السلام عليكم بنوتات اخباركم انا من حوامل مارس وقبل يومين نزلت موضوع اني تعبت نفسيا وكذا الحمدلله بنفس الليله انفكت المويا بالبدايه كانت تدريجي دخلت المستشفى ١١ تقريبا وكان الرحم ٤ سم بس مافي طلق ودخلوني ولاده انتظروا علي ٢٤ ساعه وكلها فحص وتحريض عشان يبدا الطلق ولا في فايده كان عنق الرحم سميك وبعيد ولا حول ولاده واخر فحص امس بالليل كان الساعه ٧ قالوا رجع ٢-٣ سم يعني بيقفل الرحم !!!! هم يحاولوا يفتحوه وهو يقفل زياده لدرجة اني جزعت استغفرالله يارب سامحني ونفسيتي تعبت جدا جدا وما اقدر امشي ممنوع لان البيبي ماحوله ماء خلاص رحمتني الدكتوره وطلعتني فوق التنويم وقالت ارتاحي وبكرا بنعطيك طلق صناعي بكييبت لين حسيت اني ارتحت واستغفرت ربي وقمت اقراء البقره بنية التسهيل جا البارح بالليل الساعه ٣ الفجر بعد ما مر على المويا المنكبه ٢٤ ساعه بدا معي مغص وكان حق حمام اكرمكم الله وطول الليل رايحه جايه اخر شي صار مغص بدون حمام وبدا ينتظم شوي شوي لما جات الساعه ٧ الصبح كان وقت الطلق الصناعي دخلت الدكتوره وانا كان معي مغصه قالت بفحصك يمكن طلق ، وفعلا طلق بداية الطلق والرحم صار لين وراس البيبي نزل الحوض الحمدلله ورجع فتح ٤ سم قالت خلاص ماتحتاجي طلق صناعي وطلعوني ولاده واعطوني ابره مسكن وابره بالعضل تلين الرحم اكثر وبدا بعدها المغص الحقيقي الساعه ٩ والساعه ١٠ ونص ربي سهلها ويسرها و جبت احلى قموري الله يحفظها لي ويرزق كل محروم وييسر ولاده كل حامل يارب نصيحه لا تتهورون وتشربون خروع احس هو السبب ار المويا انفكت بدون طلق عليكم بالمشي والدعاء والله ندمت اني ما مشيت بالتاسع