السـلام عليكم صبايا كيفكون ؟ عمري 20 سنة صرلي متزوجة تقريباً سنتين وحالياً أنا حامل بالشهر السابع اول حمل وقاعدة حالياً عند بيت حمايي ، حماتي كانت رافضة ننتقل نهائياً لبيت لحالنا وبدا يانا نضل هون عندا بالبيت بس أنا ابداً مو مرتاحة لان زوجي عندو اخوات شباب وبضلني لابسة الحجاب بالبيت وغير مشاكل تانية مارح اذكرها ، المهم لاقينا بيت من شهرين تقريباً والبيت بعيد نص ساعة عن بيتون خلصنا تقريباً البيت ضل بس المطبخ تخيلو أنا وحامل كنت لحالي روح وجهز ونضف البيت وأشتري الغراض مع ان كنت مكسورة مادياً اقسم بالله ماقالت خليني اشتري قطعة لبيت ابني وكانت قدامي تروح وتشتري ذهب وعرفانة أنا بعت ذهباتي مشان أنا افتح بيتي او حتى ما باركتلنا المهم الله يسامحها ، طبعاً زوجي كان عم يساعدني بس ولا مرة اجت وبدها تشوف البيت او اجت ساعدتني فيه مع ان كنت اخدمها صرلي سنتين (:: مبارح كان الاحد عطلة زوجي رحت ونضفت الشبابيك بالبيت عنا ورجعنا المسويات اجت امو مسكت اذن جوزي وصارت تقلو اي حتى بالعطلة لاتخلينا نشوفك اي ومتل مابتعرفو مو باقي شي للولادة وهي عم تقول بفترة النفاس ضلي هون وبعدها روحي بس مابقدر لان اول شي مارح اخد راحتي والدنيا صيف رح ضل بالحجاب خايفة بس نضل تجي وتتعلق بالبنوتة وتعمل قصة لان قالت من فترة لما كنت اشتري الاغراض واخد ع البيت لعندي صارت تقول اي لاتخلونا نشوف البنت ومابعرف شو مع أنا اقسم بالله غير كنزة ما اشترتلها شو اعمل ضل عندا ولا روح وأسكن بالبيت ؟ #اهلي مو هون