العضوة: 1690343 , منذ 14 ساعة

له اكثر من طريقه وكلها تعطي نكهات مختلفه عن بعض افتحي تيك توك وتلاقين طرق كثيييره جداً اهم شي الدجاج يكون طازج مو مجمد ، غسليه ونظفيه وحطي معاه شوي خل و ليمون عشان الزفره تروح الطازج طعمه يفرق 100٪ في اي اكله انا طريقتي بقدر الضغط كشني وحاولي تاخذين راحتك بالتكشين احمسي بصل ولما يصير ذهبي حطي فلفل رومي و ثوم يحمسون شوي مع جزر مبشور اضافي اذا بغيت وبعده معجون طماطم و طماطم مفروم وقلبيهم شوي حتى تتكشن وتطلع ريحة الكشنه وحطي شوي بهارات مثل ماجي وغيره اذا تسبكت حطي الدجاجه ، انا احط اضافي بطاطس مقطع واقفل عليها بدون ضغط اخليها 10 دقايق بس مع مويه واذا خلص احط الرز المنقوع فوقه واخلي المويه تقريبا 1 الى 2 سانتي فوق الرز على حسب نقعته واحط باقي البهارات مثل بهارات الكبسه او الكمون والملح واحط اذا بغيت خضار مثل كوسه وغيره بس يكونون مقطعين كبار اضغط عليهم ، واول ما يصفر اقلل النار على اقل شي واحسب 10 دقايق وتصير جاهزه سهله وسريعه ، تقدرين تحطين الي تبغين وتكنسلين الي تبغين انتي حره صدقيني كل وحده بالسعوديه كلها لها طريقه كبسه تختلف عن الثانيه حتى انا وامي طرقنا تختلف 😂 مع الوقت بتلاقين نفسك مبدعه فيها وصراحه الكبسه تفك ازمه سريعه وما يبغالها وقت كثير وحتى لو مافي اغراض كثير بتضبط 🤍 ومثل ما قلت تيك توك مليان طرق كثير جدا وكل وحده لها نكهه تختلف عن الثانيه