انتهى مشوار الحمل - حاسبة الحمل

المواضيع

3 years ago

مرحلة الولادة

الحمدلله ولدت مبارح الصبح قيصرية مستعجلة بسبب الضغط العالي بالاسبوع 38 وكانت ميسرة وسهلة كتير لله الحمد نصيحة يابنات عليكم بالمشي بعد العملية اول مايسمحولكم تمشو امشو قد ماتحسنو انا اتحملت ع حالي ومشيت اول مرة 10 دقايق كانت صعبة شوي ويحرقني بطني اتحملت ع حالي وصرت شد جسمي قد ما احسن وانا امشي متل ماشفت كتير نصايح بنات الله يجزيهم الخير وبعدها اتعافيت فورا وبنفس اليوم بعد كم ساعة صرت قوم واقعد وامشي لحالي ولاكأنو ولدت ماحدا يشوفني ويصدق اني ولدت قبل كم ساعة ولله الحمد بينما اللي كانو معي وخايفين يمشو تمو يعانو كتير من الوجع دعولي يطلع ابني بخير وسلامة من الحاضنة لهلأ ماسمحولي شوفه عنده مشاكل بالتنفس اخدوه فورا للحاضنة😢

36 تعليقات

العضوة: 1454947 , 3 years ago

@user-1456828 الحمد لله على سلامتك الله يشفيه ويفرحك بخروجه بالسلامه يارب. ماشاء الله تبارك الله الله يعطيك الصحة والعافيه انا احتمال اولد قيصري اول مره قبل كان طبيعي وشايله هم اش النصايح الي اتبعتيها وقدرت تتحركي وتمشي بدون خوف ؟؟ انصحينا الله يجزاك خير

العضوة: 1466645 , 3 years ago

وانا نفس الشي لي ولاده وحده طبيعيه والمره هذي قرروا قيصري كنت متقبلتها نوعا ما بس الكلام عنها يخووف

العضوة: 1456828 , 3 years ago

انا فتت خايفة كتير بغرفة الولادة بالزور لثبتوني مشان الابرة من كتر مو خايفة وعم ارجف وضغطي علي كتير وداق نفسي وكنت حاسة حالي مامخدرة صرت صيح اني حاسة ماكنت بعرف انو عادي حس باللمس بس انو وجع مارح حس فكرت ما اخد البنج وبلشت صيح وزاد الخوف عندي والتوتر لهيك فورا قلهم دكتور التخدير مجرد يطلع الولد ينيموني كامل دقيقة طالعو الولد وعطوني مخدر خفيف نومني ساعة لطلعت من غرفة العمليات صحيت وبعدا لما طلعت وعرفت الولد بالحاضنة شديت حالي لامشي لعندو شوفه اتطمن عليه وقويت حالي امشي قد ما احسن كل ماقمت ع الحمام امشي ساعة لارجع اتسطح عملتي كانت 9ونص الصبح ع ال8 المسا الحمدلله ماحدا بشوفني وبصدق كان انو عاملة عملية ولا أي احساس بوجع وبقوم وبقعد لحالي حتى دكتورتي انبسطت مني وخرجتني تاني يوم الصبح فورا لما شافت كل اموري تمام والاخراج تمام

العضوة: 1456828 , 3 years ago

بس تقومي تمشي عيني ع الحيط لاتعيني ع الارض هاد كان حكي الممرضات وشد حالي قد مابحسن ماخاف والوجع جدا محمول في كان اول مرتين مشيت حس متل شي عم يحرق بس اتحملت شوي وتميت امشي اول مرة 10د تاني مرة ساعة تقريبا تالت مرة كان اختفى الوجع تماما مشيت شي ساعتين بعدا صرت قوم واقعد وامشي لحالي ولاكنو ولدانة والله انا بقلك يعني كل الوجع اللي حسيتو مابعادل مغصة ايام الدورة مو لقلك مغصة طلق قوي قلبك وماتخافي كتير الموضوع هين ان شاء الله بس ادعي الله يجعلها ولادة سهلة ميسرة اناولدت 9ونص الصبح 8 المسا كنت اتعافيت تماما لله الحمد وصرت قادرة اعتمد ع حالي تماما بدون اي مساعدة المهم حطي ببالك انو ماحدا يساعدك مشان ماتستسهلي انا لهلأ مابخلي حدا يسندني لما بدي قوم او نام مشان اعتمد ع حالي تماما

العضوة: 1456828 , 3 years ago

ممكن طبيعة جسم لطبيعة جسم تفرق او نوع المسكنات اللي بيستخدموها كل مشفى انا الحمدلله تجربتي كانت جدا جدا ايجابية ومافيها اي شي مامحمول اصعب مرحلة كانت عندي تركيب القسطرة بس هي اللي اتوجعت فيها وكمان يعني بظن مابعادل طلقة وحدة من وجع الطلع

العضوة: 1466645 , 3 years ago

الله يتمم عليك عافيتك مشيتي اول مره بعد العمليه بكم ساعه؟ واحتجتي لمرافق؟

العضوة: 1456828 , 3 years ago

اول مرة مشيت 2ونص عمليتي كانت 9ونص الصبح يعني بعد 5 ساعات لخلصو السيرومات وهنن الممرضات ساعدوني وقف والبس وطالعوني لباب الغرفة و زوجي بعدا ساعدني لوصلت للحاضنة اتمشيت معو ما انو كتير ساندة عليه بس هو عم يمشي معي كان ما اكتر و ع تاني مرة مشيت يساعدني شوي امشي لحالي شوي يعني محمول كمان تالت مرة لحالي تماما ومافي وجع كان وبعدا صرت قوم واقعد لحالي حتى بس المهم شوي شوي لو الك قدرة ماتستعجلي ع حالك خلي كلشي يمشي بسلاسة والامور ان شاء الله سهلة وميسرة