ولدت من ٨ ايام وكنت ناطرة طفلتي بشوق ولهفة كبيرة بعد انتظار ٣ سنين بس شاء القدر مااشوف بنتي ولااحضنا الا من ورا زجاج الحاضنة 😔 طلع عندها تشوه خلقي في فتحة الشرج الامعاء ماوصلت للطول الطبيعي اثناء الحمل وصار عندا انسداد عملولا عملية بعد ٢٤ ساعة من الولادة وفتحولا ببطنا فتحة تصريف وبعد ست شهور حتى يقدرو يعملولا العملية الاساسية لفتح الانسداد وبعدها بشهرين كمان عملية تالتة لتسكير الفتحة اللي عملوها بالبطن وانا قلبي محروق عليها اول مرة بعدي علي هيك شي وشنطة المشفى رجعتا معي نضيفة متل ماهية ولسا بنتي مابتطلع لاسبوعين وانا مقضية ليلي ونهاري بكا على بنتي بتمنى من اي وحدة فيكن بتعرف حالة متل حالة بنتي او بتعرف شي عن الموضوع تطمن قلبي وتحكيلي كيف لازم اتعامل مع بنتي بس تتخرج استحلفكم بالله ماتبخلو علي بأي معلومة ممكن انها تبرد النار اللي بقلبي شوي😔