الحمدلله وأخيراً عرفت جنس الجنين 🥹 اللهم لك الحمد أنا باقيلي يوم وبخلص الأسبوع ل 21 وبدخل ب 22 وكل مرة روح لعند الدكتورة وماتقدر تعرف جنس الجنين لأن وضعيتو ماعم تساعد إنو يبين عالسونار ولكل قالي إذا مابين بكير معناها بنت بس ماصدقت هالشي من تجربتي ببناتي كانو يبينو عالشهر التالت والحمدلله من يومين عرفت إني حامل بصبي ولله الحمد و الله يطعم كل مشتهي يارب أنا حبيت أحكي تجربتي بركي حدا بيستفاد منها أنا قررت إنو إحبل وعندي بنوتين وكنت حابه الله يبعتلي صبي وبلشت أخود بالأسباب أول شي داومة على قراءة سورة البقرة على نية إنو الله يكرمني بصبي سليم معافى وأقرئها على مي وأشرب منها وتاني شي الجماع أيام الأباضة يوم 13 و 15 فقط وطبعاً بتحسبو أول يوم من الدورة و بس يصير اليوم 13 هاد بكون الوقت المناسب لجماع والقذف لازم يصير عند الرجل بالأول وبعدها بتنامي على جنبك اليمين وبتحاولي ما تقومي قبل نص ساعة و زوجك بيحط إيدو على بطنك وبيدعي الله يكرمكم بالذكر السليم المعافى وطبعاً مامشيت على نظام غذائي ولا أخدت منشطات تركتها على الله و أول الحمل بس فترة قصيره كتير كان وحامي عالحد ولحامض بس بعدين صار وحامي عالحلو ولشوكولا ولفواكه ولبوظة 😅 متل وحام وحده حامل ببنت لأن ببناتي كان وحامي عالحلو بس سبحان الله رغم إنو لوحام عالحلو بس حاسي أنا حامل بصبي وطبعاً ماتركت قراءة سورة البقرة لا قبل الحمل ولا أثناء فترة الحمل وحاولو تدفعو صدقة على النيه يلي بدكم ياها وإن شاء الله الله بيتقبل وبيستجاب منا ومنكم وأيا شي بتحبو تسئلوني عنو أنا جاهزه و الله يكملها معي ومع كل وحده حامل يااااارب ويطعم الكل الذريه الصالحة يارب🤲🏻 لاتنسوني من دعائكم