العضوة: 2439905 , 1 hour ago

انا البيض بكله م اقدر اكله صرت لازم اكل اشياء حامضه وماعاد لي نفس بشي والله مدري كيف اتصرف

العضوة: 2374325 , 58 minutes ago

@user-2447035 عدس .. جبن .. البان .. شوفان جرانيولا.. حليب .. فواكه .. زبادي يوناني بان كيك .. فول سوداني .. مكسرات ..عصيرات.. خضار لحوم .. دجاج ..سمك كلها اشياء مفيده تقدري تاخذي منها فطور بالنسبة لي ما كنت افطر بس كنت اكل اشياء كويسه ع الغداء وسناك والعشا واخذ فيتامينات وأوميغا والحمدلله نونتي نموها و وزنها مرا كويس حاليا ف اخر الشهر السابع

العضوة: 2424078 , 57 minutes ago

مهتمة لانو زيك واول حمل الي وكتير خايفة كون الغذا مو منيح ماعم اتقبل البيض ولا الفروج كلشي طبخ بشكل عام ماعم اتقبلو واستفراغ

العضوة: 2447035 , 55 minutes ago

مالنا غير المكسرات واللبن والجبنة البيضة وسمسم مفيد

العضوة: 2447035 , 54 minutes ago

ان شاء الله شكرا الك تقومي بالسلامة يارب

العضوة: 2424078 , 53 minutes ago

بس الدكتور قلي اول فترة الجنين مو بحاجة كتير شغلات شو ما اكلتي منيح لانو كلشي بياخد من جسمك وبكفي بس بعدين بعد تلات شهور بصير بطلب غذا وكلشي فيتامين بجسمك مابقا كافي ألو واحتمال يصير ياخد من العضم وعصبك والاسنان اذا ماكنتي عم تدخلي فيتامين وغذاء من برا وتضرري بركي بعد ماتمر هالفترة منكون تقبلنا بعد الشغلات

العضوة: 2424078 , 51 minutes ago

والله ياروحي كنت اكل لبنة هلق حتى لبنة وجبن الصبح مابقا تقبلت والمكسرات جوزي عم يجيبها نية قال فيها فايدة اكتر الي وانا مابقا اكلتا بحبا مملحة والجوز كرهتو 🤣بس عم افطر زعتر الصبح مفيد وتفاح متلك

العضوة: 2424078 , 49 minutes ago

بدي اسألك الدكتور شو كاتبلك فيتامينات انا فقط فوليك اسيد وفيتامين دال لانو عندي نقص فيه

العضوة: 2374325 , 47 minutes ago

@user-2424078 كل طبيب حسب مدرسته بالنسبة لي من اول شهور حملي الدكتور وصف لي فوليك وفيتامينات حمل واوميغا وبالعكس مفيده كثيرر ومو بس انا حتى اخواتي ف كل حملاتهم نفس الشي ينوصف مع انو حمل طبيعي وسليم وماعندي مشاكل ومن الرابع ازيد الكالسيوم و الحديد

العضوة: 2447035 , 47 minutes ago

فيتاناتال فيه مجموعة فيتامينات واتفقنا ناخد دال واوميغا 3 بعد الشهر التالت وبريغنيتوس للغثيان يأخذ ليلا رائع رائع الصبح مافي غثيان ابدا بنعس وبيعمل شوية خمول بالليل لهيك قبل النوم

العضوة: 2374325 , 47 minutes ago

@user-2447035 اجمعيين يارب🤍

العضوة: 2447035 , 46 minutes ago

الله يتمملك على خير يارب

العضوة: 2447035 , 46 minutes ago

وانا تفاحة وزعتر والمكسرات ني فائدة اكتر بس مابحبه

العضوة: 2424078 , 45 minutes ago

انا طلبت منو فيتامين مارضي حتى اوميغا ٣ ماعطاني شي قلي هيك كافي بالشهر الرابع منعطي رغم انو ماعم اكل اغلب الاكل وبضل الاستفراغ عندي شو مااكلت وقلتلو ماعم اكل قلي بدك تتحملي هالفترة مو طايقتو للدكتور بس مالقيت بديل

العضوة: 2374325 , 44 minutes ago

@user-2447035 المكسرات حاولي تاخدي قليل منها بعضها تجيب غازات واول الحمل من ولاشي اصلا الغازات موجودة ومتعبه جدا