السلام عليكم صباح الخير
بنات انا بستشيركم وربي احسكم خوات لي انا وزوجي متهاوشين من ٥ شهور تقرييا من شهر ٦ انا ببيت اهلي ومسويه له حضر من كل شي مكالمات ورسايل وواتس الحين خواتي وصديقاتي يقولون شيلي الحضر وحتى هو معطيني حضر تكفون وش نصحيتكم افك الحضر ولا نقعد كذا احسن 💔😑
العضوة: 1688351 , منذ شهرين
@user-1971353 ادخلي على اخر موضوع لي وتفهمين وفيدينيالعضوة: 1971353 , منذ شهرين
اسمعي من اول يوم مشكله قلت حق اهلج ؟ اهلج يدرون عندهم خبر بالي يسويه ريلج اخوج أبوج عمج خالج ؟ لازم ريال يتدخل بينكم ترا ريال يتمادى إذا ما شاف ريال يكلمه شنو تعتذرين ويمد بوز مادري شنو المشكله بس الله يهدي سركم ويصلح ما بينكم بس دايم اقول لازم ريال يكلم ريال لان الحريم ماينفعًون بشي وخاصه اهله اكيد بيصفون ويه ولدهمالعضوة: 1971353 , منذ شهرين
@user-1688351 .العضوة: 1688351 , منذ شهرين
@user-1971353 اهلي مايدرون ولا امي ولا احد بس امهالعضوة: 2014493 , منذ شهرين
تابعي ام اليسر تفتح الساعه 1 الظهر على جاكو وتيك توك ان شاءالله تفيدك قبل تسوين شي.العضوة: 1971353 , منذ شهرين
@user-1688351 غلط غلط غلط إذا السالفه لها اكثر من مره متكرره لازم اهلج يدرونالعضوة: 1688351 , منذ شهرين
@user-1971353 مو تكرر موضوع مواضيع تراكمت وهو ما يبادر ولا يعتذر بس يغلط ويستخدم الصمت العقابيالعضوة: 1971353 , منذ شهرين
مادري احس البنت إذا رضت من الأول خلاص الريال يبيها تتعود كل مره يبيج تعرفين أسلوبه مادري والله بس احس هالشي إذا ماصلحتيه لازم احد يدخل عن نفسي اعطي ريال فرصه مره مرتين ثلاثه بس رابعه اسفه ماقدر أتحمل لازم اهلي يدرون خاصه إذا في بينا يهال الله يصلح حالكم ويهدي سركمالعضوة: 1688351 , منذ شهرين
@user-1971353 امي مريضه تعبانه مااعرف شسويالعضوة: 1971353 , منذ شهرين
عندج اخوان ؟ الوالد؟ عم قريب لج او خال علاقته وياكم زينه ؟العضوة: 1971353 , منذ شهرين
@user-1688351 الله يشفيها يقلبي ويلبسها ثوب الصحه والعافيهالعضوة: 1688351 , منذ شهرين
@user-1971353 اخوي١٤سنه وابوي منفصل وما يدري عنه وقرايبنا مقاطعينهالعضوة: 1971353 , منذ شهرين
@user-1688351 فهمت عليج الحين تبين تعطينه فرصه تقعدين وياه تكلمينه وتتفاهمين وياهالعضوة: 1688351 , منذ شهرين
@user-1971353 سويت مايبي يتكلم واهو الغلطان بادرت انا تخيلي يقول ماابي اتكلم ويصدالعضوة: 1971353 , منذ شهرين
@user-1688351 شي يقهر الله يهديه ويصلحه شوفي بالبدايه صراحه كنت ابي احد من اهلج يقرصه ويكلمه بس الحين مابي بيتج يضيع وبينكم ولد ابيج تحوقلين وايد وخلج مركزه مع ولدج بس لا تكلمينه خليه ع راحته سوي الي عليج وان شالله العيد جاي ويتغير ويهديه ربي