اليوم جبت عامله منزليه من تطبيق ٤ ساعات أنا بيتي كبير والشغل كثير وكنت مخصصه لها أعمال وجدول المهم جات العاملة الصباح وكانت متشيكه وحاطه فل مكياج هذا اول انطباع بعد كذا طلبت منها تغسل لي غرفه فاضيه مع حمامها ماستخدمها كثير وطلبت منها تنظفها فقط عن الغبار وبسرعه لنه في عندي أشياء اهم المهم طولت يمكن نص ساعه جيتها قلت لها )لو سمحتي عايشه سريع سريع ) هي اسمها عائشه الا بدت تنافخ وتصارخ بشكل مبالغ فيه تقولي مافي شي سريع سريع وليش انتي مايجيب شغاله ثاني يساعدني تتشرط بعد 🤓لازم انظف كويس قلت لها أنا حره ذا بيتي والشي الي أقولك تسمعيه لسى في غرف واشياء اهم بتضيع الوقت بذا المكان الي أصلا وضحت لك انه مو مهم عندي وقهرتني وسبتها تكمل المهم وأسمعها تأفف وترمي المكانس وانا جالسه أفكر شلون بكمل معها باقي البيت والاهم أني مخططه لكل شي قبل تجي ايش الي ابغه يتنظف ميه بالميه واش الشي الي ابغاه مشي حالك وانا أكمل عليه بعدين وهذي من اول كلمه قلبت علي المهم جبته وعيون شرار 🤪قلت لها ليش ترمي المكانس يلا أنا مابغاكي شكر بكلم مدير حقك اطلعي برا خلي السواق يجي يأخذك تحسبونها سكتت جلسة تنافخ وتصارخ علي وخلاص أنا ابغى اروح مدري ايش المهم تركتها تنزل للسواق وكلمت التطبيق عليه بس صراحه ماحبيت أضرها قلت ان اسلوبها غير جيد معي لما طلبت منها الاستعجال بالعمل وبيجيبون لي وحده غيرها أنا تعاملت مع كثير شغالات ودابم أقودهم بطريقتي وهم يسمعون الكلام وإذا انتهى وقت عملهم ما أكلفهم بشي ثاني ابد وأساعدهم بس ذي قهرتني مدري تحسب نفسها تعرف بيتي اكثر مني وش رايكن بتصرفي ؟