السلام عليكم
صباح الخير
باقي لي كم يوم و أدخل الأسبوع ٣٧ و بكريه، مره متوترة وقلقانه بالذات ان الدكتور قبل أسبوعين ما حكى لي عن الولادة ولا جاب طاريها 😭
و أحس اني ضايعة وتايهة الله يسعدكم يا أمهات علموني وش الأشياء المهمه بعد تسهيل ربي ان الولادة تصير سهلة ويسيرة؟
وشنطة المستشفى ايش الأغراض اللي تكون فيها لي وللبيبي؟
أفيدوني يا صاحبات الخبرة 🥺🤍
العضوة: 1723668 , منذ يوم
ياليت أي أحد عنده أي معلومة يفيدني لو بسيطه 😭العضوة: 1969741 , منذ يوم
@user-1723668 صباح النور اش يقول الدكتور هو يعطيك المتوقع للولاده وسبحان الله وقت ماربي يكتبها تجي قبل او بعد انتي ممكن ينزل منك ماء الجنين او السداده تكون مخلوطه بدم يصير عندك تقلصات كل شوي تزيد وتقرب من بعض اهم شي لاتكوني جوعانه اذا جاء وقت الولاده لان سبحان الله الولاده محتاجه طاقه بس اذا جوعانه ماراح يكون طاقه لاني جربتهاوانا جوعانه بنص الولاده ماعاد فيني اتحمل او ادفع وشوفي انا ولدت كذا مره للامانه مااحب استخدم شي احب كل شي طبيعي علشان مايصير شي غلط وقت الولاده بسبب شي اكلته او شربته اذا نزل ماء الراس اقوم ارتب البيت اذا يبغى له ترتيب واخذ لي دش واتنظف من اي شعر بجسمي واطلع للمستشفى اما الشنطه من نص الشهر السابع اوبداية الثامن تكون جاهزه ومقفله دايم احط فيها لبستين تكون ناعمه ووسعيه ومريحه واحط ٤ او ٥قطع داخليه سفليه واحط لي شامبو صغير وفرشه ومعجون ومشط وكريم وعطر صغير ريحته خفيفه مره وشي يمسك الشعر ومزيل عرق وشبشب مايزلحق على البلاط ومنشفه وفوط تقريبا ٥لانهم يعطونك للامانه بعد الولاده مااحب البس شربات لان جسمي يعرق كثير والبيبي احط له لفتين بكل لفه حفاظه وبربتوز ولبسه بالقبوع علشان بعد الولاده الممرضه تفتح الشنطه وتحصلها جاهزه تاخذها وبطانيه خفيفه ومدس للبيبي وبالبيت اجهز لي عبايه علشان لو احتاج اغير عبايتي يجيبها لي زوجي وهو جاي وقت الخروج اتمنى لك ولاده ميسره