مساءكم سعيد أمهات انا العادة ما اسجل في التطبيق الا لمن احمل بس دي المره عشان محتارة حملته لعلي اتحمس 😂 مركبة لولب حاليا وودي اشيله لكن مررره محتارة ف أيش رأيكم انا عمري ٣٠ والحمد لله عندي ولد وبنتين الكبير ٧ سنوات ونص حيبدأ صف ثاني والي بعده البنت ٦ سنوات صف أول والصغيرة بعد شهرين تكمل سنتين ولدي مره نفسه في أخ ونفسي اجيب له الله يكرمنا يارب لكن احس بنتي صغيرة 🥲 لكن اخر مره لما شلت اللولب ما حملت الا بعد ٥ او ٦ شهور ف قلت اشيله وممكن كدا ما يصير حمل على طول اذا ربي رزقني ولد فالحمد لله بوقف خلفة لكن اذا رزقني بنت احس ممكن احمل مره خامسة لعل وعسى يجي اخ لولدي وانا حاطة لنفسي حد ٣٤ او ٣٥ سنة بالكثير معد باخلف ف احس لازم احمل دحين عشان لو جات بنت بس تكمل سنتين ارجع احمل تأيدوني ؟؟ ولا ايش رأيكم المشكلة حقيقي مالي خلق حمل وولادة لكن ما ودي يصير فرق كبير بين الاخوين محتااارة وكمان النتفة حقتي بدأت شقاوة وبدأت اعصب من عنادها الله يهديها وزوجي يقول لا تشيلي اللولب منتي مستعدة 😂