#الــــتوبــــه
#بقلمي_امــــل_احـــمـــد_ســـــلوم
من كان منكم بلا خطيئة فليرمها أولا بحجر!! من منا بلا خطيئة؟ ...
تــوبــوا إلى الله قبل فــوات الأوان.إن ضللت الطريق أو تعثرت حياتك أو أصابك الفشل، لا تخف ولا يتزعزع إيمانك، فا الله يعلم كيف يُخرجك من كل تجربة مهما كانت قاسية....
والتائب من الذنب كمن لا ذنب له… .
*╚══════ღღ══════╝
قصتنا هالمره عن التوبه من الخطايا… . ورح نشوف مع سوا كيف انه رب العالمين بيعطينا اكتر من فرصه للتوبه… اكتر من فرصه للرجوع اليه دون سواه سبحانه وتعالى
(◕‿◕✿)
#الـــــتوبـــه
#الـــجـــــزء_الــــاول
#بــقـــــلمي_امــــل_احـــمد_ســـــلوم
*╚══════ღღ══════╝
لا تحزن على الدنيا وما فيها،
فكلنا ضيوف على أراضيها!
يقول يحيى بن معاذ : مسكين ابن آدم ..
لو خاف من النار كما خاف من الفقر .. لنجا منهما...
ولو رغب فى الجنة كما رغب فى الغنى .. لوصل اليهما...
ولو خاف الله سراً كما يخاف الخلق جهراً .. لسعد فى الدارين...
ﻻ ﺗﻤﻞ ﻣﻦ ﺍﻟﺘﻮﺑﻪ ﺣﺘﻰ ﻭﺇﻥ ﺗﻜﺮﺭ ﺍﻟﺬﻧﺐ ﺃﻟﻴﺲ ﻛﻠﻤﺎ ﺍﺗﺴﺦ ﺛﻮﺑﻚ ﻏﺴﻠﺘﻪُ؟ ﻛﺬﻟِﻚَ ﻛُﻠﻤَﺎ ﺃﺫﻧﺒﺖ ﺇﺳﺘﻐﻔﺮ ﺭﺑﻚ.
*╚══════ღღ══════╝
مع بزوغ الفجر واعتلاء صوت الاذان بالمآذن .. فاقت جمانه مهلله موحده لله…
فاتت عالحمام اغتسلت وتوضت وفردت سجادة الصلاة ورفعت كفيها مكبره لبدء الصلاه
كانت عم تتلو القرآن بقلب خاشع ونفسا مطمئنه وروح ساعيه لرضا الله وحده لا سواه
خلصت فرضها وبقيت قاعده على سجادة الصلاة تستغفر وتدعي بنفس مكسوره متذلله طالبه الرحمه والغفران
(( اللهم اني مقبله اليك تائبه وكلي رجاء في عفوك ومغفرتك...
وإن زللت فتعثرت فانقذني وردني إليك
لا تكلني الى نفسي طرفة عين ولا تتركني وانا الخاطئه التائبه...
اللهم تقبلني واعف عني واصفح فأنت الكريم صاحب الفضل والنعم ))
مسحت دموعها بكفيها لحتى اغتسل وجهها بملوحة دمعات الندم والتوبه
#جمانه… الاسم يلي اختارته امها لتسميها ياه مين قبل ماتجي على هالدنيا… . لحبها الشديد للجمان والمرجان
جمانه بنت بالثلاثين من عمرها غير متزوجه .. يمكن انسياقها ورى المعاصي والذنوب ماخلاها تفكر انه الزواج ستره للبنت وهو نص الدين
جمانه من الناس يلي بنحكى فيهم بخت الملايح طايح… . فرغم جمالها الفاتن الا انها صاحبة حظ اغبر
مارح ضيع تفاصيل القصه بشرح مبسط لهيك تعوا لنشوف سوا قصة جمانه مع الذنوب وكيف تابت الى الله
*╚══════ღღ══════╝
مسافه طويله بتمشيها جمانه سيرا على الاقدام بعد ماتخلص شغلها بالورشه الصغيره يلي بتشتغل فيها خياطه لملابس الاطفال واللي صرلا 3 سنوات قابعه تحت سقفه القديم ..
بكل يوم بتقعد ورا ماكينتها متوقعه انهيار المبنى القديم المتهالك فوق راسها وراس كل العاملات يلي معها…
مع كل مرور سياره بحد جدران الورشه كانت تشوف توسع التصدعات في جدرانه الباليه واهتزاز نوافذه المهترئه… لكن هالشي ماكان يمنعها من الوصول لشغلها بالموعد المحدد لتنزل هبوطا ثلاث درجات لتحت لتوصل لمدخل المبنى .
قطع قماش مرميه ب اهمال هون وهون ويلي كانو يحصلو عليها من المصانع الكبيره ويشتروها بالكيلو بثمن بخس ليصنعوا منها ملابس اطفال ويروجوها بعد هيك للاحياء المتوسطه والشعبية
متل كل يوم وبعد ما خلصت جمانه شغلها… كانت عم تمشي بخطوات حثيثه مرتعشه خايفه من المجهول… المجهول يلي صارت تعرفه منيح وهو ضهور اخوها بشعرو الاشعت وابتسامته الصفرا ليسحبها من ايدها لاحد الازقه وسلب كل شي معها من مال بالقوه
خطوه تانيه لتوصل لمفترق الطريق المؤدي لبيتها بعد هيك بتفوت اول منعطف بيقابلها… اطلعت بطرف عينها على الاقفال الثلاثه فوق باب محل تصليح السيارات ويلي حفظتهم عن ظهر قلب لتطلق تنهيده بألم بالغ وتكمل طريقها
تجاوزت بيت والديها ب انكسار وغصه لتكمل طريقها ببضع خوات اضافيه وصولا للبيت الي ساكنه فيه مع خالتها العجوز المتسلطه…
لمحت من بين الضوضاء المحيطه فيها وغبار احذية الاطفال اللاهثين خلف كره من القماش ويلي مابيمنعهم حلول الليل من التوقف عن اللعب والركض
.. هناك قريب منها سيارته الرماديه البغيضه… كزت ع اسنانها وشدت ع شنتتها بين ايديها .. فهاد العجوز جاي لياخدها عروس اله بعد خطوبه دامت ثلاث سنوات ماكان يربطها فيه الا محبس نحاسي شلحته من ايدها بنفس اليوم اللي انباعت فيه
العضوة: 275918 , منذ 4 سنوات
جمانه : معقول كل هي الاحتياطات كرمالي ؟ لهدرجه شايفني مؤذيه ولازم تحرص مني 💔 مسحت دمعتها وفاتت عالحمام لتطلع عحالها بالمرايه حجابها نازل عن راسها وشعرها منكوش وزراق خفيف حد عينها… . حطت ايدها على تمها بصدمه : معقول شافني بهالمنظر ؟؟؟؟ نفضت راسها بسرعه وهي بتضحك عحالها وبتفتح صنبور المي لتغسل وجهها جمانه : انتي مجنونه… اي انتي مجنونه… هاد وقت تقييم المنظر والجمال 😡 .. شو رح يفيدك ازا كان شعرك املس ولا منكوش وهو يناوي يقتلك… .. اهدي جمانه اهدي… ساري ماعمرو حس فيكي ولا رح يحس 🍁 الانثى هي الانثى حتى وان كانت في ساحة الحرب ربما لا تخشى ان تقصف بمدفعيه بقدر ماتخشى ان يسوء مضهرها امام من تحب… وان كان من الاعداء 🍁 *╚══════ღღ══════╝ رجع ساري لعندها وهو عم يغلي من الغضب ماقدر يقتله متل ما خطط واستعد… تركه ب ارادته تركه يتنفس الحياة من جديد… . فشل بمهمته ياترى رح يفشل بالمهمه التانيه كانت حاطه شرشف التخت على الارض وعم تصلي بخشوع .. وفجأه سمعت صوت الباب المعدني انفتح واتسكر بقوه .. انتفض جسمها بخوف ورغم هيك تابعت صلاتها وقفت بوضع التكبير ودمعت عيونها بخوف وقلبها عم يناجي ربها يخلصها من يلي هي فيه فتح الباب بعنف ارعبها وخلاها غصبا عنها تقطع الصلاه وتتلفت عليه وهي عم تشهق برعب وحطت ايدها على صدرها جمانه : سسساري ؟؟ وقف مكانه بيطلع فيها من ب استغراب ساري : بتفكري انه فيكي تستدري عطفي به الطريقه جمانه : ساري بصهوت جهوري : وينو… . وين خبيتوه شحب لونها وما عادت قادره تنطق وعيونها جاحضه والشهقات ماعم توقف ساري : جااااوبي وين خبيتوووه وينو عدي وينوووو جمانه : مسكها من رقبتها ولف ايديه ع حنجرتها وبلش يضغط عليها لحتى بلشت تحس بالدوار وانقباض دقات قلبها والاختناق ساري : كيف قدرتو تخبوه بهالسهوله وكأنه تبخر… . انطقي وين خبيتوه وووين ازرقت شفايفها والدموع عم تنهمر من عيونها… بلحظه سلمت انها قتيلته لامحاله… .العضوة: 275918 , منذ 4 سنوات
وقبل ماتلفظ انفاسها تركها ودفعها لتوقع عالارض وهي بتسعل بشده ساري : رح تبقي هون لحتى يبين عم تفهمي ابتسمت ابتسامه ضعيفه وهزت راسها ب استهزاء لترجع النار تشعل بقلب ساري وهو بيفكر انها عم تسخر منه وبتتحداه مسكها من كتافها وهزها : ليش عم تضحكي… عم تتمسخري عليي ماهيك هزت راسها بسرعه بمعنى لا نترها من ايدو وفتل ضهرو وهو عم يمرر ايديه بين خصلات شعرو ساري : لاتحاولي تختبري صبري جمانه جمانه : صدقني ماقصدت اتمسخر عليك رجع مسكها من كتافها بقوه وصرخ : لكن ليش تبسمتي بدون اراده منها دفعته عنها لكن خانتها قوتها لتستقر ايديها على صدرو جمانه : انت مو فاهم شي ياساري… . انا مابساوي عندهم شي… عدي مارح يبين ابدا ولا بتهمهم حياتي بشي من الاساس حتى لو هددتهم انك تقتلني… عوض مارح يضحي بشعره من ابنه كرمالي… . كل يلي رح يعمله انه يبلغ الشرطه وانتهى الخوف بكلامها كان ممزوج بمراره ذابحه… توقعت انها تعودت على هالشعور شعور النكران من اهلها بس الغصه كانت بقلبها عم تقطع فيه اطلعت عليه وهو عم ينزل ايديه عنها ويقعد بهدوء غريب ع طرف التخت وكأنه عم يرجع ذاكرته لورى ساري : يعني يوم ماشفتك عم تركضي بالشارع وخايفه… كانو اهلك بدهم يقتلوكي جمانه : ايه ساري : وجبروكي توقعي عالمحضر ضدي جمانه بتبكي : ايه 😔 ساري : وليش عملتي صفقه مع انور جمانه : لحتى اضمن تعيش بسلام ياساري انت ضحيت ب اربع سنوات من عمرك بسببي ولازم ردلك الجميل غمض عيونه بقهر وشد على قبضته… وكأنه عدل عن فكرة التعاطف معها وقف قبالها بعيونه الداميه واردف بصوت مخنوق ساري : اشـــلحي حـــجابــــك ؟!!! *╚══════ღღ══════╝ #يــــــتـــــبع (◕‿◕✿)العضوة: 275918 , منذ 4 سنوات
#الـــــتوبـــــــه #الجــــزء_الـــتاســــــع #بقــــلمي_امـــــل_احــــمد_ســـــلوم *╚══════ღღ══════╝ تاني نهار .. كانت جميله عم تتعكز على رحاب وعكازها وماشيه بتهرول لبيت عوض والدمعه بطرف عينها جميله : يا حبيبتي يابنتي ابصر شو صايرلك… ولي على امتي ولي على طولي رحاب : طولي بالك خاله هلأ منفهم كلشي جميله : ياربي سامحني انا شكيت فيها انها رجعت لهديك الايام… ما توقعت تكون مخطوفه يارب احميلي ياها رحاب : مين ياترى اله مصلحه بخطفها جميله : ساري مافي غيرو ما شفتي شو مكتوب عالحجاب عدي مقابل شرفك رحاب : ازا كانت مع ساري ف انا مطمنه جميله : وليش بتحكي وانتي واثقه انه مارح يئزيها رحاب : لانه الانسان يلي بينحبس ظلم ليحمي شرف بنت مستحيل يطلع ندل جميله : ان شالله بنتي… وهلأ عجلي لنوصل عند هالزفت عوض وخبرو بالموضوع رحاب بقلبها : ع اساس عوض رح يفرط بعدي كرمال جمانه .. ما كل يلي صار من تحت راسه وصلو لبيت عوض وبلشت جميله تضرب عالباب بعكازها بقوه بصوره ازعجت يلي بالبيت جميله : فتااااح الباب ياعوض اجاها صوتو الجهوري عم يقرب من الباب عوض : اي اي مين عم يدق عالباب هيك واول مافتح الباب دفشته جميله بعكازها وفاتت لجوا عوض : شو هاد في حدا بيدق على حدا بهي الطريقه جميله : شو يا صهري ومسند ضهري بس ماكون زعجتك عوض : شو بدك جميله… جايه والشر بعيونك لتكون جمانه عامله شي جميله : منيح يلي متزكر انه الك بنت. .. كتر خيرك والله عوض : احفظي كلامك جميله جميله : خراااس وشوفلي هالشوفه رمت جميله الحجاب بوجه عوض وميسون واقفه بصدمه عم تراقب بصمت عوض : شووو هاد ؟ جميله : شوفة عينك بنتك مخطوفه عوض : حطت ميسون ايدها على تمها وشهقت ميسون : مخطووفه… . مين يلي خطفها جميله : هالسؤال بتسأليه لجوزك كان واقف بصمت وماسك الحجاب بين ايديه بقهر ميسون : شو عم بيسير عوض فهمني بنتي وينها عوض : ميسون : ليش ساكت معناته انت بتعرف انها مخطوفه من قبل وساكت… ررررررررد عليي عوض بصراخ : انتي جنيتي كيف بترفعي صوتك عليي قدام الناس ميسون : لك هااااد يلي هامك اني رفعت صوتي… . لك هي بنتي يلي مخطوفه بنتيييييالعضوة: 275918 , منذ 4 سنوات
عوض : وطي صوتك بلا ماتشوفي شي مايعجبك… وبنتك رح ترجع هلأ او بعدين ميسون : شو يعني ؟؟ مارح تعمل شي عوض : شو بدك ياني اعمل… اكيد موضوع الخطف من الاساس من تدبير بنتك لتنتقم من اخوها… راحت اتفقت مع ساري يخطفها ميسون بصدمه : ساري ؟؟؟!!! من بعيد اجا صوت حاد خلا قلب عوض يوقف بحلقه انور : ياعديم الشرف بعدك بتحكي على بنتك التفت الكل ناح انور ب استغراب… من ايمت انور شخص محترم وبيهمه غيرو… ولا لانها جمانه حتصير مرته ؟ عوض : ابنك خطف بنتي يا انور… انا رح بلغ الشرطه انور : انا يلي رح بلغ الشرطه مو انت عوض : انور : سماع عوض… . معك لاخر النهار لتسلم ابنك وتعترف بكل شي او انا بحكي كل شي عوض : انت جنيت ما… اكيد جنيت… . او يمكن خرفت… . نسيان انه كل شي من تخطيطك انت انور : لا مو نسيان… لهيك عدي لازم يضهر لتبان الحقيقه عوض بلعثمه : عدددي مختفي من خمس ايام ومابعرف عنه شي انور : وانا عطيتك مهله لنهاية اليوم… خاطرك لف جسمه وطلع من الباب بوسط دهشة الكل… ياترى معقول يعملها ويعترف بكل شي ؟؟؟ جميله : حسبي الله ونعم الوكيل فيكم… معناته انت وهالطبل يلي تآمرتو على هالمسكين ساري… . لك انتو شو مافي بقلوبكم رحمه ولاشفقه… ضيعت الرجال وقضى احلا سنين عمرو بالحبس كرمال تحمي ابنك الصايع… . الله لا يعطيك العافيه فوق تعبك… مشي بنتي لنطلع من هون طلعت جميله وراحت وبقي عوض واقف مكانه وكأنها هموم الدنيا نزلت عراسه عوض بقلبه : لازم لاقي هالكلب قبل مايصير لابني شي… . ياريت حسن هون لكان ساعدني الاقي طريقه ازيحه من طريقي… .. الضاهر هالمره رح الجئ للحل الصعب .وهوي الدم !!؟ *╚══════ღღ══════╝العضوة: 275918 , منذ 4 سنوات
رايح جاي قدام المخزن عم يدخن بشراهه وفكرو مشوش… ياترى شو كانت ردة فعل عوض وقت شاف الحجاب ؟ معقول رح يضحي ببنته كرمال ابنه ؟؟ رمى السيجاره من ايدو بعشوائية وفات لعند جمانه ليفرغ غضبه فيها وانصدم بس شافها واقعه ع الارض وفاقده وعيها تقدم لعندها بسرعه ورفعها وهو عم يخبط ع خدودها لتفيق ساري : جمانه جمانه شو صرلك فيقي انتفض قلبه فجأه وايدو على جبينها… حرارتها مرتفعه كتير والعرق جاهدها بكثره ساري : اكيد خافت مني وقت عملت حالي بدي اقتلها .. شو يلي عملته ياساري… معقول توصل معي استغل ضعف بنت لانفذ انتقامي من ابوها واخوها جمانه : لاتقتلني ارجوك تلفت عليها بخوف واضح ساري : مارح اقتلك جمانه بترجاكي اصحي مالت براسها على زنده وارتخت اطرافها ليرجع الخوف يتسلل لقلبه من جديد حملها بين ايديه وحطها عالتخت بهدوء وقام جاب زبديه كبيره فيها مي وكماده ثبتها على جبينها ساري : سامحيني جمانه سامحيني ماكان قصدي ادب الرعب بقلبك *╚══════ღღ══════╝ وعند عوض… . تناول مسدسه بعد مالبس تيابه وعمل بعض الاتصالات مع شوية بلطجيه وزعران… وتوجه بسرعه ليطلع من البيت ميسون : رايح ترجع جمانه التفت عليها بغضب : رايح احمي ابني وحيدي من عمايل بنتك اللي الحقد مالي قلبها ميسون : جمانه مالها زنب نحنا يلي… . عوض : اخرسي ومادافعي عنها قدامي بلعت السانها وسكتت وهي مطرقه راسها بالارض… كانت تخاف منه كتير وشخصيتها قدامه معدومه تركها ليكمل طريقه وقبل ما يوصل عالباب سمع دقات سريعه وصوت حدا بينده عليه الشخص : افتح يا عوض بسرعه فتح عوض الباب واتفاجئ بحسن واقف قدامه عوض : حسن ؟/؟ وين كنت ؟ حسن : مو وقت هالاسئله هلأ تعال معي بسرعه عوض : شو في ..؟ مارد عليه واشرله يلحقه ع سياره الشرطه مرت دقايق طويله بصمت عارم وعوض مو فاهم ليش اجا حسن وكيف ضهر فجأه بعد هالغياب… وشو بدو منه… حاول يسأل ويستفهم من المأمور يلي معه بس ماحدا فاده بشي واخيرا وقفت السياره وترجلو منها ليلاقي حاله قدام لافته مكتوب عليها بخط عريض #المشرحهالعضوة: 275918 , منذ 4 سنوات
بلش العرق يتصبب منه وينزل على جبينه وارتفعت درجة حرارته وانقبض قلبه من الخوف وهو ماشي ورى حسن بصمت ورعب حقيقي وصلوا لغرفه كبيره بارده مليانه ادراج كبيره وطويله… . عرف فورا من اول نظره انها ثلاجه للاموات… البروده الخاليه من الارواح سرت بكل خليه بجسمه المأمور : سيد عوض انت معي صحي عوض من شرودو واطلع بالمأمور بخوف : ايه مممعك بببس انا ليش هون حط حسن ايدو عكتف عوض وكأنه عم يواسيه حسن : انت هون لتتعرف على جثة عدي ترنح عوض وعشوي كان رح يوقع من طوله لولا انها ايدين حسن تلقفته ب اخر لحظه حسن : خليك قوي يا عوض واشر للمأمور يفتح التلاجه ويكشف عن وجه القتيل المأمور : هاد ابنك ياعوض اتجمد بصر عوض وجحضت عيونه وبلش يحرك راسه شمال ويمين ويصرخ : لاااا لااااا المأمور : يا عوض ركز منيح واحكيلنا هي جثة ابنك ولا لأ وقع عوض بالارض وتقدم منه مساعد الدكتور وساعد حسن انهم يسندوه… كانت ردة فعله متوقعه بالاخص لحسن حسن بخبث : رح ننتقم من يلي عملها بوعدك عوض وهو ماسك حسن من زندو وعم يبكي وينحب : عدي مات ياحسن… قتلو ساري ابن الحرام حسن : رح اشرب من دمه هاد وعد ياعوض جحضت عيون عوض وهو بيحاول يلقط انفاسه بس ماقدر… . كان الموت اسرع وتلقفه بسرعه لفظ انفاسه الاخيره ومال براسه على كتف حسن ميت ؟!!! *╚══════ღღ══════╝ فتحت عيونها بتعب وهي بتأن من شدة الحمى… رفعت ايدها عجبينها تتحسس الكماده ب ابتسامه كبيره جمانه : معقول ساري سهر على راحتي طول الليل جالت بحجر عينها ادور عليه بس مالقيته… وفجأه وصل لمسامعها صوت صرخاته الممزوجه بغضب… سندت حالها لتوقف بعد ماسمعت صوت شي انكسر بالغرفه التانيه… اكيد ساري معصب من شي… حكت كلمتها وهي حاطه دانها عالباب لتسمعه وهو بيصرخ ويكسر كل شي حواليه جمانه : ياربي شو صاير معه .. خايفه افتح الباب ويشوفني قدامه يعصب بزياده لا مارح يعصب ساري طيب بدليل اني ماهنت عليه وبقي سهران من خوفوا عليي مدت ايدها ب ارتجاف لتفتح مقبض الباب وقبل ماتضغط عليه انفتح الباب بقوه لتشهق من الخوف وتوقع ع الارض جمانه : انااا اسفه مما كان قصدي اتصنت عليك ماعطاها فرصه للتبرير كان بدو اي شي ليفرغ غضبه… انحنى بقامته قدامها وعيونه بتحمل نظرات ارعبتها ساري ببرود بيعكس الغضب اللي داخله : الك عندي خبر بمليون دولار اخوكي بالمشرحهالعضوة: 275918 , منذ 4 سنوات
ابتسم بشر وهو بيستنى ردة فعلها بصرخه مدويه تنطلق من حنجرتها وهو بيأشر ب ايدو على رقبته بعلامة الذبح وتابع كلامه بعد ما اندبح… . ويمكن تلحقيه عن قريب بعدت وجهها عنه وبين عليها التوتر وهي بتزحف لورى بخوف جمانه : وعرفوا مين قتله ؟؟!! انصدم من جوابها وفاجئته بسؤالها ومن قبلهم ردة فعلها… توقع منها شي ولقي شي تاني يصدمه ب اتجاه مخالف تماما حتى ردة الفعل الطبيعيه مابانت عليها… توقع انها تبكي وتصرخ وتمسكه من تيابه وتنعته بالقاتل… . كان مستغرب منها وهو بيطلع بتفاصيل وجهها وصوتها بسؤالها المتكرر… عرفوا مين قتله ؟؟ معقول تكون مجنونه ومالاحظ ؟؟ اشتعلت النار بقلبه ومسكها من شعرها وجذب راسها عليه ساري : انتي معتوهه ولاهبله… عم تسألي ازا عرفوا مين يلي قتله… ليش ماكون انا يلي قتلته 😡 حاولت تخلص شعرها من قبضته الحديدية ودموعها عم تتجمع بعيونها من شدة الألم جمانه : تركني كرمال الله عم توجعني ساري : غريبه انتي ياجمانه غريبه… ولامره فكرتي تهربي او تعانديني وتثيري غضبي… ملامحك البارده عم تخليني افقد عقلي هدوئك بيجنني… لك انتي شووووو جمانه : 😔 ساري : ياترى رح تكوني بنفس الهدوء وقت تعرفي انه ابوكي كمان مات جمانه بصدمه : ابي مات ؟؟ ساري بفرح وهو شايفها على وشك تنهار اخيرا قدامه : المسكين ماتحمل يشوف وحيدو مذبوح متل الشاه وطب ساكت هتفت بصدمه ونوع من نوع تاني… . جمانه : ابي مات ياساري مارد عليها… هو يلي انصدم من اللؤللؤ يلي عم ينزل من عيونها .. تركها وتراجع لورى وهو عم يأنب نفسه ومو عارف السبب ساري بقلبه : ليش رميت عليها كل هالاخبار دفعه وحده… كأني بحاول اختبر مشاعرها اتجاه ابوها ؟؟ شو عم تعمل بحالك ياساري… اساسا شو دخلني بمشاعرها تجاه هداك الزلمه الظالم… . انت فاشل ياساري فااااشل *╚══════ღღ══════╝العضوة: 275918 , منذ 4 سنوات
مرت كمان اربع ايام تانيه عليهم ماكان يطلع من المخزن كان عارف انهم عم يدور عليه بكل مكان بقي هادي ومايجبر جمانه على شي… بيفوت لعندها يحطلها الاكل والشرب ويطلع بهدوء وهو بيراقبها متكوره عحالها بفراشها لاعم تاكل ولا تشرب وبتبعد عيونها عنه كل مره بيقرب منها ساري : جمانه جمانه : ساري : لايمت رح تبقي على هالحال جمانه : مسك قطعة خبزه وغمسها بالمربى وقربها من تمها ساري : كرمالي تاكلي جمانه : ساري : ازا ما اكلتي انا كمان مارح اكل ورح موت جمانه : جمانه : عم اترجاكي جمانه شو ما الي خاطر عندك بدون ما تطلع عليه فتحت تمها وتناولت اللقمه من ايدو واكلتها ساري : اي هيك هه… يالله لحتى ناكل سوا وانا رح طعميكي ب ايدي بقي يطعميها ب ايدو وهو حاسس بفرحه انها اخيرا استجابتله ماكان بدو يزيد مرضها .. ويخسرها .. ساري : صحه وهنا… ازا رجعتلك عافيتك رح اطلق سراحك جمانه : حكا كلمته وتناول الصينيه قبل ماتتشبت بالكلمه يلي حكاها… مابدو يوعدها بشي لانه ازا وعد مستحيل يخلف جمانه : ليش ماكنت ترد عليي السلام ساري بدهشه : اي سلام ؟؟ جمانه : كنت كل يوم وانا راجعه من المدرسه اطرح عليك السلام وانت ماكنت ترفع راسك ضيق عيونو وهو عم يعتصر زاكرته ليتزكر شي من يلي حكته جمانه : اطلعت فيي مرتين الاولى وقت دايقوني الزعران وطلبت مني ارجع عالبيت والتانيه وقت كنت عم اركض بخوف من ابي بلش يتزكر… ملامحها ماكانت واضحه… الضاهر انه فعلا ماكان مهتم ليطلع عليها… كل اللي همه انه يساعدها وبس جمانه : لاترجعني عالبيت انا السبب بموت عدي ابي رح يقتلني ساري : فيقي جمانه .. ابوكي مات وانتي مو السبب بشي سكتت شوي وهو شايف دموعها عم تنزل بسخاء ساري : صدقيني انتي مو السبب جمانه… انا ما قتلت عدي وما حدا بيعرف مين يلي قتله فتحت عيونها ببطئ وهي بتطلع فيه نظرة ضياع جمانه : بعرف انك ما قتلت عدي… انا يلي قتلته… !!!! *╚══════ღღ══════╝ #يـــــتــــــبــــعالعضوة: 275918 , منذ 4 سنوات
#الـــــتوبـــــــه #الجــــزء_الـــعاشــــر #بقــــلمي_امـــــل_احــــمد_ســـــلوم *╚══════ღღ══════╝ بترجاك بعد عني عدي لا تقرب مني… بعد عني بعد عني كانت عم تبكي وهو بيدفع فيها لحفره كبيره مليانه تعابين براسين والنار عم تطلع منها بشكل مخيف… عم يبتسم بلؤم وخبث لحتى تحول وجهو لشيطان بشع كتير عيونه كبيره وانيابه بارزه من تمه .. عدي : موتي جمانه موتي جمانه : لا بترجاك اتركني بعد عني عدي : انتي السبب بكل شي صار انا رح اخد روحك معي دفعها بقوه ليختل توازنها وقبل ما توقع بالحفره مسك ايدها وسحبها لعندو عدي : مارح اخليكي تموتي انتي اختي كان عم يضغط على زندها بقوه والنار يلي بعيونو بلشت تنطفي اخيرا اتزكر انها اخته .. تبسمت جمانه ومدت ايدها التانيه لتتعلق فيه وتطلع من الحفره… عدي : قربي لعندي مارح ائزيكي جمانه : اخي خلصني يا اخي عدي : انتي اللي ياجمانه ورجع تحول لشيطان وهو عم يعمل نفس الحركات البشعه يلي كان يعملها وهنه زغار جمانه : لاااااااااااااااا اتركنيي بعد عنيييي عدي : مووووووتي جمانه ترك ايدها لتوقع بالحفره والظلام عم يبلع صرخاتها المخنوقة جمانه : لااااااااااااا ساري : انتي منيحه… . جمانه ردي عليي فتحت عيونها فجأه وهي عم تلهث وبتطلع بوجه ساري بخوف والعرق عم يصب منها صب جمانه : لاتخليه ياخدني خليه يبعد عني مسكها من كتافها ليهديها ورجع راسها عالمخده ساري ; مارح خلي حدا يلمسك.. هاد كان كابوس وانتهى بلشت تهدا شوي شوي وهي بتحاول تضبط نفسها جمانه : ماتركني وهو عايش وماعم يحل عني وهو ميت 😔 حاولت ترفع ايدها لتمسح عرقها وحست بوخزه تلفتت لايدها لتلاقي ابره طبيه بعروقها وفوق راسها محلول مغذي جمانه : كيف عملت هيك ؟؟ ساري : مو مهم .. المهم انك هلأ بخير جمانه : شكرا ساري انت كتير طيب ابتسم بود وحكا بهمس : ماحدا غيرك شايفني طيب جمانه… ارتاحي لاحضرلك شي تاكليه بس لاترجعي تنامي جمانه : طيب طلع من غرفتها الصغيرهالعضوة: 275918 , منذ 4 سنوات
وهو حاسس براحه انها اخيرا وعيت عحالها من بعد ماوقعت مغمى عليها ونبضها عم يضعف وتهذي بكلام مو مفهوم وعبارات مبتوره ماغفل عنها لحظه ومن خبرته يلي اكتسبها بالسجن قدر يحطلها ابرة المغذي بوريدها لحتى ما تموت… كان طول الليل يقعد حدها يسمع وناتها وهي بتشكي همها من وسط كوابيسها يلي ابطالها عدي وابوها… كانت ضايعه مرعوبه كرهانه نفسها وحياتها بشكل غريب كان عم يحضر العشا ويسترجع بعض الكلمات يلي كانت تحكيهم بكوابيسها ساري : ليش كانت تصرخ وتطلب من عدي يبعد عنها ؟؟ ياترى شو السر يلي مخبيبتيه بقلبك الصغير ياجمانه وبعد دقايق رجع لعندها وحط صينية الاكل بحد تختها وساعدها لتتجلس وبلش يطعميها ب ايدو جمانه : كيفا امي كلمة امي بتخلي كل خليه بجسمه تنتفض .. حط اللقمه من ايدو وزاح نظرو بعيد عنها ساري : امك منيحه لا تقلقي واهتمي بصحتك هلأ جمانه : اااه امي امي ساري : شو صرلك جمانه خاف انها ترجع تنتكس من جديد قرب منها ومسك ايدها بحنيه : صدقيني امك منيحه… فتحي عيونك جمانه جمانه : كل يلي عملته اني دافعت عن حالي وشرفي… والنتيجه كانت بعدوني وطردوني وحضنوه… . لو اني تركته يعمل فيي يلي بدو ياه لكانو قتلوني وتركوه… بكل الاحوال هنه ماحبوني… . توسعت عيون ساري من يلي سمعه .. وقرب منها اكتر ليفهم كلامها بوضوح ساري : جمانه شو عم تحكي ؟؟!! عدي كان بدو…… ؟؟؟!! فتحت عيونها بضعف ونظرتله نظرة استغاثه جمانه : حميتني مره من كلاب الطريق ومره من بطش ابي .. كنت بتمنى تاخدني معك عالورشه لتحميني… بالشارع في كلاب وبالبيت في عدي يلي كان يشاركني غرفتي نفسها كلامها خلا ركبه تضرب بالارض بقوه .. وكأنه جثى قدامها ليعتزر منها… ماقدر يساعدها بالماضي ولا ينتقم بالحاضرالعضوة: 275918 , منذ 4 سنوات
ساري : لهيك كنتي عم تركضي بهديك الليله جمانه : يومها ابي حلف ازا ما رجع ابنه رح يقتلني خفت وهربت بدون وجهه خطواتي بدون اراده ساقتني لعندك مابعرف ليش ساري : انا اسف… كان لازم افهم منك مالك جمانه : مابيكفي انك انسجنت يومها بسببي… شو كان طالع ب ايدك ساري هنه حكموا عليي بالموت ساري : انا هلأ اقتنعت اني استحقيت السجن .. ياريت سمعت وجعك… كنت ممكن احاول اساعدك وازا ماقدرت… كنت رح اتزوجك ارتجف قلبها وتعلقت عيونها بشفايفه وهو بينطقها… تمنت لو الزمن يرجع كانت رح تخبرو كل شي … ساري : اسف لموت ابوكي كأنه تناول محايه ومسح عبارته السابقه عن الزواج من راسها… . لترجع عيونها تذبل من جديد وتنتضم الخفقات يلي كانت رح تفضح سرها الصغير جمانه : هو مامات… هو ماحب يترك عدي وحدو… طول عمرو واقف معه بيصحح اخطائه حتى بالموت اختارو الو صفن فيها لبرهه… هو فاهمها .. مين غيرو يفهم ازا ما فهم هو… هو متلها عانى بحياته من بطش ابوه وظلمه… . هي متله بالضبط غير انه عندها ام يمكن تكون بحاجتها اكتر من اي وقت جمانه : حتى بعد طردي من البيت ما اكتفى عدي باللي عمله… كان يتربصلي بالطريق وانا راجعه من شغلي ورايحه لبيت خالتي لياخد مني كل شي بالغصب والقوه ساري : ليش ما استنجدتي ب اهل الحاره جمانه : اطلع فيها ليفهم ليش سكتت .. ماكانت عم تحكي معه .. كانت مسبله عيونها وبتحكي من داخلها بمنامها… كانت صاحيه ومو صاحيه… حاسه فيه حدها .. بس كل شي حواليها بيوحيلها انها بحلم جمانه : كل هديك السنوات وهو بيتربصلي… مافيي انسى وقت انحكم عليك بالسجن اجا قدامي وثبتني بقوه لحتى التزق جسمي بالحيط… كانت عيونه مخيفه وشفايفه عم تنطق كلمات توعد… . مارح اتركك ترتاحي ياجمانه طول ما انا عايش… . رح تدفعي الثمن ساري : لهيك قتلتيه ؟؟!! لحتى ترتاحي جمانه : موته ماكان يعنيلي شي ياساري انا ماعم ارتاح منه حتى وهو ميت بعد مانطقت اسمه اتأكد انها مو نايمه وعم تحاكيه… بتقص عليه حكاية سندريلا جديده .. وبالرغم لمعرفته انه مابيصلح يكون بدور الامير لكنه متأكد انه بيقدر يكون ساحر .. ومارح يكون بخيل متل الساحره يلي بالحكايه ابدا … 🍁🍂 لن يمنحها دقات ساعة منتصف الليل فقط سيمنحها دقات اخرى لن تتوقف مادام فيه نفس يتردد 🍂🍁 *╚══════ღღ══════╝العضوة: 275918 , منذ 4 سنوات
جميله : كيف صرتي ياميسون مسيون : كيف بدي كون يا جميله…. انا انكسر ضهري جميله : وحدي الله اختي واطلبيلهم الرحمه غمرت وجهها بين ايديها وفاتت بنوبة بكا… حاولت تكتم شهقاتها ماقدرت… المها عم يعتصر قلبها ويفتته لاشلاء مسيون بصوت مخنوق : الله يرحمهم ويسامحهم… كل يلي صار بسبب عوض خسرت بنتي وابني وخسرته انا مابقيلي حدا يا جميله جميله : وانا وين رحت اختي… . قومي الله يحن عليكي وكلي لقمه تقيت قلبك صرلك اربع ايام ما اكلتي شي ميسون : مالي نفس لشي اختي جميله : برحمة امواتك تاكلي ولابدك تموتي وتتركي جمانه لحالها ميسون بحسره : ليش جمانه رح تطلع بوجهي بعد كلشي صار جميله : جمانه مافي اطيب من قلبها وبتحبك ادعيلها الله يردها لحضنك بالسلامه ميسون : مابدي ياها ترجع… خايفه عليها… هيه مع ساري ب امان جميله : والله هالولد طلع زكرت وقد حاله ميسون : نحنا ظلمناه اختي ظلمناه كتير جميله : اااخ ياخيتي… حبكم لعدي عمى ع قلوبكم وبصيرتكم وهه شوفي شو النتيجة ميسون : ندرا عليي بس شوفوا لابوس ايديه واجريه واطلب منه السماح جميله : المهم يبين … نسيانه انه عوض لبسه تهمة خطف جمانه و الشرطه عم ادور عليه ميسون بخوف : وشو الحل هلأ… يعني ساري مارح يضهر جميله : يلي كان بدو ينتقم منهم راحو لرحمة ربهم… وهلأ لازم ندعي انه يبقى محافظ على انسانيته ومايئزي جمانه ميسون بقلة حيله : يااااارب احميلي بنتي ياااارب *╚══════ღღ══════╝ ماعرف كم مر من الوقت وهو قاعد حد تختها ساند ضهرو عالحيط ومغمض عيونه… مابيفتحهم الا ازا كانت تفيق بلحظات من كابوس جديد بتعيشه بحلمها وترجع تنام من جديد كل كلمه سمعها كانت سبب انه يلعن نفسه لانه مادبح عدي ب ايديه جمانه : امي… امي اعتدل بقعدته واطلع فيها بسرعه خايف تكون عم تشوف كابوس مرعب من جديد بس هالمره كانت عم تبادله النظره… هالنظرات اوحتله انها ماكانت واعيه لكل كلمه حكتها… . ساري : انتي منيحه جمانه : لو سمحت بدي اطمن على امي ساري : قلتلك امك منيحه لاتشغلي بالك تنيناتهم عارف انه عم يكزب .. بس مافي قدامها حل الا انها تصدقه ساري : بعد ماترجعلك عافيتك رح رجعك لعندهاالعضوة: 275918 , منذ 4 سنوات
ماردت عليه وزاحت نظرها بعيد… بينما ساري طلع من الغرفه بسرعه قبل ماتتشبت بالامل هو هلأ بحاجتها… بحاجة انه يعرف شو مخبيه كمان من اسرار غير يلي حكتهم بهلوساتها محتاج يتأكد منها وهي بوعيها انه كل شي حكته صحيح ولا كانت مجرد كلمات اطلقتها بدون وعي *╚══════ღღ══════╝ بجهه تانيه في قلوب مشبعه بالحقد والكره مابتكل ولابتمل وهي بتحيك المكايد وتحط عراقيل بدورب غيرها كان حسن واقف قدام المراي عم يطلع بوجهو ويتحسس الندبه يلي تركت اثر واضح بجبينو…من بعد هداك الحادث . كز على اسنانه وشاطت عيونو ب السنة النار حسن : مارح تنطفي ناري لحتى اشرب من دمك يافاجره تناول موبايله وقلب بين الارقام وضغط على زر الاتصال واستنى الرد حسن : ربيع نفذ يلي طلبته فورا… ربيع : امرك معلم نزل الموبايل وهو راسم على وجهو ابتسامة مكر وخبث حسن : وهلأ لنشوف غلاوة امك عندك ياجمانه ههههه *╚══════ღღ══════╝ مدت ايدها ب الم وهي بتجذب اجرها وتتحسس القيد يلي عم يدايقها… لكن قبل ما توصل لاجرها. مسكها ساري وشد عليها واتسلطت عيونهم ببعض جمانه : انا… . ساري : لاتحكي شي كانت على وشك تحكي انه القيد مدايقها وقبل ماتفتح تمها سمعت تكة الحريه… وحست بالالم اللي بيخلف القيد تبسمت اخيرا واطلعت فيه بفرح ساري : وهلأ ممكن تاكلي هزت راسها بالايجاب وتجلست بتختها براحه وبلشت تتناول لقمها وادسها بتمها بنفس مفتوحه وكأنه القيد كان قابض على معدتها ساري : شوي شوي رح تغصي جمانه : جوعانه كتير ساري : الاكل مارح يهرب كلي على مهلك بقيت جمانه تاكل وتاكل وساري صافن فيها بيحاول يترجم هالانسانه يلي قباله ساري بقلبه : نفسي افهمك جمانه… اوقات بحسك ضعيفه وهشه واوقات قويه وصلبه… كيف فيكي تجمعي كل هالصفات بقلبك الصغير ساري : خلصي اكل على مهلك وجهزي حالك نزلت اللقمه من ايدها واطلعت فيه ب استغراب جمانه : اجهز حالي لشو ؟؟ ساري : موعد اطلاق سراحك حان ولا عجبتك الاقامه هون وحبيتي دور المخطوفه وحابه تستمري فيه تبسمت جمانه واردفت بثقه وقوه بتعكس ضعفها وخوفها من الهجر يلي عم يلوح قدامها : انا كنت متأكده انك مارح تأزيني ساري : انتي مابتعرفيني جمانه انا متل مابيحكوا رد سجون جمانه : انسجنت لانك انسان شهم مو لانك مجرم… ساري : انا مجرمالعضوة: 275918 , منذ 4 سنوات
جمانه : لاتحاول تقنعني بشي انا متأكدة منه… انا بعرف كلشي ساري بالليله يلي اخدتني على بيتك ما بعرف كيف غفيت عيني فجأه وصحيت على صوت حدا عم يحوم بالغرفه… بالبدايه فكرتك رجعت بس بعدين شفت اتنين واقفين قدامي وبعيونهم الشر .. حاولت اتملص لكن بدون فايده… كانو اقوى مني وسببولي بكسرين واحد ب اجري والتاني بايدي ولما فقت تاني يوم بالمشفى سمعت حديث الممرضات بين بعض واني جيت هون بحالة اغماء بعد ما حاول شابين يغتصبوني وتعرضت للضرب… ومن حظي الحلو انهم مالمسوني والعقل المدبر يلي هو انت تم القبض عليه ساري : وصدقتي جمانه : ولا عمري بيوم صدقت انك ممكن تعمل شي يئزيني… حاولت اشهد لمصلحتك ضربني ابي وعدي بدون رحمه وخلوني ابصم عالمحضر بالقوه ساري : انا تحملت السجن كرمال ماحدا يمسك بسوء انسجنت اول ظلم وتاني مره ظلم وبالمرتين كانو نفس المتآمرين جمانه : بالمره التانيه ماكنت وحدك… كنت معك ساري : معي جمانه : انا كمان انحاكت ضدي مؤامره من نفس الاشخاص وانحبست اربع سنوات بس يمكن بستاهل اللي صار فيي 😔 ساري : ليش شو صار نزلت دمعه من عينها وهي بتتزكر هديك الايام.. كيف خدعتها نهى وانحبست وبس طلعت انهارت بعد ماسمعت انه ساري انحبس وراحت لعند ابوها تحط حد لكنه لبسها محبس انور بالقوه… لتتحول لبنت ليلالعضوة: 275918 , منذ 4 سنوات
جمانه : ممكن نأجل هالموضوع لبعدين ساري : متل مابدك مارح اجبرك على شي وهلأ قومي لاخدك عند امك… ما اشتقتي لامك مسكت ايديه برجاء ودموعها بعرض وجهها جمانه : بترجاك مابدي ارجع خليني هون .. انت مو عارف شي مو عارف شي ساري : انا بعرف كل شي جمانه… بهلوساتك حكيتيلي حكايتك من الالف للياء… ماتخافي عدي ماعاد موجود ومافي شي رح يئزيكي جمانه : عدي موجود بكل شي حواليي بصاحب المصنع وبياع الخضره بالباصات… هو موجود بكل شخص بقابله… كلهم عدي… مسحت دمعتها بكفوفها وكملت كلامها جمانه : انا بدي ابقى هون ساري انا هون ب امان هون مافي نظرات مقززه ولا عبارات مهينه بتخليني اكره كوني انثى… ساري : بس انا خطفتك وعاملتك بقسوه و… جمانه بعجل : انت ماخطفتني ساري انت انقذتني منهم كلهم .. حتى وانا ب اسرك حاسه ب ادميتي واني ب امان… .. بتعرف شو بيعني الامان لاي بنت ؟؟ يعني كل شي كل شي ضغط على اضراسه بينما حلقه عم يتشنج اكثر وهو بيقاوم رغبته ب احتوائها .. كان نفسه يضمها لصدرو بكل قوه بس ليحسسها بالامان… لكن مستحيل يعمل هالشي… مستحيل يكون متل عدي او اي كلب من كلاب الشوارع .. حتى لو اختلفت اسبابه ونواياه ساري : قومي جهزي نفسك خلال خمس دقايق رح نغادر هالمكان رفعت راسها واطلعت عليه ماكان شايف عيونها من كتر دموعها جمانه : وانت وين رح تروح ساري : الشرطه عم بدور علي بكل مكان… انا متهم بخطفك وقتل عدي جمانه : بس انت ماخطفتني ولاقتلت عدي ساري : الشرطه مابتتعامل بالعواطف جمانه القانون بدو ادله ملموسه وانا مابدي ياكي تتبهدلي معي .. ارجعي لحضن امك واذكريني بدعوه بصلاتك هم ليقوم من مكانه ومسكتله ايدو بقوه جمانه : وانا عندي دليل برائتك قدام الشرطه وقدام كل الناس… انا شفت كل شي وصورته بموبايلي صوت وصورة ضغط على ايدها بدون ارادته ب انفعال… ماعم يصدق انها شافت كلشي صار ومعها دليل وسكتت كل هالوقت وتركته يقيدها ويحبسها ويروح يدور على عدي وهي بتعرف انه ميت ؟؟ ساري : احكي كل شي جمانه بدي القصه من اولها *╚══════ღღ══════╝ #يــــــتــــــبع (◕‿◕✿)