العضوة: 1011755 , 4 years ago

جوهرة سلام لباس عليك مرحبا بيك🥰🥰

العضوة: 801385 , 4 years ago

@user-893971 مرحبا اختي الحمد لله بخير هاد الساعة وانت

العضوة: 801385 , 4 years ago

@user-1011755 ما شاء الله ربي احفظ لك حتى انا ولدي دبا عندو 4 سنين .مناش خايفة؟ واش ولدتي عادي أو بالفتيح

العضوة: 1063247 , 4 years ago

السلام عليكم ورحمة الله وبركاته واش كاينة شي اخت من هنا ساكنة فعين شكاك نتبعو الحمل بجوج

العضوة: 893971 , 4 years ago

حمد لله اختي هاحنا كانعديو

العضوة: 1011755 , 4 years ago

الله ابارك حتى انتي الله اخلي ليك وليداتك ومعز عليك انا اختي ولدت عادي وماجانيش الوجع نهائيا وتمحنت بزااااف وفي الاخر جاني نزيف خايب بزاف وملي بغات طبيبة توقف نسات فيا فوطة باش كينشفو الدم ودارت ليا لغراز اوا اختي منقولكش والي كنقوليه راه ضارني الحال كيقولو ليا عادي هدوك هما الغراز وانا اول ولادة ما عرفتش واحد نهار دخلت طواليط حشاك قلبت هكا حسيت بهديك بونسمو دويت مع طبيبة بقات كدخل وتخرج في الهضرة مشيت رجعت لكلنيك الي ولدت فيه شفت مع واحد ماجورة هي الي حيداتها ليا ومن بعد مشيت عند طبيب قلبي قالي حفصك الله وهادشي ما كدارش صراحة كرهت طبيبات ودعيتها لله 20 يوم وانا في العداب

العضوة: 801385 , 4 years ago

@user-893971 متقوليش هكاك قولي استغفر الله الحمد لله كولشي يهون غير تشوفي البيبي ديالك تنساي كولشي

العضوة: 893971 , 4 years ago

الحمد لله اختي ، لا اختي محملاش كنت شاكا ساعة درت تيسط سلبي

العضوة: 801385 , 4 years ago

@user-1011755 امييين يا رب الله يا رب الله صراحة مريتي من العذاب ربي اجعل كولشي مغفرة الذنوب واش ولدتي في الكلينيك او سبيطار المخزن . اختي و الله مكيخافو الى غيضرو بنادم و ربي وقف معاك و راك مرضية مني كتاشفتي داكشي بكري. صراحة بنادم احس بشوية خاصو امشي اشوف الطبيب حيث الصحة مفيهاش اللعب

العضوة: 1011755 , 4 years ago

@user-801385 الحمد لله على كل حال ودبا كلشي فات غير كينين شي طب حاشا واش فيهم انسانية فحال شي جزارة همهم غير الفلوس

العضوة: 801385 , 4 years ago

@user-893971 ربي ارزقك عما قريب ان شاء الله كوني اجابية و قوية و متفكريش ف الخايب ربي غادي ارزقك بإذنه غير متعصبيش راسك و تمحني راه غادي غير تمرضي راسك و دخلي في دوامة اللي متقدريش تخرجي منها كوني قوية كوني قوية كوني قوية الموجة اللي جات تحناي و خليها دوز و ربي غيدير اللي فيها الخير و اكثري من الإستغفار

العضوة: 801385 , 4 years ago

@user-1011755 وايييه اختي همهم غير الفلوس و صافي

العضوة: 893971 , 4 years ago

شكرا اختي بزاف على كلامك زوين الله يسعدك ان شاء الله يارربي مايكون غير الخير

العضوة: 1011755 , 4 years ago

@user-801385 بصح كلامك صحيح ارتاحيت مني دويت معاك شكرا بزاف ربي خليك شنو اسم ديالك

العضوة: 1067365 , 4 years ago

وعلاش اختي خليتي حقك كان ترفعي عليها دعوة هادي اش عرفها بطب ربي حفظك واشر كلينيك