العضوة: 727211 , 5 years ago

اتابعوا مع اي دكتوره؟؟

العضوة: 765946 , 5 years ago

واضح ان الحسابات اصلاً تقريبيه ، سبحان الله لكل شي ميعاد ، وبإذن الله موعدك في وقته اللي بيكون خير لك وللجنين ، حاسه فيك انا نص التاسع وابي اولد ، لكن مالنا غير الدعاء ، مين دكتورتك ؟

العضوة: 765946 , 5 years ago

انا مع كبايس ،

العضوة: 727211 , 5 years ago

أنا نوال أبو وزير

العضوة: 765946 , 5 years ago

تابعت معاها في حملي الاول قبل ست سنوات ، وعملت لي كشف فالاسبوع 38 يمكن مو ذاكرة بالضبط او 37 ، و منها بدا الطلق ، و ولدت يوم ثاني على طول اعتقد انها عملت تحفيز بدون ماتقول او يمكن قالت ، كنت صغيرة وما افهم ما بظلمها ، بس الله يجزاها خير ماقصرت ☺️

العضوة: 727211 , 5 years ago

اييه تجنن ما شاء الله عليها بس خلاص تعبت الاسبوع اللي راح كان موعدي و أهي كانت أجازه دخلت على دكتوره أميمة و فحصتني😪وقالت لي مسكر كامل علشان كذا حجزت لي موعد طلق يوم السبت

العضوة: 765946 , 5 years ago

اي صح كلامك لو كان مسكر كامل ماتقدر تسوي شي لازم يكون عنق الرحم قصير و مفتوح ع الاقل ، ربي يسهل لك و يقومك بالسلامة كثفي دعاء 🤲🏻 متى اخر مرة ولدتي فيه ؟ وهل يعملو بخطة الولادة ؟ وجربتي ابرة الظهر ولا لا ، اذا ممكن هالاسئلة تدور في بالي

العضوة: 727211 , 5 years ago

ولدت قبل ٦ سنوات اييه أخذت أبرة الظهر بالاول والثلاث الثاني ما رضوا يعطوني اياها لان دكتور التخدير كان عنده أزمة ولادة وعمليات🤣🤣

العضوة: 765946 , 5 years ago

يا الله 😿 انا لما اخذتها الدكتور الله يسامحه غلط فيها و من وقت ماحطها لي بين انه غلط من كلامه مع الممرضات و يوم سألته قال ( لاتخافي مافيه شي ) وحطو لي التخدير وماراح الالم لين جى دكتور ثاني وقال هذي اخر جرعة ماقدر اعطيك اياها ، واختفى الالم و كانت ولادة يسيرة بالنسبة لي ، وقت الولادة تباطئ نبض الجنين لاني طولت في الطلق تقريباً 13 ساعه و على طووول عملت لي شق للعجان قالت ماقدر اصبر اكثر الجنين تعبان ، وبعد ما راح البنج شوي شوي ، بدأ الصدااااع يقتلني ، جاوني يوم ثاني مجموعة اطباء وقالو حصل خطأ في ابرة الظهر وسببت لك تسرب للسائل الشوكي و راح تحسي ب صداع وألم من 7-10 ايام لو ماخف الالم بنعمل لك رقعه للتسرب لكن الحمدلله بعد 7 ايام راح لكن كانت من اصعب ايام حياتي الله لايعيدها ،

العضوة: 727211 , 5 years ago

يالله كيف يغلطون هالغلط🥺🥺🥺 الحمدلله أن الله طلعك منها سالمه أهو أهم شي ما تتحركين وقت التركيب و تتنفسي بهدوء و أن شاء الله هالمره أسلم لك من المره السابقه ياارب🤲

العضوة: 765946 , 5 years ago

اللهم امين ، الله يجزاك خير

العضوة: 727211 , 5 years ago

الحمدلله ولدت أمس الفجر😍😍 مااحتجت أدخل المستشفى ✌✌

العضوة: 765946 , 5 years ago

الحمدلله على سلامتك ،🌸🌸🌸🌸🌸 طمنيني عليك كيفك و كيف البيبي الله يرزقك بره و يبارك لك فيه ، مافهمت كيف مادخلتي المستشفى ؟ وين ولدتي اجل ؟ ☺️

العضوة: 727211 , 5 years ago

الله يسلمك مو لان خلصت الشهر التاسع وما ولدت فكتبوا لي دخول المستشفى يوم السبت بس الحمدلله جاء لي الطلق قبل

العضوة: 765946 , 5 years ago

الحمدلله يارب مبروك ماجاكِ و الحمدلله على سلامتك مرة ثانيه