العضوة: 1871325 , منذ ساعتين

حسب كيف و لادتك و صحتك وقتها فيه من تقدر بعد ٣ ايام و فيه من تطول حاولي لو تعب على امك اجلسي بيتك و اطلبي عامله مقيمه من تطبيقات او زوجك يساعد ياخذ اجازه عمل

العضوة: 1431381 , منذ ساعتين

ع الاغلب بس اول يومين تكوني متعبة ومالك خلق اساسا تقومي تكوني فرحانه بنفسك و بالبيبي الجديد انك قمتي بخير و سلامة طبعا اذا ولدتي طبيعي و طبعا تقدري تتحركي و تقومي مافي شي يمنعك حتى لو معاك خياطة ،، في حال حدث خياطة او مافي خياطة امشي بخطوات متقاربة و لا تسوي حركة فجائية تفتحي فيها رجولك و اجلسي بهدوء و لاتضغطي المنطقة اذا جلستي و باقي امورك تمام في الحركة بركة وما يمنع او يخوف من الحركة

العضوة: 1282934 , منذ ساعتين

يا عمري الله يعينك والله النفاس تعب بالذات اول اسبوع تحتاجين اللي يقوم فيك لانك تكونين مجهده ومرهقه بس حاولي تسوين أشياء تخفف عليك بعد الولاده مثل تنظفين وترتبين ترتيب عميق ما يبقى عندك بعدين بس غسيل الملابس وحاولي تفرزنين لك وجبات بس تطلعين تسخنينها وتاكلين لان جسمك يحتاج تغذيه لازم ما تفضى معدتك أبدا عشان ما يجيك هوا وتتعبين بعدين لازم كل ساعه تاخذين لك شي اما حليب وفلفل اسود ولا حلبه مع تمر ب أعشاب اللي هي كرات التقويه ولازم وجبات مشبعه

العضوة: 1820635 , منذ ساعة

@user-1871325 مانقدر بسبب الظروف 😢

العضوة: 1820635 , منذ ساعة

@user-1282934 ان شاءالله يقلبي بس وش افرزن يعني عادي اوقف واسوي عريكه لنفسي وكذا ولا الوقفه غلط عالنفاس أنا لسه جديده في الامومه واحس ابغا اهتم بنفسي مرا وخايفه محد يهتم فيني

العضوة: 1820635 , منذ ساعة

@user-1431381 ان شاءالله اولد طبيعي 🥺

العضوة: 1914069 , منذ ساعة

@user-1820635 ياعمري هونيها وتهون وعادي ترا اذا ولادتك طبيعي ارتاحي اول كم يوم نظفي بيتك قبل الولاده بيتم نظيف كم يوم وبعدها اشتغلي بس لا تضغطي على نفسك اول ماتحسي تعبتي ارتاحي وصدقيني ايام وبتعدي اهم شي سلامتك وسلامه النونو

العضوة: 1820635 , منذ ساعة

@user-1914069 ان شاءالله يارب 🥺

العضوة: 1871325 , منذ ساعة

اصعب شي كان الطفل العنايه فيه عشان كذا رتبي اغراضه كلها بمكان واحد عن التنقل طاوله غيار مرتفعه رتبي. فيها عده الغيار هندول قريب منك اغراض الرضاعه مرتبه على طاوله رتبي عده الرضاعه ملابسه

العضوة: 1914069 , منذ ساعة

@user-1820635 والله لا تشيلي هم ابد بتتيسر واهم شي الاكل فرزني اكلات واذا جعتي سوي اي شي شوربه مرق مو لازم شي متعب اهم شي ماتجوعين اهتمي باكلك وراحتك

العضوة: 1820635 , منذ ساعة

@user-1871325 ان شاء لله يقلبي مرا تسلمي

العضوة: 1820635 , منذ ساعة

@user-1914069 يارب مشكوره ع كلامك🥺❤️

العضوة: 1864626 , منذ ساعة

الله يقومك بألف سلامه حاولي تولدي طبيعي انا مريت بتجربتك كنت فغربه ووحيده لاكن ربي ساعدني الحمدلله ابتعدي عن الرز وسويلك مرقه كل يوم مفيده جدا وسهله جدا وتمر وقشر قهوه أسبوع وانتي طيبه

العضوة: 1282934 , منذ ساعة

ابعدي قد ما تقدرين عن الرز لانه ما يسد ولا ينفع للنفاس ما غير ينفخ لك البطن واستخدمي الخبز الأسمر افضل ب كثير من الابيض واحرصي يومياً يصير غداك مرقة او شوربه وضروري يكون فيها لحم او دجاج وجبة الفطور ضروريه قومي الفجر افطري لا تقولين بنام واذا قمت افطر هذا يسبب هواء الأرحام راح يبهدلك بعدين افطري وارجعي نامي واذا قمتي قبل الغدا خذي لك كوب حليب وحلبه مع تمر معجون ب سمن او زبده وأعشاب ( رشاد وحبة سودا وكمون ويانسون وشمر وسمسم ) اعجنيه وسويه على شكل كور وتقدرين تعجنينه قبل الولاده وكثري منه عشان ترتاحين بس حطي كميه قليله ب العلبه وغلفيه زين عشان ما ينشف من الهوا وبعدها تغدي وبعد صلاة العصر سوي لك قهوه قشر وأعشاب وخذي معها كم حبة تمر وبعد المغرب تعشي وقبل تنامين ارجعي خذي لك كوب حليب مع فلفل اسودوفلفل ابيض او حلبه وكم كورة تمر وابعدي عن اي شي حامض برتقال ليمون مشروبات غازيه او اي شي بارد والبامية والموز بعد ما تصلح لا تأكلينها ب نفاسك ولا تكثرين بهارات ب الاكل .. فيه خلطه حلوه تسوينها تطحنين رشاد وحلبه وماش اخضر وتحطينها ب علبه وتاخذين منها ملعقه مع الحليب يقولون حلوه مره للجسم وللرحم تشده وتعوضك عن تعب الحمل

العضوة: 1282934 , منذ ساعة

واذا ولدتي طبيعي بخير وسلامه من ثاني يوم البسي مشد والشراب والشال والسروال الطويل لازم ما تجلسين بدونها ابد ولا تنامين قدام المكيف احرصي مره كلها أربعين يوم وترجعين مثل اول وازين .. وبالنسبه للأكل المفرزن سوي اللي تقدرين عليه حتا لو سمبوسه كبه حشوات للبشاميل تكون مطبوخه وجاهزه تطلعينها بس وتحطينها ب الصينيه وتدخلينها الفرن وجهزي دجاج قطعيه وتبليه ب تتبيله اللي تحبين مثلا بروستد او مشوي اللي تبين صينية خضار ودجاج