العضوة: 275918 , 6 years ago

(35) تاني يوم نفس الشي اجى وتحمم عندي وتغدا وشرب اركيلة كان هادي ورايق وعم يلاعب البنات بكل حنيه والمسا قررت قلعو على طريقتي هديل:شو سارة بالبيت لحالها مروان:ببيت اهلها "ما زبطت معي" هديل:خير في شي مروان:مشتاقه لاهلها والدكتورة نبهت عليها انو ترتاح وما تدقر شي وكمان انو ما قرب عليها وانا حكيتلها تروح تنام ببيت اهلها لحتى ترتاح هديل:بدك تنام هون مروان:لا ببيت اهلي هديل:فكرت مروان:هههه اكيد هون هديل:غريب انا ما عندي بالتخت الا مخدة وحدة مروان:بنام انا عليها وانتي بتنامي على صدري هديل:اي لا ما حزرت مروان:كوني متل ما بدي لحتى ما يصير شي ما يعجبك هديل:بلا شو مروان:اي والله وبعد ما يخلص هالنفس روحي نيمي البنات انا مشتاقلك هديل:اي احلم لكن مروان:هلا منشوف مين عم يحلم ما اخدت الموضوع جد اصلن هو عم يحكي حكي نيمت البنات ورجعت اسهر معو مروان:ليش قعدتي يلا قدامي لشوف هديل:مروان مروان:بلا مروان بلا بطيخ انتي حرام الواحد يسايرك الحق عليي انا اعطيتك وش وبزيادة انتي هيك بدك معاملة متلك هديل:مروان بصرخ وبلم عليك الدنيا مروان:هههه فرط من الضحك وحملني على غرفه النوم وانا دفش وعض فيه بس ع الفاضي وسكر الغرفه وقفلها كمان وحطني ع التخت مروان:هلا لفرجيكي قيمتك يا هديل وبلش يشلح هديل:بلا وقاحتك ما رد كان مستعجل هديل:بدك تغصبني يعني مروان:انتي هيك بدك بتفكري كلشي بدو يمشي على زوقك وراحتك لا ما حزرتي هديل:لك مروان ....بعد عني بعد لا تقرب ......

العضوة: 275918 , 6 years ago

(36) حسيت بأنو غريب عليي وزعلت منو كتير بس هو ولا على بالو مروان:وكل يوم هيك يا هديل هديل:... مروان:عنجد ما بتنعطي وش هديل:... مروان:اليوم احلى يوم عندي راح نام وانا مرتاح ايه كان عم يقهرني تمدد منيح وغمض عيونو مروان:صحيني ع الساعه سبعه استلمت سيارة هديل:.... مروان:لا تردي ههه تغطيت وغمضت عيوني مروان:والله لساتك بقلبي وروحي ما عم اقدر اتصور انك بعيدة عني كل يوم عم قول بكرى بتعقل والي وراه بس ع الفاضي بلا احساس انتي هديل:... مروان:النومه عندك راحه نفسيه بكون مبسوط وبدون هموم كل يوم عم فكر فيكي شو عم تعملي مشتاق اغفى على صوت نفسك هديل:ليش سارة ما بتتنفس مروان:سارة ما بتفهمني....مو متلك انتي تعودت عليكي وبتعرفي شو بدي منك من نظرة بتعرفي من اسبوع ما غسلت ومن زمان ما كوتلي ولا قميص بتنسى مدري بتتناسى طبخها ما بيتاكل والبيت ليل نهار مكركب لحتى تيجي امي او امها بيترتب هديل:شو يعني مروان:انا ماني مرتاح معها عقلها صغير وهي اصلن صغيرة عليي شو بدي احكي لاحكي على كلن اغسلي اواعيي بكرة هديل:اي ماشي ....

العضوة: 275918 , 6 years ago

كان عم يبرر لحالو ولا الها ولا على شو عم يلمح بس الاهم انو تكون هي اخر ليلة بنام عندي وبعد ما رجعت سارة ضل عندها كرمال حملها وانا رجعت متل قبل همي بيتي وبناتي وبس كنت افتح الوتس لراقب مروان وشفتو حاطت حالة "لو رحتي بتضلي بقلبي وبعيوني كمان"وانا بس اسمعتها فرطت ضحك هي بداية حركشه جديدة وكأنو مراهق صغير وبعيد ميلاد بنتي هالة عمي عمللها حفله عندو وزينلها البيت انجمعنا بمناسبه كتير حلوة اضحكنا وانبسطنا وكل واحد مننا محضر هدية ل هاله وبالاخص جدها جابلها سنسال دهب ومصحف ومروان كمان وهون الغيرة شعلت بقلب مريم وكمان منى تحسست هي اول مرة منعمل حفله متل هي اغاني ورقص وسهرة غير شكل توفيق:بتعرفو ماحدا متل مروان نسوان تنتين ودلال مستمر حماتي:اتجوز تقبرني توفيق:الله يسمع منك مريم:بلا شو توفيق:منمزح معك عمي:الله يخليكن لبعض وكل واحد الله يهنيه بمرتو مريم:الا عمي مروان😂بنسوانو هي فكرها تقهرني حماتي:ههه جبتيها هديل:عقبالكن يارب ما ينزل عليكن ضراير حماتي :وانا هديل:مو انتي الي جوزتي جوزي حماتي:هههع وهلا مرتو حامل راح يجي الصبي هديل:... مروان:ليش بين شوفيها حماتي:ههه اي بين وسارة ما خبرتك مروان:بشو امي احكي حماتي:فحصت والدكتورة حكتلها صبي فرح وضحكو عيونو مروان:سارة ليش ما خبرتيني سارة:... حماتي:من فرحتها وهي ادريت مروان:ييي هالخبريه بتجنن خالد:الله يطعمك الصبي توفيق:امين يارب

العضوة: 275918 , 6 years ago

(37) تسارعت دقات قلبي وتمنيت لو ما كنت مع اني فرحت بس لهفه مروان وجعتني الله يكملها معو وبلش يضحك ل سارة  وشكلهن كانو متخانقين لهيك ما خبرتو قرب منها وهمسلها شي وهي ما ردت حماتي:دخيل الله شو لابقين ل بعض ...راح ييجي ابنك بيجنن امو بتجنن وابوه مافي بجمالو مروان:عنجد ماما عمى:وبدك تصير ابو احمد مروان:انشالله يارب هديل:الله يتتملكن على خير مريم:هههه وهون بتضل هديل ما معها صبي عمي:شو قصدك توفيق: اقصري الشر مريم هديل:معها حق كملي سلفتي مريم:مو شماته بس لابقلك تكوني ام البنات مروان:واحلى ام بالكون بقلبي اي واضح تعبت نفسيتي من تسميع الكلام كانت مناسبه حلوة بس انقلبت عليي انا وحسيت حالي وحيدة بمعركه يمكن ما انتصر فيها لا لا انا اخسرت ع الاكيد بكرى بعد هالجفا لينساني وراح يلتهي بأبنو كانت منى عم تقلب الاغاني وطلعت اغنيه كلها رقص والكل وقف ليشارك هزت مريم ليوم الهز وتوفيق ما عبرها ومنى وخالد رقصو وسارة خافت علي ببطنها ضلت بمكانها وانا مروان اخدني من ايديي غصب عني يمكن ليراضيني وبلشنا نرقص كنت جامدة بحجه انو مابعرف ارقص بس هو طلب من منى اغنيه رومنسيه ودغري طلعت قرب مني كتير خلاني حط راسي على كتفو ومسكني بأيديه من خصري على اغنيه" خدني معك .....بالجو الحلو خليني معك.......اسرح يا حلو " كانت عيون حماتي عم تطلع فينا وسارة كمان وكل شوي تشرد مروان:بحبك والله هديل: ههه مروان:حقي افرح لا تزعلي مني هديل:الله يفرحك يارب مروان:بحب طيبة قلبك وبدي ضلني حبك لحتى موت انتي ضحكتي وفرحتي بتعرفي كل ما حدا شاف حالة الوتس عندي بفكرني عشقان ما بيعرفو انها الك انتي لهيك سارة زعلانه هديل:... مروان:ما عم بررلك بس لازم تعرفي الي جواتي انا حابب نرجع مروان وهديل الي بموتو ببعض كنتي تغاري عليي من الطير الطاير ومن الهوى هديل:بس هلا معاد الي حق فيك اجى مين يشاركني عليك مروان:وازا بحكيلك هالقلب لساتو مسجل بأسمك بس شو اعمل هديل:عم حاول سدءك مروان:والي حط فيكي هالروح وزرع بقلبي حبك ما بحب غيرك انتي الهوى والنفس والروح هديل:... مسدءتو انا بس حياتي معو القدر فرقها ياريت تكلل حبنا وجبتلو صبي بس هيك الله رايد بعد ما خلصنا هالرقصه سفئولنا كانت منرفزة مريم وهيك انتهت هالحفله .

العضوة: 275918 , 6 years ago

(38) رجعت ع البيت وانهرت من البكي وقفت على لمرايا اطلع بوشي كانت الغيرة عم تشعل جوات قلبي اي اي غيرانه على جوزي من ضرتي اليوم بشع وكتير كمان مروان مسك ايد سارة قدامي وراح ليراضيها بالبيت ما ودعني وما ودع البنات ودغري راح قبل الكل وهنن كل وحدة رجعت مع جوزها وولادها عزلت بيت حماي وهي انا مكسورة الخاطر ما حدا حاسس فيني جوزي متهني ويمكن ينام وهو عم يحلم بالصبي ما راح ادعي على حدا راح بدعي على حالي انشالله بحترق اكتر من هيك انا بستاهل اتجوز عليي بدون علمي ورجع لعندي وخلاني انا وضرتي ما نكره بعض كان اقوى مني تفكيرو عميق واخد مني كلشي بدو اياه واليوم وجعني فتحت لشوف حالتو اكيد حاطت حالة :كان كاتب "سيأتي ما انتظر بأذن الله" ضميت حالي واخدت قميصو حضنتو وانا عم ابكي عليه . ...... كانت فكرة الطلاق عم تزيد ولازم اعمل كلشي بدي اطلق اليوم قبل بكرى اجى لعندي مبسوط هو وسارة وعم يكركرو ضحك يوم جمعه هو معطل فتحتلهن بدون نفس متل اول مرة زاروني دخلو وقفو بنص الصاله مروان:اعملينا قهوة هديل:حاضر مدري شو همسلها وقعدو وبعدها فرطو ضحك والمرة هي بصوت اعلى حرارتي ارتفعت ولفيت لعندهن بعد ما كان حاطت رجل على رجل وايدو على كتفها شكلي بلشت صير على حافه الهاوية هديل:على شو عم تضحكو مروان:على نكته هديل:عم تضحكو عليي انا سارة:ليش شوفيكي انتي هديل:مروان على شو اضحكت مروان:والله نكته هديل:والنكته هي بس شفتوني اتزكرتوها مروان:مانك مسدءة هديل:على شو اضحكتو انا بدي اعرف اصلن من زمان ماضحكت احكي يلا سكتو مافي شي يحكو وبلشت شوف حالي واطلعت لابسه لبلوزة بالعكس فقت مشوشه وما بعرف كيف البست هديل:طب احكيلي كنت قلبتها مو تضحك عليي مروان:عادي بالعكس بيقولو رزقه هديل:... سارة:شكلك تعبانه صح ...او يمكن مو نايمه وشك شاحب ولونك مخطوف ضحك مروان ضحكه من جوات قلبو هديل:عم تضحك عليي مروان بسيطه فيك انا تاركتلك البيت بلي فيه انا صحيح سكتت بس اليوم معاد فيني اتحمل انا لازم من اول يوم اطلقت بس بابا رجعني واليوم ولا قوة بالارض بتقدر ترجعني دغري فتت اركض على غرفتي لبدل تيابي وطلعت بسرعه وانا حامله الشنته هديل:راح بتركلك البنات كمان اتهنى يا مروان مروان:لك شو صرلك ما كفرنا هديل:انا فيوزاتي ضاربين وعم اتبلا عليك سحبت حالي ومشيت

العضوة: 275918 , 6 years ago

(39) مسكني مروان وبلش يشد فيني وانا اسحب حالي منو بدي روح مروان :كبري عقلك هديل: مابدي اتركني مروان:هديل لا تعصبيني هديل:بالناقص مروان:هديل ازا بتطلعي من هالبيت بتكون طالق هديل: خييي الله يبشرك بالخير سارة:لك شو صارلكن ليش هيك مروان شو عم تحكي مروان:هاد الي عندي هديل:مو هاممني واصلن هاد الي لازم يصير وتتهنى مشيت بسرعه وقبل افتح باب البيت مسكني وشحطني معو هي اول مرة هيك بيهجم عليي فوتني لغرفه النوم ولحشني بالارض انا ما بعرف انو عندو هالقوة هي وبلش فيني ضرب وعلى وين بيوجعك سمعت صوت البنات عم يبكو ما تحرك وكأنو انعمى على قلبو اجت سارة لتفكني مروان: روحي سارة احسن ما روحلك الي ببطنك بعدت بخوف ومسكت هالة سارة:مروان حرام عليك لك مروان مروان:كان بدها اياها...انا ما بينحكالي بالناقص انا رجال وبدعس على رقبتك قبل تروحي من هون بدبحك عم تفهمي وانا قلتلك بقتلك وبدفنك وما بطلقك تابع ضرب معاد شفت شي غير اللون الاحمر وين مروان وين بناتي من وين الضرب عم ينزل عليي ما بعرف هديل:انا هديل... بلشت اصرخ متل المجنونه انا هديل انا هديل وبعدها بعد عني وصرخ ب سارة صوت اخدت البنات وطلع من الغرفه وقفلها عليي لايمتى ما بعرف حطيت ايدي على تمي الي مو حاسه فيه كأنو مخدر وانفي عم ينزف ودغري بلشت امسح بتيابي ما بعرف كم ساعه انقضو بس الهدوء مسيطر ع البيت اخدت ابريق المي وغسلت وشي وراسي فيه وبعدها بردت كتير تمددت بالتخت وتغطيت ويمكن غفيت. ......

العضوة: 275918 , 6 years ago

(40) كان في حدا حدي تزكرت ليش جسمي عم يوجعني ليش تمي ورمان وليش مسكر انفي ما عم اتنفس ودغري فتحت عيني كانت سارة حدي سارة:كيف صرتي هزيتلها براسي تجلست بصعوبة اعصابي عم ترجف هديل:بناتي وين حكيتها بهمس ودوبني حركت شفافي سارة:نيمتهن قبل افتح تمي شفت مروان داخل وحسيت انو بدو يكمل عليي تراجعت للورا ومسكت ببلوزة سارة هديل:لا تخليه يضربني مشان الله ...خليه يروح من هون انا...انا  هديل مروان:كيف صارت قرب ليحط ايدو ع جبيني وانا تكهربت هديل:بعديي عني بسرعه سارة:لساتها متل ما هي وحرارتها ما نزلت وعم تهلوس وتحكي وهي نايمه ...مروان اطلبلها دكتور مروان:....انا مروان هديل شبكي انا جوزك انا اسف طلعت عن طوري هلا انتي منيحه راح بتكوني منيحه حضرتلك اكلة طيبه ...سارة روحي واتركيني معها هديل:خليكي عندي بدو يقتلني خليكي امانه مروان:انا ما بدي اضربك لا تخافي مني هديل:انا منيحه انا منيحه بالزور لقدرت وقف على حيلي وجريت حالي لقدرت اطلع من الغرفه وهنن عم يلحقوني ودغري فتحت غرفه البنات كان همي هنن ليكون نامو وهنن خايفين ودغري رحت للحمام غسل وشي وخفت ولي مين هي انا هديل هيك لا لا شفافي منفوخين عنجد تحت عيني ازرق وانفي ماني حاسه فيه بلشت غسل وشي وبعدها اطلعت مروان:تعالي العشى جاهز هديل:ماني جوعانه مروان:لا علي ما علي جوعانه يلا قرب مني ومسكني ومشاني على طاولة الاكل هديل:بدك تضربني صح مروان:لا شو اضربك الله يكسر ايدي قعدني وقعد حدي اطلعت ب سارة كانو عيونها مليانين دموع وكأنها شفقانه عليي حطيت ايدي على تمي وغمضت عيوني مروان:انا اسف والله انعمى على قلبي خفت تطلقي عنجد لهيك قلت بضربك وهيك معاد تطلعي من البيت اليوم لروح افتيها عند شيخ سارة:الله يصلحك كنت قفلت الباب مروان:والله مابعرف وانتي زوديها هديل كنت عم اتزكر كل ركلة وكل كف وكم بوكس وعم نزل حواجبي وشد على عيوني مروان:اطلبلك الدكتور بلشت ابكي وحملت حالي ورجعت لغرفتي وانا عم استند على الحيط اخدت لمخدة وتوجهت لغرفه البنات فتحتها وحطيت فرشه ارضيه ونمت عندهن للصبح . .....

العضوة: 275918 , 6 years ago

(41) سارة اعتنت بالبنات لاني معاد اقدرت ارفع ايدي تمددت بتختي لحتى جابلي الدكتور واعطاني ابر مسكن اللآم وحطلي سيروم مغذي كان حاسس بالذنب يمكن ما فكر يأذيني هيك على اساس فركة ادن والمسا ضل عندي وهو عم يتطلع فيني كيف الضربه غيرت ملامحي كان شفقان كتير وعيونو محمرين مع انو من يوم عرفتو وهنن صافيين وكل شوي ارميه بنظرات استحقار بس اخدت دور البريئه قرب لعندي ورفع شعري عن وشي مروان:ما عم سدء انو انا هيك ضربتك مبارح ما غمضتلي عين والله ندمان هديل:خلص انقضت على خير مروان:فكرة انو معاد بدك اياني عم تشتتني وبعدين انا بعمري جرحتك هديل:لا انت ما بتجرح انت دغري بتكسر ..هاد تاني كسر واكيد التالت راح يقتلني عنجد انا روحي ماتت من زمان معاد الي نفس لا فيك ولا بالحياة هي عم فضل الموت على هالعيشه مروان:بس لتولد سارة بوعدك ارجع مروان الي بتعرفيه هديل:وانت قلتها بس لتحمل ابنك راح تنساني من اصلو مروان:من كل عقلك

العضوة: 275918 , 6 years ago

هديل:انت ما شفت كم درجه تغيرت من وقت اسمعت انها حامل بصبي وشو الو داعي تتمسخر عليي اصلن نمت وش الصبح وصحيت معمي على قلبي كنت نبهتني احسن ما ضحكت..عنجد مروان خلينا نفض هالعلاقه بالتراضي وكل واحد بيروح بحال سبيلو مروان:وعنجد معاد بدك البنات هديل:اي عنجد ....انا بحبهن اكيد بس بدي شوف حياتي متل انت هلا ما عم تشوف حياتك ولا ما بحقلي مروان:بس انا رجال هديل:وشو يعني رجال وانا مراة مروان :بدك تتجوزي يعني ..عشقانه صح هديل:لا ولا بعملها بكل عمري ومين حكالك انو لازم يكملني رجال انا بدي ارجع كمل دراستي مروان:خلص سكري على كل شي ....حبيبتي هديل والله انا بحبك ليش ما عم تفهميني هديل:انت الي ما عم تفهمني لكن هاد وش بني ادمه شوهتني انا ماني حاسه بعظامي ولا حتى بتمي وانفي مروان:الله يكسر ايديي الله ياخدني انشالله موت ريتها الضربه بنص قلبي ولا فيكي غمرني وانا بلشت ابكي على كلشي بخصني حياتي كيف تحولت من جنة لجحيم وللوجع بس خلص الي صار صار تركني وراح والمسا اجو اهلي وحكالهن راحت زيارة هي والبنات لعند رفيقتها وما قعدو بعدها ضليتني متخبيه عن الكل لحتى راح الوجع ووشي رجع طبيعي بس على بني بالمكياج كان يروح وهيك رجعت حياتي طبيعيه وسارة مكملة حملها لحد ما وصلت للست شهور ويومها اسعفوها على اثر نزيف حاد ونزلت الجنين لانو رحمها لساه طفولي ما استحمل الحمل وبالفعل نزلت صبي هيك خبرت حماتي ومروان زعل كتير مو شوي وهيك كانت عم تستمر حياة مروان وهي مرتو عم تجهض وبعدها تعبت كتير والدكتورة اعطتها حبوب مانع وحمتها عن الحمل لاكتر من سنه ليرتاح ظهرها وجسمها ومروان يضرب اخماس بأسداس بدو صبي وحماتي ادخلت بدورها

العضوة: 275918 , 6 years ago

(42) بدها تجوزو وتعودت على هالموال وسارة جن جنونها متلي وبلشت تطلب الطلاق وهو معند لانو متل ما عمل فيني لساه ما تجوز وبس يتجوز بيتكرها تتعافى اسبوع وخلص بيرجع متل اول وبلشت حماتي تطلبلو عروس هالمرة مو صغيرة اكبر من سارة واصغر مني ومروان من تم ساكت يعني الموضوع خارط مشطو وانا النار عم تشعل فيني وعلى حياتي الي بدها تخرب اكتر ما هي خربانه كنت واقفه ع المجلى واتصلت فيه لاحكيلو بدي انزل ع السوق وهون رد عياش هديل:وينو معلمك عياش:معلمي مستلم سيارة هديل:بس يخلص خليه يحاكيني بعد نص ساعه رجعت دقيت وانشغل بالي وعياش عم يتأتأ هديل:وينو معلمك حكيتلك عياش:والله يا معلمتي ما بعرف شو بدي قلك بس لمعلم خالد ولمعلم توفيق نبهو عليي ما احكي هديل:لك احكي عياش: لمعلم مروان استلم سيارة وكان نازل تحتها ليزبطها وفجأة خربت الرافعه ووقعت عليه وهو هلا بالمشفى بين الحياة والموت

العضوة: 275918 , 6 years ago

هديل:ولي على قامتي بأنو مشفى اتصلت ب سارة تنزل لعند البنات وبدون ما خبرها شوفي وحطيت على حالي عباية سودة وطلبت تكسي وبوشي ع المشفى وصلت وسألت عنو ورحت اركض لحتى شفت توفيق وخالد واقفين حد غرفه العمليات وبس شافوني استغربو هديل:وينو خالد:شو جابك لهون انتي هديل:لك مشان الله كيف صار توفيق:لساتو متل ما هو هديل:ولي ولي بلشت الطم واضرب على وشي قعدوني ع المقعد غصب عني هديل :لك كيف هيك صار توفيق:خلص وكلي الله انشالله حدا بالبيت دري هديل:لا ما حدا دري انا اجيت من اول ما سمعت...من زمان صار الحادث خالد:من ساعه هديل:ولي ولساتو بالعمليات توفيق:هلا بيطمنونا هديل:ولي راح الرجال لك وين بدك تتركني انا والبنات والله بدونك نحن منضيع خالد:لا تفاولي عليه خلص سكتوني وما سدءنا ايمتى طلعت الممرضه:مين جاي مع المريض خالد:نحن...طمنينا الممرضه:تجاوز مرحلة الخطر وهلا راح ننقلو على غرفتو ليصحى هديل:بيصحى اليوم الممرضه:الدكتور حكى خلال اربع وعشرين ساعه طالعوه من الغرفه باين عليه التعب ما شفت اي حدا غيرو نقلوه للغرفه ومنعو اي حدا يشوفو لحتى يصحى عاصم:الحمد الله ع سلامتو خالد:الله يسلمك توفيق :طمنا دكتور عاصم:ماشي حالو لازم يضل تحت المراقبه اليوم ما على قلبو شر هديل:يعني بيصحى عاصم:اكيد ....وبعدين ازا المريض بحالو طلب رب العالمين انتو شو بدكن تعملو خالد:شويعني عاصم: كان طول الوقت وهو مخدر عم يقرأ قرآن توفيق :الله يشفيه عاصم:ما على قلبو شر هديل:فينا نشوفو عاصم:اكيد بس مو  هلا ارتاح قلبي كتير مو شوي وقعدنا ننطر بالقاعه وكلنا ساكتين هديل:كيف هيك صار ما عم سدء خالد:قدرو ونصيبو

العضوة: 275918 , 6 years ago

(43) توفيق:كمان هالسيارة حديثه وما حدا بيعرف يصلحها غير مروان هديل:يارب عشر ساعات انقضو راح خالد ليثبت حضور ببيت اهلو ولحقو توفيق وانا وصوني ضل عندو وازا صار اي شي خبرهن شافني عاصم واجى لعندي عاصم:كيفك هديل هديل:متل مانك شايف عاصم:لا تخافي كسر واحد بأيدو وشويه رضوض يمكن دغري اسعفوه هديل:اي الحمد الله عاصم:ازا محتاجه لاي شي انا موجود هديل:لا شكرا عاصم:عفوا شوي واجت حماتي وعمي وهي عم تركض وتبكي حماتي:وينو ابني وينو عاصم:ابنك بخير يا ام مروان حماتي:ولي ولي على قامتي عاصم:وكلي الله عمي:وينو هلا عاصم:بغرفتو هو منيح عمي:بدي شوفو عاصم:اكيد اول ما يصحى التفتت لعندي حماتي وفتحت عيونها بوشي حماتي:ليش ما خبرتيني اه....هاد كلو منك اي منك هديل:انا ...شو دخلني حماتي: اخرسي وحسابك بعدين رغم اني مو عاملة شي بس خفت انا شو دخلني وقعدت افرك بأيدي بتوتر  وكل شوي لف الشالة لاني البستها بسرعه بدون ما ثبتها وكل شوي حماتي تزورني وتتحلفلي بعيونها كان بس ناقصني هي طنشتها وبلشت ادعي ل مروان مضت هالليلة وكل واحد مننا مستند لورا وكل ما اغفى ارجع اتزكر حادث مروان ودموعي يهرو لحالهن والصبح اجت سارة وتاركه البنات ببيت اهلي واجى عادل لعندي وبس شفتو ارتاحت نفسيتي وبعدها بابا وهيك تجمع مو طبيعي لحد ما طلعت الممرضه من غرفه مروان وكلنا اطلعنا فيها الممرضه:مين منكن الست هديل هديل:انا الممرضه: المريض طالب يشوفك قلبي فرح من جوى والكل عيونهن عليي حماتي بحقد وعادل غمزني ودغري فتت وعيوني معلقه عليه ابتسملي كان تعبان هديل:الحمد الله ع سلامتك كنت واقفه باخر الغرفه شفت اصابعو اتحركو وعم يندهلي مروان:تعالي قربت منو شوي شوي وقعدت بحذر على طرف التخت ورجع حرك اصابعو مسكتلو ايدو هديل:كيف صرت مروان:احسن هلا كان عم يهمس همس مروان:خفتي عليي هديل:ما بتتصور كيف خفت موجوع مروان:لا ابدن بلعكس مرتاح ومبسوط هديل:كيف مروان:بس شفت عيونك حكتلي الممرضه اجت اول وحدة ونمتي هون كرمالي هديل:ما طاوعني قلبي اتركك مروان:والبنات هديل:عند سارة وهلا ببيت اهلي شد على ايدي الحرارة سرت بكل عروق جسمي وحسيت قلبي رجع نبض من جديد واتزكرت ايام الخطبه اول مرة مسكلي ايدي فيها كيف اخجلت مروان:بحبك هديل:وانا كمان مروان:بس لاطلع انشالله في شغلات كتير لازم اعملها هديل:هههه مروان:بدي عوضك عن كل لحظه...يا نبض قلبي انتي

العضوة: 275918 , 6 years ago

(44) كنت عم اخجل بزيادة وكنت خايفه يكون فقد عقلو ولي عليكي يا هديل بستلو ايدو وضليتني ماسكه ايدو لحد ما فات الدكتور ودغري بعدت عنو عاصم:شو كيفك مروان افندي مروان:احسن عاصم:ايه شو هاد شعبيتك عاليه المستشفى مليان اهلك واصحابك ما حدا متلك مروان:ههه المحبه من الله عاصم:والله بحبك انكتبلك عمر جديد مروان:الحمد الله عاصم:شو حابب تطلع من هون مروان:ياريت عاصم:بس هاليومين بعد ما اطلعت من غرفه مروان كانت حماتي على نار بتستنى كيف طلبني انا وهي امو ما طلبها حماتي:شو كيفو ابني هديل:الحمد الله حماتي:انا بفرجيكي ساحرتيه والله ساحرتيه عامليتلو عمل لهيك عم يركض وراكي ما فهمت عليها ودغري قعدت حد عادل احتمي فيه عمي:عيب ام مروان هالحكي حماتي:كان قلبي حاسسني انو ابني متغير اصلن بعمرو ما ركض ورا مراة بس هي الحية كاتبتلو حجاب مخليتو يلحقها جننتو الله يجننها عادل:شو هالحكي هاد ما بيصرر حماتي:اي ما بيصير مو امك معها من حالها ما بتعملها بس والله معاد الك قعدة ببيتنا كان عادل بدو يحكي وانا شديت على ايدو وهو فهمني ولادها وجوزها وبناتها ما بيصير يغلط عليها احترمنا حالنا بسكوتنا وهي ما احترمت اي حدا وبس طلع الدكتور استلمتو حماتي:ابني منيح عاصم:منيح خالة

العضوة: 275918 , 6 years ago

حماتي:ليش ما طلب يشوفني عاصم:ما بعرف اسأليه الو وهو من وقت فتح عيونو كان عم يهدس باسم هديل حماتي:من عمايلها عاصم:فيكن ترجعو لبيوتكن وضعو منيح وهو مابدو حدا هيك خبرني حماتي:بدي شوفو عاصم:على راحتك فاتت لعندو والكل بلش ينسحب وضليتني انا وعادل لحد ما طلعت حماتي من عندو عم تبكي وراحت كمان دخلنا انا وعادل وبس شافنا انبسط هديل:خير شبها حماتي مروان:بعدين بتفهمي عادل:اي صهري شد حيلك مو لابقلك التعب مروان:بعين الله قضيت يومي عندو وما تزحزحت والمسا بس اجى عمي وقعدنا سوى وبعدها مروان طلب مني اني روح واطلعت اتمشى لحالي فتت ع الحمام توسوست بس طردت اي فكرة من راسي وبعدها استنيت لحتى طلع عمي ونمت كمان هالليلة مع مروان وبناتي عند امي مو هكلانه همهن ابدن هيك لحتى عملولو فحصات وخرجوه جابتلو سارة اواعي وساعدتو انا بلبسهن باين انو موجوع بس هو بيكابر على حالو رجع على بيتي انا وما قبل يشوف او يحكي مع اي حدا حتى سارة قلعها ليش انقلب ما عرفت وما اقدرت اسألو اجت ماما ومعها البنات وانبسط بشوفتهن وحبيبة قلبو هيا حطها على صدرو رغم انو تعبان كنت طول الوقت عم اهتم فيه متل قبل واحسن وما خليه يدقر شي انا طعميه وشربو وساعدو بتديل اواعيه وكمان بحمامو لحتى صارلو اسبوع ما زارتنا حماتي بس سلافي ونسوانهن وعمي سارة جابت كل اواعيه لعندي

العضوة: 275918 , 6 years ago

(45) وانا ما رفضتهن غسلتهن وكويتهن وجهزتلو لخزانه لحتى ايمتى ما حب يروح  مشوار يكون جاهز وبيومها اتصل ب ضرتي واجت لعنا كنت قاعدة حدو وباين انها متوترة وخايفه منو مروان: ما ضبيتي اواعيكي لسى سارة:بترجاك تسمعني مروان:انا ما عندي نسوان يروحو على بصارات وعرافات فهمتي سارة:والله حماتي الي زينت الفكرة براسي مروان:خلص انتهى كلشي وبكرى ورقة طلاقك بتوصلك ع البيت شهقت بدون ما حس على حالي مروان:سارة انتي طالق طالق طالق