مش هنسي ابدا يوم لما ولدت قيصري واتقالي انتي كل ده لسه قاعدة قومي اتحركي ، كلنا ولدنا قيصري ،، واتحركنا عادي تاني يوم ،، امال امهات زمان بقي تعمل ايه كفاية دلع للأسف في كتير أمهات بتفكروا ان الوالده قيصري سهله وان احنا بندلع ؟! البوست ده موجه للناس اللي بيستهينوا بالقيصري ،، و بيقولوا انه سهل جدا معاناه الولادة_القيصرية ،، اللى بيولدوا قيصري للأسف مش بتصحي بتلاقي البيبي نايم جمبيها زيّ الطبيعي ،، اللى بيولدوا قيصري من اول الطريق قلبهم بيبدأ يدق من الخوف و بيدخلوا غرفة العمليات يتشاهدوا على أنفسهم من المنظر وسرير العمليات ،، بيصحوا و بيلاقوا محاليل موجودو طول اليوم متعلقة حواليهم ،، وكأنه في نار في جسمهم مكان جرح القيصريه ،، بيلاقوا حالهم مع أول قومه ومشيه زى المدبوحين والمشلولين ف نفس الوقت بيجبروا نفسهم في عزّ ضعفهم ووجعهم عشان يقوموا يجربوا يرضعوا اللى بيولدوا قيصري بتفضل بعدها مش عارفين يضحكوا ولا يكحوا من الوجع ولا يناموا ع جمبهم عادى اللى بيولدوا قيصري بيكون عندهم طول العمر جرح معلم فيهم وبيفتكروا كل الوجع اول ما يلمسوه ،، بيفضل ضهرهم يوجعم من أي شغل وضغط ،، صحيح نسيت احكيلكم ،، لما البنج بيخلص مفعولة ،، يبدأ الوجع و الصداااااع كأنك مدمنة ، والهروين قطعو عنك ف ارجوكم ماتقولوش مفيش اسهل من القيصرى بتناموا وتصحوا تلاقيكوا ولدتوا ،، وسيبوا الناس والامهات في حالها عشان ده اكتر وقت بنكون محتاجين في كلمه تقوينا علي الايام اللي جاية بلاش مزايدة ونعلي علي بعض حتي في التعب لو سمحتوا