انا ولدت يا جماعه من اسبوعين ومبارح بس طلعت من المشفى صار معي مشاكل من ابرة الضهر. وجع ضهر ودوخه ووجع رأس كنت راح اموت وولادتي تعسرت وبعد ما طلع ابني عملت عمليه عشان ما طلعت المشيمه. باختصار راح احكي الي صار معي. يوم ٨ الشهر 11 بعد ما لبست ولادي وراح ابوهم يوصلهم علمدارس اجا الطلق على ٨ ونص الصبح رحت علحمام الله يكرمكم حسيت في شي مش مزبوط بعد ٥ دقايق اجا الطلق الحامي اجا جوزي وصرت اصيح اتصلت على المشفى وسمعت صياحي الدكتوره طلبت الاسعاف واجو المسعفات فحصوني قلولي حالة ولاده لبست بس روب للحمام ورحت بالاسعاف المهم المشفى بعيد عني ٤٥ دقيقه وبلاسعاف ٣٠ دقيقه لانو بسرعه مشو المهم اخترت المشفى عشان قريب لعند امي وعنا لازم نحجز قبل كم شهر من الولاده في السويد ضليت اصيح بالاسعاف وحسيت الراس بدو ينزل وقلولي ما تدفشي. وانا اصيخ واتنفس شهيق وزفير. بعيدين وصلت ولامي كان تستناني بغرفه الولاده. كنت اصرخ باعلى صوتي اجو فحصوني طلع الرحم فاتح ٧ سانتي وقعدت اطلق اتعبت كتير لا نفع معي الاكسجين او ابر الرحم داخليه يخففو الطلق واصرخ باعلى صوتي حتى ما اقدر اسمع حد يحكولي طولي بالك اقلهم ما عندي حيل اسمع طلبت منهم ابرة الضهر . اجا دكتور مخضر قعد يحطلي الابره ٤٠ دقيقه وانا اصرخ وكنت خايفه انشل اذا بتحرك متت بمعنى الكلمه. بعد نص ساعه رجع الوجع اضعاف واصرخ من الوجع اخر اشي بعد ٧ ساعات نزل ابني وما نزلت المشيمه عملت عمليه وطلعوها. بعد بيوم وجع رهيب من ضهري ورقبتي وراسي واصرخ قعد يومين على نفس الحاال اخر شي عملولي صوره طلع معي تجلطات براسي واخدت مميع ١٥ يوم ومورفين بعد الوجع والصراخ صار عندي نزيف بشريان براسي. المهم صرت احسن ومبارح نزلت بسلامه. بدي احكي المشاكل بلحمل بدمر نفسيه الحامل وبتعسر الولاده . كل وحدا ترمي وراه ضهرها وما تعمل متلي بس عياط وهم . واي وحده بدها تاخد ابرة الضهر ما تاخدها قبل ما يكون ٤ سانتي اكتر من هيك ما بيحتاج انا كان ٧ واعطوني اياها وما ساعدت وضرتني وكنت راح انجلطت. الله يقوم الحوامل بسلامه وما يشوفو الي شفتو