انا من حوامل مارس ١٨ ولدت اخر يوم بالتاسع ولاده طبيعيه ماشاء الله جبت بنوته قمر سيمتها ليان بحكيكم عن ولادتي افيد البكريات هذا ثاني حمل لي ومن نهايه الثامن وانا عند الام تجي وتروح وتزداد كل ما تقدم الوقت امس بالظهر صحيت ع الم شوي اقوى بس طنشت كالعاده قلت بيروح طبعا انا سويت كل الاشياء الي تسهل الولاده اكلت اناناس وتمر سويت قرفصاء والدرج وقرفه بالحليب اشرب كل فترة ما كثرت بس فقدت الامل اولد بدري قلت شكلي بولد اول اسبوع بالعاشر المهم نرجع لامس يوم الاربعا العصر طلعت امشي صراحه ما قدرت الم الحوض زاد والعظمه من تحت صارت مرة توجعني شربت ذاك اليوم ثلاث كاسات يانسون موزعه ع مدار اليوم ومرتين جلست بمويه حارة والعلاقه مع انو زوجي كان رافض بس اصريت لعلها تكون سبب بالفرج وفعلا ع الساعه ١١ الليل بدا يزيد الالم لين ٢ ما قدرت اتحمل رحت المستشفى قالولي مفتوح ٣ كان مفتوح قبلها باسبوعين ٢ سم تحطمت قلت كل هذا الالم بس زاد واحد المهم رجعوني البيت وبديت استفرغ حتى المويه ما تقعد والالم شويه شويه يزيد قالولي امشي بس صراحه الالم ما كان محتمل لا قدرت امشي الا كم خطوة وجلست بمويه حارة عشرين دقيقه كانت تخفف الالم حاولت انام ساعه يصحيني الالم والاستفراغ وع الساعه ١٢ الظهر ما قدرت اتحمل صار الالم اقوى ورحت المستشفى طلع مفتوح ٦ سم بعد نص ساعه بديت اصرخ ما قدرت حتى اتنفس كويس احس في شيء بيخرج وفعلا فحصتني طلع مفتوح عشره وجري ودوني ع غرفة الولاده ومع الالم نسيت كيف ادفع واتحكم بتنفسي وهذا غلطي خلا البيبي تشقني من عند البظر ويلا نبدا موال الخياطه كان نفسي اولد بدون خياطه بس الحمد لله ي رب انفرجت بعد كل التعب كنت ادعي قبلها بكل الصلوات واستغفر واحوقل وتوكلت ع الله وماشاء الله تعتبر ولادتي سريعه ي رب لك الحمد بس زعلانه نسيت ادعي وقت الولاده وهذي قصتي اي استفسار انا حاظرة