العضوة: 507404 , 2 years ago

@user-1831423 القهوة من طبع ناس تقرت ماعندهمش فيها بزاف لحبو لتاى كثر

العضوة: 507404 , 2 years ago

@user-1821292 وعليكم السلام ورحمة الله وبركته

العضوة: 1831423 , 2 years ago

@user-507404 واه صحاب صحرا ...عاداتهم اتاي ...وصحاب لغرب ...عاداتهم قهوة...ومرات اتاي ...سيرتو في وقت لقصرة مع مكسرات ..الله الله ...اي قلبي ...حملي فشلني 🤣🤣🤣😅

العضوة: 1831423 , 2 years ago

@user-1821292 صااي دوك نحبسها ...بيسك راجلي يشربها بزاف ويبغيني نڨابله ايا نشرب معاه ....سيرتو لا كان قاطو برينو ولا كوفيتير ..انا نفشل صاي ...دوك نحبسها يمات ...ومنبعد نولي نشرب كاس صغير مين داك مع كاش حاجة

العضوة: 507404 , 2 years ago

@user-1831423 ياحى عليا. اصبرى غير شوى برك والحمل يكمل ان شاء الله وطيبى وكولى كل واش فى خاطرك

العضوة: 1831423 , 2 years ago

منكذبش عليكم لبنات ...كل بيت فيه مشاكل ...خاصة مبين ازواج ...بيسك شيطان لعنة الله عليه ...كي هو كي قوم تاعو ...يبغو يفركتو مبين ازواج ...وانا ليوم دابزت مع زوجي...وكبرتها ...محسيتش روحي ..بغيت نخرج من دار ...منبعد لعنت شيطان ...عيطت ماما جات ...تلاقات بيه عند لباب بيسك مكانش هنا ...كان مع باباه وخوه في وحد بلاصة ...دخلو لقاوني لابسة و موجدة صوالحي...قلت روح لدار روح ....مراهش يبغي يخليني روح لدار سبة بني عمك راهم يجو داركم ...ماما دابزاتو قاتلو ...سكنة سكنتي راني كبيرة وحاجة لبيت الله ...قاتلو هذوك ولادي وخيمة ليمافيهاش رجال ماهي خيمة ....قالي حرام مرتي ثلات...كون تروحي مع مك ...راكي مطلقة ...ماما هودت عند باباه انا تاني هودت ...هدرت معاه ...قاللها معندوش لحق ...مام انا يجوني في داري بني عمي ....قاتلو ولدها عمها راضع مع ولدي وكبير و مكان والو ....ايا شيخي هدر معايا وانا نبكي ...فلحق سكت و ساعفتو ...قالي فوتي هذا نهار ونعلي شيطان راكي مريضة ...ايا حمدالله رجع كلشي كيما كان ..تقهويت مع زوج تكلي مكان والو ...بصح ني خايفة منبعد تزيد تكبر ...انا دارنا رايحا رايحا وربي كبير.

العضوة: 1600834 , 2 years ago

لالا ختيتو ربي يسترك ويصبح بيناتكم ماتروحيش داركم اصبري وتناقشي مع زوجك بالشوي وحلو مشاكلكم وحدكم بالمفاهمة ربي يسترك متخربيش دارك والله قسمتيلي قلبي متخليش شيطان يفرق بينكم

العضوة: 507404 , 2 years ago

@user-1831423 الرجال كامل هكا حتى زوج مايحب مرتو تروح الدار اهلها بسبة ولا سبة الحل الوحيد نحى عليك العند وقساوة الراس مع راجلك لخاطر قد ماتقسي راسك هو يسقى كثر انا بكرى كى قولى متروحيش الداركم نورمال مانتقلقش نلبس واندير المكياج ونقعد بحداه نضحك وفرحانة وعادى الحمد الله دورك رانى انروح ماشى ديما بصح خير من قبل

العضوة: 1831423 , 2 years ago

@user-1600834 هو معلاباليش مالو ...سبة وفيها حدورة ...شكون لي تقبل متروحش دارهم ...وانا جايا ماني خراجة ..ماني داخالة ...عندي غير دارنا ولا مقبرة عند بابا لي روح ...ولا كانت مناسبة خفيفة عند خاوتو هو .

العضوة: 507404 , 2 years ago

@user-1831423 ومتزيديش ادخلى يماك فى مشاكل راجلى تعرفى يجى انهار الى تكرهو وتندمى غير انتى باسكو انتى ترجعى مع راجلك نورمال وهى قلبها يبقى مقلق منو اقعدى مع راجلك بشوى تفهميه ويفهمك بلاك ماادخلى حتى حد

العضوة: 1600834 , 2 years ago

عندها الحق بسيطة مادخليش داركم في مشاكلكم هم يهزو نظرة ماش مليحة عليه مام تتصلح حوالكم الله يلعنه الشيطان والله يهديه لي يدخل بين الازواج تفاهمو غير بالشوي ربي يعيشك

العضوة: 1831423 , 2 years ago

@user-507404 هاو شكون لي ندخلو من غير ماما ....ماما هي لتفهمني و تحل مشاكلي ...وشيخي انا منهدرش معاه ...لازم ماما تهدر معاه باه يهدر مع ولدو ...مام انا ماما منحبش ندخلها في مشاكلي ...بصح وصلت ومين توصل....لازم والدين يتحركو...انا ماما سمعت بلي جيت خارجة بلابيه ..علابيها جات ...مبغاتنيش نفلج داري ...قاتلي صبري انا نجي...وزايد مين حلف ...راحت وخلاتني حتى لحڨتها لقيتها تهدر مع باباه ...ربي يجيب لخير وصاي ...والله لا هو لا صعيب ...قتلو خطيني مبغاش ...سيرتو مين راني بلكرش ...رآه طايح عليا ...مين راقدة يحرم عليا رقاد ...بزاف صوالح بزاف

العضوة: 507404 , 2 years ago

@user-1831423 شحال عندك زواج

العضوة: 1831423 , 2 years ago

@user-1600834 موالفين والله ....حنا قلاليل خاطينا مشاكل ....ماما ڨليلة ...بصح لي طحت فيهم صعاب ....حاجة مليحة هو يبغيني ...كون مجاش يبغيني كون كملنا في شحال والله .

العضوة: 507404 , 2 years ago

يااختى انا توصلى العظم ومنقولش الدارنا هد الامور بزاف صعاب ولازم نصبرو