العضوة: 275918 , 6 years ago

طلعت تبكي من الغرفه كنت بدي روح شوفها بس مسكلي ايدي هديل:لك ليش طلقتها حرام عليك مروان:حرام عليي ولا حرام عليها وعلى ماما هديل:ليش شو عاملين لحد هلا ما فهمت مروان:انتي مسكينه والمي ماشيه من تحتك ومو دريانه هديل:طيب فهمني مروان:هي ماما وسارة من زمان عم يروحو على عرافه سحر وشعوذة لحتى يخلوني اكرهك وعم يحفرولك للطلاق هديل:اه وانت كيف عرفت مروان:حبل الكزب قصير وبأخر اتصال كان بينها وبين ماما كنت واقف برا الغرفه واسمعتها عم تحكيلها والله ما عم يزبط شي مروان بدل ما يكرهها عم يحبها ويعشقها اكتر وضليتني ورا الموضوع واتاكدت بنفسي راحو سوى بعد ما طلعت للورشه وانا لحقتهن وشفتهن لوين راحو وافهمت انهن عم ياخدو شغلات بتخصك وبتخصني لاكرهك بس سبحان الله ما زبطت لاني كنت عم اتعلق فيكي هديل:ومن زمان عرفت مروان:من قبل الحادث بأسبوع لحتى سألت واتاكدت كرمال ما اظلم حدا والي بتشتغل مع العرافه دفعتلها لحتى حكتلي على شو ناويين ماما وسارة وقت واجهتهن نكرو وامي تبلتك الك بتفكرني ما راقبتها هديل:كل هاد مروان:اي انا كنت مشوش كل هالوقت وعنجد هديل يمكن ما تسدءي كنت عم اشتاقلك بكل لحظه بالشغل ما عم فكر غير فيكي وكتير حاول اطردك من فكري ترجعيلي تلقائيا وحتى بمنامي صرت شوفك ومعاد اقبلت سارة صرت اتخيلها انتي كأنو كان ينقلب السحر على الساحر وقت اعرفت انها حامل بصبي قلت يلا يمكن تزبط بس الله مو رايدلي يكون عندي ولد يحمل اسمي هديل:ومو ناوية حماتي تجوزك مروان:اصلن هي ضحكت عليي بالجوازة التانيه والحمار سلامه فهمك ما بيوقع بالجورة مرتين الاهم انك لساتك بحضني هديل:ههه بس بتعرف هلا كبرت بعيني وحماتي كانت بدها تلزق التهمه فيني كانت تحكيلي ساحريتو عيونو لمعو وابتسملي وقرب من وشي مروان:اي احكي لكل الكون انك ساحرتيني بنظافتك وبجمالك وبحبك وطيبة قلبك ساحرتيني بنظرة عيونك بضحكتك بكل شي هديل:ههه كل هاد مروان:واكتر يلا طفي الضو انا تعبت وبدي نااام هديل:حاضر الف طلب متل هالطلب ....

العضوة: 275918 , 6 years ago

(46) مروان قرر انو نبعد عن الحساد والي بيكرهونا لهيك طالع جوازات سفر الي وللبنات بعد ما خلص اجراءات الطلاق ودفعلها كلشي باع عفش البيت كلو وفت عملة لحتى قدر يطالعنا فيزا على لكويت ودع بيت حماي واخد رضا امو وسامحها وانا ودعت بيت اهلي ويومها اصحينا بكير كنت عم ودع كل ذكرياتي بالبيت افطرنا جهزت البنات ولبستهن نفس الالوان وانا البست متل ما بدو مروان عباية سودة وشالة سودة وحفاية وهو لبس بنطلون ابيض وقميص كحلي وجاكيت اسود رسمي ونزلنا من البيت مروان قفل الشقق واعطى المفاتيح ل عمي ودعونا على باب البنايه حماتي زعلانه ومريم مبسوطه بدي روح من وشها تودعنا ورغم الكره بس انا سامحت الكل ودعونا وتوجهنا بسيارة مروان للمطار طول الطريق ونحن عم نحكي ونضحك سلم السيارة ل عياش وودعو ودخلنا المطار كفينا اجراءات المطار وركبنا الطيارة ساعتين ونص كنا بنص لكويت اسبوع قضيناه بالاوتيل وبعدها مروان استأجر شقه واشترى ورشة مكينيك هنيك كانت صنعتو دهب هيك بقولو ما توقعنا انو يربح كميه هالمصاري كان معو من قبل بس هلا اكتر فتح حساب بالبنك ورجعنا

العضوة: 275918 , 6 years ago

استأجرنا شقه افخم واغلى استقرينا هنيك بحدود ال١٤ سنه كبرنا بعيد عن الكل وعنجد انبسطنا تعرفنا على اصدقاء من مصر ومن لبنان وكنا بكل نهاية اسبوع نجتمع على البحر نضحك ونغني ونفرح مروان رفض انو احمل من جديد والحمد الله اكتفينا بأربع بنات كانت كل وحدة احلى من التانيه بيشبهو القمر درسناهن وعلمناهن وكل يوم كنا نجدد حبنا للوقت الي قرر فيه مروان نرجع طبعن زيارة لانو عمي تعب وانا اشتقت لاهلي ارجعنا لهنيك البلد متغيرة الكل متغير الوجوه ما بتشبه القديمه بس الروح وحدة مروان غزى شعرو الشيب بس انا لا الله يستر على الصبغات هالة بنتي طبقت العشرين سنه وقمر ال١٢ سنه حماتي وعمي كتير كبرانين وسلافي متغيرين وحتى سلفاتي وولادهن كبرانين كتير كتير نصر كان من جيل هالة وامير من جيل قمر اجتمعنا ببيت عمي بعد ما باعو البنايه وكل واحد استقل ببيت عمي:يا الله كيف هيك مرت هالسنين حماتي:بس اشتقنا عنجد لهالملة توفيق:بكل جمعه نجيب سيرتكن يا الله شو محبوبين مروان:وانتو على طول ع البال مريم:الله يستر على الاتصالات والصور خالد:لولاهن ما منعرف بعض منى:لا مو لهدرجه هديل:ما شاء الله لولاد كيف كبرانين تركناهن فصاعين صغار خالد:لا تزكريني فيهن منى:اي والله قبل كانو تحت جناحاتنا هلا والله مطالعين الشيب على راسي نصر ما بيسمع الكلمه وبيردها عشرة وناصر مو مخلي ولا شلة زعران مو مرافقهن ولا امير الله لا يفرجيكي مدوقني المر

العضوة: 275918 , 6 years ago

{النهاية} اطلعت ب مروان ومروان اطلع فيني وابتسمنا مروان:اي وانت توفيق توفيق:ههه انا حسن هالكني ومو ملحق عليه طلبات ومصاريف مريم:وعنا سهى ما بيعجبها العجب ولي عليها منى:وانتو مروان:لا نحن مافي متلهن وردات طالعات لامهن الله يخليلي اياها حماتي:الله يحميكن ويطعمك اصهرة ولاد حلال هالة:بس انا تيته ما بدي اتجوز حماتي :اف ليش هالة:انا بدي كمل دراسه الطب وبعدها بدو بابا يفتحلي مشفى صح بابا مروان: حاضر من عيوني يا قلبي عمي:وانتي هبة هبة:انا بحب الرسم بس ماما بدها مني اعزف لهيك عم ادرس موسيقى مروان:وهيا اختصاصي هي بتعمل الي بدها اياه منى:ايه والله وعرفتو تربو...اتعلم ناصر وانت نصر من بنات عمك حماتي:بيقولو بنات الله يهني البنات ويسعدهن مافي احن واطيب منهن خالد::اي والله لولا البنات كان الكون خرب ضحكنا سوى تعشينا ببيت حماي ونمنا هنيك اسبوع كنت عم راقب البنات وعلاقتهن بولاد عمهن الي فيها شوية اعجاب بس كنت مفكرتهم لساتهن صغار ما بعرف انهن كبرو وكل وحدة عندها اسرار هالة وهبة كنت عاملهن كانهن رفقاتي مو بناتي لحتى اي وحدة منهن ما تلجأ لغيري وكون انا سندهن وياخدو مني النصيحه كان مروان عم يراقبهن متلي ومبسوط فيهن مروان:لك هديل شايفه متل ما انا شايف هديل:اي شايفلك هالة مع نصر وهبة مع ناصر مروان:الله يحميهن يارب ..بس اخواتي بيتناسبو هديل:لا ما تحلم فيها انا بدي جوزهن للغربه مروان:هههه متل ما بدك يا روحي حط ايدو على كتفي وسندت راسي على كتفو مروان:ايه وكبرنا يا هديل هديل:ههه لا لساتنا صغار مروان:هههه قصدك انتي هديل:وانت احلى شب بالكون مروان:تسلميلي طبعلي بوسه على جبيني وهيك منكون اكبرنا على شغلات تانيه . رغم كل الظروف الصعبة وكلشي مر بحياتك لا تيئسي ولاتخلي فكرة انك مراة تجبرك تعيشي تحت واقع انت ما بدك اياه وبعمرك ما تزعلي من قسمتك بالحياة والشغلات الحلوة يمكن نفقدها بس منقدر نرجعها يمكن الجرح يطيب بس بيخلف وراه اثر وبيضل معلم فينا بروحنا ومنتعلم منو كتير شغلات . البنات نعمه من رب العالمين هنن الدفا والعطا والحنان وكل رجال بحياتو بيلجأ للمرأة أم أخت زوجه بنت هنن بيكملو الكون وبيلمو العيلة ومن دونهن الحياة ما الها طعم ولون . بقلمي:مايا الحجازي النهاية . عطوني رايكم بالقصه والكاتبه 🌹❤️

العضوة: 442041 , 6 years ago

بتجنن فقت من النوم علشان اكملها

العضوة: 275918 , 6 years ago

@user-365861 هي قصه جديده

العضوة: 275918 , 6 years ago

@user-442041 😘🌹

العضوة: 196411 , 6 years ago

@user-275918 بتجننن قصه

العضوة: 464700 , 6 years ago

القصه حلوا وفيها عبره ان اللذي ماله نصيب بالاولاد ماله يهب لمن يشاء إنثا ويهب لمن يشاء الذكور وكذالك القصه من الخيال ليست من الواقع

العضوة: 477598 , 6 years ago

بجنن🌸🌸

العضوة: 444988 , 6 years ago

يعطيك العاافية القصة كثير حلوة

العضوة: 275918 , 6 years ago

شكرا لمروركم بنات 🌹🌹

العضوة: 497132 , 6 years ago

@user-275918 وين تكملة القصه نحنا بإنتظارك

العضوة: 275918 , 6 years ago

@user-497132 كامله حبيبتي

العضوة: 497132 , 6 years ago

@user-275918 ميرسي حبيبتي ما انتبهت عالتعليقات قاعده بقرأها تسلمي عالقصه كتير حلوه