نصحوني صبايا حامل بالشهر السادس وعندي خوف من فقدان الجنين واعصابي تعبانة كتير انا مريضة ضغط وراثي وبستعمل الدوميت 3 مرات باليوم وكان ضغطي انتظم عليه نوعا ما صار مايرتفع فوق 130 ع 80 هلأ الي يومين حركة الجنين خفيفة كتير يدوب عم حسها مرة تنين باليوم قست ضغطي لقيته 150 ع 90 من شفت ضغطي هيك وعايشة برعب وعبالي بس ابكي ماسكة حالي لانو كل ما ابكي وانفعل ضغطي بيرتفع اكتر كمان وهلأ بلش عندي تقلصات اسفل البطن قوية نوعا ما مابعرف لو من التوتر رح جن من خوفي ع جنيني مو قادرة اتقبل خسارته متل اللي قبله وانا وزوجي متفقين هي اخر محاولة النا بالانجاب اذا لاسمح الله بصير كمان ع هالجنين شي شو سوي لاضبط ضغطي يلي مرت بتجربة ضغط عالي كتير وفي احتمالية يكمل الحمل ويعيش الجنين؟ و كيف اتعامل مع الخوف من الفقدان 🥺 تعبت كتير وتعبو كل اللي حولي معي زوجي عصب علي من فترة لما قلتلو حاسة الجنين مامنيح قلي هو بيحلم ينام يوم فرحان بالحمل بدون مايتم عايش بخوف وتوتر صرت ما احسن احكيلو اني خايفة او حاسة شي غلط 🥺💔