العضوة: 713353 , 2 hours ago

انا بعرف كل خطوة تدلك كيف تراقبي الواتس تبعو بس مستحيل اعطيكي ياهم لأني ما رح كون سبب بخراب حياتك و بيتك و استقرارك اعملي مثل ما قلتلك خليكي عم تمننيه انك. معو و انك قبلانة بالعيشة معو حسسيه انو هو الناقص هو يلي فيو غلط لحتى عم يلتفت لطريق الخيانة و الخراب خليكي واثقة بحالك قدامو و امدحي بحالك و بمحاسنك و خليكي عطول عم تقولي قدامو انو انتي بتسوي ١٠٠ بنت حرام بخربو بيوت الناس خليه عايش بخوف و اشتغلي بذكاء و دهاء رغم معرفتك بسوءو صدقيني انتي يلي رح تكسبي امّا الطريق يلي عم تحاولي تاخذيه طريق كلو غلط. بغلط لا تعالجي الغلط بغلط اضخم منو بمراحل حاسة فيكي و بعرفك موجوعة و تعبانة و بدك تفشي غلك بس صدقيني رح تفشي غلك و تنزعجي ليومين و ٣ و بعدين تقولي يا ريتني ما عملت هيك و تركتو

العضوة: 713353 , 2 hours ago

ما عم قلك لا تعملي هيك لأنك مش قدرانة او انك ضعيفة بالعكس إنتي قوية رغم معرفتك بخيانتو و خذلانو إلك و لساتك معو انتي قوية كفاية انك تعملي حالك مش عرفانة شي قدامو و لكن انتي عارفة كل بلاويه خليكي انتي العاقلة الرزينة و عيشيه بخوف و قلة أمان لحتى يحرّم يعيد هالفعل الشنيع بس انك تعملي هالحركة صدقيني رح تندمي كثير كثير

العضوة: 2414921 , 2 hours ago

انصحك لا تفتشي ورا زوجك اتركي الأمر لله هو وحده يستطيع يخليه يبعد عن هذي الأشياء

العضوة: 1906446 , 2 hours ago

والله نحنا صاحيات و كتير، ما في مرة بتقبل خيانة زوجها، و مجرد انو عم يخونها استحالت العشرة بينهم ، والي بعمل هيك بكون ابن شوارع ، ازا في وحدة بتسكت عخيانة زوجها رح تعيش كل عمرها مذلولة و منهانة كرامتها ، و عأي اساس بتقولو ينخرب البيت ، وين البيت هادا مهو مخروب و الذكر الي خربو بإيدو ، لما تكون متزوج بتنقبر ما تطلع غير ع مرتك و ما حدا يعبي عينك غيرها، مش يخون و الوحدة تتحمل و تسكت ، و تقهر بحالها و تنجلط ، اصلا رح يضل في مشاكل بالبيت، ولعلمك ازا ضل الزوج هيك ، ممكن الزوجة تغلط و تردلو هيي و تصير تعمل زيو ، هادا بدو تأديب و ازا ما اتأدب و عرف ان الله حق ، شو بدها فيه طزززز فيه، اصلا هي حاليا بتكون مش قادرة تتنظرو ، كيف بدك ياها تعيش معو!!!! والله نحنا الي منستغرب بنفكيركو، لو هي عملت هيك كان ما اعطاها فرصة دغري طلقها

العضوة: 713353 , 2 hours ago

كيف عندك هاي الفكرة يا اختي انو المرا تخون اذا زوجها خان شو هالأفكار هاي ما بصير تقوليها قدام هالمرا في شي اسمو تربية و مخافة من رب العالمين يعني بعيد من هون اذا زوجك بيوم خانك رح تروحي انتي كمان تخونيه يا لطيف! شو هالحكي في زلم وقحة لما تشوف المرا عرفت بتصير بتعملها قدامها نكاية فيها ما حدا قاللها اتحملي مشان ولادك و هو زوجك رح يخون و يلف و يدور و مرجوعو إلك.. يلي قلناه الأفضل إلها لا تعمل هالشي لأن رح ينقلب ضدها و رح يجيها من باب انتي عم تتجسسي و يقلب عليها الطاولة ما حدا فينا بيعرف كيف بفكر زوجها و لا انتي بتعرفي و ولا انا بعرف و لكن يلي فينا ننصحها فيو هو انو تحافظ على هلى كرامتها و تورجيه انها مش عارفة و لكن هي بتعرف تخريبو و بلاويه و فيها تتصرف مليون طريقة بدون ما تواجه وقاحتو و اذاه بشي اكبر و غلط اكبر

العضوة: 1906446 , 2 hours ago

حبيبتي انا اولا زوجي شايفني و مش مصدق، بس ازا خانني لا سمح الله مستحيل اقبل اضل يوم واحد معو والله لو بدي اقعد بالشارع، تانيا هالفكرة مش من خيالي شو انتي مش عايشة بالدنيا! ياما سمعنا هيك بلاوي ، انا ما عم قول تعمل هيك ، بس الشيطان شاطر و مهما الوحدة كانت محترمة ممكن يوسوسلها الشيطان ، مش عم بحكي ع صاحبة الموضوع بحكي بالعموم، و القلب ربنا الي بثبتو ليه دايما بندعي يا مثبت القلوب ثبت قلبي على دينك؟ لان الاحاسيس و المشاعر مش بالايد ما الها علاقة بالتربية .... بتقولي في الف طريقة ! طريقة شو هاي شو بدنا نلعب لعبة البسة و الفار !!!! الزواج مش لعبة و هو ميثاق عريض لازم ال ٢ يلتزمو فيه و يحافظو ع بعض و يحترمو العشرة بينن.... انتو افكاركو ذكورية ،والله لو وحدة كاتبة عم خون زوجي كنتو قلبتو عليها و عملتوها وسخة و بنت شوارع، اما الزوج عادي ذكر بعمل الي بصحلو ولازم الوحدة تتحمل و تنخرس و تعيش ذليلة ! افكار ازدواجية و عنصرية !!

العضوة: 1914601 , 2 hours ago

الاهم شو ردة فعلك اذا اكتشفتيه بخونك؟؟ اذا انت من النساء الي تقول اولااادي و مابدي وجع راسي وهالسوالف الي مو منطقية لابالشرع ولا الدين ف خلص اجلسي ولا تفتشي..اما اذا انت حازمة بهيك موضوع وعندك استعداد كلشي ينخرب وتكملي حياتك عادي حتى باحتمال الطلاق ساعتها دوري عالحقيقة ..لانو تقعدي ببيت واحد تعرفي انو عم يخونك ٢٤ ساعة مو منطقية

العضوة: 713353 , 2 hours ago

طيب كويس انو زوجك شايفك و مش مصدق الله يديم عليكي فكرة الخيانة ما عم قلك عادي للزلمة و عيب المرا الثنين رح ينعابو بنفس العيب و لكن مع الأسف الزلمة لما يخون الكل رح يقول عنو يلا زلمة و غلط او نزوة مع الأسف بس لما المرا تخون صارت هاي قليلة شرف و مانها متربية و بناتها رح ينعابو على عيبها و رح ينحكى اشكال ألوان على كل مين إلو صلة بالمرا ما في وحدة فينا بتتحمل الخيانة و بتقبلها على حالها بس انو اجي اكون سبب بخراب حياة انسانة طلبت مساعدتي لا والله ما بكون سبب خراب.. الأفكار الإزدواجية يلي عم تحكي عنها حضرتك هذا اسمو مجتمع غبي و ذكوري انا و انتي عايشين فيه ما بعرف انتي وين عايشة حتى عم تقولي عننا تفكيرنا ذكوري بس ابصملك بالمليون تفكيرك مانو صح بمجتمعاتنا العربية مع الأسف يعني ممكن تفكيرك يمشي بأوروبا او برا المجتمعات العربية اي صحيح. انتي زوجك بمشي معو تفكري هيك على عيننا و راسنا بس ما الكل رح يمشي معو مرتو تفكر هيك خليكي محضر خير و انصحي النصيحة العامة لا تفرضي افكارك و مفاهيمك على مفاهيم عربية بحتة لا انا عملتها او انتي مع الأسف هذا المجتمع يلي كلنا عايشين فيه و اتربينا فيه و مهما اتحضرتي و اتطورتي مجرد ما تسمعي مرا خانت رح تقولي انتي بحالك قديه هي سيئة بس عم تدّعي المثالية لأنك مانك عايشة الوضع يلي الأخت عايشتو الحكي سهل معك حق بس وقت توقعي بالمصيبة بصير التصرف صعب👍🏻👍🏻

العضوة: 1906446 , 2 hours ago

ازا متابعة الموضوع كان شفتي شو علقت انا من الاول ، بس ازا وصلت للحقيقة انو كان شكها بمحلو، هي حرة التصرف ، انا قلتلها لو انا انحطيت بهالمكان لا سمح الله ما بتردد لحظة اني اتركو، و هي مش بنت صغيرة ينلعب بعقلها و نحنا ما منعرف حياتها ولا ظروفها، طلبت رأينا و حكيناه و هي عندها حرية التصرف

العضوة: 713353 , 2 hours ago

انا قرأت كل التعليقات و شفت تعلقياتك و تعليقات كل البنات لحتى لما بدي احكي و اناقش بالموضوع كون عرفانة شو بدي رد على كل حدا عم اتناقش معو صدقيني يا اختي ما في مرا مننا بهون عليها الخيانة بس عم تقلك هي عندي ٤ اطفال ما اعتقد رح تقدر تتخذ خطوة الأنفصال و تخرب حياة ولادها ما اختلفنا بيتها خربان بينها و بين زوجها و لكن في ولاد بالنص و ما بيعرفو بشي و عندهم حياتهم و روتينهم و استقرارهم . انا يلي ناقشتك فيه نحنا يلي قلنا لا تواجهي مش هاين علينا خيانتو الها و ولا تفكيرنا تفكير ذكوري بس في نسوان ممكن تتأثر بنصيحة من ٢ او ٣ في نسوان مع الأسف بتصير بتفكر بالحكي و ممكن تعمل يلي انقاللها لا انا او انتي بنعرف كيف عم يفكر الطرف يلي مقابيلنا علينا ندعيلها الله يهون عليها و يرشدها للتفكير السليم المنطفي يلي ما يإذيها اكثر مما هي منأذية

العضوة: 1906446 , 2 hours ago

انا بدعيلها الله يهدي بالها و يكون شكها مجرد وساوس و مش حقيقة ... الله يهدي كل زوج لزوجته و يبعد عنن كل سوء

العضوة: 713353 , 2 hours ago

آمين يارب الله يبعد عننا هالإمتحان ولا يقسملنا نعيشو كل شيء بإيد رب العالمين

العضوة: 1906446 , 1 hour ago

اللهم امين حبيبتي

العضوة: 2448329 , 1 hour ago

انا برايي مالها غير صلاه وقرانا وتقرا قران وتكتر والاستغفار والدعاء وما بتشوف غير جوزها رجع لها اذا مو مشانه كرمال الاولاد اقرئي سوره ياسين كتير منيحه

العضوة: 2438010 , 1 hour ago

لنفترض كان يخونك وراقبتي جواله ولقيتي الصدمة شنو راح تكون ردة فعلك ؟ راح تسامحيه ؟ اذا كنتي رح تفتشي و تدوري و اخر شي تسامحيه فلا تدوري وراه من الاول وريحي راسك و خليه شايف انك مو عارفة شي احسن من انك تعرفي وما تسوي شي ، فنصيحتي لك لا تمسكي جواله من الاساس