السـلام عليكم ورحمـة الله وبركـاته
كيفكم بنـات .. واه زمان مااسوي مواضيع بالعام احسني جديده 😂🤍
واضح من اسـم الموضوع انو راح اتكلم!
لا والله ماراح اتكلم راح اسئل عن الولادة القيصريـه 😂😅
هذي ثانـي ولادة ليـا بأذن الله راح تكون قيصري (اول ولادة كانت طبيعيـه مع ابرة الظهر كانت ولادة ميسره من ربنا الحمدلله)
هالمره علشـان حامل بتوأم ووضعياتهم ماتسمح للولادة الطبيعيه للاسـف ولا كان امنيتي ارجع اكرر ولاده طبيعيـه وتكون نفس الاولى 🥺🤍
بس الحمدلله رب العالمين اكيد خيـره ليـا ولأجنتـي🙏🏼🤍
والله هرجت كثير واضح متوتـره من القيصري 😂😅
المهم نحتـاج تجاربكم للولادة القيصري (الايجابيـه) جزاكم الله خير مو ناقصين جالسين يادوب نجمع طاقـه ايجابيـه😂🤍
اذكرونا معلومات ماقد احد ذكرها لكم وتفتجئتوا فيها .. مثلاً هل فعلاً يربطوا يدكم وقت الولادة 😅!!
بعد الولادة بفكروا القسطره ثاني يوم ولا بعد كم ساعـه .. اول مشيه متعبه بس مو نفس الطلق والموت نفس مانشوف النات كاتبين مو!😪
امممن ايش اهم شيء استفدوا منـه وشلتوه بشنطتكم بالمستشفى هل شلتوا معاكم شمر او يانسون كثير يقولوا اشربوا وراح ترتاحوا من الغازات
وكمان التمر مع حب الرشاد ماشاءالله الكل يمدحه
تحاميل الجلسرين قالوا تساعد على طرد الغازات وتريح
والمهم متى فعليـاً تقدروا تقوموا من نفسكم ويخف الالم كثيييييير 🥲
حاليـاً انا بالاسبوع ٣٤ و يوم تقريبـاً الرحم بداء يفتح بس طبعاً دكتورتي علشان جداً مهتمه بالاجنه قالت اباك تاخذي اسبوعين علشانهم اما اذا جاتك ولادة تقدري تدخلي ولادة عاجله .. بس خلينا نصبر بس اسبوعين علشانهم 🥺🤍🤍
يـلا خلونا نشوف تجاربكم واشياء مهمه جداً ساعدكم ع انو مايكون في الم كثير
صح سؤال مهم جداً كثير قريت ع المشد الخفيف جداً واشوف استشاريات بالمواقع الاجتماعيه يقولوا عادي تستخدمه علشان يشيل بطنكم عن الجرح
مين استخدمت مشد خفيف لطيف تذكر لنـا كمان 😂😅
واعتذر جداً ع الموضوع الطويل بس نحتاج خبره ومعلومات منكم .. والله يسهل لكم ويرزقكم ماتتمنوا يارب العالمين🙏🏼🤍
العضوة: 521209 , منذ سنتين
لما مشيتي كانت القسطره موجوده ولا؟ اول قومـه هذي اللي افكر فيها واحاول اقوي نفسي واحاول اتذكر الطلق بالطبيعي اقول ممكن نفس الطلق 😂😅 العصير لازم تفاح؟ مدري شفت وحدة تقول كذا او اي عصير عادي ! الحمام والاخراج احسها ثاني شيء مرعب بعد اول قومـه😂 طيب يعطوكِ حبوب وتحاميل للاخراج كويسه ولا كمان انتي تجيبي معاكِ اه صح السؤال مهم هل اخذتي معاكِ شمر ولا يانسون ولا اهلك جابولك شيء حسيتي استفدتي منه كثير؟العضوة: 1019655 , منذ سنتين
التحميلة ادوني هيا قبل لا امشي عشان اطر اقوم وامشي... دوا الغازات اخدته الصراحة معيا وقولت لهم حاخده قالوو خديه عادي لين ارتاح من الغازات اخدت كم يوم... المجلب حقنا مافيه حليب عبارة عن أعشاب مجمعة امي تسويها لنا بنفسها ماتاخده مجمع من العطار... موجود فيه شمر يانسون كراوية قشر بن عناب ورد مجفف قرفة حلبه هيل حبشي امممممممم الحليب مرره ابعدي عنه واي شي يسبب غازات لك اولا و ثانيا لو بترضعي طبيعي البيبهات..العضوة: 945748 , منذ سنتين
ايوا تفاح لاعادي الحمام تخليك تجلسي بوضعيه معينه بالحمام تكون مريحه نسيبا اكيد تعلمك الممرضه انا انطوني حبوب الفحم بعد ماطلعت من المشفا بس انا جلست اشرب عصير برتقال طازج لا اهلي جابوه بعد ماولدت ايوا طبعا يريحك مرررررره الشمر واليانسون انا ماجبت معي شي رحت المشفا على اساس اشيك وارجع البيت ولما وصلت عندهم بدا الطلق معايا ودخلوني عمليةالعضوة: 945748 , منذ سنتين
@user-521209 القسطرة كانت موجوده بس اول مرة قومتني وداني الحمام بعد العمليه باربع ساعات بعدين ودوني غرفتي وبعدها بكم ساعه شالو القسطرة وقالو لازم تمشي كثير لاتجلسيالعضوة: 1092718 , منذ سنتين
انا ولدت ثلاث عمليات قيصريه واللهم لك الحمد ماشاء الله كانت ميسره ومسهله بفضل من الله وتحسي بألم بعد مايروح البنج بس الم محتمل وكل ما زاد الالم عليك اطلبي مسكن وانتي كمان لازم تتحملي فترة ساعات وتروح ثاني شي والاهم الاهم الاهم ونصيحه من قلبي اول ماتحسي نفسك اتسكن الالم وراح البنج طبعا وريحتي كم ساعات اليوم الثاني قومي امشي اشوي اشوي ودوري على الدور كله وخلي احد يساعدك كل مامشيتي كل ماقمتي بالسلامه اسرع وباقي الاشياء لاتخافي منها هم مهتمين فيك وربك ييسر سبحان .. وامانه لاتنسيني من الدعاء اذا ولدتي انه ربي يقومني بالسلامه انا والبيبي لانها القيصريه الرابعه ويارب اكون طمنتك 🌷العضوة: 1092718 , منذ سنتين
النيرس يتناوبون ويعطونك الحبوب حق الغازات والتحاميل وحتى لو حسيتي بكحه خفيفه اطلبي من الدكتورره علاج كحه وكل شي بخاطرك اسالي النيرس يتجاوبون معك وربي يسخرهم لكالعضوة: 1092718 , منذ سنتين
وانصحك بالبنج النصفي تعبه واثاره اقل بكثيررر من الكاملالعضوة: 1101623 , منذ سنتين
سبحان الله أنا أولد قيصري وطارئة بس ابدا م اهتم لكلام البنات السلبي اللي يقولون تعب وكذا وكنت لحالي بدون مرافق والحمد لله كانت سهلة لان انا قلت إنها سهلة حتى اللي معاي بنفس الدور كانو يطالعوني وأنا أمشي ويوقفوني يقولون متأكدة انتي ولدتي قيصري؟ولدتي متى؟ويجلسون يذكرون الله ويقولون كيف نظامك؟اما عمليتي الثالثة كانت مخططة يعني رحت اتنوم قبلها الحمد لله أهم شيء التفاؤل هو نصف الشفاء طبعا تصومين قبل العملية بثمان ساعات عن الاكل والشرب والافضل معاك قران وخاتم تسبيح عشان تنامين وانتي تستغفرين وبعد العملية خلي راسك متساوي مع جسمك عشان الصداع وممنوع الاكل والشرب وانا طبعا آخذ علك منتوس وآكله يكون بدون سكر وعشان ماينشف ريقي وماأحس بعطش ورح يسمحون بالاكل والشرب بعد ١٢ ساعة بعد العملية ..رح يفكون القسطرة بعد ١٥ ساعة ممكن أقل او اكثر بس المتعارف عليه ١٥ ساعة وبعدها تمشين ..انا اشتريت لي حبوب الفحم وتحاميل الفولتارين لتسكين الألم طبعا هذي انا بدون استشارة طبيب فالافضل انتي استشيري بس انا ادري رح يرفضون فمااستشرت..المهم اشربي عصير تفاح وشوربة واشياء سائلة وبنفس الوقت تدفيك وتغذيك حبيت افيدك والله يسهل عليكالعضوة: 521209 , منذ سنتين
حبيبي ام تركي معليش تو انتبه ع ردك التخدير الكامل انتي طلبتيه ولا حالتك لازم لها؟ لان سمعت النصفي افضل بس مشكلته الخوف وانتي صاحيه وقت العمليه😂😅 صح نادراً يكتبوا المعلومة هذي بس جداً احسها مفيده الظهر مستقيم 👌🏼🤍🤍 المخده هذي حتى وقت ولادتي الطبيعيه كمان اخذت ابرة ظهر وقالولي شيليها 👌🏼 المشي لما توقفي اول مرا المه نفس الطلق ولا اخف لانو البنات دائماً يتكلموا عن الم اول قومـه ابا اعرف اذا المهها نفس الطلق بالطبيعي ولا اخف؟العضوة: 521209 , منذ سنتين
حلو اجل كمان احتياط انا اشيل دواء للغازات ويانسون وشمر علشان تخفف عني وتساعدني بعد الله المجلب هذا تحطيه بمويه مغليه وتشربيـه ولا لازم تغليـه!العضوة: 521209 , منذ سنتين
الله يسخلي الممرضين والممرضات والاطباء ويرزقني ولاده سهله وميسره يااكرم الاكرمين🙏🏼🤍 ايش افضل بالنسبه لكِ التفاح ولا البرتقال؟ اهلك جابولك يانسون وشمر! صح التمر مع حب الرشاد اخذتيـه متى؟ يَ عمري انتي الحمدلله سهلها عليكِ🙏🏼🤍العضوة: 1019655 , منذ سنتين
الأعشاب ماتنغلي تروح فايدتها و الزيوت الطيارة الي فيها الي تفكك الغازات... ترمس مي حارة و تحطي ع حسب كمية المي ملعقة او ملعقتين طعام و تقفلي الترمس وتخليه كدا نص ساعة وتشربي منه قدر ماتقدري.. وينحف الصراحة 40 يوم واستمريت بعد الاربعين كمان...العضوة: 521209 , منذ سنتين
الله يسهل علينا يارب ونقدر نمشي هل الم المشي نفس الم الطلق ولا اخف 🥲العضوة: 945748 , منذ سنتين
امين يارب العالمين لا اول مافك البنج اجباري تشربي تفاح هما ينطونك هوا البرتقال شربته اشان تمشي بطني واقدر اروح الحمام بدون حبوب وهيك لا التمر اكلته مره ذبحني المغص فماصرت اكله ايوا اليانسون والشمر جابوه لي بعد العمليه ب 10 ساعات وشربتها الحمدلله بس منعوني من الاكل لين اروح الحمام ابعدددددي ع الحليب مشتقاته والعدس والفول ابعدي عنهم اول اسبوعينالعضوة: 945748 , منذ سنتين
@user-521209 شوفي بكل صراحة هوا الم قوي شوي بس ماقارنة بالطلق انا الطلق ماتحمله مرة اشوفه اقوى الم للامانه هوا الم في اول وقفه مو بالمشي نفسة يعني تمشي خطوتين يصير عادي الوضع تقدري تسيطري عليه بس بنظري الطلق اقوى 💔💔 لاتخافي طول الوقت المسكنات حاطينها زي المغذي وانتي اطلبي كمان ادا ماكفت معاك لاسيما انتي بمشفا خاص تولدي انا ولدت بمشفا خاص والممرضات الله يسعدهم ماتركوني ولا لحظه علما كان معايا مرافقين بس الممرضات كانو يساعدوني الحمدلله