اني احب الخطار هواي وما اضايق منهم ابد العكس احب يحجون وياي واحجي وياهم واسد الفراغ واحب اتهيأ لهم وارتب واخلي البيت بأحسن صورة بس باجر راح تجيني وحدة من كرايبي وهي بصراحة من النوع لــ كلش نحس وتنتقد تقريبا ما يعجبها شي 😂 تدخل وتفتح الثلاجة والكنتور وتفتر بالبيت وتبات ايام واحيانا احس من نظراتها او تعليقاتها وكأنها تدقق بكلشي والأمانة تنكال هي كلش كلش نظيفة يمكن بشكل ماينوصف ولهذا احس مهما انظف وارتب بعيونها اكو شي ناقص واكثر الاحيان تذبها بالوجه حتى الاكل من اسوي لها مرات ما يعجبها واذا عجبها شي تريد كلشي يكون بيرفكت 😂 المشكلة مو بيها وحدها المشكلة شلون اتعامل ويا هالشي من البارحة واليوم ضليت انظف لدرجة نزل ضغطي وشديت كالونة وبعدني مو مرتاحة واحس باجر راح انجرح من تعليق او انتقاد منها او ضحكها واني اعرف بعقلي انه هذا الموجود و مستحيل ارضي شخص مهما سويت اذا هو اصلا معاييره غير عن معاييري بس شلون اقنع عقلي بهالشي واهدأ شلون اطنش وما ظل اذب حيلي واحس لازم كلشي يكون Wow perfect لو انتن بدالي شلون تتجاوزون هالقلق والحيرة؟ اريد استقبلها واكعد وياها طبيعي واستمتع باللحظات مو ابقى طول الوقت اراقب البيت وانتظر شنو راح تنتقد وبشنو راح تحرحني وشوكت راح تجيب العيد 😭😂 خصوصا هي بالنهاية قريبة مني وما اريد تتصادم مع زوجي لانه زوجي مثلها اذا واحد جاب العيد يجيب العيد واني ماريد انحرج بينهم اخجل