السلام عليكم انا من حوامل مارس اخر دورة كانت يوم 9 مارس منو معاي او قريبة مني انكملو هالشهر معا بعض ان شاءالله ولو مش معاي ادعولي دعوة طيبة تعديل تاريخ 16.11 هذا أسبوع تم الحمدلله وتبقى فقط 4 أسابيع لاحظت انه اللي معاي بنفس اليوم ماشاءالله 8 او اكتر والباقي اغلبنا قراب على بعضنا منو منكم بتولد بالعملية؟ وتحدد موعد العملية ولا مزال؟ انا عن نفسي ولادتي بإذن الله طبيعية بنستنى الفرج ومنتظرة العد التنازلي يكمل تعديل تاريخ 23.11 هذا اسبوع تاني تم الحمدلله والباقي 3 أسابيع حسيت انه البيبي نزل فالحوض لأنه الحركة بدت أصعب والام بين الفخدين والظهر زادت ..جهزت شنطة البيبي والأحد ان شاء الله عندي موعد وبنجهز التحاليل اللازمة للولادة بإذن الله طمنوني عليكم تعديل تاريخ 30.11 وهذا أسبوع ثالث تم الحمدلله والباقي أسبوعين مشيت عند الدكتورة وطمنتني عالنبض والمية والمشيمة الحمدلله .. وقالتلي الاحد بتبدا اديرلي فكشف مهبلي وتحريض للولادة إن شاءالله تحجر البطن زاد لوين مايضيق نفسي والام الظهر والثقل والحركة والنفسية تاعبة والحمدلله ، ماذا عنكن ؟ مافيش وحدة ولدت ؟ المفروض نبدو نسمعو فالبشاير ولا ولدتو ومافرحتوناش ؟ اللهم هون علينا ماتبقى من حملتا ويسر ولا تعسر علينا ولادتنا وأعنا علي تربيتهم واجعلهم من الذرية الصالحة يارب تعديل تاريخ 7.12 الحمدلله تبقى أسبوع واحد فقط مشيت للدكتورة لقت التوسع عندي 3 سم ودارتلي تحريض مهبلي إحساسي انه ولادتي قربت بإذن الله مش مهم امتى المهم اتكون سهلة ويسيرة تعديل يوم 14.12 الحمدلله اخر اسبوع او المفروض يكون اخر أسبوع تم ومازال حامل شعوري الأن انه لقد طفح الكيل تعبانة فوق الوصف قلبي انتفخ من كتر الأسئلة ومن كلمة نحسابك ولدتي.. يعني إذا ولدت بنولد من غير مايعرفو متلا!! التوسع من أسبوعين هوا هوا 3 سم برغم من مرتين تحريض كل الحوامل اللي فالعيلة اللي موعدهم بعدي جابو قبلي الحمدلله مش حسد ولكن من كتر ما ينقو عليا لأنه ولاداتي السابقة كلهم قبل الموعد المرة هادي انتهت فترة الحمل وماولدتش على كل حال الحمدلله كل تأخيرة وفيها خيرة ادعولي دعوة من وسط قلبكم