العضوة: 507404 , 2 years ago

تقدرى تلقى اخريبن مجانا والباقى بالدراهم كان بحداكم يكون خير ليك

العضوة: 507404 , 2 years ago

@user-1831423 الى ماديرتهم قالى بسبعمية ماشى ربعمية

العضوة: 1831423 , 2 years ago

@user-507404 واه كاين حدانا زوج تاع لاسيرات ...كاين صغيرة و كاين كبيرة ...دوك نشوف زهري لابغا نحاول ونقولهم معنديش ...راجلي رآه حابس و ماما مسكينة راهي معاونتني بزاف ....هي كون مشي غاليين نورمال رآه عندي بصح غاليين و زايد رآه في راسي مئات حساب ...ربي يفرج علينا 🤲🏻

العضوة: 1439027 , 2 years ago

@user-507404 ادا راكي في ولايه شوفي لسبيطارات كامل انا بحملي الاول ديري تحاليل في خمس شهو ر بمليون واش 😔🥺 وتزيدي تعاوديهم في ثامن والله ميكملو هدو بلا الانفيكاسيو🙄 شوفي سبيطرات تلقايا مثلا 10 و3 ديريهم بريفى يطيحولك ميتلف ول ميتين برك

العضوة: 507404 , 2 years ago

ان شاء الله ياربى.

العضوة: 507404 , 2 years ago

يااختى شكون باش يدينى سبيطرات الكل رانى نعانى والسلام وزيد عندى الدوخة ديما كى ديرت تحليل فقر الدم لقيتو ڨراف رانى نعانى حتى مع الماكلة انا

العضوة: 1831423 , 2 years ago

كيفه بريفي ..قصدك كون روح نديرهم في بريفي يطيحولي رخاص ...نورمالمو بريفي هو لي غالي على لعام ؟

العضوة: 1802962 , 2 years ago

@user-1831423 الحمدلله أنا راني فالثامن عندي ولد إن شاء الله كنت في السبيطار جاني الوجع قالتلي ولادة مبكرة والكول محلول وتسرب الما تاع الجنين وزيد لاطونسيون طالعة شدوني وماصبرتش رحت لداري راني على جنبي الأيسر ليل ونهار دعولي ربي يسلكني على خير والله لا عييت كانو باغي يولدوني والبيبي مقعدي راهم يستنو يدور محبسينلي السطر بالابر

العضوة: 1831423 , 2 years ago

ياااااا 💔...ربي يخفف عليك حية ماهيش ساهلة ...كوني كوراج و دعي ربي ...الله يسهل عليك لولادة ...عندك امل باه تدخلي شهر تاسع ولا لا مزالكي على تاسع و راكي مريضة !

العضوة: 1802962 , 2 years ago

@user-1831423 آمين حبيبة راني ندعي في كل وقت راني في 32أسبوع و3ايام على حساب طبيبتي قاتلي مستحيل تدخلي التاسع كون تلحقي غي 35اسبوع

العضوة: 1831423 , 2 years ago

ميطيڨوش يعطوك إبرة تاع تثبيت ولا صاي ميديرش مفعولو ...ولا مثبتات و ترقدي قاع متقفيش ...تڨفي غير في وقت لحاجة ...ولا حية ماهيش ساهلة مين يبغي يخرج يخرج .؟؟؟ 💔💔💔💔💔

العضوة: 1802962 , 2 years ago

@user-1831423 إبر تاع التثبيث روطار عليهم مايخدموش تم تم راهم عاطيني لي يحسبو تقلصات الولادة وراني غي راقدة أنا عندي المشكل فالكول قصير وينحل بلا وقت وعندي غدة بارثولين غادي يقلعوهالي مع الولادة

العضوة: 1831423 , 2 years ago

سما تولدي طبيعي بإذن الله مدام كولك مفتوح ...كون غير يروح وجع و ربي يشوف فيك و تدخلي لابغا اسبوع 36 .

العضوة: 1831423 , 2 years ago

@user-1802962 انا منعرفش دو صوالح لاخطرش دا حملي لأول ...مهم نتي كثري أدعية و استغفار ...راح نعطيك دعاء تعرفيه راح يساعدك بإذن الله✨يا حي يا قيوم برحمتك استغيث... اللهم أغثني ✨ ...✨بسم الله الذي لا يضر مع اسمه شيء في الارض ولا في السماء وهو السميع العليم ✨....عن تجربة لي وحدة قالتنا عليه كانت تقول فيه في طابلة الولادة قاتلك والله محسيت وحمدالله ...ربي خفف عليك

العضوة: 1802962 , 2 years ago

@user-1831423 موالف نولد طبيعي بصح تجيني موغاجي بعد الولادة بصح هادي الخطرة قاتلي على حساب الوضعية تاع البيبي لا دار نولد ولا قعد مقعدي لازم سيزاريان