الجزء الاول مسكت القلم ودموعي عم ينزلو ع خدودي ماكنت شايفة منيح.. ايدي عم ترجف.. - يلا دكتورة وقعي وقعت ع وراق التنازل عن حصة أبي بالمشفى .. حصة ابي الدكتور رضا يلي ورثتا عنو بعد وفاتو تنازلت عنا بسبب الأذى يلي صابني من أعمامي .. أعمامي مدحت ورياض هن التنين دكاترة و الهن حصة متل ابي بالمشفى بس من بعد وفاة أبي ماكانو مناح معي عملو المستحيل هن وولادن لياخدو حقي من المشفى.. بعد عذاب طويل من الشي يلي دقتو قررت اتنازل عن الحصة و اشتغل بمشفى تاني.. وقعت وراق التنازل .. لميت غراضي و طلعت .. مبدئياً كنت عم اشتغل بس بعيادتي البسيطة ... لحد ما كنت طالعة من العيادة مستعجلة جارتي عم تولد وكان لازم روح لعندا بحكم اني دكتورة نسائية ... مفتاح سيارتي بأيدي و بأيدي التانية شنتايتي وجاكيتي.. نزلت بسرعة ع درج البناية كان بهالوقت في شب طالع ع الدرج وبالغلط ضربت فيه : اسفة اسفة مستعجلة بس بعتذر .. تركتو ومشيت بطريقي بسرعة وركبت سيارتي ورحت... بعد يومين كنت اعدة بمكتبي لحالي ماعندي مرضا وكان وقت غدا.. اتصلت بالمطعم يلي جنبي وصيت ع وجبة ديليفري واعدت انتظر .. فجأة دخل شب طويل و اشقر شوي، استغربت لان انا طبيبة نسائية ونادراً ليجي لعندي رجال وبكون مع زوجتو : مرحبا