون علي يارب ماقدر ادخل كثير وامسك الجوال اذا تحسنت بدخل بس حبيت اطمنكم استودعتكم الله
تحديث
انا اليوم طلعت من العنايه بعد ثلاث ايام ووضعي الصحي تمام والدم بدا يرتفع الحمدلله وبكره كتبولي خروج والبيبي باقي ماعرفت عن حالتها بس ان شاء الله تقوم بالسلامه
العضوة: 1414185 , منذ سنة
الله يبارك فيكم يارب ويسلمكم من كل شرالعضوة: 1356283 , منذ سنة
@user-1414185 انا نفس حالتك قلي الدكتور راح نولدك الاسبوع ٣٤ علشان المشيمه ملتصقه والبيبي وزنه ١٦٠٠ ودمي ٩ وخايفهالعضوة: 1491364 , منذ سنة
توكلي على الله وبأذن الله يفرجها من عنده وتبشرينا بسلامتك وايش كانت اعراض الالتصاق وكم قيصريه عندك الله يعظم اجر كل الامهات لكن القيصريات غير من كل النواحي 😭العضوة: 1491364 , منذ سنة
كم باقي لك على موعد الولاده اذا تبين يرتفع الدم اكلي كبدة دجاج اذا تتحملين واعصري عليها ليمون وبعد سلطة جرجير وشمندر وعندك دبس قصب السكر تلقينه بالسوبرماركت وسعره ١٥ ريال مره ممتاز لرفع الدم بس انتبهي اذا عندك سكرالعضوة: 1356283 , منذ سنة
@user-1491364 يارب وكلتك امري وجع اسفل وبالسونار اكتشفت انها ملتصقه والحين انا باب اسبوع ٣٠ و ٥ ايام باقي لي مادخلت الثامنالعضوة: 1356283 , منذ سنة
@user-1491364 الله يسعدك بجرب ان شاء الله يرتفعالعضوة: 918643 , منذ سنة
عساه الف مبروك والحمدلله ع سلامتكمالعضوة: 918643 , منذ سنة
مايبين بالسونار فقط بالرنينالعضوة: 1152013 , منذ سنة
@user-1414185 الحمدلله على السلامهالعضوة: 1356283 , منذ سنة
السلام عليكم ابسالك ربي يسعدك انا حامل وباقي اسبوع وادخل الثامن وعندي المشيمه ملتصقه وقبل شهر جاني نزيف واليوم بعد جاني نزيف لان كان معي امساك واعطوني تحميله وصرت ادفع وجاني نزيف والحين انا بالملاحظه ينتظرون اذا ما وقف يولدوني بس ان شاء الله يتوقف خايفه ولدي صغير بسالكم الي المشيمه نازله عندكم الي يجيني طبيعي وكم مره جاكم نزيف ومتى ولدتو انا لي شهر متنومهالعضوة: 918643 , منذ سنة
تصير ي اختي اللي نازله ع العنق انها تزف من جهد سؤالك طبيعي لا ابدا يلزمك راحه قد ماتقدرين لكن الامور بحول الله وقدرته تجتازينها مثل باقي الاخواتالعضوة: 1356283 , منذ سنة
@user-918643 الدكتور قالي لو ولدناك الحين احتمال كبير يجيك نزيف قوي ويمكن ازالة الرحم وانا يعلم الله وحده بحاليالعضوة: 1491364 , منذ سنة
حبيبتي استودعي الله نفسك ورحمك ومافيه وادعي وهذي ايام فضيله والاطباء يعطونك اسوء الاحتمالات لكن ٩٩ بالميه ماتصيب وشوفي اللي قبلك هنا قالو لهن نفس الكلام وربي يسرها وعدت وبأذن الله تعدي عليك بس توكلي على الله وتطمنيالعضوة: 918643 , منذ سنة
كثير قالو لهم كذا وعدت بسلام الامر لله وحدهالعضوة: 1356283 , منذ سنة
يارب يجبر بخاطركم ي بنات اويكتب اجركم يارب استودعتك نفسي ورحمي وجنبني