انا نزلت موضوع قبل فتره اسالكم كيف اعرف قفل جوال زوجي لاني لاحظت عليه تغيرات ولأنه مغير الرقم بعد رجوعي من النفاس لبيتي،،، وهو ماكان يهتم وكان يعلمني المهم صار له فتره يخبئ عني الجوال لما يجي يدخل الرقم يحاول اني مااشوف الرقم،، هو رجل اعمال ويسافر كثير للبزنس خاصة لدولة مصر عنده شغل جديد هناك وبينقل بعض من أعماله لهناك،،احنا كنا محرومين من الأطفال 8 سنين،، والله رزقنا هذي السنه الحمد لله ،طفلي الان شهرين ،،، ،،،،،،،،،،،،،،،،،،،، المهم راقبته لين عرفت الرقم السري وفتحته وكان يبحث في تصفحاته عن زواج المسيار، وقفلت الجوال لأنه صحي المهم بعدها بيوم سالته اجس النبض عن زواج المسيار قالي حرام مايجوز عندنا،، طنشت بعدها بيومين كان رايح يعمل عملية ناسور ،، ولما كان بالحمام فكيت الجوال بسرعه لان تصرفاته صارت غريبه وكلام حب يقوله لي جديد كل زوجه تعرف زوجها اذا تغير وانا لاحظت هذا الشي ،،،،،،،،، واصريت اعرف المستخبي،،، شفت في المحادثات الاخيره مع واحد اسمه هاني ومبين من برا كلام حب وغزل،،، فتحت وانصدمت صدمة عمرررريى صعقتتتت دموعي تنزل بدون شعور اقرا بسرعه بسرعه طلع متزوج من مصر وزواجه كان بوقت نفاسي وقت عيد الحج هذا اللي فهمته وكلام حب وغزل احبك واعشقك ومدري ايش،،،، خرج من الحمام وعلمته اني شفت كل شي وانهررت وهو مستعجل بيروح العمليه وانا اصرخ فيه بنهياررر مين هاااااني هذي اللي متزوجها وحضني قال إذا رجعت افهمك الموضوع لانه مو مثل منتي متخيله،،،،ولما راح وانا ارسل عليه سب وكلام كثيييير انو خلاص انتهى ياانا ياهذي وليش متزوج عليا انت ماتزوجت الا بنفاسي وبعد ايش بعد ماصبرنا وربي رزقنا،،،ليش ياحقير ياخااااين الله يحرقك انت وياها وطول اليوم كذا وهو يهدي فيا يقول أنا بغرفة العمليات ارحميني لين أخرج افهمك ،، جلست يوم كامل مانمت من الصدمه الا ساعه ،،ولدي وديته لأختي جنبي،، جلست اراجع نفسي ابدا ورب الكون ويشهد الله ماني مقصره بكل شي ولا ناقصني الجمال والرشاقه حتى بعد ولادتي رجع جسمي زي قبل وللعلم ولادتي عمليه قيصريه،، وكنت أقوله امررر وتدلل غير الدلع والمساح اللي كل يوم اسوي له،، واهتمامي بنفسي،، مالقيت اي عيب،، لما خرج من المستشفى، من اصل طيبي سويت له شوربه له ووديها الغرفه لأنه تعبان مهما كان ماتهون العشره.. قلت كل وإذا خلصت ناديني عشان توضح لي سبب زواجك،، خلص وناداني وتكلمت انا فالبداية وقلت كل اللي عندي أنه مو ناقصك مني شي حتى العلاقه الزوجيه ابداااا مو مقصره بالعكس هو اللي مقصر ،، قالي والله مو ناقصك اي شي وكلام طووويل بيننا قلت ياانا ياهي طلقني أو طلقها ورفض قال لاتفاوضيني مااحب هذا الاسلوب،، وماعلمني الا فالاخير لما قال الزواج حلال وانا ماسويت غلط قلت اذا مقصره معاك تزوج بكيفك بس انا مو ناقصني شي عشان اعيش مع نصف رجل ،، قلت خلاص انتهى خلك معاها شكلك متعلق فيها ومو قادر تستغنى عنها،، ولميت عفشي واخر شي شافني صارمه حط يده عالمصحف حلف لي أنه زواج مصلحه متبادله بينه وبين اهل البنت بينهم بيزنس وقالوا تزوج بنتنا وماحب يخسر العلاقه،، قالي زواج مؤقت أقل من سنه وبطلقها، بس ماحبيت اقول لك كذا عشان كرامتي وعشان مااحط نفسي بموقف محرج وعشان ماابغى تكون نيتي كذا قدام الله،،،بس لاتعلمين أحد وخليك معايا وانا والله احبك ومستحيل اعيش بدونك وووووووو كلام يطوول ،،لما هديت شوي حطيت شروط انو لو مر سنه وماطلقتها وجبت صك الطلاق بروح بيت اهلي قالي طيب ، بس خليني اخلص عقد الشغل لأنهم هم كمان لهم مصلحه متبادلة،، قلت وليش تزوجت وقت نفاسي مو حرام عليك قال ورب الكعبه صدف الوقت وهذي الفرصه اللي جات ،، يابنات انا مووو متخيله الى الان أنه نام مع وحده غيري لاني أعشقه ، كل يوم ابكي مصدومه صرت أكلمه عادي بس من جوا مجرووحه ، ايش اسوي وايش افضل تصرف معاه على فكره يقول شرطت عليها بدون خلفه،، يابناااات أصدقه لأنه حلف بالمصحف؟ قلبي محروق لأنه لسا بيقابلها اذا سافر الأهل مو عارفين أنه بيطلقها بعدين بس البنت تقريبا شاكه بس مشيت على مصلحة أهلها،، يقول لازم اكلمها لأنها تعتبر زوجه وعشان قدام أهلها ماتقول أنه مقصر وكذا،،، ايش اسووووي لي ايام ماانااااام من البيبي ومن كثرة التفكير بهذا الموضوع،،، انا مستحيل اتقبل أنه ينام مع غيري واخاف يتعلق فيها قالي والله مستحيل احب غيرك انتي ماعرفتيني ولا تدرين كيف احبك،،انه بسهوله اقدر استغنى عنها،، يقول مو كل شوي بسافر مصر ومو كل شوي بشوفها،،، على فكره انا كنت أقوله من زمان بسافر معاك اي مكان بس لان ماعندي جواز سفر وعليا مخالفات ، بس سددناها الشهر اللي فات،، وقلت شرطي اني اسافر مصر معاك قالي بعد 3 سفره عشان انقل شغلي وارتب وضعي وانقل العمال والموظفين،،، هل كلامه مقنع؟ بموووت من القهر والغبنه،، قلت شيل رمز القفل على طول وبقرا كلامكم مو انت تقول اسلك لها عشان المصلحه ؟ خلاص بشوف حتى لو قلت لها احبك بفهمها أنه عشان المصلحه ومو من قلبك ،، قال اقسم بالله مااحبها،، وقال بيشيل القفل بس بعد كم يوم مدري ليش يابنات قصتي أشبه بروايه ومو عارفه وش اسووووي ،، قال اللي تبغينه بسويه لك ،، من جوة قلبي انجررررحت حسيته قدم مصالحه على حسابي انا وابنه،،، ردوا عليا امانه وعلموني ايش اسوي ،، لحد يدعي عليه لأنه ابو ابني💔