ما ادري لازم اتكلم عن تعبي و صبري او عن حبي له. عندي ولد عمره ٦ سنين كنت صغيره. و قررت ما افكر بالحمل الا بس انضج و اكون جاهزة. قعدت ٥ سنين و قررت بإذن الله الحمل و توكلت على الله. حملت الحمد لله استمر حملي طبيعي ل ١٦ اسبوع بعدها صار معي نزيف باليوم السادس من هالاسبوع، كان عندي subchorionic hematoma تجمع دموي خلف المشيمه بسبب انفصال المشيمه بسبب تجلطات مجهرية بالمشيمه. لا تظهر بالسونار العادي، تظهر بفحص الدوبلر. استمر النزيف للاسبوع ٢٠ من الحمل؛ بالاستمرار على المثبتات سواء ابر او تحاميل شرجية. بعدها اختلفت القياسات للجنين، و صار اقل من الطبيعي باسبوع و وصلت لنهاية التاسع مع ابر الرئة اكيد ابرتين؛ احترازيا لحتى ما يصير معي ولادة مبكره. القياسات قياسات جنين عمره ٢٩ اسبوع المهم قلت اهم شي يطلع بصحه وعافيه و ارتاح لاني جدا تعبت و ربي يعلم .( جاهدت جاهدت جاهدت فيه. بيني و بين حالي عادي اهم شي ييجي احلى بيبي و اعطيه اجمل طاقة امومه لاني كنت جاهزة و مليانه طاقة). اجا حبيبي ورد بعد ولاده ١٢ ساعه طبيعي بالتحريض الطلق الصناعي لانو ما يكبر جواتي والمشيمه أصابها شيوخه؛ لهيك الدكتوره حكت لازم يطلع و يكبر بالحليب ( لانه كل فتره التاسع ما زاد الا ٢٥٠ غرام) اول ما اجا ما بكى قوي، بكاء صامت لكن ما شاء الله عليه، يا الله شو طنت سعيده و بقمه السعاده اني انتصرت اخيرا على كل المعاناه والتعب و و و يعلم الله . طلعت من المستشفى بعد ٢٤ ساعه من الولاده. بلشت عليه اعراض صفار. قلت عادي كل الأطفال هيك، ضل يزيد لليوم ال ٥ صارت عليه الفجر حراره ٣٨ (وما كان يبكي لحتى يرضع او غيره ولا كان يرضع قوي و لا يفتح عيونه كثير، ما كان جاهز حيويا مثل اي طفل يجنن الدنيا بأول أيامه) قلت يمكن من الغطى كثير عليه و مدفيته زياده ثاني يوم نفس الشي حرارته ٣٨ بوقت الفجر أخذته فورا على المستشفى؛ حكوا دخول فورا، نسبة الصفار ١٨ ونص حطيته بالكبسوله الإشعاع العلاجي ١٢ ساعه و كانت تنزل النسبه واموره ممتازة والحمد لله، فجأه الصبح ثاني يوم( طبعا بوقت ما أخذته على المستشفى وانا ابكي كأنه توفى، بكاء غير طبيعي؛ قلبي يوجعني و حاسه اني مش متطمنه عليه ابدا ابدا ، روحت عند اهلي قلت مستحيل اروح البيت بدونه ،مستحيل اشوف التجهيزات فرحا فيه وبالاخير ما يكون معي) رحت عند اهلي و ما نمت طول الليل الا من التعب والبكاء نمت نص ساعه ، استنيت الصبح يطلع عليّ وانا ابكي وادعي الساعه ٩ نمت شوي من صوت القرأن بالبيت ارتحت على الساعه ٩ ونص صحيت من حلم يخوف جدا وقلبي نقزني💔 توفي حبيبي و شفيعي على الساعه ٩ و ٣٥ دقيقه. على ال١٠ ونص رن زوجي و خبرني 💔 سكتت و قلت الحمد لله انشلع قلبي بدون ما احس ما قدرت أشعر بشي ابدا بس ضميت حالي و نمت على التخت و قلت اللهم اجرني في مصيبتي واخلف لي خيرا منها 💔 والحمد لله رب العالمين ربي لا حول لي ولا قوة الحمد لله والان بعد ٦ شهور من الثقه بالله و انا انسانه جدا مؤمنه بأن امر المسلم كله خير. من أركان الإيمان : الإيمان بالقدر خيره و شره انا الان بالاسبوع الخامس من الحمل لكن نزل علي نقط دم مع افرازات بعد العلاقه و يا رب يتمم حملي على خير. لكن اي شي يقدملي اياه ربي راضيه فيه والحمد لله لان عوض الله اتٍ وانا كلي ثقه. ادعولي امانه دعوه كلها انسانيه باختكم المسلمه.