السرداب جمايكا هالة :- مرت عمي شوفي هالاساور الذهب شو حلووين .. حماتي :- اي بجننو على ايدك هالة :- بعرف جوزي حبيبي اشتراهن لالي وقلي بيستاهلو ايديكي الحلوين.. حماتي :- مبروك اتغدى قيس .. هالة :- لا بعدنا ما اتغدينا.. حماتي :- سلاف سلاف :- اي خالتي .. حماتي :- جهزي لجوزك الغدا عندو وصل.. هالة :- مرت عمي حاجي تقولي جوزها .. حماتي :- يابنتي اتقبلي الامر هي مرتوا كمان..يعني مشان تروح تعمل .. هالة :- اي اذا هيك مو مشكلة المهم انو مابفارقني ...هههه متزوجة اسم سلاف ..قايمة اساعدها 😂 😂 .. حماتي :- دخيلها المعدلة.. هالة :- اعطيني انا بسكب الاكل.. اووف منك نقطتي على ايدي شوربة شو انك حقودة وحسودة ..بدك تحرقي ايدي لان حبيبي اشتري لالي اساور..وانتي لاء ام ايد معاقة يا عضباء .. عضباء :- هاد مو اسمي ولا اسم حدا ولا اسم اي شي غير ممكن تسمعوه غير انو اسم وجعي..اي هيك كانو يقولوا لالي عضباء..انا سلاف عمري 25 سنة..يتيمة الاب والام والاخوة ..والحمد لله . صرخة الحياة بلشت يوم اجا الخبر لأبي بأنو ربنا رزقوا طفلة عضباء اليد وانو هاد تشوه خلقي ومستحيل يكون لالو علاج..ايدي يلي كنت شوفها غريبة عن كل ايدين رفقاتي .من منظرها .كانو يخافو يلعبو معي وينادوني اوقات الشيطانة او ام ايد مسلوخة..رفقا بحكايات الاهل لالهن .. وهالشي كان يمنعني مارس حياتي الطفولية بطبيعتها ..وماكان لالي قدرة ادرس بأي مدرسة عادية..لهيك التحقت بمدرسة تأهيل المعاقين .. كان الشخص الوحيد القريب لالي هو اخي اياد يلي بكبرني بسنتين..وهو رفيقي الوحيد من كل العيلة..ماكان يفارقني بيوم ..وكان لالي الاب والاخ ..كان صديق عمري وصديق ألعابي.. قبل 13 سنة ... ابي :- سلاف جهزتي امورك كلا بابا.. امي :- اي كل امورها تمام اياد شو صار معك اياد :- امي انا حطيت الشنت بالسيارة.. سلاف :- يالا بابا رح اتاخر على حفلة تكريمي.. ابي :- بعد ياقلبي باقي شي نص ساعة ويوصل الباص.. سلاف :- امي دخيلك لاتتاخروا عليه ..بدي شوفكن بالاحتفال.. امي :- اكيد ياعمري رح انكون سابقينك..واول الناس.. اياد :- يابي كم بدنا وقت على الطريق.. ابي :- شي ثلاث ساعات سفر..جهزتوا الاكل وامور الطريق.. امي :- اي كل شي تمام...سلاف امي بس خدي شنتاية الاكل ..انا رح اخد معي شنتاية تياب الاحتفال ..مشانا تقيلة.. سلاف :- امي خليها معي والله بخاف تتأخروا.. ابي :- تقيلة على ايدك يا حلوة..انتي طالعة بالباص بدو شي 5 ساعات والسيارة بدها 3 ساعات اسرع .يعني بنسبقك.. اياد :- يالا اختي البسي جاكيتك لان الجو برا ثلج وبرد ..وليكو باص المدرسة وصل..تعي احضنيني .. سلاف :- ادعيلي اخي .. اياد :- الله يوفقك يا احلى ملكة يالكون.. امي :- ديري بالك على حالك امي..خلي ثقتك بربنا ومن ثم نفسك انتي اميرة وملكة ..وانتي اشطر بنوتة بالكون... ... بعد ما ودعت اهلي وانطلقت بالباص ..اجاني شعور غريب ومخيف ..ماكنت مرتاحة صرت ابكي بطريقة لا ارادية اول مرة غادر بلا اهلي ...مرقت ال 5 ساعات بالقوة..ووصلت للاحتفال ..كنت عم فتش بين الحضور على ابي وامي. واخي ..ماكان حد فيهن ..التوتر والخوف زاد وبلش الاحتفال واهلي ما اجو.. المعلمة رباب :- سلاف لهلاء ما البستي تيابك ..يالا باقي 10 دقائق ويبلش العرض تبعك.. سلاف :- مس رباب ..اهلي لهلاء ماوصلو وهني معهن تيابي ..دخيلك اسألي اذا وصلو او لاء ..والله قلبي مخوفني.. رباب :- تكرمي ..حاولي لارجع تكوني راجعتي يلي كنتي بدك تحكيه ..احفظيه منيح... ... رجعت رباب وقتها لتخبرني .. انو اهلي مانن موجدين وطمنتني ممكن يكونوا على الطريق ..او صار معهن شي عطل بالسيارة..مرق العرض وماحسنت أديه..ومرقت ساعات الحفل والناس غادرت وانا عم ابكي وين اهلي عني..والكل بلش يغادر وانا صار لازم ارجع بالباص مع باقي الطلاب يلي اهلن ماحضروا.... وكانت الساعة 9 المساء.. رباب :- حبيبتي انا تعبت وصار لازم ارجع على بيتي والكل غادر المدرسة بتعرفي وين بيتكن وصلك عليه .. سلاف :- اي ياريت دخيلك بدي اشوف اهلي. رباب :- امشي حبيبتي .. بعد ماوصلت البيت ماكان حد وسيارة ابي مانها موجودة ..والبيت مغلق والدنيا صارت ليل وانا ماعندي اعمام كلهن بدولة ثانية . وجيران ما اعطونا اي خبر..ماحسنت رباب الا تسلمني للشرطة وتغادرني..وطلع الصبح وانا نايمة بمركز الشرطة ولهلاء ماوصلهن خبر عنهن..والصبح تقريبا الساعة 5 ..اجت الشرطة اخدتني معهن ماكنت بعرف لوين ..بس من اوصلت اعرف اني واصلة لمستشفى وهالشي خلاني فوت بخوف اكبر من يلي شعرت فيه ..بس هالمرة ما اخدوني لغرفة ناس مرضى ولا شفت اي اطباء . انزلت معهن للطابق الارضي . وكان خالي من اي ناس..وقفت وماعرفت لوين رايحة لوقت ما اجا شخص لابس مريول ازرق .... الشرطة :- لو سمحت ثلاجة الموتى وين.. طبيب التشريح :- اتفضل معي .نحن بانتظارك..