المواضيع

بنات بلادي الجزائريات 🇩🇿🇩🇿 ارواح هنا
384263
منذ سنتين
  • المرحلة الثانية (الأشهر 4,5,6)
5291 تعليقات
حوامل ابريل الحمدالله على سلامتكم كامل وش بيكم رجعتو متدخلوش كامل غلبتكم التربية ربي يقدركم وصحا رمضانكم ربي يقدرنا على الصيام والقيام

5291 تعليقات

العضوة: 1295248 , منذ سنتين

رحت للطبيبة وقالتلي الحبل السري داير على راس الجنين خفت السيزاريان شكون كانت هكا وولدت نورمال

العضوة: 525857 , منذ سنتين

مليح يهبل بصحتو البيبي وان شاء الله تشوفيه بخير عجبني ضرك نشوف اذا عندنا حنا

العضوة: 1384487 , منذ سنتين

اخر دورة 24 افريل راني في أول اسبوع من الشهر االثامن ربي يكملنا علي خير نولدو أو نسلكو

العضوة: 384263 , منذ سنتين

@user-1295248 متلعبيش بروحك كامل بلاك تولدي نورمال لازم سيزريان علبالك قادر يضيع لبيبي في أي دقيقة وحتى إذا ولدتي نورمال يخرج مش طبيعي بيسك الحبل خنقه

العضوة: 559749 , منذ سنتين

راكي كما انا إن شاء الله نكملو قبل متجي زيادة ههه

العضوة: 559749 , منذ سنتين

الحمد لله مبقالكش انا تان دك ندير نهار نخرج نشري ليكوش و ليبوند ليا حاشاك و شوية كوسميتيك خلاصولي

العضوة: 559749 , منذ سنتين

معناه راكي موالفا الولادة نورمال انا تان راني خايفة هدي الاولى تاعي

العضوة: 559749 , منذ سنتين

انا بومرداس خيار الناس .. مراناش بعاد تولدي فالسبيطار ولا كلينيك ؟ انا بداني خوف و بديت نحوس وين نولد

العضوة: 559749 , منذ سنتين

متستهزايش ختي و ابقاي تروحي لطبيبة مبقالكش وان شاء الله تيسرلك و تولدي بخير. المهم تسلكي انت و البيبي ميهمش بالعملية ولا لالا .. انا مجربتهاش بصح صعيب الحال الحبل داير على راسو تولدي عادي و ربي يسلكك بخير

العضوة: 559749 , منذ سنتين

@user-384263 صباح الخير ختي كيفاه راكي ريحتي من لاڨريب راكي مليحة شوية ؟

العضوة: 1295248 , منذ سنتين

بالعادة نولد فكلينيك بصح فيها غير الولادة الطبيعية وكي حالتي راهي هكا لازم نحوس وين عندهم بلوك خاطر ممطن نتحول سيزاريان فأي لحظة

العضوة: 1295248 , منذ سنتين

ايه بارك الله فيك على النصيحة

العضوة: 559749 , منذ سنتين

ابداي تحوسي من دك خلاص راكي وصلتي الوقت و تعرفي السبيطارات تاوعنا .. انا لاكلينيك و معرفتش شكون لي مليح كاين لي راه يقولي ختنوش تاع برج البحري

العضوة: 1295248 , منذ سنتين

ايه قالتلي عليها الطبيبة وتان هي اذا عندك كارت الشفا تجيك رخيسة بصح لازم تروحي قبل الاسبوع 35 انا عندي كارت شفا بصح راني فتت الوقت كي نولد فيها تجي غالية

العضوة: 1295248 , منذ سنتين

قالولي كاين وحدة فبومرداس بصح مانعرف كيفاه