العضوة: 1427795 , 3 years ago

سلام.. حبيت نسقسيكم انا راني دخلت الشهر الرابع وعندي كيس مع الصغير شكون صراتلها... خايفة يطرطق... ومرضت بلاقريب والسعلة جات فوووور حتى هبطلي كلش للولادة الصغير والخواتات والكيس هههه زهري وقبل هاذي فارقت... راني مخلوعة مالكيس والفراق... شكون دارلها وراح وحدو..قالتلي الطبيبة لازملك الراحة روبوزي قدماتقدري ماتنوضيش عشريام.. ومع ثلث ولاد مانوضش؟؟؟؟ مستحيل... هاذا يخبط فهاذا والخريب.. هههه راني فدارنا حتى الما ماقدرتلهمش كرهت وهو شابع رقاد والله ماسامع بيا

العضوة: 1427795 , 3 years ago

واقيلا الراقد كثر من النايض.. ههه زعما رقدتو كااااامل وحدة ماهي ساهرة..؟؟؟

العضوة: 1416270 , 3 years ago

واش من شهر راكي فيه ؟؟؟

العضوة: 1458541 , 3 years ago

@user-1427795 حتى انا في حملي الاول كان عندي كيس مع الجنين و في الشهر السابع راح وحدو متخافيش ميأثرش على البيبي .. الله يكملك بالخير ختي

العضوة: 558811 , 3 years ago

ختي ربي معاك نشالاه يكون كلش لباس متتقلقيش وخلي ثقتك في ربي كبيرة

العضوة: 1427795 , 3 years ago

يعطيك الصحة ختي ياك تعرفي كل وحدة واش تقول.. تعمر راسي مالهداير تاهم حتى ولالي هاذ الكيس وسواس... وحدة تقول ابيراسيو فالسابع ووحدة قادر يطرطق وتفارقي.. ووووو.... خليتها على ربي سبحانو وخلاص... عندو حكمة فكل شي ديرها...

العضوة: 1427795 , 3 years ago

انا كي ندخل مانلقى حتى وحدة... نقول نحكي شوي نحي على خاطري تزيد تحكمني الغمة سيرتو كي نكتب وما تريبوندي ولا وحدة هههه... ومغسي على كلامك الوحدة لازم تاخذ وتستفاد مالتجارب تاع الناس نفسيا نستراح...

العضوة: 1427795 , 3 years ago

الله يهديك يا ختي ليس كل مايتمنى المرء يجده... هاذي حاجت ربي... سبحانو.. راكي غالطة افرحي بالصغير مهما يكون نوع الجنين... انا بالكرش الثالثة راجلي مافرحش بللطفلة كان حاب طفل ماحبش يعطيني نكسيها شريت من قورمات بعتها.. والله وتشوفي ضرك في عمرها ثلث سنييين هي المفششة والمدللة تاع باباها واحد مايمسلو فيها... حتى ختها وخوها ولاو يقولو لاه ابي يحب ريتال خير منا ههههه احمدي ربي كاين ناس ماعندهمش لولاد بالصوارد وماقدروش يجيبوهم.. اختي 18 سنة زواج وماعندهاش... ادعي ربي تخرجلك صحيحة لاباس عليها... مابيها حتى مرض.. ختي الصغيرة بنتها زادت بقلبها مثقوب عندها سمانتين برك وراهي تقول الحمد لله هاذي تاع ربي..... وخطرة خلاف زيدي جيبي وربي يرزقك نشالله بطفل... ماديروش التفرقة...

العضوة: 1448122 , 3 years ago

مرحبا

العضوة: 1458541 , 3 years ago

@user-1448122 اهلا كيراكي حبيبتي