السلام عليكم ورحمة الله وبركاته كيفكم جميعا حبيت اكتب في هاذا الموضوع ايش ممكن نشرب في النفاس وايش ناكل وكدا حسب اللي اعرفه وان شاء الله يفيدكم ويفيد المقبلات عل النفاس وما عندهم خلفية ملاحظة ( كل فترة بضيف شي حسب وقتي ) والله يقومكم بالسلامة جميعا اولا المشروبات : (نشربها افضل شي بدون تحلية اذا ما قدرتي حلي بسكر نبات او عسل افضل شي ) * حليب بالحلبة ( للامانة قرأت انوالحلبة ما تصلح طول فترة النفاس فقط ال 20 يوم الاولى وبطبق هاذا الشيء ان شاء الله ) * يانسون وكراوية وشمر * خزامى وشيح ومرمية (لتنظيف الرحم تستخدم اول 20 يوم فقط ) هاذي افضل شي عالريق تنوعي فيها كل يوم كاسة من كل نوع او اذا حبيتي اكثر بالنسبة للموية والعصيرات كمان نوعي بشرط ما تكون باردة في درجة حرارة الغرفة وتشربيها شوي شوي عل اقل من مهلك عشان ما تطلع لك كرش ------ اضافة للمشروبات نسيته اللي هوا قهوة النفاس تتقهوى فيها طول اليوم عبارة عن قرفة ومسمار وزنجبيل وقشر قهوة فايدة القشر ينظف الرحم ويرجع المنطقة لطبيعتها قبل الولادة ------ ثانيا : نجي لتمرة النفاس تاكلي منها طول اليوم ووقت الجوع عالسريع او مع قهوة القشر تنظفففف الرحم وتشد الظهر عبارة عن (تمر منزوع النوى) يخلط مع ( رشاد +سمن او زبدة + فلفل اسود + زنجبيل مطحون + حبة سوداء + سمسم ) المقادير حسب رغبتكم كل ما نوعتو كل ما كان افضل *الرشااد مهمم وهوا اساسي يكون اكثر شي في التمرة * السمن عموما للنفاس مفيد ويشد ظهرها *الفلفل الاسود مفييييد في تنظيف الرحم وشد المنطقة .. حطي منه شوي بحيث اذا فيكي خياطة او جرح القيصرية ما يلتهب عليكي -------- ثالثا : السفوف : 1 سفوف الكمون بيفيد في طرد الغازات بشكل مو طبيعي خصوصا اللي تعاني انو الغازات متعبتها واللي مسوية عملية .. سفي ملعقة كمون مطحون مع حليب او موية بس خليها بالليل وقت ما يكون عندك ضيوف ههههههههه 2 سفوف ( امي تقول يقفل الظهر ويقويه) ( يتاخذ في ال 20 يوم الاخيرة فقططط ) عبارة عن لوز (صنف مكسرات لونه بني ).. غرا ( الصمغ العربي ) .. سكر نبات بكميات متساوية الطريقة 1 تسلقي اللوز شوية وتقشريه 2 تجيبي سمن تحمري فيه الغرا اول شي لين ينفش يسير شكله كانه قطن .. تشيلي الغرا عل مناديل يتصفى من الدهن 3 بعدين تحمري اللوز المقشر .. تشيليه وتحطيه عل مناديل نفس الشي 4 تطحني السكر وبعده الغرا وبعده اللوز وتخلطيهم في علبة سار عندك السفوف جاهز تاخذي تقريبا ملعقة منه يوميا مرة الصبح ومرة المساء مع كاسة حليب (لذيذ مرة انا احبه صراحة ) ------- رابعا : المأكولات * فطورك يكون عبارة عن اشياء مفيدة ومغذية زي الحليب و البيض والجبن الطبيعي والعسل وحلاوة طحينية وزيتون مع فطير بالدقيق البر * ممكن كمان عصيدة او عريكة تختلف مسمياتها من مكان لاخر عبارة عن فطير يالدقيق البر يفتت صغار ويفتت معاه تمر او عسل ويضاف له سمن لذيييذ جدا ومقوي للغداء والعشا * مرقة اللحم او مرقة الدجاج مهمة جدا للنفاس ومفيييدة جدا وهيا باللحم افيد وافضل ( علقولة امي اللحم يلحم ) طريقتها بسيطة تسلقي اللي تبغيه في موية وتضيفي شوية بهارات كبيرة وفلفل اسود وملح وانبسطي * ممكن تزيدي للمرق شوية حلبة شوية كركم شوية شمر وكمون مرةة تطلع لذيذة * الشوربات بأنواعها والايدامات كلها مفيدة وصحية طبعا الزيت والبهارات تكون قليلة مو كثير ( خصوصا القيصري ) * اول اسبوع للي مسوية قيصرية تبتعد عن البهارات والشطة في اكلها * الفلفل الاسود ينضاف للاكل يفيد في تنظيف الرحم وشد المنطقة * الكركم يفيد في تنشيف الجسم والرحم من المويات الزايدة * الكمون يفيد في طرد الغازات * السلطات نوعي فيها مفيييدة جدا ومغذية وبتدر الحليب .. قطعي عليهم خس وبقدونس * الفواكه وسلطة الفواكه يا سلام 😍😍 * الكبدة مفيدة جدا وبتعوض الدم المفقود الممنوعات : * المشروبات الغازية والمأكولات السريعه * الملوخية والبامية لزوجتهم تأثر عل افرازات الرحم * (الموز ) تاكلي منه بس ما تكثري برضوا لانه لزج * البرتقال والليمون والفراولة والفواكه الحمضية عموما تقللي منها * حاولي قد ما تقدري تبعدي عن الرز والمكرونة والخبز الابيض لانها بتزيد الوزن وبتطلع كرش وتسبب امساك . * اذا اشتهيتي شي كلي لا تخليه في نفسك حتى لو من الممنوعات بس اكيد بكمية قليلة جدا .. لانهم يقولو النفاس مثل الحامل لمن تشتهي اكل او شي معين ------- وبكدا خلصنا والحمد لله الله يتمم لنا جميعا عل خير ويرزقنا ولادة سهلة ونفاس مثالي ------- لا تنسوني من كلامكم الحلو والله يسعدكم اي استفسار ان شاء الله انا جاهزة